تجمع لأولياء امور طلبه مدرسه الرساله ثنائيه اللغه

[حلم الطفولة]

متابعه

 

[حور الجنان]

مرحبا امهات
راح تخلون عيالكم يداومون بنفس الوقت اللي حاطينه اقصد ماراح تنطرون ليما يتطعمون لاانفلونزا الخنازير
الوضع مايطمن:0bee2e8d89:

 

[bdora]

بنات فديتكم انا المفروض اليوم مقابلة بنتي بس راحت علي عادي اروح باجر؟؟؟
وهل في باصات للروضه؟؟

 

[ريان 123]

في باصات السنه 250 دينار

 

[+بسبوسة+]

اتابعكم..

صراحة انا وايد حابة المدرسة بس ما افكر ادخل وليدي
احس وايد بعييييدة واخاف يذوب من الحر!!

وايد عجبتني سالفة ما في هوم ورك عشان ماتسوء علاقة الطالب بأمه..ههه


الله يوفق عيالكم يارب

 

[bdora]

فوق

 

[sadeem yam yam]

بنات تتوقعون اذا ان شاء الله وزاره التربيه اجلت الدراسه جم اسبوع يأجلون اهما بعد .؟ لانهم قايلين انه عطلهم ودواماتهم مع وزاره التربيه .. واحس هالشئ احسن لهم على الاقل يمديهم يكملون الصفوف والمدرسه .. ولاشرايكم

 

[sadeem yam yam]

بدورا .. شوفي اذا طافج موعد المقابله دقي عليهم وحجزي موعد ثاني .. انا عطوني موعد حق ولدي .. وصار عندي ظرف قلت ابي اجدمه المهم دقيت عليهم زين مارحت لانه بنفس اليوم كان زحمه وقالت صعب .. وحددتلي يوم ثاني .. فانتي احسن دقي وشوفي مع اني ماتوقع انه فيه زحمه الحين

 

[حلم الطفولة]

بنات شلونكم ,, أي يوم بالضبط يبدي الدوام في الرساله ؟؟

 

[sadeem yam yam]

حلم الطفوله يبتدي مع وزاره التربيه 27 سبتمبر

 

[حلم الطفولة]

زين الحمدلله ,, لو الروضه بعد تتأجل شهرين ثلاث بجميع المدارس يكون أحسن ,, شرايكم ؟؟

 

[bdora]

مشكوره ياعمري والله يوفق عيالنا ويستر عليهم ويحفظهم

 

[حور الجنان]

متابعه معاكم
اللهم امين االله يوفق عيالنا ويستر عليهم

 

[espresso]

قوة امهات ...

شلوونكم و شخبار عيالكم ...

حبيت نتجمع على راي و نعرف آراء بعضنا بالنسبة حق دوامات عيالنا مع انتشار مرض انفلونزا الخنازير

ريلي دق عالمدرسة قالوا ليلحين مايانا قرار رسمي !!

وما ادري شلوون عالدفع ... آنا ما دفعت شي ليلحين !!

 

[bdora]

انا بعد مادفعت شي لهم واصلا المقابله كل يوم يقولون بندق عليج ولا دقوا خيره ان شاءالله
وانا بصراحه خايفه على بنتي شكلي بخليها هالسنه

 

[دانة الدنيا@]

up up up

 

[bdora]

شخباركم

 

[سر القلوب]

الحمدلله بخير
والله خيرالحافظين احنا لازم نتابع الزضع ومانهمل وبنفس الوقت ياجماعة لاننسى الاستعانة برب العباد وان نستودع عيالنا وانفسنا والمسلمين من هالوباء
اللهم اني استودعك ذريتي والمسلمين جميعا من داء الخنازير عندك سبحانك لااله الا انت سبحانك لاتضيع ودائعك

 

[حور الجنان]

للرفع

 

[bdora]

شخباركم يا امهات؟؟؟
بيداومون عيالكم؟؟؟