تجمع لأولياء امور طلبه مدرسه الرساله ثنائيه اللغه

[ريان 123]

مرحبا خواتي بغيت احط هالموضوع عشان نستفيد ونفيد خواتنا الي مدخلين عيالهم هالمدرسه والامور الي تتعلق فيهم

وهذا موقع المدرسه
http://www.resalaschool.com/default_ar.aspx

وشكرا

 

[ريان 123]

وانا متردده نفسج لانها المدرسه جديده ولا في احد مجربها لكن يقولون انها نفس الرؤيه والله يستر اليوم دزوا لي مسج عن شراء الملابس انا مدخله بنتي اوله روضه

 

[سر القلوب]

مرحبا بنات انا من زمان كان ودي يكون عندنا تجمع بس قلت ابنتظر ليما تقرب فتحت المدارس وماقصرتوا ماشاء الله عليكم
انا ولدي اولى ابتدائي ان شاء الله وياي من الدولية الباكستانية في خيطان درس عندهم الروضة
ومن الصبح ان شاء الله بشتري ملابس المدرسة ودي اخلص قبل رمظان لاني كلش ثقلت وبعد العيد على طول ان شاء الله بدش التاسع ادعولي بالهون والسلامة

 

[ريان 123]

مرحبا بنات توني راده من المدرسه وشريت الملابس شنو هذا البنات نفس الصبيان وشكله عادي لبس الرياضه 10 دك واليومي 8 والرياضه شتوي ويوم سالتهم عادي اشتري لها من برى ويكون نفس الاوان كان تقول تهز راسها ولا تكلمت لانه المديره موجوده بس يبون يمشون الي في المخزن

 

[سر القلوب]

رلملابس وماشاء الله مرتبة
بس الله يهديهم الشوارع كلش وعرة يعني روحة روحتين واولد عليهم

 

[حلم الطفولة]

مبروك التجمع الجديد حبيباتي ,, وأسعار الملابس زينه ياجماعه أفضل من باقي المدارس
سر القلوب بشرينا عنج يالغاليه ان شالله بخير ؟؟

 

[ريان 123]

حياكم بالتجمع

 

[سر القلوب]

هلا ولله بحلم الطفولة انا بخير الحمد لله واليوم رحنا اللقاء التنويري وشفنا المدرسة انا نفسيا مرتاحة بس ارتياح يتخلله خوف مو من المدرسة لا انا عندي ثقة فيهم بس خايفة من التجربة اليديدة اول ياهل وودي يطلع متميز واول شهر دوام راح يكون وقت ولادتي ان شاء الله وتدرون النفاس والتعب ومادري اخاف اقصر ويطوفه شي وينزل مستواه
هذا كل اللي احاتيه واحاتي بعد متى يوصل البيت انا ساكنة وايد بعيد عن المرسة يعني تقريبا نص ساعة اذا الشوارع فاتحة
وطالبتلي سايق المفروض من زمان يكون واصل بس حضرته ماوصل

والله عورت راسكم بس الله يعين ان شاء الله

ومشكورة حلم الطفولة على سؤالج عني

 

[جواهر _ الكويت]

السلام عليكم ......... شلونكم بنات و مبروك التجمع .... ولدي ان شا الله يدخل أولى روضة بمدرسة الرسالة .. أنا ما أدري ليش مرتاحة حييييييييييييل لهذي المدرسة و مديرتها سمية المطوع ......... المهم اليوم كان الأجتماع لأولياء الأمور و زوجي راح بروحة و ما خذاني معاه يقول أن الصفوف مو كبيرة و كل صف روضة فيه 25 طالب صج الكلام هذا يا بنات ..... لأني الي أعرفة أن الروضة لازم يكون العدد أقل و في رياض الأطفال الحكومي ما يتعدون 15 ياريت من الي راحو يقولولي لأني بديت أحاتي ..... وصج رياض الأطفال ياخذون كنب ياريت الي راحت توضح لنا و جزاكم اللة خير ....

 

[espresso]

السلام عليكم

خوووووووووووووووش تجمع ... يبرد القلب اني القى أمهات بنفس مدرسة بنتي

آنا مسجلتها الله يحفظها حق كي جي 2 ومرتاحة من المدرسة و صاحبتها وخايفة من اول تجربة ومن الطريق الوعر

بنات اللي راحوا اللقاء شرايكم ؟؟؟ آنا مارحت ... أبي أعرف شنو طافني ؟؟؟

وشنو شكل اللبس ...؟ شنو موديله ؟؟ شنو ألوانه ؟؟؟ بعرف أي لون "جوتي" تكرمون يلوق عليه؟؟
والشبابيص بعد !!

بنات اللي شروا جناط ... حق الروضة ... شنو الحجم اللي خذيتوا ؟؟؟

 

[ريان 123]

هلافيكم بتجمع وباين عليكم خوش بنات حرجات اسم الله عليكم
انا ما رحت اللقاء التنويري منو راحت اتبلغنا

 

[حور الجنان]

السلام عليكم بنات شلونكم
جزاكم الله خير على هالتجمع انا بنتي ان شاء الله تروح قريد 2 بس متى صار اللقاء التنويري مادريت عنه
وشلون بلغوكم عفيه شنو لون ملابس المدرسه ومتى تبدا الدوامات

 

[ريان 123]

لونه عنابي في بيج واللقاء عن طريق مسج

 

[حور الجنان]

حبيبتي متى صار اللقاء وشلون نظام الصفوف اقصد ماححدوا جم طالبه بالصف ويدامون برمضان والا لا لاني ماشريت منهم ملابس

 

[sadeem yam yam]

انا ولدي هالسنه اولى ابتدائي .. وبلغونا عن طريق المسجات .. انا ياتني المسج بس ريلي لا .. ورحنا استلمنا الملابس بس ماعجبتني وايد .. احسها ثقييله خصوصا الرياضي .. قلتلهم عاادي اجيب نفس درجات اللون وافصل قالو لا .. وولدي نتفه سايزه سايز روضه ..حتى اصغر رقم طالع عليه مو حلو كلش ..
وبالنسبه للقاء التنويري والله ارررررتحت منه واااايد .. وراح يطبقون اساليب جديده خصوصا بالروضه ووايد عجبني لاني مدرسه روضه .. بس ماقالوا جم ياهل بالصف والنسبه للحكومه ترا يوصل بالصف 26 طفل واكثر بعد وعادي هالشئ .. وقالوا الروضه راح يقعدون معاهم ابلتين يتحجون انجليزي والفتره الثانيه ابلتين يتحجون عربي ..
وهم قالوا راح يحفظونهم جزء من القران يعني سوره الناس والصمد والفلق ومجموعه سور صغار .. الابتدائي جنه قالوا قبل الصف فيه 20 طفل .. وصفوف الروضه شفتها واااايد تشرح الصدر والوانهم حلووه .. الابتدائي للحين ماكملوا الاثاث على قولتهم ماوصل .. وهمن الكتب معتمدين على منهج وزاره التربيه بس جنه قالوا فيه كتاب مادري شسمه شفته مع المس مالت الانجليزي يايبينه من بريطانيا .. وشكله حلوو كله قصص ومعلومات وجااذب للطفل .. بس راح يعطون منه مثل اوراق العمل اذا بيعلمون الطفل شغله ويبونج تعززينها عنده بالبيت اعتقد ماراح يسلمونه لنا .. وهمن تكلموا عن الاساس الي راح تقوم عليه المدرسه .. واايد عجبني تكلموا وايد بس زوجي الله يهداه ماخلاني اراكز كله يقول ماحب المحاضرات وماصارت والذي منه
وقالوا مانبي الجناط السحب خلوها الي تكون على الظهر وماارح نثقل على الياهل بالكتب وهمن الهوم ورك راح يكون واحد تقريبا باليوم مع قراءه بالعربي والانجليزي عشان ماتسوء علاقه ولي الامر بالطفل ونفس الشئ الطفل يكره المدرسه << وبهذي حسيت انه معاهم مليوون حق .. لان ولدي لمن كنت ادرسه مايفهم تووه صغير احنا لانا عارفين وفاهمين عبالنا بيفهمون مثلنا .. فكنت ازفه وينرفزني .. فصار يكره يذاكر معاي مع انه من البدايه كان حاب هالشئ .. وقالوا بالنسبه للهوم ورك اهما لهم استراتيجيه وفكره عن تطبيقه ..
والله قالوا كلام وايد واستانست وارتحت منه وان شاء الله متفائله خير ..
وشفنا الصفوف والمكتبه والمختبرات ومختبرات الحاسوب وحمامات السباحه والصفوف مالت اولى والصبيان لهم مكان طلعه بروح والبنات بروح
وراح يسوون لقاء ثاني ان شاء الله شهر 10 لمن يكتمل كل شئ بالمبني
واي استفسار انا حاظره .. اي صح ودوامهم 27 تسعه مع وزاره التربيه
دعواتكم لي بولاده طبيعيه ميسره واقوم بالسلامه انا والنونوو

 

[سر القلوب]

ماشاء الله سديم كفت ووفت ماعندي شي شي ازيد عليها
والله يهون عليج ولادتج واعيلي انتي والبنات بعد ان الله يهون علي ولادتي وبتكون اوائل شهر اكتوبر ان شاء الله
وسديم انا ولدي بعد اولى ابتدائي بس لبس الرياضة بيج بعنابي وسالت استاذة سمية عن لون الجوتي الرياضي تكرمون قالت ابيض انا شريت الابيض بس احس موماشي معاه كلش وبالنسبة للجاكيت الشتوي بصراحة مايدفي كلش مادري اذا بيخلونا نلبسهم جاكيتات شتوية بنس الالوان بس دافية على الاقل
وسلامتكم وتعيشون

 

[حور الجنان]

جزاكم الله خير بنات ماقصرتوا
وسديم حبيبتي الله يهون عليج

 

[ريان 123]

بصراحه هي خوش مدرسه بس سالفه الملابسه بطه جبدي كبار على بنتي ولونها يلوع الجبد حتى قاعده افكر بشباصات والجوتي احس بيطلع شكلها مو حلو

 

[سر القلوب]

لا والله ريان لاتحاتين بالعكس الوان الملابس وايد حلوة وماتبقع بسرعة مثل الابيض
انتي اخذي جوتي كرمكم الله اسود عادي
والشباصات اخذيلها البيج والعنابي وبتطلع نزاكة وتقدرين تستخدمين الشرايط باللونين والباندات والله يخليها لج وتحتارين بهدوم عرسها انشاء الله وتستشيرينا اهني بالمنتدى ياعسل

 

[ريان 123]

سر القلوب بعد عمري والله كلامج ونسني