تجمع قروب(والله وتحقق منايا) لمده 3 اشهر من 90 الى 70 كيلوو

[manarah]

انا وصلت ... حياني الله

شخباركم بنات ...
خشوفه لا تتضايقين كل شي ولا زعلج ومثل ما قالت جنى التمسيلهم العذر ولو انا منج اطرشلهم مسج واقولهم ادعولي والله يرزقج انشالله بعمره ويرزقني وياج امييييييييييين

انا الحمدلله ماشيه عالرجيم بنسبه 85 بالاميه لاني كل يوم اكل قطعه كاكاو صغيره وانا ادري اني مو ويه كاكاو كل اسبوع ما اكله ووزني يثبت فاشلون هالاسبوع ( الله يستر) ... واليوم تعشيت حبه كبه بطاط وحبه خبز عروق وحبتين صغار فطاير فحسيت الاكل وايد ومو مال رجيم بس سماح صديقاتي ... سوري ماكو صور قمت انسى والله وما اتذكر الا امخلصه نص اكلي بس ما عليه خشوفه امبدعه بالصور ماشالله عليها

 

[manarah]

اييييييييه ونسيت اقولكم قمت اشرب ماي الزعتر هئ هئ هئ طعمه ماراح اتكلم عنه بس ولدي لما شافني اشربه وشاف التعابير اللي على ويهي قاللي ماما اشفيج يعني ما يحتاي اشرح .. بس انشالله بفايده

 

[shams2008]

شلونكم بنات

حدي تعبانه مادري اشفيني ماني قادره اكتب

اهو عوار قلب ومعدتي ورجفه موطبيعيه
ان شاء الله باجر اكتب لكم

باااااااااااي

 

[جنان2006]

 

[جنان2006]

صباح الخير والفرح والسرور
اشلونكم بنات عساكم بخير؟؟؟؟
أمس ماطولت معاكم عقب آخر رد لي نمت عالكيبورد


جنى

حياتي هلا وغلا فيج ياقلبي تسلمين
طولي بالج ولايضيق خلقج وان شاء الله مافيج إلا العافية والحمدلله على كل حال
والله يعافيج يااااااااارب



خشووووووف

الله يعطيج العافية يارب هونيها وتهون ان شاءالله و انتي معذورة ليش انج بغربة وبعيدة عن أهلج وكلام جنى صح ماشاءالله كفت ووفت

وعذري بنات خالتج يمكن ماحبوا يضايقونج بشي وانتي مو معاهم وعسى ربي يرزقج بعمرة قريب ويسخرلج أخوج ويحنن قلبه عليج ولا يغير عليكم ويردكم بالسلامة ان شاءالله

وزين سويتي كل ماحسيتي بقمتة اقري قرآن عشان تهدى نفسج اشوي وكثري من الاستغفار وعسى ربي يوفقج ويريح بالج

وعليج بألف عافية ان شاءالله


منوووره

هلا وغلا حياج الله يالغالية
بخير وعافية انتي اشلونج؟
وعليج بألف عافية ان شاءالله
وإذا على قطعة ككاو صغيرة ان شاء الله ماتأثر وشربي وراها جاي أعشاب
وان شاءالله تنزلين على ماي الزعتر بعافية يااااارب وانا مو متجرأة أييبه لأنه أدري ماراح أتقبل طعمه



شموسة

هلا وغلا وماتشوفين شر ان شاءالله خليج مرتاحة وناطرين اطمنينا عليج قلبي

 

[جنان2006]

تريقت : 3تمرات + حليب خالي الدسم

 

[ضحكة بريئة]

صباح الخير
على احلى قروب

 

[الحــــالمة]

صبااااااااااااااااااااااح الخير والود والحب

شلونكم بناااااااااااااااااات؟؟؟؟

 

[الحــــالمة]

خشوووووووووووووفة

ما عليه

انتي مساااااااااافرة ومتغربة عشاااااااااااان جذي متضاااااااااااااااااايقة

اختي كانت نفسج اول الاياااااااااااااام بعدين لقت لهاااااااا صديقاااااااات

واستانست معااااااااااااااااهم ودرست بره خمس سنين والحين تقووووول مشتااااااااااقة

لاياااااااااااام الجامعة

نصيحتي خشوف شوفي لج صديقااااااااااات من الجامعة

تسولفين وتضحكين معااااااااااااااااااهم

 

[الحــــالمة]

شلونكم بنات

حدي تعبانه مادري اشفيني ماني قادره اكتب

اهو عوار قلب ومعدتي ورجفه موطبيعيه
ان شاء الله باجر اكتب لكم

باااااااااااي

سلامتج شمس

ما تشوفين شر

:aha:

 

[الحــــالمة]

اييييييييه ونسيت اقولكم قمت اشرب ماي الزعتر هئ هئ هئ طعمه ماراح اتكلم عنه بس ولدي لما شافني اشربه وشاف التعابير اللي على ويهي قاللي ماما اشفيج يعني ما يحتاي اشرح .. بس انشالله بفايده

واااااااااااااااي صج طعمه مو حلووو

خصووووصا التركي

لما اشربه احس

باللوعة

 

[الحــــالمة]

تريقت : 3تمرات + حليب خالي الدسم

عواااااااااااااافي على قلبج جناااااااااااااااااني

 

[*MiSs.MoOn*]

السلام عليكم ورحمة الله وبركاته

كيفكنم يا جماعة الخير

مبروووووووووك جنان الف الف مبررررررروك

وسوووووووري على التأخير <<<<دايما متأخرة

...وليييييييييييييييييييييييييييييييييييييه وزني مو مع الناس انا رسلته بوقته


بس اظاهر ما وصلك...(الله يسامح المنتدى)

المهم هو ما تغير 67 على حاله

رجيمي فطوور محترم
غداء رجيم معتبر
عشاء على حسب المزاج^^


ومشي ساعة او نص وركض على الدرج 10 مرات <<<<ملتزمة فيه

بنات ابي اشكيلكم شغله انا بسبب اضعف زنزدي ترهلت شسوي ؟؟؟شلون اشدها

لااااااااااااا احد يقولي عملي تمارين لاني عملت تمارين بالاثقال ولاسف تمدد جلدي وصار عندي تشققات لونها احمر<<<< شلون اعالجها؟؟؟

 

[جنى q8]

صبااح النووور ع احلى خوااات بالدنيا
جنان وشموسه عاايشه وخشف والحالمه ومناااره هلا والله حياج ربي يالغاليه

للحين ما اكلت شي
اليوم قعدت من النوم سيده ع المطبخ :ada:عندنا زواره بيت اخوي
رحت طبخت مرق لحم وابوي راح يودي السمجه حق الريال ينظفها
عشان اتبلها واحشيها ويوديها للخباز
وامس باليل لفيت ورق عنب
فتخيلوا غداي انتوا شنو ؟؟

بآكل جم حبه ورق عنب وقطعه لحم بدون عيش وسلطه والله كريم :tongue22:

ودي اطبخ جم طبخه واطلع ابداعاتي لهم بس اخاف انا اطب بالاكل <<< نحيسه ما اسوي لهم شي
عشان انا مو مشتهيه لوووووووووول

 

[جنان2006]

ضحكة

صباح الورد والفل هلا وغلا


حلووومة

صباح العسل هلا وغلا والحمدلله بخير وعافية انتي اشلونج؟
والله يعاااافيج ياااارب


عايشة حياتها

وعليكم السلام هلا وغلا
الله يبارك بعمرج وحياتج ان شاءالله يزاج الله خير
وان شاءالله تنزلين أكثر الأيام الياية بعافية

وبالنسبة للزنود والله ما أعرف غير التمارين ان شاءالله البنات يفيدونج ياقلبي

 

[جنان2006]

جنى

صباح الورد والفل والياسمين هلا وغلا

الله يعطيج العافية ياااارب وتسلم إيدج عالغدا

ولووووووول ضحكتيني على سالفة ودي أطبخ جم طبخة بس ماودي عشان مومشتهية ===> جنج انا أختي تحن علي من زمان على طبق حلو والله يمكن صارلي أكثر من سنة مو مسويته ومقاديره واااايد وكله أقولها لم أخلص رجيم ههههه وأخوي بعد يحن على جم شغلة وأقولهم بعدين باليوم الفري أو لم أخلص رجيم

وعوافي على قلبج مقدماً

 

[جنى q8]

حبيبتي جنونه بعد شسوي

اخاف انا الي اكل
اخوي كل يقول ابيج تسوين لي حركات اليوم <<اذا قال حركات يعني يبي غير المعتاد انا اقوله وليييه لازم يعني ماعندنا شي اطلب لك من مطعم
لا اقوله تعبانه ولا عندي دراسه لوووول
مسكين كسر خاطري
واذا بنطلب معطم اقولهم لا يبا ليش تطلبون من بيتزا طلبوا فلافل احلى عشان ما اكل معاهم
بس انا الحمدلله الي مخليني التزم هو (( الحلف)) مثلا اقول اليوم حلفت اني ماراح اكل عيش او خبز وماراح اتعشى جذي التزم
عاد كل البيت عارف
ذاك اليوم دق اخوي علي بسس قلت الو ولا يصرخ يقولي لا تحلفين لا تحلفين قلت له ليش قال بيب فطاير شويخ وابيج تاكلين معاي قلت له ويييه حلف من زماااااااااااااااااان قالي اف خلاص سويلي بيض لووول مسكين
يالله تهون ان شاء الله

 

[جنان2006]

جنى

عساج عالقوة ان شاءالله والله يخليكم حق بعض ولا يغير عليكم
الله يتمم عليج الإرادة ويزيدج من فضله ويحقق لج ربي كل أمنياتج
وسوي مثلي إذا خاطرج بشي أو اخوانج خاطرهم يعزمونج أو ياكلون وجبة معاج قولي لهم نطروا يوم الفري

 

[يمامة]

انا وصلت شلون الرشيقات

انا اليوم اول يوم تمر ولبن اكلت 5 تمرات وشربت قلاص لبن

 

[جنان2006]

يمامة

هلا وغلا نورتي المكان
وعليج بألف عافية ان شاءالله ويارب ينزل وزنج عليه بعافية ان شاءالله