السلام عليكم .. شلونكم امهات .. سر حياتي شلونج ياقلبي وشلون عيالج
سامحيني مارديت عليج .. انا ولدي مادخلته تقويه ولا انشطه .. كنت ناويه ودافعه واخر شئ هونت وان شااء الله خيره
وبالنسبه حق سوره القيامه انا ماسمعت خبر كلششش < لاني مو مسجله ولدي لوووول
ام مانع .... انا ولدي 1a واذا ولدج اهو مانع الي بصف ولدي .. فالله يحفظه ويخليه لج .. ماتتصورين شكثر احب هالولد بسم الله عليه
وبعدين ياحبيبتي يام مانع لاتشدين على الولد .. والله بعدهم صغار .. انا الكورس الي طاف ضغطت على ولدي حيييييييل الي كره المدرسه وكل يوم والله يبجي وبغيب .. والحين بديت اخف الضغط عليه حيييييييل والحمدلله اشوفه طخ وسكت .. مرات اتضايق ابيه يكون مستواه احسن من جذي ومابي اعوده ينزل مستواه على اي شئ ابيه توب توب .. ومافيه ام ماتبي ولدها يصير توب
ومرات اقول والله حرام صغير والحياه مو كلها مدرسه وحفظ .. واذا اهو واجه صعوبه وتعب والله مو منه جزاهم الله خير الي ماشين بهالمناهج ومستواهم زين .. ولاهذا منهج حق اولا ابتدائي ؟
للاسف المناهج كل مالها بالحضيض وعيالنا للاسف ضحايا .. فالمفروض احنا نخف عليهم شوي .. حبيبتي لاتضغطين على ولدج .. لو ربي كاتب له يصير عالم مو دكتور ولامهندس راح يصير حتى لو ماتعبتي معاه ولو ربي كاتب له غير هالشئ حتى لو يحفظ المنهج عن ظهر قلب
وبعدين انتي لاتعبين نفسيته كل يوم مدرسه حرام .. مره الباكستانيه ومره الرساله وتبين الرؤيه .. ترا احنا ماندري عن شئ بس الولد يتعب نفسيا على مايتكيف
تدرين انا شنو خطتي حق ولدي والله يكتب الخيره ماندري شنو يصير .. مفكره لي ثالث ابتدائي وبعدين بوديه الحكومه .. لاني خلااص اذا مشيت من 3 ابتدائي خاص راح اخليه خاص على طول لان المنهج راح يصير كله انجليزي ويزيد صعوبه والمناهج بروحها صعبه وانا مابي هالشئ .. وبالاخير انت تريد وانا اريد والله يفعل مايريد
سر حياتي تصدقين توني ادري انهم شالوا مس رانده ؟
انا اشوف المستوى بالهوم ورك تغير قبل كله ضايعين ولاندري شالسالفه
الحين صار فيه ملف فيه قصه للقراءه والكلمات السبلينق يقعد عليها الولد اسبوع يفصص الحروف حرف حرف وهمن الاملاء وانا واااااايد استانست لاني شفت ولدي قام يعرف قبل كلللللللله ضايع مع انه دارس الحروف الانجليزيه بس نساهم من التذبذب في التدريس والحين الحمدلله تحسن حيييل الحمدلله . بس القصه احسها واايد عليهم .. يعني القراءه من اول مره حتى العربي المفروض يكون كل يوم صفحه مثل قصه الحمل الصغير الي عطوهم اول السنه والله ولدي استااانس وحفظها عقب وقفوا وجابوا قصص غير
وبعد حق العربي والله الاملاء واايد عليهم .. صعب حرام .. جمل كامله يتملون فيها .. تعبت وعيزت وانا امليه واهو بروحه تركيزه صاير الله بالخير من الدواء الي ياخذه .. اخر شئ كلمت مس هدى تقولي مو راضي يتملى .. بسالج من هالناحيه انتي وام مانع شلون عيالكم بالاملاء ؟؟
حبيبتي العيناء .. انا الصراحه ماشفت النماذج الي تقولين الحمدلله لووول مالت علي وانا كل يوم ساحبه ريلي معاه تعال شوف مستوى ولدك مو بس انا بروحي اسال عنه .. على جذي الله يعافي السايق < لوووووول
انا ماشفت الا ابلات الابتدائي والله محترمات حرام ..يعني عندج الي مو متحجبات مس اسراء ومس ليالي وكل وحده محترمه نفسها .. مس ليالي اول ماحطوا اجتماع حق اولياء الامور اول السنه ولا الرياييل عليها لووول والله ماتبتسم ولاتضحك كله تحسين مالها خلقهم يعني ماتعطي ويه .. ومس اسرااء تهبل هالانسانه محترمه وماعندها من حركات الي قلتي عنها الي بالكي جي < حقدت عليها والله لووول
وين قاعدين .. لا وجدام الاطفال حبايبي .. حسبي الله ونعم الوكيل
الحمدلله اني ماشفتهم ولا مروا علي وعساني ماشوفهم تطيرهم الاستاذه سميه ان شااء الله
امهات شرايكم منو عندها فكره حق الزي المدرسي نبي نغير .. خصوصا البنات حرام يكسرون الخاطر .. والصبيان بعد نبيه احسن < اقول ارتاحي زين لووول
والله يوفق عيالنا ويحفظهم ويستر عليهم يارب العالمين
