تجمع لأولياء امور طلبه مدرسه الرساله ثنائيه اللغه

[حور الجنان]

السلام عليكم شلونكم امهات
انا متابعه بس بعرف منو بنتها بقريد 2 اي
وتكلمو اكثر عن الملاحضات اللي ودكم تتغير بالمدرسه

 

[سر القلوب]

خطاكم السوء سدومتي حبيبتي مايشوف شر الغالي ولد الغالية
الف لابأس عليه

اشلونه الحين بشريني عليه ان شاء الله صار احسن ؟؟

بس اشلون تصرفوا المدرسة ؟

تدرين ولدي يقولي يمه احنا الاخضر مدريد والاحمر برشلونو خخخخخخخ يقصد برشلونه

طمنيني حبيبتي

حور الجنان حياج الله حبيبتي

ان شاء الله يشاركونا امهات من قريد تو للفايدة لانا احنا بعد نبي نستفيد منكم

بس قوليلي شلون اخذتي قرار انج ادخلين بنتج بقريد تو بمدرسة يديدة اول سنة يعني انج مامشيتي معاها من اولها ؟
اعتقد قرار صعب ! سولفيلنا عن اتخاذج للقرار وهل انتي حاليا شايفة انه قرار صائب من خلال النتائج ؟ وشنهي ملاحظاتج على المدرسة ايجابية وسلبية ؟ ووين كانت البنوة الحلوة الله يحفظها باولى ابتدائي ؟

لوووووووووول المحقق كونان اشعنده اليوم !!

بس حبيت اندردش وانشجع الحبيبات اللي يدشون يشاهدون الموضوع وقااااااااااااااااابة بدون ردووود !!!!

 

[sadeem yam yam]

هلا سر حياتي خطاج اللاش حبيبتي انتي .. ماتشوفين الشر يارب انتي وعيالج ويحفظهم ربي لج يالغاليه
الحمدلله من ثاني يوم رد داوم عادي .. واهو طاح قبل هالمره بس ماتعور حيل مثل هالمره و لان اهو عنده مشكله صحيه وحاشه تشنج مادري صرع مادري شنو بالضبط(متى ماتكرمت علينا مستشفيات الحكومه وبجروا بمواعيد الاشعه وعرفنا شنو فيه بالضبط عشان نعالجه!!) .. المهم حاشه مرتين مع انه مايعرفه من يومه انولد ولامره صارله جذي .. وصارله ورا بعض فخفت عليه وبلغت الاخصائيه وماقصرت الله يوفقها ويعافيها يارب
عاد هالمره طاح حيييل على راسه وشوي داخ وودوه الممرضه وخلوه عندها وماقصرت الممرضه بعد .. ودقوا على الابو يستشيرونه .. بس تعرفين قلب الابو مو مثل الام .. وبلغني ابوه فخترعت ودقيت وطمنووني عليه وانهم سووله كل شئ يقدرون عليه .. يعني لو قايلين لهم ودوه الطبيب على مانوصل ماراح يقصرون بس ماكانت حالته الي تستدعي هالشئ .. ولمن وصلنا قالت لنا الممرضه كل شئ وشنو حطت له وطمنتنا عليه ماقصرت

سر بسالج شفتي الورقه الي بدفتر الاملاء العربي الي مكتوب عليها املاء.. متى يتملون ؟ يعني باي باي اسراء وامل ونشكر واشارت لوووول
انا وااايد مستااانسه على سالفه النادي والفرق .. وانطر هاليوم على خير باذن الله يامدريدوو

 

[سر القلوب]

هلا برشلونو :dddds:

مايشوف شر وليدج حبيبي والله ان شاء الله مشكلة عارضة وتزول يارب

ومستشفيات الحكومة خليها على الله بس !!!!:eh_s(14):

وبالنسبة للورقة انا شفت الخطة وكاتبين عليها الاثنين على مااعتقد

والنادي والفرق انا بعد مستانسة عليها حيييييل .:ggdw:. بسالج بتروحين اليوم الرياضي:ada: ؟؟؟ يعني بشوفج هناك !!؟

 

[sadeem yam yam]

بأذن الله مدريدوو مايبيله بنروح ان شاء الله .. انا اصلا انطر هاليوم لوول
تعالي سر بسالج ريلج يروح وياج اجتماعات ولدج وهالسوالف ولا لا ؟
انا الي عندي حدددده ماله خلق بس احاول غصبن عنه يكون موجود على الاقل يشوف مستوى ولده .. انا ماحب سالفه الابو الحاضر الغائب :dddds: عشان جذي اخليه بالصوره على طووول
تخيلي هذاك اليوم يقولي ماله داعي نادي وهالسوالف خليه يقعد بالبيت احسن .. انا هني استخفيت :eh_s(14): .. حرام ليش مايشارك بالانشطه ويتسانس مع ربعه الي يشوف ابوه كلش كل يوم مطلعه وموديه مكان يستانس وعليه كله محكور بالبيت .. مرات والله يمر شهرين ماطلع ولا استانس حبيبي
واشوف ابوه هاليومين يقول عرس رفيجي الخميس .. اخاف بس العرس بالصبح لوووووووول
قلت ماراح يضرك تعال النادي كله ساعه ونص و11 بعد مو 1 ولا2 .. وعرس رفيجك من حدك 6 ولا 7 هناك
يبطون الجبد بهالسوالف ..
يعجبني الابو الي يهتم لمستقبل عياله ودراستهم ماشاااء الله تبارك الرحمن
لا والحلو ولدي مطنقر مابي الفريق الاحمر ابي الازرق .. يموووت على شئ اسمه لون ازرق
على طاري الاملاء احس الكلمات صعبين .. يعني بصعوبه يفرق بينهم .. تعبت وياه بهالاملاء الله يهديه بس
بسالج سر اهما مو عطونا نشره قبل فتره وكانوا كاتبين من ضمنها عن التسجيل وهالسوالف .. كاتبين بعد عن حجز المقاعد للي عيالهم يدرسون بالمدرسه راح يكون منتصف ديسمبر لي شهر مارس
دقيت عليهم جان يقولون مو الحين .. شهر فبراير .. قلت شحقه كاتبين بالورقه جذي عيل لووول زين ماطقيت مشوار وتعنيت

 

[سر القلوب]

هلا سديم حبيبتي

انا ريلي ماراح معاي الاجتماع ولا فكر يروح ولا انا فكرت اقوله اصلا
اهو معتمد علي 100 % في الدرياسة وواثق بقدراتي وعارف انه مايعرف يدرس ولا يوصل المعلومة لكنه حريص عل الدراسة ويهمه امرها

اما بالنسبة للنادي انا اتوقع انه يروح بصراحة ماكلمته بالموضوع بس اتوقع يروح

وبالنسبة للاملاء علمي وليدج الله يحفظه انه يهجي الكلمة ويكتبها

وبالنسبة للطلعات كلنا والله مقصرين بهالسالفة بس هاليمعات بالبيوت وخلاص
بس انا هاليومين هابتلج بالسينما اوديه افلام اطفال عشان يقوي اللغة عنده وبعد يتعلم يركد ويقعد على الكرسي بدون حركة

وسلامتج وتعيشين

 

[sadeem yam yam]

هلا سروره حبيبتي .. شلونج ياقلبي
والله بخصوص الاملاء توه قام من عندي مايبي يدرس اعلمه على التهجئه ويخربط .. تالي زعل وانحاش .. ياختي والله على هالمذاكره وحل الواجبات تصير سوالف .. يزعل ويطنقر واساحل وحالتي حاله وماكو فايده مايبي يذاكر يعني خلاااص ويتعمد يحل غلط عشان ينرفزني ويقط القلم ويركض وراه ويطوف الوقت ماسوينا شئ واذا صارت الصجيه وقعد الصبح للمدرسه قام يتبجبج مابي اروح ماذكرت الاملاء الله يهديه
على فكره :ggdw: كنت احل المسابقه الي دازينها وطريتي على بالي لووووول
الي بخصوص التاريخ الهجري ..
الله يعافيج ابي اجابه السؤال الخامس .. < ماكو شغل :tomato2:

 

[sadeem yam yam]

لأ لأ لأ بنتحر من الاملاااء حراام يخربطوون .. الاحرف متشابهه .. على الاقل خلوهم اقل من جذي؟
رفيجتي ولدها بخاص تقول الاملاء الي في جميع ماسبق كل يوم يحددون 4 كلمات عشان يتملون .. لانهم صغار صعب مره وحده يملونهم مراجعه كل ماسبق حتى لو ماملتهم الابله الا 5 او 4 كلمات .. كافي الام تحفظ ولدها جم كلمه باليوم يعني ضغط عليه وعلى بلوووشي على قولتهم ..
الحين الكلمات الجدد حرام كاسر خاطري يومين عشان نفرق بين نتف وفتن ونفر نفل
شنو هذا امبييييييه لا لا ببجي .. حتى القران نسيته مع الاملاء
علمته التهجئه حبيبي وعرفلها بس احسه قام يخربط والله ماينلام حددي مكتئبه

 

[سر القلوب]

مرحبا اشلونكم

وسلام مربع لسدومتي الحلوة



بالنسبة للاملاء اي والله وايد ويخربط وبالنسبة للمسابقة تصدقين ناسيتها لوما ذكرتيني جان طاف الحين بحاول احلها واذا عرفت الخامس بكتبلج جيكي على الموقع اليوم وبعدين الله يعافي النت يعني مو شطارة مني

وبالنسبة لقطت القلم والركظة وراه عندي وعندج خير بس دايما علميه التهجئة وحتى انتي في البيت عطيه كلمات خارجية اول شي من 3 احرف واشوي شوي زاوديهم لي 4 او 5 ليما ياخذ على جذي

انا ماعندي جديد

 

[sadeem yam yam]

هلا سروره حبيبتي .. اسعفيني بالاجابه لووول والله ماقصر معاي النت بس ماعرف اجابه السؤال الخامس

سر رفيجتي ولدها بمدرسه خاص وداوموا قبل الحكومه باسبوع .. يعني عيالنا مداومين قبلهم .. المهم تقول اخر دوام لهم 7 /1 واحنا توقع لي اخر شهر واحد .. شرايج ؟
انا اقول حلو ومو حلو .. حلو احنا نرتاح تدريس لوووول ومو حلو الفراغ الي بيعفسونا فيه عيالنا ويبدعون شطانه

 

[سر القلوب]

اجابة السؤال الخامس اتوقع التالي بس غيري الصيغة لوووووول ايام الدراسة حشا

اغلبهم لا

وواجبنا ان نتمسك به ونعتمد عليه


اسفة على التاريخ بس ةالله اليةم كان حافل بالمشاغل وتوني احله حتى بعد ماخلصت بس وصلت الخامس قلت اكتبلج واكمل بعدين


السموووووووووووووووووووووحة

 

[sadeem yam yam]

مشكوووره حياتي سروره بس اجابتج الهمتني لاجابه اخرى لووووووول عشان ماتقولين قلدتج ..

سر ماجاوبتي على مشاركتي الي فوووق بخصوص العطله وهالسوالف

 

[سر القلوب]

واااااااي مابغا يفتح معاي :eh_s(1):


السلام عليكم اشلونكم


سدومتي حبيبتي والا تقولين اجابتي الهمتج هاااا؟ اوكي ماشي _03BA:

وبالنسبة للعطلة تدرين انا اسفة ماعلقت على الموضوع بس لاني كنت داشة مستعيلة عطيتج الاجابة وكملت اجاباتي ورحت للنونو يبجي:krkrkr:

بس بالنسبة للعطلة انا ودي تكون وايد صج عفسة بس حرام يرتاحون شوي كان هالكورس ضغط عليهم وهم توهم صغار بدينا معاهم على قوي وبعدبن ياحلوهم على عفستهم بس هم حلوة عفستهم عسى الله يخليهم لنا يبلغنا فيهم بالصلاح والبر وباكبر المناصب

سدومة انا دايما ادعي لوليدي انه يحفظ كتاب الله وانه يكون امام صالح عادل يؤؤم المسلمين ونصلي رواهم يارب

حبيبتي سدومة انا سالت ابونا امس اذا بيروح معاي النادي والا لا ههههااااااي عشتو كنت واثقة ولا اقوله بتروح معاي يعني ظامنة روحتي جان يقول مالا داعي جان اقعد اقنعه حرام الولد يستانس لما يشوفك مويشوفني انا بروحي جان يقول ياسلام انتي بروحج ومن قالج انج بتروحين اصلا هناك كلهم رياييل لوووووول

ومن امس وانا اقنع فيه اقوله المدرسة اكيد حاجزة الصالة لها وكلهم مدرسات جنه اقتنع وبيروح معاي عشان مايخليني بروحي لوووول

بسالج حبيبتي اشلون وليدج مع التشنج اتصدقين وايد احاته بشريني عنه اذا رحتوا مراجعته ..


ماتلاحظين ان الاسلامية ماصاروا يمشون بالدروس ولا واجبات ولايحلون في الكتاب مادري ليش؟

 

[كلي ذرابه]

مرحبا يا امهات مدرسة الرساله...

بغيت اسأل عن مستوى المدرسه ...

وهل هي قويه ولا لأ...

وهل تنصحوني ادخل ولدي فبها اهو بكون اولى روضه...

لاني محتاره بينها وبين روض الصالحين,,,

بيليييييز ردوا علي لا تخلوني....

 

[سر القلوب]

هلا فيج كلي ذرابة
حياج الله

وماعاش من يحقرج ومايرد عليج


حبيبتي المدرسة يديدة ولازلنا باول السنة تقريبا واغلبنا امهات يدد في التجمع يعني الحكم عليها حكم نهائي غير عادل ، لكن ليلحين مستوى الولد مرضي وخاصة في تحفيظ القران الكريم ماشاء الله انجزوا وايد واصلين الحين سورة التين ، والمدرية وايد حريصة على التطوير والاخصائية تبارك الرحمن نشيطة وتعاملها راقي والادارة كلكل تعاملهم راقي وكن ان عدد الطلاب قليل ومراحلها قليلة كونها يديدة هذا ممكن يميزها من ناحية انهم حافظين الاولاد واحد واحد وقادرين يسيطرون عليهم ، وانا زرت المدرسة مرة وكان بالصدفة عندهم فرصة فقالولي طلي من الدريشة شوفي اليهال يلعبون بالفرصة .. فشفتهم وليت مدرسات وااايد عليهم مناوبة بالفرصة مع اليهال والنيرس موجودة معاهم بالفرصة وهذا الشي ريحني .. وبالنسبة للمدرسات ومن خلال لقائي معاهم بالاجتماع ماشاء الله عليهم حبوبين ومااقدر اذم ولا وحدة فيهم لاني بكون ظالمتها .. والمنهج اللغة العربية والاسلامية طبعا الحكومة والرياضيات بعد والتربية الوطنية الحكومة لكن الرياضيات بصف رابع راح يصير بالانجليزي وعندنا منهج خاص بالمدرسة اسمه مهارات سلوكية وهو عبارة عن تربية لسلوكهم وتهذيبهم عن طريق القصص والعبرة والعظى ومطلوب منهم تطبيق اللي تعلموه بجميع الحصص ومدرسة المهارات تسال من وراهم المدرسات عن سلوكهم وعلى هالاساس تقيمهم لمادتها ..


اتمنى اني اكون جاوبت على تساؤلاتج وحبيت اقولج اني نصحت اخوي يدخل ولده فيها اولى روضى ان شاء الله السنة الياية هذا اذا بتساليني عن رايي فيها اكثر

واذا عندج اي تساؤل حياج الله عندنا بالتجمع والبنات مايقصرون وامنى ان كل وحدة ادش بعدي تذكر رايها بالمدرسة عشان اختنا كلي ذرابة تعرف تقيس الامور من خلال اكثر من راي وتعرف تقرر وتختار

واسفة على الاطاااااالة

 

[sadeem yam yam]

هلا سر شلونج ياقلبي .. شلون عيالج ..
صارلي يومين ماشبكت .. مادري شفيني ماالي خلق .. واحاتيج اقول اخاف سر تدش تسال ومامن مجيب لوووووول
وبالنسبه للقران والله حتى انا ياسر ادعي ربي دايما ان يهدي ولدي ويجعله من حفظه كتابه اللهم امين
بالنسبه للتشنج ياقلبي وديته حق اشعه تخطيط كهرباء سويتها من جم من يوم على حسابي وطلع الحمدلله مافيه كهرباء .. وهالشئ ريحني وبنفس الوقت خوفني .. لان اذا مو الكهرباء الي سببته عيل شنو ؟ الله يستر
والاشعه الثانيه الي بتبين كل شئ بالحكومه مابقا عليها شئ ان شاء الله عقب اسبوعين تقريبا موعده
سر بالنسبه حق الاسلاميه الابله تقولي انهم يحلون الورك في الصف .. وانها تحفظهم احاديث بعد .. واشوف ان الوطنيه نفس الشئ زين اليوم وصلت ورقه هوم ورك عن الوطنيه يمكن ابلتهم رجعت ..
بس انا محتاره بشغله ابله العربي تقول فيه حفظ اناشيد وماشوف كاتبين بالورق شئ يعني حفظ او شغله جذي
الاسبوع الي طاف بالخطه الاسبوعيه كان يوم الخميس والاربعاء اذا مو غلطانه < كله تنسى
ابله الرياضيات ماقالت فيه هوم ورك .. كان فيه مهاره يوم الخميس
الله وكليج ماصار الاحد الا دفتر المهارات حق الرياضيات 3 صفحاااااااات اين الحل .. انا انصدددمت لاني متاكده مليون بالميه مو كاتبين فيه واجب .. جان احله مع وليدي واكتب ملاحظه انه لاتلومون الولد مايدري كله مني
وحبيبي من الاحد وهو يحن ابي البس اللون الاحمر واقوله توو النااااس يوم الخميس ويقول الابله تقول وانا مو مصدقته .. جان ادق عليهم امس اسال قالوا صارلهم اسبوعين يلبسونه عشان التدريب والتمارين ضاااااااااااق خلقي علي وليدي اولا لاني ماصدقته ثانيا لانه بس يلبسه يومين وعقب بيطيح بجبدي .. بس الي كاسر خاطري يوم لبسته استااااااااااانس ويقول بس انا واحد بالصف مالبسنا والباجي كلهم يلبسوون
وبالنسبه حق باجر ان شاء الله اشوف السبع الي عندي يقول شحقه ومادري شنو ؟؟ قلت يبه مو لازم اروح بروحي احسن .. اذا انت ماتبي وليدك يشوفك ويستانس لان كل ربعه بالصف امهاتهم واباءهم بيكونون موجودين واهو لأ .. راح يحس انه اقل منهم .. عاد انا اقوله جذي احسسه بالذنب .. لاني ابي الابو يكون له دور بحياه ومستقبل ولده .. بعدين ريلج يوم يقول كله رياييل لوووووووول قولي العكس صحيح .. بعدين المدرسه حاجزين هاليوم لهم بروحهم اهما قالوا جذي

كلي ذرابه حيااج حبيبتي .. والله المدرسه انا مستاانسه منها حيل .وعاجبني مستواها وكل شئ فيها. بس مادري عن باجي الامهات لان هذا بجري وماجربت غير المدرسه .. بس مرتااحه منها وااايد
وانصحج حبيبتي استخيري وطلبي راي ربج والله يكتب لج الخيره ويوفق وليدج وين مايكون يااارب

 

[سر القلوب]

هلا والله بسديم الحمدلله بشرتيني عل خلو الولد من الاشعة وان شاء الله بعد بالحكومة مايطلع شي ولاتخافين وتقولين عيل اش منه ان شاء الله يكون شي عارض ويزول


وبالنسبة لباجر صامدون وبنروح ان شاء الله

وبالنسبة لليومين اللي فاتو ترى ماكان يفتح المنتدى نهائي


وياحبيبي برشلونو ليش ماتصدقينه مرة ثانية لاتعاودينها ترى ماارضى عليه

اقول اشتبتلبسين باجر علشان اعرفج

انا بلبس عباة خضرة وبمسك جنطة صفرة وبلبس الله يكرمج لا بجين بني عاد حاولي تعرفيني انا بصرخ مدريدو مدريدو مدريدو عاااااادي لاتستغربين لازم اوقف مع ولدي واشجعه

 

[حور الجنان]

السلام عليكم
هلا فيج سر القلوب
حبيبتي بالنسبه لقرار نقلي لبنتي لمدرسه الرساله صج كان صعب بس الاصعب كان مدرستها القديمه كانت بعيده علي ويوم سمعت لرسه راح تفتح وقريبه على المنطقه استخرت ونقلتها وخاصه كنت ازور المدرسه قبل التسجيل اكثر من مره وماكانو يقصرون عن اي استفسار

بالنسبه للايجابيات هالمدرسه عازلين البنات عن الصبيان
وهالشي حيل ريحني بنتي كانت في مدرسه البنات والصبيان فيها مع بعض هم عدد الطالبات بالصف شويه وهالشي لصالح الطالبه يكون التركيز عليها اكثر وغير هذا ماده القرآن شي الزامي وحصه بروحها منفصله عن ماده التربيه الاسلاميه وهم ماكو موسيقى والمدرسه اسلاميه هالشي حببني اكثر بالمدرسه
انا بنتي كانت في مدرسه الرواد المدرسه من ناحيه التاسيس ممتازه مدرسهم العربي كان مؤسسهم صح ولاحضت الفرق بهالمدرسه ولوما سالفه الطريج واختلاط البنات والصبيان مافكرت انقلها من مدرستها بس قدر الله وما شاء فعل وان شاء الله هالمدرسه فيهم الخير والبركه ومالازم نظلمهم كاي مدرسه جديده راح يكون لها سلبيات بس انا من وجهت نظري راح يكون لها مستقبل كبير هالمدرسه بس على الله مايزيدون رسومهم:yaaaaaarb:
وسامحوني على القرقه الزايده:tek:

 

[سر القلوب]

وعليكم السلام

هلا بحور الجنان

اول شي بالنسبة للقرقة والله ياوخيتي لاقرقتي ولا شي يازين احجياتج انتي ماشفتي قرقتي والا فصلتي لافصلت ..:klhfl:... الله يعين


وانا لي شرهة عليج حبيبتي

انا وسديم متجابلين وهات ياقرقة ودنا باللي تسير علينا وتوسع لنا اصديرنا ووالله احنا نوله عليكم اشدعوة ماتسيرين علينا يعني من بعيد ليبعيد نبي نستمتع بسوالج الحلوة يالحبيبة

 

[sadeem yam yam]

هلا سرووره قلبي اجل لابسه اخضر هااه عيل انتي مو احسن مني انا شريت ترننغ احمر وخذيت هذا شيسمونه مال المشجعات الاجنبيات وقعدت اطامر اليوم عدل لاتقوووولين ماشفتيني لوووووووووووووووووول

والله اليوم كسرووا خااااااطري الابلااات .. سر امبييييييييه شفتي الصبيان ؟؟
لا لا شي مستحيل !! الكراسي صاعدين نازلين واولهم ولدي خخخخ .. والله زفيته زف اكبر عيب في ولدي التقليد عسى ماشاف احد تشيطن فزع معاه .. والله الابلات مساكين .. ساعه ونص وصدع راسي وضاااق خلقي على الابلات شلون اهم من الصبح .. الله يعطيهم العافيه ماقصروا
لا كله بصوب والبنات بصوب ثاني ياحلووهم ويازينهم الله يحفظهم.. ترتيب ويسمعون الحجي وتشجيع ..ونظااام تبارك الرحمن لو حاطين الصبيان بالملاعب الي برا احسن لهم في فتره تواجد اولياء الامور .. بس عموما كان يوم ممتع وعياالنا استااانسوا حييييييييل والله ولدي دخل مع الباب وعلى طووووووووول حط راسه وناام زين بعد عده محاولات رضا يفصخ ملابسه ويبدل

واخرتهاااااا لامدريدو ولابرشلونووو .. عندي انا ياااحلو البنااااتوو < عشان يصير على الوزن لوووووووووول