لازم يا بنات نتبع كل الطرق على شان ما يضيع علينا الوقت بالذات بهالمسألة الحساسة
في البداية أحب أقول الله يكون بعونج يا زهرة الخزامى و يشافيج يا رب
أعتقد ان البنات كلهم اللي يهمهم هالموضوع رايحين حق الأطبة اذا فيج شي عضوي لازم تعالجينه وراح
أقول لكم تجربتي مع الحمل و مع الرقية الشرعية .
في البداية و باختصار رحت حق الأطبة و ما فادوني بعدين بديت بالرقية الشرعية + مرة تدهن (( جدا جدا فاهمة ))
و الله يا بنات ما تميت 3 أشهر مع ربنا سبحانه ثم الرقية الا و آنا حامل و آنا الحين بالسابع عسى الله يتمم علي
في البداية رحت حق شيخ بالخبر و كان الموضوع يديد علي ما ادري شالسافة و لما قرا علي حسيت
بضيق في التفس و بجي بجي ما أدري ليش .. الشيخ قرا علي كل الآيات ( الحسد , العين , السحر ) و
كنت أتأثر بآيات الحسد . وعلى فكرة الحسد يختلف عن العين لأن الحسد من شخص يكره و العين من
شخص محب و ما قصد
المهم قال الشيخ اني راح أحلم الليلة بالشخص اللي حاسدني بصراحة قعدت أفكر منو اللي ما يحبني
فطرت علي وحدة بالدوام و نمت . حلمت بوحدة شخباري من زمان عنها و اهي من أهلنا من بعيد و ساكنه
بالسعودية عقب يزاها الله خير الوالدة يابت لي دراعتها ( من أثرها ) مع الحرص على التكتم الشديد لأني
ما ودي أظلم البنية الأمر كله مبني على حلم .
نقعت الدراعة و غسلت بالماي على 3 أيام + الحرص على قراءة البقرة يوميا بالبيت و بصوت مسموع +
الرقية الشرعية كل يوم المغرب و الفجر + اذا طلعت من البيت كنت أحط البقرة و أعلي على الصوت و أطلع
+ شريت من نحال بالخبر وصاني عليه الشيخ شغلة اسمها (( خلطة الرومي )) هذي الخلطة عبارة عن
أشياء مخلوطة مع بعض سدر و ما أدري شنو بعد مقسمة بالضبط الى 7 أكياس بالشهر و بعد نهاية الدورة
مباشرة أغتسل كل يوم بكيس حزة العصر جريب المغرب كل يوم و ما أفوت و لا يوم لمدة 7 أيام استمريت
على هالحالة 3 أشهر و ألف الحمد لله رب العالمين حملت بعدها على طول بعد عناء 6 سنين وان شا الله
أكون فدتكم و عسى الله يرزق كل محرومة يا رب
حبيبتي بنت الكويت 
