تجمع لخبرة بلدي الكويت ( تعالوا نفكر مع بعض )

[lovely jojo]

صباح الخير عهود ...
لاني مو حابة انطق :23_asmilies-com:
ههههههههبقول جم فكرة حق درسي باجر بس ما رتبت افكاري عدل ليلحين
حلقة يتعرف ان الكويت بلد عربي مسلم
المنبه احتمال مسجد او هدية نفتحها يطلع لنا ثوب صلاة وبجذي اتكلم ان الكويت بلد مسلم
اما عربي عجبتني سالفة الشريط الاجنبي وفي بعد فبالي طريقة من مسرح العرائس اطلع صور لاشكال الشعوب
وكل واحد يختلف لبسه وطريقة كلامه ونسأل الاطفال شنو جنسيته وعندي خريطة الكويت من بعد ما عرفو شنو جنسياتهم
يجيبون اعلام الدول العربية من الاركان ونثبتهم بالخريطة اكون حاطتهم على اعواد خشب..
وبس ...
يالله ابي تشجيع ترى هذي 2 سنة لي بالتدريس
بس ابي افكار حلوة حق درس يميز علم الكويت القديم والحديث ..:eh_s(20):

 

[همسة شقا]

يعطيكم العافية على الصور الحلوة

 

[fofowa_q8]

يعطيج العافيه حبيبتي عهوود الحب على هالمجهود الراااااااائع

 

[fofowa_q8]

انا باجر درسي يتعرف ان الكويت بلد عربي مسلم

بعرض اشكال هندسيه على البروجكتر واسوي فيهم شكل مسجد (مستطيل-دائره-مثلث)

وبعدين احط صوت الاذان وين نسمعه؟ ومنو اللي يصلي؟ المسلمين

واحنا بالكويت مسلمين وبعدين بمسرح العرايس شخصيه عندها قصة اجنبيه وموقادر يقراها

لان اهو عربي والمسابقه تركيب صورة مسجد

ومادري ابي افكار بعد لان الدرس حددده جامد ومليق :/

 

[عهود الحب]

لوفلي المميزة مميزة من اول سنة تعيين
ومشكورة ياقلبي


اهو فعلا أول يوم شوي جامد
بس بعدها تصير الدروس احلى شوي

 

[Ťђё Ĕηđ]

تسلمين عهوووود عالمجهوود القيم

عسى الله يوفقج ويحقق لج اللي فبالج

بنات باجر عندي ان الكويت بلد عربي يقع على الخليج العربي شلوون احققه ؟؟؟

انا قلت يمكن اسوي منبهي الفراشه اتدش علينا وتحاجيني بلهجتها وعقب اسأل الاطفال شنو تقوول مافهمت؟

وليش مانعرف لهجتها؟؟؟ لان لهجتها غير واحنا نتكلم اللغه العربيه وهي لغة القرآن والكوبت من الدول العربيه

ومن خلال مسابقه الاظرف نطلع الخريطه واناقشهم عليها ان الكويت تقع على الخليج العربي وهناك دول اخرى تقع عليه نسميهم دول الخليج واعددهم وهم يتكلمون اللغه العربيه والعبهم مساببقه الاظرف ونستخرج العلم ونتناقش فيه عن ألوانه ووبين نشوفه والنشيد الوطني واذكرهم بالسلوكيات في النشاط لازم نحترم العلم وننشد النشد الوطني من غير مانتحرك وعقب صورة الامير وولي العهد ومن خلال صندوق محطوط بالاركان نستخرج سجاده واناقشهم شنو نسوي فيها طبعا نصلي عليها اذا نحن مسلمين دولة الكويت دوله عربيه مسلمه تقع على الخليج وبس

شرايكم فيه ؟؟؟

صج جاااااااامد الدرس بس الله يعين

 

[A7lam]

منبه ابراج
http://www.gulfup.com/do.php?id=2862634

انشالله يعجبكم :eh_s(17):

 

[DoOoOoha]

عساااااج على القوه عهوووود ولاهنتي

وكل وحده افادتنا يااارب

انشاءالله انزل دروسي بس اذا داومت اما بالنسبه للصور والتطبيقات علموني شلون انزل عندي صور وتطبيقات حلوه ابنزلهم

ومنكم نستفيد

ولاهنتوا يا كويتات

 

[أم حمد 4]

واي مقصرتوا يا مبدعات ما قصرتي كيتي وعهود اشلونك دايما ما تقصرين مع معلماتنا انا اذكر انك نزلتي منبة بور بوينت سور يا ريت تحطينة اذا تقدريين وعندي هدف يتعرف على العملات المحلية 5- 10 - 15 شنو احط مسابقات ومنبة

 

[عهود الحب]

قوة بنات شلونكم ؟



انا عندي رسالة لعضوة اسمها غروك و غيروك
وبالغلط بدال ما ارد حذفتها
الحين البنت مادري شنو طلبها ؟


اختي غيروك اذا عندج نسخة من الرسالة ممكن تدزينها ثاني مرة لأني حيل مستحية منج بصراحة
والسموحة امس مصدعة والزراير داشين ببعض عبالي رد طقيت حذف الرسالة

 

[عهود الحب]

احلام مشكوووووووووووورة عالمثير
يهبل مثلج ياحلوة
لاتحرمينا من هالحركات عسى ربي مايحرمج الجنة

 

[عهود الحب]

ضحى كلنا تعلمنا شوي شوي والحين قاعدين نساعد بعض
و ربعن تعاونوا ما ذلوا جاهم المطر ما ابتلوا << خوش مثل

كيتي مشكورة كل اضافاتج درر
لوفلي كلج حلا و درسج حلو وماعاش من يقرب صوب رويسج :23_asmilies-com:

ام حمد انا حطيت مثير سور بالصفحات الأولى ؟
خل أتأكد واذا مو موجود احمله مخصوص
افا عليج تامرين امر


بالنسبة لدرس النقود

شرايج بلعبة المونوبولي تعرفينها
في فلوس مو صجية
شرايج تستخدمينها بدرسج سواء بمشهد تمثيلي انه طفل حاول يشتري من الجمعية
والمحاسب رفض يأخذ النقود منه
وتعرضين لهم الفلوس وتسألينهم ليش؟ بيقولون لأنها فلوس جذبية مو صجية


او تحاولين من خلال الفلوس الكبار
اذا تعرفين للبوربوينت تسوين اخفاء اجزاء من النقود الين يتوصلون لها

واذا ما تعرفين للبرنامج
اعرضي الفلوس بس مغطيتها بورقة بيضة وشوي شوي تسحبين الفلوس ويبين جزء منها الين يعرفونها
او
او
بكيفج عاد


مسابقات تصنيف العملات من الأصغر للأكبر

من الدينار للعشرة
لأنه مافي عملة 15
موفقة بالدرس :friends:

 

[دفعة مردي]

يعطييييج العاااافية عهود ماقصرتي
بنات بسألكم شنو ننصنف للعددي ؟

 

[عهود الحب]

ابراج <<<<<<<<<<<<<< من وين ما اتذكر بس ان شاء الله ينكتب لصاحبته الاجر


http://www.gulfup.com/do.php?id=2869749

 

[عهود الحب]

دفعة مردي حسب الهدف العام

ممكن تصنفين اعلام الكويت بس لازم تخلينها واقفة
ممكن اي شي
حددي هدفج العام

 

[عهود الحب]

ابراج ثانية بعد

http://www.gulfup.com/do.php?id=2869750

 

[عهود الحب]

مثير ثاني
شسالفته ما ادري

بس اخذوه


http://www.gulfup.com/do.php?id=2869751

 

[أم حمد 4]

حسب هدفك ممكن اعلام ملابس شعبية اواذا بدخلينة بالعرس الكويتي القديم حلو مباخر مرشات

 

[أم حمد 4]

حبيبتي عهود اذا عندش بور بوينت عن النقو د والسور ما عليش امر تقدرين تحطينة في ميزان حسناتك ان شاء اللة

 

[عهود الحب]

ابشري بس الموقع معاند
كل ما حملت يصير ايرور طولي بالج شوي