تجمع لأولياء امور طلبه مدرسه الرساله ثنائيه اللغه

[سر القلوب]

عاشوا البناتوووو

فيني النوم مافيني اعلق بس ماحبيت امر واسكت لووووووووول نغزة
تصبحين على خير

 

[كلي ذرابه]

هلا فيج كلي ذرابة
حياج الله

وماعاش من يحقرج ومايرد عليج


حبيبتي المدرسة يديدة ولازلنا باول السنة تقريبا واغلبنا امهات يدد في التجمع يعني الحكم عليها حكم نهائي غير عادل ، لكن ليلحين مستوى الولد مرضي وخاصة في تحفيظ القران الكريم ماشاء الله انجزوا وايد واصلين الحين سورة التين ، والمدرية وايد حريصة على التطوير والاخصائية تبارك الرحمن نشيطة وتعاملها راقي والادارة كلكل تعاملهم راقي وكن ان عدد الطلاب قليل ومراحلها قليلة كونها يديدة هذا ممكن يميزها من ناحية انهم حافظين الاولاد واحد واحد وقادرين يسيطرون عليهم ، وانا زرت المدرسة مرة وكان بالصدفة عندهم فرصة فقالولي طلي من الدريشة شوفي اليهال يلعبون بالفرصة .. فشفتهم وليت مدرسات وااايد عليهم مناوبة بالفرصة مع اليهال والنيرس موجودة معاهم بالفرصة وهذا الشي ريحني .. وبالنسبة للمدرسات ومن خلال لقائي معاهم بالاجتماع ماشاء الله عليهم حبوبين ومااقدر اذم ولا وحدة فيهم لاني بكون ظالمتها .. والمنهج اللغة العربية والاسلامية طبعا الحكومة والرياضيات بعد والتربية الوطنية الحكومة لكن الرياضيات بصف رابع راح يصير بالانجليزي وعندنا منهج خاص بالمدرسة اسمه مهارات سلوكية وهو عبارة عن تربية لسلوكهم وتهذيبهم عن طريق القصص والعبرة والعظى ومطلوب منهم تطبيق اللي تعلموه بجميع الحصص ومدرسة المهارات تسال من وراهم المدرسات عن سلوكهم وعلى هالاساس تقيمهم لمادتها ..


اتمنى اني اكون جاوبت على تساؤلاتج وحبيت اقولج اني نصحت اخوي يدخل ولده فيها اولى روضى ان شاء الله السنة الياية هذا اذا بتساليني عن رايي فيها اكثر

واذا عندج اي تساؤل حياج الله عندنا بالتجمع والبنات مايقصرون وامنى ان كل وحدة ادش بعدي تذكر رايها بالمدرسة عشان اختنا كلي ذرابة تعرف تقيس الامور من خلال اكثر من راي وتعرف تقرر وتختار

واسفة على الاطاااااالة

مشكووووووره يا قلبي ما قصرت:eh_s(7):

 

[كلي ذرابه]

عندي سؤال ...

شلون طريقة الهوم وورك,,,

لاني قريت في بداية تجمعكم انه ما في هووم وورك هل هذا صحيح ولا لأ...

وشغله ثانيه متى يبدى التسجيل؟؟؟وهل اهي مالت السويدان,,,

ومشكووووووورين مقدما...

 

[سر القلوب]

هلا حبيبتي كلي ذرابة


بالنسبة للهوم وورك

القرآن كل يوم حفظ وغالبا يحفظ بالمدرسة بس مراجعة في البيت

والعربي غالبا كل يوم يكتب كلمة او كلمتين تقريبا 5 مرات

والرياضيات تقريبا يوم وترك

والانجليزي والعلوم مرة بالاسبوع

التسجيل يبدأ شهر فبراير

والمدرسة مالت سمية المطوع

والعفو حبيبتي ماسوينا شي

 

[كلي ذرابه]

ادري اذيتكم...

بس شلون عرفتم المدرسه لاني ما عرفتها الا من تجمعكم...

واللي عجبني ان الرياضيات لي ثالثه عربي...

وما في ضغط بالهوم وورك...

 

[كلي ذرابه]

سر القلوب مشكوووووره ...

بس بعرف شلون تأسيسهم للعربي والانجليزي...

شلون تأسيس ولدج تعبتي وياه ولا تحسين الولد فاهم,,,

 

[سر القلوب]

حياج الله كلي ذرابة باي وقت حبيبتي

انا عرفت عن المدرسة من ادارة مدرسة الرؤية وبالنسبة لتاسيس العربي بالمدرسة ممتاز اما الانجليزي مااقدر احكم عنه لان اهم مومخلينا على اطلاع للغة الاجليزية قليل الهوم وورك وكل شي بالمدرسة بس اعتقد ان الامور تسير على مايرام

اما تاسيس ولدي انا بالنسبة لودي كان بالروضة الباكستانية وتاسيسهم زين لكن بالرياضيات طبعا غير نهائي لازم معاه اول باول بالهوم وورك والمنهج مال الحكومة واااايد صعب

اما العربي يعرف الاحرف ومسكته للقم زينه لك نتعلم الكلمات وكل شي ماشي الحمد لله

العلوم انا بالنسب لي اعتبره صعب لانه بالانجليزي لكن بالول والاخير هذا اختياري اا اللي اخترت ثنائية اللغة

وعسى الله يوفج عيالنا يارب

 

[سر القلوب]

السلام عليكم

وينكم منو موجود من الخوات

سديم وينج اتصدقين اليوم ولدي قالي ان الاسبوع اللي فات مساعدة اللغة الانجليزية طاقته طراق

والله تضاقت على الاخر

شنو اسوي عطيني رايج سدومتي والخوات اللي تدش تعطيني رايها شنو اتصرف

 

[كلي ذرابه]

مشكوووووووورة اختي ما قصرتي...

 

[سر القلوب]

حياج الله ماسوينا شي


سدوووووووووومة وينج عسى ماشر ترى فاقدتج واحاتيج بس دشي طمنيني عليج وطلعي بسرعة اذا كنتي مشغولة

ان شاء الله المانع خير

 

[قطعة حلا]

السلام عليكم وياحلو تجمعكم اللي جاء والله بوقته....سديم وسر القلوب وبعد البنات الباقين أنا بأخذ رااييكم واتمنى القى جواب...
بصراحه انا ناويه ادخل بنتي لمدرسه الرساله وهي اللحين بروضه حكوميه هل عادي يدخلونها ولا لا..وثانياا انا مطلقه وعندي صك الحضانه هل يصير اسجلها ولا مايصير لازم ابوها...
وبصراحه بنتي شاطره بالأنقليش وتحبه وودي اطور لغتها بس مو كاسر ظهري الا الرسوم انا ماعندي الا معاش الشؤون وبنتي مايمشي لها الا 120 فيها كل شيء......لاتقولون خلي ابوها يدفع الرسوم لأن ابوها اللحين قاعد يراكض عشان يخفضها..قولوا لي رايكم وانصحوني هل ادخلها واظغط على نفسي ولا ادخلها حكومه..انا ساكنه في فهد الاحمد والمدرسه قريبه من بيتنا...عطوني حل..

 

[قطعة حلا]

مدارس فهد الاحمد جديده...ومدرسه الرساله جديده وقريبه من بيتنا بس رسومها 2200 والله ودي فيها بس من وين ياحظي...

 

[sadeem yam yam]

السلام عليكم .. سر شلونج حبيبتي .. اشتقت لج وااايد
والله كنت غايبه عن المنتدى الفتره الي طافت لان ولدي مريض .. وتنوم بالمستشفى جم يوم والحين الحمدلله احسن وخليته يداوم
والحمدلله على كل حال
بعدين شلون تقولين الابله طاقته قووويه !! ليش ماسالتي واستفسرتي عن هالموضوع غلطانه ياسر .. جان تاكدتي ..وبعدين ابله الانجليزي واااايد هاديه وماذكر انه معاها مساعده ؟
المساعده الي تكون معاهم بالصف على طول .. وتحضر معاهم اغلب الحصص هذا الي اعرفه .. واذا انتي متاكده من كلام ولدج روحي كلمي الابله .. تضااايقت عليه حبيبي والله
قطعه حلا .. حبيبتي نصيحه لوجه الله استخيري ربج .. والله انا كنت مسجله ولدي بمدرسه غير الرساله وانقبل فيها اهي والرساله مع ان الرسووم فررق وسبحان الله استخرت وارتحت واااااااايد حق الرساله والحمدلله
انتي شوفي والله يكتب الخير لبنيتج ياااارب

 

[سر القلوب]

السلام عليكم

سدومة حبيبتي مايشوف شر الغالي والله كنت خايفة عليكم واحاتيكم ليش انقطعتي يالله غدى الشر ان شاء الله

ووالله سالفة ولدي انا متاكدة مليون بالامية انها طاقته لاني اعرف ولدي اذا كان صاج واذا كان يجذب

وكلمت مس دجانة وقالت انا سالت المدرسة ونفت بتاتا هذا لانها كانت معاها طول الوقت وماشافتها اطق طبعا الكلام موداش مزاجي بس بلعتها وسكت لان الولد ماقالي بنفس اليوم كان ويك اند وماقالي الايوم الاثنين بالاسبوع اللي بعده فهذا اللي خلاني انجعم وانطم بعد

وترى مساعدة الانجليزي غير هذي دايما تكون مع مس الانجليزي بس

وحبيبتي قطعة حلا انا مع اختي سديم استخيري وشوفي

وعلى كرة ترى مدارس الحكومة وايد زينه وماعليها قاصر ونظام التدريس عندهم وايد متطور ويطبقون اخر الدراسات وطلع من الحكومة دكاترة ومهندسين واطباء وعلماء وغيره وغيره بس اهم شي المتابعة والتدقيق وانج ماتتنازلين عن اي شي خطا من جانبج او جانب بنتج او جانب المدرسة

والله يوفق بنيتج ويبلغج فيها ان شاء الله

 

[أحب حياتي]

سلام أخواتي ممكن اسال عن المدرسه شنو رسومها وابي اعرف زينه او مو زنه وكم طالب بالصف حاليا
اعلم انها جديده بس راغبه باجوبه لأسالتي لو تتكرومون جزاكم الله خير عطوني بعد معلومات

 

[سر القلوب]

هلا والله

المدرسة يديدة بس الى الان زينة ومرضية ورسومها الروضة 1500 والابتدائي 2200

ووالله مادري جم واحد بالصف

عموما اذا رجعتي للصفحات القديمة بالموضوع راح يكون عنج تصور اكثر
والتوفيج للجميع

 

[sadeem yam yam]

السلام عليكم .. سر شلونج حبيبتي وشلون عيالج ..
بدت فتره الاختبارات الله يعين ومن اولها راح يغيب ولدي عنده موعد بالطبيب .. الحمدلله على كل حال
سر بسالج شنو التقويم الي راح يقيمونهم عليه بالعربي .. املاء ولا شنو؟
والانجليزي الاوراق الي وزعوها هل هي طريقه الاختبار ولا شنو بالضبط ..
مادري شفيني صاير مالي خلق حتى التفكير مالي خلق افكر استغفرالله ياربي

 

[سر القلوب]

وعليكم السلام ورحمة الله
هلا والله سديم انا بخير وعيالي بخير الحمدلله
انتي اشلونج واشلون عيالج وبشريني على وليدج ان شاء الله احسن وطمنيني عفية عقب المراجعة شيصير معاج

بالنسبة للعربي الظاهر بيقيمونهم على الاملاء اللي دزوه بالخطة الاسبوعية الدرس الاول والثاني والثالث والكلمات الخارجية اللي حاطينها بدفتر الواجب

اما الانجليزي الظاهر هذي الدروس والكلمات اللي تبدا بهالحروف اهي اللي داشة معاهم والله اعلم مع اني في كلمات ماعرف معناهاا وحاولت اطلعها من القاموس في الانتر نت ومالقيتها مثل sat , pat والله كريم ووالله العلوم وايد صعب ولدي اليوم يايب فيه 18 من 20 والثاني 17 من 20 ظاق خلقي

انا حسيت ولدي مستواه قاعد ينزل وصاير ماله خلق الدراسة الله يستر

تدرين اليوم ولدي لما رحت اخذه لقيت براطمة منتفخة وطالع منها دم ولثته فوق ضروسه اللي جدام بعد منجرحة يقول طاح بالفرصة والنيرس ساعدته ومسحت الدم وقالتله باجر يطيب على قولته وكملها اليوم فبيت اختي طاح بالدري وحافة الرخامة طقته على عظمة ساقة وعاد ماشاء الله كله يلد على عظم فالعوار خلاه يفرق بالقاع
الحمد لله على كل حال جذي ولا غيره

 

[sadeem yam yam]

ااااااخ ياحيااااتي .. سلامته حبيبي مايشوف شر .. والله ياسر الله يستر عليهم من شطانتهم وحركتهم .. صار الواحد ايده على قلبه من الخوف
انا الحلو الي عندي من اسبوعين طايح بالفرصه على راسه وتعالي شوووفي شكله يخررررررع والطيحه صايره صوب العين لدرجه ان حاجبه انتفخ وغطى على عيونه .. ورحت افحصه خفت عليه ..
وهذاك اليوم رايحه المدرسه واشوفه بالفرصه يماااااه شنو هذا . رررررركض وضحك واالاكل بحلجه .. زين لو غص ولاشئ .. اففف صايره على اعصااابي ..الله يستر عليهم بس ويهديهم ويكفيهم الشر والمكروه ..
وعلى طاري ولدج ماله خلق .. انا صايره مثله بالضبط حتى ولدي صاير يمل ومااااااااااله خلق .. وانا بصراحه زودتها قمت اخليه على راحته .. تعبت وانا احن وانادي واصرخ
حتى القران صاير يتاخر عن الي معاه بالصف بالحفظ ,, والاملاء يحفظ حزززه الحزه .. ويعرف كلمتين والباجي لا
والانجليزي اااااخ يهالانجليزي والله مايعرف كوعه من بوعه حتى الكلمات الي تنحط بالفراغ انا الي اعلمه واهو شاطر يشير الاجابات ويحط على مزاجه .. الله يستر من الكورس الثاني شنو راح يصير اذا من اولها جذي

الا سر تعاالي صج بسالج ولدي اي واحد بالفريق الاخضر .. باليوم الرياضي اهو الي كان شعره سبايكي ولا الي شاعره ناعم ولا الي كان الاول لوووووووووول

 

[sadeem yam yam]

بنات شفيكم ليش الموضوع صاير ورا
سروره عسى ماشر قلبي وينج مالج طله بالموضوع