:eh_s(16):
عذاب نفسي
بس شوفي والله والله .. ما على الله شي بعيد
أهم شي الصبر بالرجيم .. ودايما وانتي تصلين أدعي الله انه
يثبتج ويصبرج ويقوي عزيمتج .. وحطي لج هدف ( واقـعــــــــــــي )
يعني مو تقولين خلال أسبوعين بنزل 7 كيلو .. لانه وايد واذا مانزلتي راح تتضايقين
واللي ينزل بسرعه يرجع بلمح البصر <== عن تجربة :eh_s(11):
روحي الطبيب وسوي تحاليل هذا شي
الشي الثاني احنا تقريبا تونا في بداية السنه
قسمي وزنج
شهر 4 تنزلين 7 كيلو = 103
شهر 5 تنزلين 7 كيلو =96
شهر 6 تنزلين 7 كيلو = 89
شهر 7 تنزلين 7 كيلو = 82
شهر 8 تنزلين 7 كيلو = 75 <== وناسه يصادف عيد الفطر
شهر 9 تنزلين 7 كيلو = 68
شهر 10 تنزلين 7 كيلو = 61
شهر 11 تنزلين 7 كيلو= 54
شهر 12 تنزلين 7 كيلو = 47
على حسب طولج يتحدد الوزن ..
كل شهر تنزلين فيه كافئي نفسج على هالانجاز ..
نفنوف راقي / جنطه ماركه / عطر مع مجموعته يعني شاور جل ولوشن والعطر الخ ..
/ ميك آب / خاتم الماس او ذهب ابيض / نظاره شمسية / مساج / ساعه / تحجزين برنامج
العروس مثلا بـ صالون كشخه وشغله يمدحونه أو أنتي تحددين الاشياء اللي تبينها
وتصير كأنها برنامج / تتريقين بمطعم راقي او فندق مع أعز رفيجاتج او خواتج /
تحجزين جلست ميزوثرابي لشد الجسم أو نحته /
في أشياء وايد تقدرين تكافئين نفسج فيها ودايما قولي أنا أستاهل والغالي للغالي
فهمتي قصدي .. وأهم شي خليج ع السايلنت يعني لاتقولين حق أحد مسويه رجيم
والله عن تجربة من يدرون اني مسويه رجيم تبتدي التعليقات ويبتدي الكلام اللي يحبط
بس وع شناويه تختفين / حلات البنت مربربه مو عصاقيل تمشي
( مع اني مو معصقله وبنفس الوقت مو متينه )
/ شوفي ويهج / شوفي وشوفي وشوفي لين لوعوا جبدي :eh_s(4):
الحين ان قالولي دميرا ضعفانه مسويه رجيم ؟ أقولهم لا على أكلي اللهم خففت الفطاير والخبز
عاد صج انا مخففه من الخبز ومسويه رجيم
ومع الرجيم اخذي فيتامينات
ترى صحتنا اغلا ما نملك ..
صحتج تاج راسج اذا بتحافظين على بيتج لازم صحتج تكون ok
ودايما تذكري السمنه ماوراها خير .. ماوراها غير الامراض الله يبعدنا عنهم
وعدم ثقه بالنفس .. شدي حيلج وصبري وطولي بالج .. ودايما حطي في بالج الرشاقه
وانج قدها .. ضعفي عشان نفسج مو عشان زوجج واستمتعي بحياتج العمر نعيشه مره وحده
ماله اعاده ولا بروفه ..
