* تجمع للحوامل اللي مسوين عملية ربط *

[Miss DeTTOL]

انا سويت ربط بالاسبوع 15 لاني عندي 7 اجهاضات وواحد منهم كنت بالخامس طلع مني جيس البيبي بعدين انفجر
وقالتلي دكتورتي بتبطل الربط بعد اسبوعين من ادخل شهر..
وانا اتحرك وامشي بس ماشيل اشياء ثقيلة .. بس لما امشي مسافة اييني عوار ويتيبس بطني

 

[دلوعة علي انا]

حورية اعتقد صح كلامهم عنق الرحم يبين بالحمل ويكون واضح جدا بشهر الثالث وفي ناس تحتاج
سونار داخلي عشان يشوفون العنق .. انتي اهم شي ضبطي نفسج عدل باخت النفاس ( الدوره اللي بعد النفاس)
وخلي رحمج يرتاح شوي جم شهر واحملي وتابعي عند دكتوره شاطره .

مس ديتول اللهم يجعلهم شفعاء لج يوم القيام والله يصبر قلبج وربي يعوضج بتؤم بهالحمل
الربط غثيث بكل شي تحسين الم دوره ثقل نغزات نومه ثقيله حتى بالربط تحسين ماقول تسكتين
عن اي شي يحصل معاج تابعي دكتورتج اول باول لو عن طريق التلفون لو يحوشج اي الم
وان شاءالله مافي شي وكافي النفسيه انج رابطه هذي بحد ذاتها تخليج تحسين بألم هههههه
والله يتمم حملنا على خير ويرزق كل محتاج يارب

 

[بنت.المطيري]

بنااات

جم يوم الوحده ترتاح بعد عمليه الربط

 

[مذهــلــه]

انا قالولي المره اليايه اذا حملت لازم اسوي ربط

لاني اجهضت بالخامس صار توسع عنق الرحم

 

[دلوعة علي انا]

بنت المطيري ترتاح اسبوعين راحه تامه من غير ولا مشوار
وبعد الاسبوعين خفيف يعني تبدي تروح زواره تنسدح فيها
محل معين وكثر ماتقدر تريح روحها ..
مذهله .. معروف بعد ٣ شهور تعتبر مشكله بالرحم فاي وحده
تولد من الرابع وورى اتوقع تحتاج ربط حتى لو مافيها مشكله واضحه
وربي يعوضج ان شاءالله

 

[دلوعة علي انا]

وين البنات المربوطات هههه
كل وحده تقول شتحس فيه وكم وصلت
وشنو التغيرات اللي تطرأ عليها
وشلون مراجعاتكم
ومشاويركم والا مريحين !
يلاا سولفون خنتطمن على بعض

 

[دلوعة علي انا]

وين البنات المربوطات هههه
كل وحده تقول شتحس فيه وكم وصلت
وشنو التغيرات اللي تطرأ عليها
وشلون مراجعاتكم
ومشاويركم والا مريحين !
يلاا سولفون خنتطمن على بعض

 

[مذهــلــه]

انزين بنات اشرايكم بناهده العلي؟ حق ربط

والا محسن طلبه؟ البي جربتهم ياليت ترد علي

 

[مذهــلــه]

بنات امس راجعت بمستشفى الولاده عقب الاجهاض صارلي ثلاث اسابيع

قالتلي عالحمل الياي ان شالله نسويلج فحص عنق الرحم وسونار عشان نشوفه يتحمل او لا واذا قصير او لا

بس الحين مانقدر نسوي شي لانج اجهضتي بالخامس

بس بسالكم عادي السونار الداخلي حق الحامل ... انا خايفه والله من الداخلي يمكن تصير مضاعفات
اللي سووا ربط سوولكم سونار داخلي والا خارجي عشان متابعه عنق الرحم؟؟

 

[Mesho323]

انا مربوووطه على قوله دلوعه خخخ

بس احس بنغزات خفيفه مكان الربط انا الحين بدايه السااادس

 

[Mesho323]

مذهله انا دكتورتي تسويلي سونار خاااارجي وتشوف الرحم....
ولا مره سويت داخلي

واتوقع مايصير للي مسوووين ربط

 

[مذهــلــه]

حبيبتي ميشوووو يارب الله يثبت حملج ويفرحج بشوفته سليم معافى

انتي عند اي دكتوره تراجعين ومنو سوتلج ربط؟؟
انا ماوضحتلي نوع السونار بس انا جذي تخيلت انه داخلي

انا اقصد اول 3 شهور قالتلي نظل نتابع عنق الرحم اذا قصير او مو متحمل الثقل يالله نسويلج ربط مو على طول

 

[Mesho323]

ااااااااااااااميييييييين احلا دعووووه وربي


يارب يثبته لي

لاني قعد اخذ مثبتات الحين بعد


سويته عند منتهى ساااالم

تدرين انا مابين شنو نوعه الا بعد العمليه

قالت لي يلاااا مسكته حييييل قصير عندج

وانا بجررريه

 

[مذهــلــه]

الله يتمم عليج يارب

اي الدكتوره قالتلي نفس الشي لازم متابعه عنق الرحم لان الربط لازم قبل الرابع

والله يسهل يارب

بس انتي اشلون عرفوا انج تحتاجين ربط وانتي بجريه؟

انا بعييييد عنج اجهضت بالخامس وقالولي صعب نعرف اللي مثل حالتج الا اذا نزلت

 

[Mesho323]

سووويته بدااايه الرابع حده حده....


انا حملي كان بعلاااج مو طبيعي
وعشان توام واول مره اقترحت علي الربط

 

[مذهــلــه]

اهااا

اي صح التوأم دايم يسوون ربط

الله يسهلج يارب

 

[Mesho323]

ااامييييين

 

[دلوعت مودها]

مرحبا بنات انا اول حمل كان توم و اجهضتهم بآخر السادس والحمل اللي بعد قالولي لازم تسوين ربط و سويته والحمدلله ولدت بالتاسع والحين
حامل بشهر الثالث وهم قالو لازم تسوين ربط مع ان مافيني شي عنق الرحم مو قصير ما ادري شسوي الخاص يقولون لازم تسوين ربط والحكومه يقولون ماتحتاجين
الحين فكرت اسوي بمستشفى الامومه منو جربت سوت فيه ربط وجم كلفتها
بليز بنات حطو الاماكن اللي سويتو فيها عملياتكم وجم كلفتكم...

 

[Mesho323]

هلا والله دلوووعه

الله يتمم علييييج يارب


انا سويته بالعرف ب340

يمكن اقترحوا عليج لانج اجهضتي اول مره وثاني مره سويتي ربط

وعموما الخاص عنايه اكثررر

 

[دلوعت مودها]

ميشو مشكووره يقلبي ماقصرتي..
بنات بليز قولولي وين سويتو وجم كلفتكم ..