تجمع للحوامل بشهر وشهرين وثلاثة

[ألوي الكويت]

مبرووك ام بدور والله يتمم عليك

انا اراجع عند ماجده بس بسرعه ادش عليها ولا مره طولت اكثر من ساعه
غريبه

 

[كويتيه وافتخر]

مبروك ان شاء الله والله يثبته لكم


صج الوسواس لاعب فينا

 

[froha83]

الله يتمم على الجميع انشالله
يارب العالمين

 

[Q8_ButterFly]

انا الحمدلله امس سويت سونار وسمعني نبض البيبي :eh_s(6):


عسى الله يثبته ان شاء الله

 

[love love]

انا الحمدلله امس سويت سونار وسمعني نبض البيبي :eh_s(6):


عسى الله يثبته ان شاء الله

مبروووووووك حبيبتي والله يثبته

 

[love love]

مبروك ام بدور والله يتمم عليج وعلينا والفال لج ياعالم حواء وعسى الله يرزقج الذرية الصالحه آآآآآآآآآآآآآآآآآآآآآآآآآآآآآآآآآآآمين

مشكووورة عمري

 

[كويتيه وافتخر]

احلى شعور لمن تسمعين نبض الجنين الود ودي اروح كل اسبوع اسمعه

الله يثبت لنا ولكم يارب

 

[Q8_ButterFly]

احلى شعور لمن تسمعين نبض الجنين الود ودي اروح كل اسبوع اسمعه

الله يثبت لنا ولكم يارب

صاجه

شعور جمييييييييييييييييييييييييل اوي اوي اوي



عالم حواء = مشكوره حبوبه

 

[froha83]

اهلين شلونكم حوامل
شخباركم
شلون النساه معاكم؟
أقول الوحدة متى تبدى تجهز ؟ من الخامس ؟

 

[goldengirl_q8]

هلا فروحه بخير دام انت بخير الوحدة تبدي تجهز على حسب صحتها اذا تتعب تجهز بسرعة احسن شئ جهزي من السابع والله يهون عليكم علككككككككم

 

[كويتيه وافتخر]

واللي تحاتي الولاده المبكره من متى تجهز ؟؟
شكلي باجهز من الخامس

او الفكره اللي ببالي ما اجهز شيء بس اخلي امي تشتري لي اول ما اولد لاني عمليه فراح اقعد اسبوع بالمستشفى اول ما اولد اخلي امي تطقها مشوار سنتر بوينت ومذر كير وتشتري لي على ذوقها

 

[froha83]

كويتية وافتخر
انت تراجعين عند الدكتورة فوزية لقطان صح؟
متى أخر موعد رحتيه ؟ يمكن نتلاقى موعدي كان السبت اللي طاف وعطتني موعد 25-8
مفكره تولدين عندها انشاء الله؟

 

[كويتيه وافتخر]

موعدي الجاي 21\8

ماظنتي باولد عندها لان راح تكلف ولادتي اذا بالخاص لان توام وبيحتاجون الشيشه وانا عمليه ناويه اولد بالاحمدي لان ولادتي الاولانيه هناك وارتحت الحمدلله

 

[goldengirl_q8]

واللي تحاتي الولاده المبكره من متى تجهز ؟؟
شكلي باجهز من الخامس

او الفكره اللي ببالي ما اجهز شيء بس اخلي امي تشتري لي اول ما اولد لاني عمليه فراح اقعد اسبوع بالمستشفى اول ما اولد اخلي امي تطقها مشوار سنتر بوينت ومذر كير وتشتري لي على ذوقها

لاوالله نصيحتى لج انك جهزين قبل الولادة عشان اذا طلعتي من غرفة الولادة ملابسج زاهبه وتدفين عمرج عدل احسن من امج تشتري لج وهذي وجهة نظري يالغاليه وعسى ربي يهون عليج​

 

[froha83]

الله يتمم عليج
انتي باي اسبوع حبوبة

 

[كويتيه وافتخر]

انا بالاسبوع التاسع الله يتمم لي ولكم

 

[كليرز]

مرحبااااااااااااااااااااااااااااااااااااااااا
انا صار لي متزوجه من 2003 وحملت اول حمال بعد سنه ونص الله ماكتب انه يستمر فولدت بالشهر السابع والطقل طلع فيه تشوهات خلقيه وماكتب انه يعيش(( عشت معاناة بالفتره هذي))
بعدين عقب استمريت بالعلاج لانه حمالي الاول حملت عقب ما تركت علاج الدكتوره بشهرين وكنت رايحه عند مره تمرخ الحريم وبعدها على طول حملت
المهم قعدت ثلاث سنين ماخليت لا دكتور ولا ذكتوره ماراجعت عندهم وكله ما يصير حمل وسويت تلقيح صناعي
وسبحان الله مره يطلع الضعف عندي مره عند زوجي إنجيت وصرت نفسيه <<<<<( مطولة الاخت)
ومره حلمت حلم انه كنت عند دكتور اعالج بس الدكتور شافني وقال :: يا اختي ما يبيلج علاج انتي فيج ((تابعه))
وصرت اروح عند كذا شيخ ومعاه بعد العلاج الطبي واستمريت فيه لين راجعت عند منصور العرف تقريبا شهر 4 او قبله عطاني علاج بس كان قوي وسويت عند تلقيح وماصار فقلت بتركه وبروح عند شيخ واستمر الحال لين اول سبعه رحت عند الشيخ العتيبي بالفحيحيل وجيت عنده مرتين ماخذا مني ولا شي اللهم طلب مني اسوي عشرج واجيب معاي ماي وزيت .. وجيت عنده الاسبوع اللي وراه وغصبني اشرب العشرج بعد ما قرى عليه( تخيلواا علبه ماي صحه كبير !!! ) والله العظيم ماقردت اشربه كله انغثيت فلما رد قالي خلاص كمليه بالبيت لاااااااازم طبعا زوجي قاعد معاي لان لازم محرم ..المهم بدا يقرا وانا كبدي لاعت علي ماقدرت اتحمل لييييييييييييييين رجعت كل اللي بكبدي كلهاااا ((وانتو بكرامه)) والشيخ مستمر بالقرايه واللله يابنات اول مره ارجع كذا..واستمرت بالترجيع يوم كامل
وبعدها باسبوع جا موعد دورتي وطاف اول يوم وعلى طووووووول حللت طلعت مو حامل(احباط)
وتادوره طوووووووووولت مانزلت .. مرت خمس ايام..عشره ..اربعتعش وانا اقول اول ماتنزل على طول عند الذكتور المهم على يوم الارعتعش اللي هو اليوم حللت منزلي وطلعت (حامل))
وانا مو مصدقه عمري على طول صليت ركعتين شكر لله بس لحد الحين محد يدري الا انتو
بس انا متخوفه يمكن اذا سويت تحليل دم ما يطلع شي؟؟ حتى زوجي ما يدرني لانه متعود تتاخر الدوره عندي..
ادري طولت عليكم بس وااللله العظيم لحدالحين وانا مو مستوعبه...
اسال اللله لكم ولي الرزق وانشاللله يثبت الحمال وعطوني اراؤكم
اختكم كليرز

 

[كليرز]

شدعوه ..؟؟؟لاعطيتوني راي ولا تعليق
عاد انا بحاجه ماسة لكم؟؟!!!

 

[Q8_ButterFly]

كليرز

مبروك حبوبه

ان شاء الله حامل ليش لأ انتي حللي مره ثانيه دم لانه اهو مظبوط وان شاء الله تبشرينا يلا قومي حللي الحين :eh_s(6):

 

[goldengirl_q8]

مبروووووووووووووك الحمل كليرز شوفي مستحيل يغلط التحليل دام طلعتي حامل والله يثبته وانا طلع لي الخط خفيف حيل وطلعت حامل والله يثبته والله يهون عليج واذا بتاكدين اكثر روحي اقرب مختبر وحللي دم مع امج او اختج وسوى لزوجج مفاجاه وان شاء الله حامل وامانه طمنينا وارجعي اكتبيلنا يومياتج مع الحمال