تجمع لبنات فوق 30 كيلوو لعيونكم ارحبوا

[قطوه شماليه]

مرحبا بنات شبارم هالتجمع للي وزنهم كبير
للي تبي تنزل تقريبا اكثر من 30 كيلو

بنات مايحتاج ازيد عليكم وعلي بالكلام
انتوا عارفين وانا عارفه شنو اللي بخاطركم ونفسكم فيه
من تدلع ولبس وناسه وشعور واحساس الخفه والطيران
من دون الزياده اللي علت جبودنا وزنا شوي حبتين كبير
يبيلا صبر واراده وعزم عشان تروح من حياتنا هل كيلوات
بنات انا بسوي هالتجمع للبنات اللي وزنهم
اكبيره شوي وارادتهم قويه وعندهم عزيمه اصرار مو عزيمة اكل وبلعه

نجي للمطلوب الحين كل وحده تسوي نفسي
الوزن:100.5
الطول:163
الوزن المثالي:66
الوزن المرااد تنزيله:34 كيلو
عمرج اختياري:22
حالتج الاجتماعيه اختياري: متزوجه ولدي طفلين
(((ونجي للمهم)))
شنو ريجيمج: انا احاول اسوي ريجيم كل يوم صنف وربي يعيني
والرياضه: مشي 15 دقيقه مبدأين+رقص شرقي بس اغاني بدون موسيقى نص ساعه+رياضات متفرقه نط درج زنود يعيني

بنات ياريت المشتركات يكونون جادات بلييييز والله انا وحده مليت
ونبتدي انشاءالله متى ماتجمعنا جم بنت يالله بنات وروني همتكم
بنتظاركم
​

 

[كيكه توفي]

بالتوفيق

 

[وتمضي السنين]

انا ويااااج ومحتاجه احد يساعدني واسولف معاه كل يوم وش اكلت وش ما اكلت خلاص بس متى نبتدي خليني اعلمج سالفتي الحين
انا اول ما تزوجت كان وزني 105 ك وبعدين جبت اول مولود ووصل وزني بعد الولاده وبعد الاربعين 112 ك وسجلت بنادي ووصل وزني99ك وهم رديت لوزني 108ك وبعدين سجلت بنادي ونزلت ل96ك ووناسه وقعدت فتره محاظه عليه حتى جبت ولدي الثاني ووصلت وزن 108 مره ثانيه عاد الحين مسجله بنادي رياضي وابشرك وصلت وزني 104 وابي انزل زيج بالضبط ابي انزل 34 كيلو
الاسم :وتمضي السنين
الوزن :104 ك
الوزن المثالي :69 او 70ك
الطول :169
الحاله الاجتماعيه متزوجه ولدي 3 اولاد
بالتوفيق لنا ويالله نشد الهمه ونشجع بعض

 

[وتمضي السنين]

خلينا نبدا من باجر وش رايك

 

[قطوه شماليه]

هلا ومرحبا اختي وتمضي السنين يامرحبا والله
من باجر البدايه ولا يهمج بس شدي الحين وقصتج مبين عليج
موراضيه بالوزن ةهذا اهم شي ان الواحد مايهمل نفسه
ويومين انا ادش التجمع وموفقين اجمعين
شيشتيني الحمدلله
​

 

[قطوووة]

عساكم تنزلون بصحة وعافية وتصيرون مانيكانااااااات

 

[مسك81]

وياج حبوبه قلبا وقالبا وفغلا نبي تجمع نشجع بعض والله يوفقنا

الوزن 110
الطول 150
الهدف الاول 99
الوزن المطلوب 65
الحاله الاجتماعيه متزوجه وعندي بنوته وولدين
الله يوفقنا وننزل بالصحه والعافيه

 

[قطوه شماليه]

قوووه بنات
انا توني قايمه اكلت حبوب الغده
وسويت قلاص جاي بايووجي انطره يبرد وشربه
واليوم ناوويه بس اشرب حليب خالي الدسم عشان
اليوم معزومه عند رفيجتي ع العشى والله يستر
بخفف قد مااقدر وبتجنب الحلو والمعجنات
لي رجعه بالليل اقولكم شسويت
وانتوا بنات قولوا لنا يومياتكم
وماوصيكم كثرووووووو مااي
​

 

[وتمضي السنين]

سلام قطوه ومسك اخباركم انا قمت متاخره وشربت قهوه وتوست نخاله وما كملتها لوعت جبدي القهوه
وتغديت قفشتين رز ابيض ودجاج حميسه شويه وعصير انا اناس كوب والحين ابروح للنادي ساعتين تمارين
وبالليل ابتعشى شي خفيف ودي انزل اليوم نص كيلو اتمنى من الله اني انزل عن الميه باسرع وقت
متى الوزن قطوه خليه كل سبت او كل جمعه ويبدا من الجمعه هاذي عادي
يالله والي يبدا معانا يحط وزنه على طول ويبتدي زين
سلام اشوفكم بالليل

 

[اثمان]

السلام عليكم


تستقبلون؟؟

وزنى 79 طولى 164


وودى اصير بالخمسينات .......................حلمى

 

[مسك81]

اهلااا بنات
اشلونكم شخباركم
يومياتي كليت صدر دياي مع فليفله بارده +1توست اسمر


تمنياتي لكم بدوام الصحه والعافيه

 

[مسك81]

مرحبااا
المغرب تفاحه +2 بسكوت دايجستف لايت

العشا زبادي اكتيفيا +2كيوي

 

[بــ زايد ــنت]

مساء الخير شحالكم

 

[مسك81]

بخير يسلمج ربي

 

[وتمضي السنين]

مساء الخير
انا المغرب ييت من النادي وشربت عصير برتقال فرش
وبعدها قهوه عربيه
والعشاء فتوش وعصير بعد
وتوني شربت نعناع طازه يهدي الاعصاب
بالتوفيق بنات

 

[دلع طفوله]

صباحكم معطر بذكر الرحمن ونفحات الايمان


وزني 110
طولي164
عزباء
عمري 23
ريجيمي ماادري كل يوم صنف لوشنوووو

بس انا اصوووووم بسماعرف وش اكل


الله يعين بس​

 

[قطوه شماليه]

مرررحبا بنوتات
مابي اقولكم شنو اكلت بالعزيمه عشان لا ترتخون اللي فات مات
الحمدلله اليوم اكلت حبوب الغده وعقبها بنص ساعه شربت للبن اكتيفيا قليل الدسم
وانشاءالله حاسه بوناسه مع هالتجمع احس حلمي بيتحقق انشاءالله
شدوا الهمه بنات وبخصوص اختي اثمان حياج الله ماردج دامج دشيتي قروبي
حياج الله وبس انتي اتمنى محد يدش غيرج
​

 

[sh-q]

انا بعد بدش معاكم

عمري 18
و ابي اصير 70 قبل عيد ميلادي شهر 9

و زني 108 وطولي 166

يلا انا معاكم
من امس قررت اني اسوي رجيم السوائل و ان شاء الله رمضان ياي وعساكم من عواده
وبرمضان بس محتاجين نشرب ماي كثر ما نقدر

وقلت ببلش من اليوم بس الوالده مسويه غدا كبة مرق وما قدرت اقاول
واكلت 3 مع عصير اناناس
والعشا عصير اناناس كي دي دي طبعا لان مافيه شكر

يلا انا معاكم ان شاء الله وكل سبوع بقول لكم جم نزلت

 

[sh-q]

اي و نسيت اقول
هدفي الاول 100
والثاني 90
والثالث 80
والرابع 70
والخامس ان شاء الله 60

 

[وتمضي السنين]

السلام عليكم بنات
كيف حالكم انا تمام
تريقت خبز اسمر مع جبن ونسكافه
وتغديت سلطه عليها خلطه زبادي
والعشاء معزومه اليوم وابحاول ما اخربط وابشرب شاي اخضر الحين مع نعنع طازج
ماعلمتوني ؟؟متى راح يكون تسجيل الوزن؟؟ ترى السبت مناسب او الاحد