تجمع لأولياء امور طلبه مدرسه الرساله ثنائيه اللغه

[سر القلوب]

قصص شتى

انا مرة تكلمت مع مس اماني كان يوم الحر اللي كان فيه العاب

المهم واحنا في الممر باست ولدي وهلت ورحبت فيني ولما اشتكيتلها عن مستوى الانجليزي بصراحة ايدتني وقالتلي نقلي الصورة بنفسج لمس سمية علشان تعرف

فماشفت منها شي بس اهي طريقة وقفتها ونصبتها ومشيتها توحي انها شادة بس فعليا انا ماشفت شي

وبالنسبة للملابس فعلا لونهم موحلو اهم بغيرونه خلاص بس السنه اليايه لا لان عندهم ملابس وايد بالمخزن

وانا بصراحة من رايي البنت عليها بنطرون احسن اظفالها واسترلها بس يغيرون الالوان ونبي قمصان مانبي بولو لان قولتهم تمقطت من الغسيل عكس القميص يكون مكدة اكثر وينور مع كل غسله

والله يخليلج بنتج ويبلغج فيها
بنتج بقريد جم ؟

 

[قصص شتى]

هلا سر القلوب
بناتي بجريد 2و3و4
مس اماني اول مره شفنها حبيتها
بس بعدين طفرتني بطريقة تعاملها مهما كلمتيها مصممه وراسها وألف سيف ما تعطي معلومات

اليوم اسألهم متى تبدي الإمتحانات ما راضية تعلم كأنها أسرار عسكرية والمشكلة انا لازم أسافر بريطانيا على الأسبوع الجاي ودي أكون موجودة مع بناتي وقت الإمتحانات لكن راسها وألف سيف ما تعلم :krkrkr: أسرار عسكرية :0bee2e8d89:
الترم الأول وقت الشهادات كنت نفاس والبيبي يرضع طبيعي جيت أنا والبنات على الساعة 11 ونص والا يقولون الشهادات 12ونص نطري كلمتها قلت لها انا ما اقدر انطر والله جايه علشان البنات وراسها وألف سيف ما رضت مشيت وخليت لهم الشهادات حتى زوجي عصب قال خل يبلونها ويشربون مايها ما نبيها
وبصراحة ما كنت ناوية اسجل بناتي مره ثانية بس مثل ما قلت لأنها قريبة وأفضل السيئين في المنطقة والسبب مس أماني الوكيلة
شايفة عمرها ومتكبرة

بصراحة انا ما راح اسكت راح اكلم سمية واشتكي لها هالوضع المزري
مافي شفافية ولا وضوح ودايما يحملون الأهالي عدم وضوحهم
بصراحة الإدارة العربية ما تصلح تشوف لها وحدة أجنبية للإدارة ابرك لها لان الطريقة العربية الدكتاتورية سمة مميزة ما نعرف غيرها

 

[قصص شتى]

بالنسبة للملابس يا سر القلوب
ممكن توفر الفستان والتنوره والبنطلون واللي يختار حتى نشتري غيار لهم
البنطلون تقولين استر بس انا اشوف انه يزيد شطانه البنات وما يخلي فيهم أنوووووووووثة كله ركض شطانه بس الفستان شوي يقيد حركتهم ويركدهم ويعطيهم احساس الأنوثة اهم مو صبيان
البرتش سكووووووول كان الزي عبارة عن تنورة على جيبكلوت فمستورة ما يبين شي
بناتي شكلهم مبهدل وبعدين ناوووووين على الحجاب السنه الجايه
لبسهم الله بالخير حتى ما كان في زي شتوي ترقيع ولازم الجاكيت لازم عنابي والا بيج ذبحووووووووووووووونا في الكويت البنات يموووووووتون برد علشان شروط المدرسة
البنت داخل الصف بتشيله شكوا بلون الجاكيت
طبعا انا عندي اللونين العنابي والبيج بس هم عندم كحلي وبني مطريات طوال أطول من الكارديجن البيج والعنابي بس التفلسف اللي ماله داعي
بناتي متعودين يلبسون الجاكيت الكبير فوق الكارديجن ولما دش المدرسة تشيل الجلكيت وتخلي الكاردينج


بعدين بالنسبة للشنطة يقولون يخففونها والله أثقال مو شنطة بس اهم يقولون شي ويسوووووون العكس بالضبط مثل وزاراتنا

البريطانية العام البنات بالفعل كل وحدة لها خزانة وماترد البيت الا الاوراق والكتب اللي فيها هووووم وووورك
لكن الرسالة لا
طبعا المدرسات وما عليهم زينين بس الإدارة ما ناخذ آراء أولياء الأمور بعين الإعتبار

يعني في مدرسة قعدت معاها جلسة وحدة عرفت ان عندها مشكلة كبيرة ونبهناهم اكثر من مره بس اهم يخدرونا بالكلام الفاضي ولما يطيح الفاس بالراس وتكثر شكاوي أولياء الأمووور وبعدين يتحركوووووون

طبعا أنا طوفت السنة هذي علشان أول سنة بجربهم سنة ثانية وبعدين بتخذ قراري
وبصراحة مدرسات القرآن ماشاء الله عليهم
ومدرسات الرياضيات روعة مس خولة ومس سوسن (على ما اعتقد سوسن)
مس وفاء شوقي أكثر من رائعة لغة عربية
بصراحة مس شيماء الإنجليزي شديدة بالدرجات زيادة عن اللزوم وخاسفة الصف كله 3و4 ضاميييينهم مع بعض في الإنجليش والعلوم

بصراحة زوجي من أول ما عاجبينه بس بحكم إني تربوية وفي المجال التربوي قلت له خلينا نعطيهم فرصة توهم أول سنة
اهو عنده نظرية عن العرب ما يصلحون في الإدارة نهائي
الإدارة ما لها الإ الإنجليز يقوووول اهم الوحييييدين اللي يطبقون النظام ويمشون بخطوات واضحة وبكل شفافية وبدون ديكتاتورية
ولكن العرب اذا طبقوا النظام افرطووووووووووووا في التعسف فيتحولوووووووووون إلى دكتاتور

 

[دانة الدنيا@]

صباح الخير امهات.......بغيت اسال متى عطلة كي جي 1؟؟؟؟؟؟؟؟؟؟؟

 

[قصص شتى]

صباح النوووووووور والسروووووووووووور
عطلة الكي جي 9 / 6

:klhfl:​

 

[قصص شتى]

وفي نقطة بعد ذابحتنييييييييييييييييييييييييييييييي
كثرة الطلبات كله في المكتبة
البرتش سكووووووووووووول نظام بريطاني الرسوم شاملة كل شي حتى الدفاتر
تعبت وأنا افر في المكتبات على طلبات غريبة عجيبة
بصراحة اذا تنضموووووووووون لي انا اشوف اذا يبون شي نعطيهم فلوس واهم يعرفون منين يجيبون اللي يبون :eh_s(1):

لان تعبت اشتري شي وبعدين تقول ابلة الفنية لا مو هذا اللي نبيه ومخاسير زيادة لاننا مو عارفين شيبون وكأن ما عندي شغل بس المكتبة
وبالنسبة للبلوزة اللي مكتوب عليها انا سويت البلايز حق بناتي 20 دينار في البيرق وآخرتها يلبسونها يوم واحد بس؟؟؟؟؟؟
بصراحة هدرررر بالفلوس ما له داعي

دوووووووووودة القراءة جدا رائعة وأبلة المكتبة نشيطة
بس البداية كانت متأخرة وما استمرت بالشكل المطلوب
انا اقترحت ان الطالب يستعير كتابين فقط كتاب عربي وانجليزي بس واللي يقرأ 60 كتاب اهو اللي يتكرم
بس ما ادري ليش ما استمروا بهذي الفكرة انا ودي يقروووووون في البيت بعد مو بس المدرسة

 

[pink Engineerah]

الله يوفق بناتج يا قصص وماشا الله عليج احسج مهتمه ومتابعه الله يخليج لهم

سر وسديم وام مانع شخباركم ؟؟

 

[ام الشوامس]

. . متـــابعة لــكم . .
و بدش بسوالفكم السنه اليايه ان شاء الله ( مسجلة ولدي بـ kg1 ) ..

شصار على حفلة التفوق ؟ بسوونها لهم ؟

 

[سر القلوب]

قصص شتى مادري والله يمكن انتي لج وجهة نظرج الخاصة اللي انا اختلف فيها معاج وتدرين الاختلاف في الراي لايفسد للقضية ود

انا اللي محببني بالمدرسة تعاون الادارة والمدرسات والصراحة يطالعون ويهنا مطالع
والمدرسات اذا زينين فهذا يرد للادارة

ومثل ماقلتلج الاختلاف في الراي لايفسد للقضية ود


بينك انجينيرا انا بخير انتي عساج بخير ان شاء الله ووينج من زمان عنج


والله حفلة التفوق انا ليلحين ماكلمتهم انطر اشارة الانطلاق من سديم وام مانع

 

[ام الشوامس]

الله يوفقكم ،، ويسوون حفلة تفوق..
يستاهلون عيالنا بعد التعب منكم ومنهم

 

[سر القلوب]

نا سالت وحدة عيلها بكويت انجلش سكول قالت حتى احنا مافي تفوق الا بثالثة ابتدائي وكل مادة بروح
يعني يمكن لها حكمة ومايندرى

 

[قصص شتى]

هلا سر القلوب
صدقتي اختلاف الرأي لا يفسد للود قضية
ومشكلتي نابعة ان عشنا في بريطانيا 7 سنين وتعودنا على طريقة تعامل أكثر رقي
فعلشان كذي انا متضايقة موبس منهم بل كل إدارات الكويت
وبالنسبة للحفلة اتوقع ان سنة أولى وثانية تقييم فصعب يقولون هذا الأول وهذا الثاني لان بالأساس تقييم
والهدف تشجيع التلاميذ وعدم احباطهم وابعادهم عن سياسة الفشل قدر المستطاع وهو الهدف الأساسي لعملية التقييم بدلا من لدرجات
بس اللي قاعد يصير بالمدارس الحكومية ماله سنع
وبعدين بالنسبة للصف الثالث والرابع بنتي قالت لي ان الحفل يوم 1/6 ولكن لم أتأكد​

 

[سر القلوب]

والله ياقصص شتى حبيبتي انا توقعت انه مافي حفلة لان في هدف وفعلا الهدف اللي شرحتيه مقنع واااايد

والله يباركلج بتفوق بنيتج ان شاء الله
وبسالج ماجربتي ادخلينهم كويت انجلش سكول لان بتكون مقاربة واايد للطبيعة اللي تعودتو عليها ويمدحونها والله

وسلامتج وتعيشين

 

[قصص شتى]

هلا سر القلوب
أنا ما دخلتهم الإنجليش سكول لعدة أسباب:
1. أنا عندي الأخلاق أهم من العلم وأنا وأبوهم مربينهم على الدين وأخلاقياتيه والوسط في الإنجليش سكول ما يمدوحونه من ناحة الدين
2. أنا ما أحبهم يختلطون في الأولاد لان البنات يفقدون الأنوثة وتزيد شطانتهم ( شاغلتني سالفة الإنوثة، أحب البنت اللي تستحي وخجوله)
3. انا مهتمة باللغة العربية بقدر اهتمامي باللغة الإنجليزية فلهذا السبب العام دحلتهم البرتش سكول للبنات اللي بالفحيحيل وحطيت لهم مدرس لغة عربية واسستهم عدل في اللغة العربية فكنت حريصة إن ما يكرهووووووووون لغتهم الأم والله الحمد صاروا من المتفوقات في اللغة العربية وبعدين نقلتهم الرسالة والأبلات مستانسين منهم :ggdw: وما يسمونهم الا الوردات الله يحفظهم
طبعا الرسالة مدرسة زينة بس فيها بعض العيوب وبعض الملاحطات ومع التقويم ينصلح الحال وتوهم اول سنة بس أنا ذلك اليوم مطفرتني مس أماني الوكيلة ومو اول مرة فكنت أحوووووووووووس بالنت على موقعهم علشان أعرف موعد الإمتحانات علشان أبي أحجز تذاكري ولقيتكم بالصدفة وفشيت خلقي في مس أماني وخصوصا انه مو أول مرة تطفرني بطريقتها الإستفزازية
وتسلمين يا سر القلوب وتوته توته وخلصت الحتوتة

 

[سر القلوب]

هلافيج قصص شتى والله يبارك لج في عيالج ويحفظهم ان شاء الله وتشوفين برهم وصلاحهم يارب

 

[ام مانع]

السلم عليكم

 

[ام الشوامس]

وعليكم السلام

شخباركم؟؟

صخــه .. وينكم ؟؟​

 

[pink Engineerah]

الله يبلغكم بعيالكم يا رب

 

[شموووخ بدويه]

السلام عليكم

خواتي انا عندي بنتي في الصف الرابع وولدي الاول فالمستقبل,,بالنسبه للولد جاي من حكومه وعادي قبلوه,,ابلته روعه شوي عليها,,حريصه وممتازه واتابع الاولاد,,ومستوي ولدي زين,,صاير يحرف الكلمات بالانجليزي,,والعربي بعد اسم الله عليه شاطر,,,

المشكله في بنتي مستواها متوسط وكانت بالبرتش للبنات وعاجبتني المدرسه لكن الاداره قلبتها ثنائه لغه,,ماأنكر انها تحسنت بالعربي لان البريطانيه مستواها بالعربي مو زود,,لكن اللي ماعجبني مستواها بالانجليزي,,مدرستهم مو شاده عليهم والبنت خذت راحتها,,قررت اني انقلها للرساله,,وماترددت على اساس ان سمعه الرساله زينه,,وماكنت بنقل ولدي لان الرياضيات ياخذونه بالعربي,,وانا حابه طريقه المستقبل بالنجليزي احسن,,وديت عيالي عشان امتحان المستوى,,وسجلت ولدي واستعجل,, لان كان اصلأ ويتنق,,فمجرد مافضى مقعد دقوا وامتحنته وسجلته قريد2,,بنتي للحين ماسجلتها لان فيه اماكن قريد5 مو زحمه,,معن المفروض اسجلهااول لان هي اللي خلتني افكر انقلهم اما الولد بالعكس ابلته بالمستقبل روووووووعه,,

المشكله قريت كذا مشاركه من امهات وخفت مايكون مستوى الرساله مثل ماتوقعت,,خاصه اني مومقتنعه انقل الولد,,بس لازم مع بعض عشان الدرب واحد..

الحين بعد قصتي الطويله,,ياليت احد يطمني من الامهات,,لاني بس دفعت 100 تسجيل الولد,,اذا لكم ملاحظات سلبيه بلغوني قبل لاانقلهم,,و100 مو مهم,,اهم شي المستوي,,


ياليت كل وحده لها تجربه سلبيه او ايجابيه,,تبلغني..

وجزاكم الله الف خير

 

[pink Engineerah]

السلام عليكم

شخباركم ؟؟؟

اليوم اتصلت عالرساله وخذيت موعد يدقون علي اسجل عيالي حق النادي الصيفي وهذي التفاصيل :

يبدا بتاريخ 27-6 الى 22-7

الوقت من 4-8 مساء

الانشطه :

1- حفظ قران كريم
2- كمبيوتر
3- سباحه
4-كره قدم
5-تكواندو
6-انجليزي
7- رحلات (اكوابارك - مسيله- المركز العلمي -منتزهات الخ.....)

الاعمار المسموحه :

من عمر 4 سنوات الى 14 سنه كل قريد بصف معزول وانشطه مختلفه ورحلات معينه وطبعا البنات بروح والاولاد بروح
الرسوم:

70 دينار للطفل واي اخ زياده 60 دينار

المواصلات :

15 دينار للطفل الواحد


اتمنى اكون فدتكم ​