تجمع غزآله بعد العيد { للعصاقيل بس

[@الــزيــن@]

ضواهم مو جذيه شوي شوي هلى البنت
بس بيني وبينج زين تسوين فيها حرتني ما تاكل وجبه رئيسيه
زينه ترا ننصحج من حبنا لج
برب بروح اصلي
مسلسل عاصي لاهني عن الصلاة الله يلعن ابليس

 

[زينــة]

هههههههههههههههههههههههههههههههههههههههههههه

ابشروا عماتي <<<<خافت

بنااات ترى والله قاعده اكتب لكم وانا اقول يووو اليوم ماشاء الله علي اكيد بيقولون شجعتينا خخخخخ

المهم ضحكتوا العذال علي <<<ابدن ماتقصد خواتها

بس ان شاء الله بحاول اعدل اكلي <<<<حسستوني اني ما اكل شي

 

[غزالـــQ8ـــه]

مبرووووووك نوووووووووور انجاااااز حبيبتي

ننطر باجر باجي البنات


انا صايمه وتسحرت هوت دوق صمونتين

وكليت كاكاو

وشربت مشروبي



تدرون بنات لما الوحده تمتن يصير ادمان الكاكاو

او انغث ماشتهي حلى واي شي جدامي

الحين افه بس اكل بهالكاكاو

 

[نور الضي]

الزين
شسوي؟
ابيها تمتن معانا
ومسلسل عاصي مسلسل تركي صح؟؟
شلونه؟؟

زينه
هههههه
عندنا وعندج خير
انا بعد خواتي يتطنزون علي ضعفي
وسوري اذا ضايقتج
ابي السبت الجاي تجيني زايده بكيلو

غزاله
انا مو حيل مع الكاكاو
احبه بس ما اكثر منه
والسوستاجين احس ان طعمه بروحه حلو
مدري ليش تقولون مو حلو
انا قبل كنت احطه بروحه مع ماي حار
والحين قاعده اشربه مع كيكه
:ggdw::ggdw::ggdw:
حدي متحمسه بهالتجمع
حاسه اني بوصل للنتيجه اللي ابيها
بس حتي لو اصل للوزن اللي ابيه
غزوله لا توقفين هالتجمع تعودت لي البنات
:0bee2e8d89:

 

[@الــزيــن@]

عاصي عجييييييب دام فيه توبا حبيته
حتى قصته حلوه
قاعد اشوفه على اليوتيوب

 

[نور الضي]

امبيه
المنتدي مو صاحي
علق جنني بالموت دخل
صار معاكم جذي؟؟

 

[زينــة]

عادي الزين - نووور ليش مكبرين السالفه ترى ما ازعل منكم عادي تمونون <<<دام السالفه فيها كم كيلوو خخخخ

انا للحين ادور اغراض مشروب غزاله من بدى رمضان وانا ادور الى الحين ما اكتملوا

وببدى فيه ان شاء الله

بس كم كيلوا تتوقعون ازيد عليه <<<قولوا واجد عشان اتحمس

 

[زينــة]

8
8
8
على طاري السوستاجين طعمه حلو

انا ما حصلت سوستاجين حصلت انشوور بس بالفانيلا

كيف طعمه تتوقعون بيطلع ؟؟؟

888
88
8

ماتلاحظون كله اسأل شنو تتوقعووون خخخخ

 

[@الــزيــن@]

اي اي ضواهم
رفع ضغطي
زيونه اعتمدي على الاكل امثر
وان شاء الله تمتنين وتوصلين للي تبين

 

[نور الضي]

هلا زينه
خلاص دام السالفه فيها كم كيلو وما تزعلين
بزفج كل ما صار اكلج خفيف<<مصختيها تري
المهم
السوستاجين متروس سعرات ومع النسكويك ونيدو وميلو اكيد راح يفرق وزنج
بس ها مع البلع
اما الانشور ما جربته
بس حتي اذ ما عجبج طعمه ما عليه تهون
تحملي لين تلاقين السوستاجين
تري مرات تحصلينه بالصيدليات
سألي يمكن تلاقينه

 

[@الــزيــن@]

ضواهم شنو نظامج بالاكل؟

 

[زينــة]

عجزت وانا اسأل في الصيدليات مع ان غزاله قالت لي انه مو موجود فالسعوديه وعطتني بديل له
بس كل ما رحت للصيدليه لازم اسأل عن السوستاجين وبعد اسأل عن البدائل له

 

[نور الضي]

الزين
يا زين كلمه ضواهم منج<<ساحت الاخت
لا صج احس ان الاسم حلو ضوووووواهم
المهم
نظامي سلمج الله
مو نظام معين
اول ما اقوم اكل الموجود
سواء غدا او ريوق
الاغلب غدا
وراه اخذ السوستاجين و قفشه عسل
والعصر اتسلي بكيك ولا هوت شوكلت ولا كريم كراميل مال دانيت
الخرابيط اللي عندي
العشا اتعشي مع اهلي
ومرات مطعم علي حسب
وراه سوستاجين
وعندي مكسرات شاريتهم من المطحنه اطق طق فيهم عشان السعرات
علي الساعه 1 الفجر تقريبا
اروح اسوي لي همبرجر واكلها
الاغلب اشرب سوستاجين 3 مرات مو مرتين
وكيك امريكانا وسرالي اسخنه واكله
المهم انه بين فتره وفتره لازم اكل شي حتي لو شبعانه
مو لين احس بالجوع
وانا علي طول اروح الجمعيه اعبي ثلاجتي
بالبطاط والهمبرجر و دانيت وبرد وعصاير وبطاط وككاو وكيك و اندومي ومعكرونيا وهالخرابيط
واشوه ان يم غرفتي مطبخ تحضير
ما اروح للمطبخ الرئيسي لانه برا وبعيد علي
وحاطه بالمطبخ ثلاجه و جوله و غلايه وشوايه وعلي طول رايحه وجايه
هذا اللي ساعدني علي الاكل بعد

وقبل لا انام قفشه عسل
بس صج العسل حيل فتح شهيتي خلاني افه وانا ما اقصر بعد

 

[@الــزيــن@]

دوووم يارب النفسيه الحلوه على الاكل
حلووو نظامج
لاخلصت صيامي بعدل نومي عشان اكل عدل
ديري بالج من الجوله>>> لها ذكريات سيئه فبالي

 

[نور الضي]

دوووم يارب النفسيه الحلوه على الاكل
حلووو نظامج
لاخلصت صيامي بعدل نومي عشان اكل عدل
ديري بالج من الجوله>>> لها ذكريات سيئه فبالي

امين
والفال لج عاد انا امي تحن علي ما عندج دوام صومي دينج
وانا اقولها ماشيه علي نظام بمتن
هههههههههههههههههه
وعلي طاري الجوله
انا مره انتبهت ان غاز الفرن مبطل وانا بشب الجوله اللي فوق
يوم انتبهت جان اطفي الغاز بكبره وافج الدريشه واركض لاختي
بغيت احترق مثل رقيه<<الي بطاش مطاش عرفتيها

 

[@الــزيــن@]

هههههههههههههههههههههههههههههههههههههههههه عاد رقيه
لا ديري بالج
خلج على ضعفج ولا انج تحترقين[/color]

 

[نور الضي]

عساها دوم هالضحكه
يارب

 

[@الــزيــن@]

يسلمو احرجتيني:ch12:

 

[غزالـــQ8ـــه]

انا صايمه لحد يسولف عن الاكل جدامي << شكو داشه


اي ضي حيلج بالمكسرات

اليوم كليت مال الرفاعي حده لذيذ ويمتن

حلوو لايطوفكم مكسرات داخل نفيش بالعسل يم يم

 

[غزالـــQ8ـــه]

نور ماتشوفين شر الحمدلله على سلامتج

بنات قلنا امتنو مو انتحروا