تجمع طـالبـات | الــــشــــريـــــعــــة | - الجديد

[فـوووشية]

بنات الاجزاء اللي نحفظها شنو هي عشان نحفظها من اللحين
ولا كل دكتور على كيفه ،،
بليز بنات ابي الجزء والنص مال اول سنه

 

[احساس قباني]

بنات عندي سوال دراسه الشريعه لها اجر ؟
هالسوال يدور فبالي منزمان ومادري اسال منو

 

[فـوووشية]

اي دراسه سواء كانت شريعه او غيرها تعتبر طلب للعلم ولها اجر ان شاء الله

 

[احساس قباني]

اي دراسه سواء كانت شريعه او غيرها تعتبر طلب للعلم ولها اجر ان شاء الله

حبيبتي مافهمتيني بغض النظر عن طلب العلم بشكل عام له اجر
سؤالي دراسه الشريعه خصوصا لها اجر ؟

 

[فـوووشية]

ان شاء الله لها اجر لانج راح تحفظين القران وتفهمينه وتفقهين بالدين
وخلي بنيتج انها خالصه لوجه الله

 

[فـوووشية]

بنات الاجزاء اللي نحفظها شنو هي عشان نحفظها من اللحين
ولا كل دكتور على كيفه ،،
بليز بنات ابي الجزء والنص مال اول سنه

ماجاوبتوني ؟؟؟؟؟؟؟؟؟

 

[أم_فلان_الفلاني]

بنات من اليوم صرت زميله لكم بالكلية

 

[فـوووشية]

وانا بعد الحمدلله طلع قبووولي

 

[فـوووشية]

بس محد رد علي شنو الاجزاء اللي بالقران نحفظها

 

[~ طـــواري ليل ~]

فوشية & خريجة أدبي

عالبركة القبووول حبايبنا
بتنورون الكلية
والله ينفعكم وينفع فيكم يا رب : )



بخصوص الحفظ فوشية :
راح يعطونكم مقرر تجويد١ إلزامي أول كورس

١٠ درجات بيد الدكتورة ( على حضورج + تسميعج ويشمل التلاوة بتجويد والتجويد مو لازم الصوت حلو، التجويد اهو النطق الصحيح للكلمات ومخارج الحروف والاحكام التجويدية + اختبارات قصيرة اذا الدكتور يعطيكم )
٣٠ مديتيرم فصلي ( تسميع تحريري على ورق تقريبًا نفس الثانوية من آية كذا إلى كذا + اسئلة دروس التجويد وسهل لا تحاتين )
٣٠ اختبار اللجنة ( يسمعون لج على اخر الفصل بالمقرر كله تسميع شفوي )
٣٠ اختبار فاينل ( نفس طريقة الفصلي )

هذا توزيع الدرجات عشان تكونين على بينة

مقدار الحفظ :
أولاً اهو موجد للجميع عند كل الدكاترة، وهو حفظ جزء ونصف ( من الفاتحة - وتبدون من أول البقرة إلى ص ٣١ )





نصيحة مني للكل وخصوصًا مستجداتنا الغاليات :

* أولاً أنا ولله الحمد والفضل طلعت من هالمقرر بـ A عند د. مريم النومس
ومعروفة الدكتورة مو بالساهل تأخذون هالقريد عندها .. وتلاقون درجات البنات على مكتبها الأغلبية F - D

وعشان أصدمكم بعد
طول الكورس ما حفظت !!

^^ هالكلام ما أقوله عبط والا استخفاف والا مدح بنفسي او شيء، الله يعلم بتقصيري ويعلم بنيتي .. يا حبايب اللي بوصله لكم إني حصلت على هالقريد من نصيحة من وحده من البنات جزاها ربي خير وبقولها لكم وشلون طبقتها .. ولولا عملي بهالنصيحة، جان ما خذيت الـA وأنا أعلم بنفسي ..

أنا ريحت نفسي شسويت ؟
قبل لا أسجل هالمادة حفظت المقرر كامل بالعطلة .. وبعدين سجلت المادة وارتحت طول الكورس، بس اراجع حفظي وبعدين اروح اسمع للدكتورة


ودامكم معطلين واحنا برمضان، بلشوا من الحين سووا خطة للحفظ على حسب قدراتج!
توضي وقعدي بطلي المصحف وأول وجه من سورة البقرة احفظيه شوفي جم ياخذ من وقتج ؟
عقب ما تخلصين راجعيه دايمًا، اليوم اللي بعده بطلي الوجه الثاني ( أطول من الأول ) .. وحاولي تحفظين، وخلي لج زمن معلوم ( يُفضل نص أو ثلث ساعة عشان ما تملين من اولها ) وشوفي قدراتج جم تقدرين تحفظين بهالوقت ؟

ربع وجه ! نص وجه ! وجه كامل

ها جم اللي يناسبج ؟

نصف وجه مثلاً
^^ خلاص الحين انتي حددتي الزمن وعرفتي الكمية اللي تناسب قدراتج للحفظ
ف الله يجزاج خير ويعينج على طاعته التزمي بفترة ( وقت ) محدد من يومج للحفظ ( مثلاً من بعد صلاة المغرب ) خلاص كل يوم بهالوقت تحفظين لو شنو ما صار لا تأجلين ولا تتكاسلين ..

الزمن : ٢٠ - ٣٠ دقيقة < انتبهي مو اقل من ٢٠ دقيقة .. ولا أكثر من ٣٠ دقيقة .. !
الكمية : ........ < يعتمد على قدراتج، ناس تحفظ نصف وجه ( ٧ اسطر تقريبًا ) وناس تحفظ وجه ( ١٥ سطر )
الوقت : ........ < براحتج إنتي حددي، وانتبهي انج راح تلتزمين بهالوقت ولا تتأخرين عنه

ويُفضل تستمعين لشيخ مُتقن عشان احكام التجويد تعرفين شلون ينطقها ..
ودايمًا راجعوا راجعوا راجعوا .. خلاص انتي حفظتي وخلصتي !
شالفايدة اذا يضيع حفظج عليج!

ف دايمًا يا حبايب راجعوا عساس ما يتفلت منج حفظج ويضيع عليج

وأنا أقولكم من الحين والله والله والله سهل بس يحتاج عزيمة وهمة والقرآن مُيسر واحتسبي بحفظج الأجر ؛) .. واللي تحس إن صعب عليها خل تحاول تشترك بمركز مع صحبة طيبة تعينها عالحفظ ..
وماكو منطقة ما فيها مركز أترجة أو دار قرآن

شيء ثاني يساعدج على تثبيت الحفظ .. لما تصلين الوتر، صلي بحفظج الجديد .. مثلاً اليوم حفظتي الوجه الرابع .. راجعيه بينج وبين نفسج .. بعدين لما تجين بتصلين بعد الفاتحة ابدي بالوجه الرابع ( حفظج ) عن غيب طبعًا .. وخلي صوتج مسموع تقدرين تسمعينه وحاولي ترتلين < مثل المشايخ شلون كانوا يصلون فينا القيام أوالتراويح برمضان جذي يعني
حتى إنتي بتحسين ب احساس عجيب وتتشجعين .. وتعرفين وين اخطائج بالحفظ ف تراجعينها بعد الصلاة


^^ تكلمت وهذرت حييييل
لكن والله اهي نصيحة واللي بتسويها صدقوني ما يمر شهر الا واهي حافظه المقرر كله كامل ( اذا تحفظ باليوم الواحد وجه ) ..
وانا استفدت حدي منها .. ومع ضغط المواد اللي خذيتهم الكورس اللي طاف كان التجويد سهل عندي وما احاتيه ولا ادرسله


والمقرر ممتع حده كله عن القرآن كلام ربي .. وصدقوني كل ما عظمتي قدر القرآن بقلبج كل ما ربي بيسهله عليج وييسر لج حفظج وفهمه والعمل فيه ..
أهم شيء لا تخلين التجويد مادة ! .. عشان درجات وبس ! .. لا حاولي تستفيدين من المقرر .. بعد ما تخلصين المقرر ويخلص الكورس مو تنتهي علاقتج مع القرآن ! لاااا زيدي من علاقتج فيه وواصلي احفظي ..


والله يفتح عليكم وينفع فيكم وييسر لكم يا رب

آسفة عالمساحة الكبيرة

 

[~ طـــواري ليل ~]

وبعد شغله ثانية
اللي ما تابعت برنامج مسافر مع القرآن للشيخ فهد الكندري .. خل تتابعه بفترة حفظها .. تتشجع اكثر وتكون همتها عالية إن ربي سخرلها كلية الشريعة اللي ب تكون بوابتها او طريجها الاول بحفظ القرآن كله .. ف راح تحب مقررات التجويد ويزيد حرصها عالحفظ والإتقان



شغلة أخيرة
الكلية يسوون حلقات لحفظ القرآن كل كورس ( صارلهم كورسين مبلشين وبإذن الله يستمرون ) ..
حلقة س ١٠ الصبح ( اظن كل ثلاثاء )
حلقة س ١ الظهر ( كل اثنين )
حلقة س ١ الظهر ( كل أحد )
حلقة س ٩,٣٠ الصبح ( كل اثنين )

^^ تقريبًا هالاوقات كانت ثابتة لثلاث حلقات السنة اللي طافت بالكورسين ..
وإن شاء الله ما تتغير اوقاتهم ..

المشرفة وحدة من بنات الكلية تختارهم لكم جمعية الشريعه .. وتكون البنت عارفة وملمة بالتجويد .. تصحح لج وتعلمج على اخطائج اذا فيه .. وتسمع لكم حفظكم .. ومعاج طبعًا بنات بالحلقة
منها اجر مجلس ذكر + صحبة صالحة + تثبيت لحفظج ومراجعه ..


وبس .. دوختكم

 

[فـوووشية]

حبيببتي طواري الليل والله سويتي فينا اجر مشكورة وماتقصرين
وانا اساسا كانت راح اتبع هالطريقه خالي علمني عليها وهو اخر سنه بالشريعه
وماشاء الله عليه حفظه ممتاز وكان يتبع هالطريقه وانا راح اسويها
وان شاء الله ربي يسر لنا الحفظ ويجعل القران ربيع قلوبنا

* الله يوفقكم بنات ويسر دربكم ويشرح صدوركم
اللهم امين

 

[نور المطيري]

مبرووووك القبول فوشيه خريجه أدبي ربي يوفقكم

بصراحه مآ قصرتي طوطه كلامج فادني وبطبقه بعد لأني ماخذت تجويد للحين


بس ان شاء الله باخذه حتى رفيجاتي ماشاء الله يحبون مقرر التجويد و قريداتهم


aتبارك الرحمن مشكوره طوطه مره ثانيه واستانس لاشفت لج رد ??وموفقين


بنات الشريعه بتنور بوجودكم ?❤

 

[فـوووشية]

منووووره فيكم حبايبي

بنات اي وحدا عندها نصايح انا استقبل
او معلومه نبي نستفيد ...

 

[~ طـــواري ليل ~]

^^ حبايبي فوشية ونور

اللهم آمين ..
والله يوفقنا وياكم يالغاليات، والعفو ما سويت شيء

جزاكم الله خير أنا استانس بتواجدكم العطر

 

[~ طـــواري ليل ~]

منووووره فيكم حبايبي

بنات اي وحدا عندها نصايح انا استقبل
او معلومه نبي نستفيد ...

اي والله محتاجين نذكر وننصح بعضنا :eh_s(7):
وياليت يتواجدون باقي بنات التجمع عساس يفيدونا

 

[نور المطيري]

اي والله البنات حدهم غآطين ومن زمان عن ورور اشتقت لها

انا من نصايحي لكم أبدوا من اول يوم جد ودراسه واستفيدوا كونكم جامعيات


وباحلى كليه علم شرعي يبيله صبر ويبيله وحده تسال انا الحين صرت اسال اذا مافهمت شي قبل اول ماخذيت مواد شريعه كنت استححححححي بالغصب اقول نعم وقت الحضور الحين تطورت اللي بوصله لكم سألوا واستفيدوا دكاترتنا ما يقصرون وعلى طاري الدكاتره وجذي أنصحكم لا تسمعون من البنات كل شي ترا كل وحده لها نظره وكل وحده واجتهادها سالي بس مو تعتمدين ع كلامهم وانتوا الحين موادكم إجبارية اهم يختارون لكم بس عقب انتوا تختارون نصيحه قبل لا تسجلون الا لمن تستخيرون قبل رفيجتي تنقد الحين صايره تستخير ووقت البريك احضروا استماع استفيدوا وهالله وهالله بالدراسه اول بأول راح ترتاحون هاذي نصيحتي لكم وان تذكرت شي بقولكم شريعيات ???

 

[فـوووشية]

بنات ما دزو لكم مسجااات

 

[فـــخـــر]

مع اني حوّلت لكلية ثانية بس اشتاق لـ شريعة وجوها : (

احسن دكاتره وطالبات وكلية ..

موفقين يارب :*

 

[أم فلان الفلاني]

السلام عليكم
بنات انا معاكم بعد بالشريعة
بنات اللي موعد تسجيل الجداول وتسليم المواد مبجر
تقول لنا شنو الجداول الموجوده لو ما عليكم امر