تجمع قروب(والله وتحقق منايا) لمده 3 اشهر من 90 الى 70 كيلوو

[يمامة]

انا تعشيت همبرجر +شوربه كوسا

 

[جنان2006]

مساء الورد:eh_s(17): على أحلى قروب اشلونكم عساكم بخير؟؟


يمامة

هلا وغلا انا بخير وعافية بوجودكم انتي اشلونج واشلون اليهال عساكم بخير؟
وعليج بألف عافية إن شاءالله ومايشوفون شر الحلوين ربي يحفظهم


مدرسة طفشانة

هلا والله اشلونج عساج بخير؟
والعفو ماسويت شي هذا واجب ونتشرف بتواصلج معانا وعليج بألف عافية ان شاءالله



أم عفاف

ماتشوفين شر ان شاءالله
يمكن راسج يعورج ليش انج سهرانة ومونايمة من أمس
وصاجة يمامة ارقي نفسج وداومي على أذكار الصبح والمسا وعسى ربي يحفظج من كل شر
ونوم العوافي ان شاءالله وهني وعافية ما كليتي


خشووووفه

مساء الورد
احنا بخير وعافية انتي اشلونج؟؟
وماتشوفين شر ان شاءالله وشربي سوائل دافية
وعليج بألف عافية ان شاءالله
وجان وسعتي صدرج معاهم عالأقل تغيير جو بس مالومج دام الحلوة امشرفة الوحدة مالها خلق تطلع


عالية الشان

ميخالف خيرة ان شاءالله وعسى الله يوفقج وتضعفين بصحة وعافية ياااارب



رسيل

أجمعين يالغالية ولو ماسويت شي تستاهلون الطيب



مناره

أجمعين يالغالية ماسويت شي تستاهلون أكثر
وعليج بألف عافية ان شاءالله


مس بتمبه

ميخالف خيرة ان شاءالله والله يوفقج وتنزلين بصحة وعافية ياااارب



سماء

هلا وغلا وعليج بألف عافية ان شاءالله وعساج عالقوة



أحلى عيون حلووووومه بنكية وينكم ؟؟

 

[جنان2006]

قبل الغدا بساعه شربت ماي

وتغديت : 2 بيض مفيوح + طماط وخس + ربع خبزة ايرانية + عصير برتقال

 

[shams2008]

هي بنات شلونكم عساكم بخير


يومي
نسكافيه 3ان 1

الغدا


كبابه ونص وجم حبه شيش طاووق وماعون سلطه


العصر يعت اكلت تفاحه


طلعت انا وبناتي رحنا مطعم لونوتر

طلبت كافيه لاتيه

واكلت مع بناتي شيبس وقطعه كلوب ساندويش

عطيت حق روحي يوم مفتوح بوجبه العشا

رحت الممشي

والحين بروح اخذ شور

وراجع لكم

 

[جنان2006]

شمس


هلا وغلا عليكم بألف عافية الطلعه وهني وعافية ماكليتوا وعساج عالقوة إن شاءالله

وناطرينج

 

[الحــــالمة]

هااااااااااااي صباااااااااايا

كيفكم اليووووووووووم

سوري

ما دخلت النت اليوووووووم

رحت المخيم

وما راااااااااح اكتب شنو اكلت

لاني حدي بدعت اليووووووووووم

وباجر ان شاء الله ابدي

رجيم التفااااااااااااااااح

 

[الحــــالمة]

بالعااااااافية

بنوووووتات

اكل الصحة والعافية

ان شاء الله

 

[الحــــالمة]

اليوووووووووم واااااااااايد مشيت

بالبر

ولعبت مع اليهااااااااال

حتى الوااااااااانيت صعدت معاااااااااااهم

وراااااا بالهواااااا الطلق

ونااااااااااااسة صج اليووووووووووووووم

 

[جنان2006]

هلا وغلا بحلوووومة

عليكم بألف عافية الطلعة وهني وعافية ان شاءالله وميخالف اعتبريه كسر لثبات الوزن وعسى ربي يوفقج برجيم التفاح وتنزلين عليه بصحة وعافية ياااارب

 

[جنان2006]

الله يعافيج حلووومة ماتقصرين

حدي دايخة ويوعانه

المغرب شربت جاي أخضر

والحين بتعشى : 4 شرايح اناناس + 1 كيوي + أفندي + لبن خالي الدسم

 

[manarah]

:eh_s(14)::eh_s(14): انا بعرف المنتدى شيصير فيه هالحزه ؟؟؟؟؟؟؟

المهم ... شخباركم انشالله بخير ..

عوااااااااااافي عليكم كلكم ..

يمامه وانا بعد اعيالي امرضى نزلات معويه وواحد ورى الثاني يستمرضون .. الحمدلله على كل حال وما يشوفون شر اعيالج .

الحالمه خوش طلعه الله يهنيكم واكيد بتاكلين ما يصير بر من غير اكل


وهذا عشاي



وعسى ما يعلق ويروح الرد

 

[خشف الرعآبيب]

باااك يااحلى صبايا

بعد معاناتي اخوي شافني اكسر الخاطر منسدحه ع القنفه ومتلحفه ولا يقولي امانه خل نطلع

وانا وجهي اصفر لا ماابي

تكفين ومن هالكلام قلت يلا خل اطلع اغير جووو

طلعنا وتمشينا عالبحر كله وماخلينا شارع يعتب علينا

اخير شي رحنا الافنيووو وليتنا مارحنا مصخره والناسي ماادري شلون صايره

قالي امشي تشيليز قلتله مابي

اليوم بخاطري ​

طلبت من شرمبي وجبة البحار اللي هي ربيان مع شوية شبس وخبزه كليتهم كلهم خبركم الحلوووه تجووع

وخصوصا اني مااكلت شي طول اليوووم

طبعا ماشربت لا بيبسي ولا شي

نزلنا بعدها ​

كنت ابي جاي اخضرمادري اللي خلاني اغير رايي شنوو ماادري :0bee2e8d89:

خذيتلي ​

هوت موووكا الحجم الصغير دفيت بطني فيه وخذيت قطعة كيكا بس ماكليت منها الا قطعه صغيره حيل حيل حيل

ادري اليوم خرتها شوي بس الحين قاعده اشرب ​

جاي اخضر بزنجبيل وكمووون

وبجذي خلص تقريري مال اليووووم

ولحد يزفني تراني تعبانتن وبطني للحين يعورني وماسكه نفسي ماابي اخذ بندول

ان شاءالله من باجر التزم واروح الممشى شوي احرك جسمي ​

 

[خشف الرعآبيب]

حبيباتي يااحلى قروب

انا حده حلجي تشقق من كثر ال​

تعبت وانا مغير اتثاوب حدي نعسانه بروح أنام​

تصبحووون ع خير

واحلام سعيده

وان شاءالله اشوفكم باجر مع يوم جديد

أحبكم يآأحلى خوات :tek:​

 

[خشف الرعآبيب]

8
8
8
8
ياربي متى زندي يصير مثل هالصوره اللي حاطتها خخخخخ:dddds:

====> كلن على همه ....​

 

[pink Engineerah]

بااااااااااااااااااااك احلى قروووووب

سامحوني قاااطعه بنتي حدها مريضه وانا حدي هلكااانه معاها ادعولنا حبيباتي

 

[ام عفاف الكويت]

باك
العشا كان بيضه مفيوحه بدون خبز وجاي حليب
وبعد الوجبه شربت شاي غصن البان
وايد مشى بطني

 

[أحلى عيون]

صباحكم عسل وقشطه لاحلى قروووب


حبايبي اسمحوا لي امس ما دخلت لانه تدرون رجعت من الحفله والله تعبانه



لو اقولكم شنو قالوا عني اهلناا بالحفله تدرون لاني ما طلعت من بعد 3 اشهر والله الكل انبهر والكل يقولي ماشاء الله لوك جديد وحماتي تقولي والله صايره تهبلين بس ما حبينا نقولج مرت حماي مسكينه جايه ركض تقولي اقري على نفسج البنات يقولون شلون ضعفت




والله امس كنت لابسه بدله ورديه وصايره بيبي والحمدلله اليوم رحت لمرت اخوي امس مااحضرت تقولي الكل يتكلم عنج واخواتي يقولون ارقي نفسج



الحمدلله انه جسمي طلع روووووووووعه تبارك الرحمن ولله الحمد والله يحفظني من العين يارب

 

[أحلى عيون]

امس الحفله اكلت 2 كباب وسلطه ملفوف مع سلطه خضرااا

وسفن اب


وكثرت اكثر شي شرب القهوه العربيه

 

[أحلى عيون]

اليوم :


ما قعدت الا متاخر ورحت عند اختي اعزمتنااا اكلنا مشاوي وبعدها رجعت وشربت شاي اخضر مع نعناع

 

[أحلى عيون]

بنات القروب العزيزات حلوه فكره الصور الي تنزلونها وبعدين حرام عليكم جذي تشهوناا على الاكل هههههههههههههههههه



بالنسبه للمركز الاول والثاني والثالث انا اشوف البنات موافقين بس انا راح اكثر شي اسوي العضوه الذهبيه والفضيه بس احسن شي شرايكم