تجمع للبنات المسافرين لماليزيا

[ArEEj]

السلالالالالالالالالالالالالالالام:eh_s(9):
يا هلا ومرحبا

بما انى بروح ماليزيا ان شاء الله لاول مره
فانا خذيت جوله بالقسم ما شاء الله
افكار حلوه ونصايح اجمل من البنات
بس فيه مشكله صغيره
ان البنات اللى رايحين هناك يتكلمون بشكل احيانا ما افهمه
لانى ما اعرف المناطق اللى هناك والافضل
شرايكم بنات نسوي تجمع اهنى
ونقول كل وحده متى بتروح - جم شخص- جم التكلفه المتوقعه
احسن الاماكن - تخطيط للرحله :eh_s(20):

انا عن نفسي بشكل مبدئ بسافر 1/7
لمدة 10 أيام فقط ولشخصين بس
ما عندي اى فكره عن الميزانيه اللازمه للرحله
افكر اروح كوالالمبور - جنتنغ - بياننج - لانقاوي

هذا بشكل مبدئ مع المده يمكن ما تكفي احتمال اختصرها

اشرايكم قولوا لى كل وحده شنو خطتها ؟؟؟​

 

[احلى كويتيه]

في موضوع حق الاخت شهد@ وايد مفيد
وللنقاوي وبياننج اثنينهم جزر وجنتنج هذي الي جنج مو بماليزيا بارده لبسنا جاكيت فيها بس حسافه صغيره ورتفعه بالجبل وما فيها اماكن كوالامبور العاصمه حلوه انح ترحين جنتنج وكوالامبور لان سفرتج صغيره وراح تتعبين اذا رختى لاربعتهم طيران داخلي والا عباره والا باص والا سياره اكثر من ساعتين وموفقه

 

[diorella]

انا رحت ماليزيا ورحت كوالامبور وجنتنج وبصراحه مارحنه جزر لان يقولون ارطوبه وماتصلح للمتحجبات .. يعني ماراح نستانس
اما جنتنج روحيلها الصبح مبجر لان تسكر امبجر .. على العموم ماقعدنا فيها يعني ما نزلنا اب اوتيل واشونه ماقعدنا لانها تصلح حق اليهال والي يحبون اللعب لانها عبارة عن مدينة ترفيهيه والحلو فيها ان جوها ابرد من تحت لانها مرتفعه وتروحون لها بتلفريك بس بسياره من كوالالمبور دررررررررب وبصراحه لو اروح مره ثانيه حق ماليزيا احس ماتسوه جنتج.. بس تعب
اما كوالالمبور قعدنا في اوتيل (فيدرل) بشارع العرب .. بصراحه ماعليه عيب .. بس ليما تنزلين بشوارع صيحه و زحمه
بعدين قعدنا بالتايم سكوير .. بصراحه فررررررررق صج صج شفنا ماليزيا بس عشا غيرنا الاوتيل .. اقولج اشلون
اول شي قعدنا بشقه بتايم سكوير لان احنه عائله واعتقد في غرف .. على حسب رغبتج
بس صراحه تشرح القلب فيها غورفتين و حمامين ومطبخ وصاله وسيعه تهبل واحنه شقتنا الغرف ملوتها اتطل على المسبح فاقوليلهم لو تبون ولان الشقه فوق فاتطل صالتنا على المناظر الحلوه والسوق والجبال .. صج صج اينن
والتايم سكوير له مول شكبررررررررررره والله ردينا الكويت ماخلصناه من كبره حتى مدينة ترفيهيه فيه .. حتى رحت وركبة لول
وفيه افلام 3 دي
وسينمات واسوقه مالها نهايه .. وعلى فكره حجزنا من ماليزيا وسعره مو غالي
اتمنى اكو افدتج .

 

[ArEEj]

مشكوووووورين على الردود اللى تشرح القلب
طبعا فدتونى وفدتوى غيري من البنات اللى اول مره بيروحون
انا شفت موضوع شهد ومواضيع البنات بعد
بس حبيت اسوى تجمع عشان نستفيد في التحضيرات للسفر

 

[شهدQ]

شكرا اختي احلى كويتية

ويسعدي يااروجه اكون معاج بهالموضوع

لي عوده اكيد

 

[ArEEj]

أهلا يا شهد
يسعدنى مرورج والله
ما نستغني عن خدماتج
انا تقريبا خزنت كل الجداول والشغلات اللى انتى حاطتهم

 

[شهدQ]

يالله بسم الله ابدأ وماابي غير الدعاء

افضل المجمعات

تن تورز

تايم سكوير

ميغا مول

سوقو

افضل الاسواق الشعبيه

السوق الصيني ( التشاينا تاون ) الكل يحبه لانه فيه جميع شغل التقليد لمحبي التقليد بس ترى حظج نصيبج اهما محاصرين من الشرطه شغلهم كله خش ودش اما الشنط الدرجه الثانيه تلقينها معلقه على مرآى الجميع انتي وشطارتج بالتعامل معاهم والتفرق بين التقليد الممتاز والرديء

 

[شهدQ]

باختصار اريج

الجزر هي

لنكاوي وهيا ساحره بالطبيعه تنتهي نشاطاتها حزة المغرب تكفيها 3 ايام مو اكثر

بينانج طبيعتها حلوه لكن لنكاوي تتفوق عليها بالطبيعه والناس يفضلونها والسبب انها هيصه واسواق الليل بالليل بشارع باثوفرنجي وهو الشارع الي يسكنونه اغلب العرب عشان بعد الساعه 7 ينلون لشارع الليل ويتسوق من البضائع المقلده ويتعشون بنفس الشارع

اما جنتغ فهي منتجع فوق جبل يكفيه يوم واحد فقط وهي مدينة ملاهي بارده

كوالالمبور هيا العاصمه وفيها التسوق وبعض الاماكن الي راح اتحدث عنها لاحقا

 

[شهدQ]

اي نسيت في منتجع اسمه افاموسا حلوو وونيس يكفيه يوم واحد

وهم الكاميرون طبيعه خلابه بارده فوق جبل بس مافيها سياحه ويكفيها يوم فقط عشان لاتحسون بالملل

 

[شهدQ]

اي واريج قسميها

4 العاصمه

3 لنكاوي

3 بينانج

وياليت تضيفين يوم الوصول وتحطينه للعاصمه للراحه

الميزانيه لشخصين كالأتي

التذاكر ع القطريه 230 للشخص

يعني اذا انتو اثنين احسبيها 230 باثنين يساوي 460

الفنادق تختلف

عندج انسب شي وارخصهم وافخمهم تايم سكوير في كوالالمبور رائع

وبرجايا في لنكاوي او لانكاوي لاغون

وبي فيو في بينانغ لكن اثاثه لج عليه بس الطله والموقع روووعه

الجزر الرحلات اهيا الي تاكل

بلنكاوي محتاجه رحلتين

لرحلة المانغوف لاتطوفينها رائعه

والمرأءه الحامل

ببينانج

رحلة جزيرة القرود

سعر الرحلات تقريبا 25 دينار للرحله الوحده بقارب خاص لمدة ساعتين او ثلاث


اما التكاسي رخاص دينارين بالساعه

والاكل مايتعدى ال8 دنانير ان كثر للمطاعم العربيه او مطعم السفينه ببنانج وهو المفضل

التذاكر هم رخيصه 2 و3 و4 و5 ماعدا افاموسا حطيلها ميزانيه شوي غاليه بس ممتعه


الرحله لافاموسا تقريبا 20 دينار

لجنتج اعتقد 12 الى 15 ماني ذاكره

 

[ArEEj]

شهد
صراحه انتى رووووووووعه
كلامج سهل ومفهووووووووم
واحلى شي انج قسمتى الميزانيه
يعطيج الف عافيه على جهودج

 

[ArEEj]

شهد شرايج أحجز سكن من الكويت ؟؟
ولا من هناك احسن ؟؟
يعنى ما اتوهق ؟؟

انا فكرت بس تذاكر من هنيه والباجي احنا نحجزة من هناك

اى صج بغيت اسأل الكي نت شغاله هناك ؟؟

 

[شهدQ]

اريج ياقلبي كل شي كل شي من الكويت كل حجوزاتج انتبهي لاتتوهقين حبيبتي
والحين احجزي ترى الحجز فل لشهر 9
سمعي

اصرفي المبلغ دولارات امريكيه ومن هناك اصرفي الرينجات الماليزيه حسب احتياجاتج

وتالي لردتي الكويت الدولارات الباقيه ممكن تصرفينهم كويتي اما الكي نت ماجربت بصراحه بس شحادج اخذي دولارات واصرفي كل يومين على حسب احتياجج

افاموسا افضل تروحولها الصبح الى المغرب تاخذون سايق اعتقد ب200 رينجه يعني 18 الى 20 دينار حسب الموسم وتقولوله توقف هناك من الصبح ليما المغرب خل ينطركم عشان لاتتوهقون بالعوده اهو مكفول دافعيله بس عطوه نص ونص بعد ماترجعون لايروح بفلوسكم وتلطمو طبعا هناك العروض تبدأ الساعه 1 الظهر خليج ماشيه من الفندق الساعه 9 ونص عشان تلحقين على كل العروض

اعتقد تخلص الساعه 5 او 4 قصي على كل العروض مع وجبة غداء اختاري سمك هههه افضلهم الخاص بالعرب


اعتقد ب10 للشخص شامل الغداء مو اكثر

بعدين خلي التاكسي يفتر فيكم برى المنتزه يوديكم سباق السيارات بالطين والاسهم والرمي بالالوان يونس

هذا بالنسبه لرحلة افاموسا ترى فيها عروض ناريه بس بالليل للي يبي ينام فيها بس يقولون هذا احسن شي فيها بس ممله بالليل لاسوق لا ديولو حرام بالعاصمه ترجعين وكافيهات والسوق الصيني والاسواق تصك الساعه 10 ماعدا الصيني الساعه 12 والمطاعم الساعه 2 بالليل وافضلها 2 اهما خيمة الصحراء عجبني شخصيا وناس فضلو الطربوش وكلهم بشارع العرب بوكيت بيتنانج ترى التكاسي يعرفونه بالاسم العربي قوليله خيمة الصحراء او الطربوش كلهم يدلون وهم المقاهي ليما الساعه 2 بالليل

ارجع اكملج بعد شوي

 

[ArEEj]

ما تقصرين يا شهد على تفاعلج مع الموضوع
وما شاء الله كلامج كله واضح
يعطيج الف عافيه
وتصدقين فعلا اليوم كلمت السفريات حجوزات فل
وخلونى اغير يوم السفره على حسب الايام المتوفره
احس انى تأخرت حيل

 

[جاكليت]

هلا حبيبتي

عندج الصن واي لاجون
أكبر أكوابارك في الشرق الأوسط وفندقهم ايهبل ويمه مجمع على شكل الاهرامات اللي بمصر حلو

وهذا الفندق

والمجمع

​

 

[جاكليت]

وعندج بعد الماينز ووندر لاند (( المجمع المائي )) واهو المجمع اللي فيه ممر مائي يطوفون فيه القوارب ويمه حديقه تفتح بعد السبع بالليل .. لا تطوفينه

وبالرحله اللي بالقارب راح اتشوفين انتقال القارب من مستوى الى مستوى ثاني في الماي وينزل بعدين عالبحيره وتمرون على فندق الأحصنه الذهبية وهو كل ديكوراته على حصن ذهبية وتقدرين تسكنين فيه أو تروحين تزورينه ,هذا الفندق سكن فيه من قبل بابا جابر الله يرحمه لما كان حاضر مؤتمر ..

​

 

[جاكليت]

لا يطوفج بعد السفاري بارك في (( منتجع أفاموسا ))


اهي حديقة حيوان تتجولين فيها بالسيارة وأحلى ما فيها العروض وخصوصا الشواذي

​

 

[مزيونه وشقره]

ماليزيا متعه حقيقيه للي يفهمها ويقدر ها << تعشقها




مع تحياتي يا حياتي

مزيونه وشقره​

 

[ArEEj]

جاكليت شوقتيني لماليزا من اللحين
مشكوووووره يا عمري على الاضافات والصور
وفعلا انا كنت حاطتهم بخطط الرحله
بس ما توقعتهم حلوين جذي

مزيونه وشقره مشكوووره على المرور

 

[جوريةkk]

الأسواق والمراكز التجارية فى كوالالمبور

تعتبر كوالالمبور هى جنة المتسوقين الحقيقة لما فيها من أسواق متنوعة تناسب كل الأذواق والميزانيات ، وتعتبر كوالالمبور هى أهم أحدى محطات التسوق فى ماليزيا ، لذلك تجد معظم زوار ماليزيا يفضلون الأقامة فيها فى نهاية الرحلة ليجدوا الوقت الكافى للتسوق قبل العودة مباشرة لبلادهم ، وماليزيا عموما تملك كما هائلا من الأسواق سواء المراكز التجارية او الأسواق الشعبية .

أهم الأسواق فى العاصمة كوالالمبور
سوجو
تايمز سكوير
صن واى بيراميد
ماينز وندرلاند
Klcc

سيتى سكوير
سوناى وانج بلازا
بى بى بلازا
كى أل بلازا
ميدفالى ميجا مول

ذى مول
كوتا رايا
أودا أوشن
أمبانج بوينت
أمبانج بارك

ويلد
ستار هيل
لوت تن
أمبى بلازا
لو يات بلازا

كارفور
وان أوتاما
جولد سيلك
كامدار
برتاما كومبلكس

شاه علم مول Pkns صفوان بلازا ذى ستور جاينت


أهم الأماكن فى جزيرة بيننق

معبد الأفعى
باتو فرنجى
جورج تاون
حديقة القرود
حديقة الفاكهة

الشلال
السوق الليلى
القطار الجبلى
مصنع الماس
حديقة الفراشات