تجمع للقيصريات خلونا نسولف عن كل شي يفيدنا

[opera]

رد: $$@ تجمع للي راح يولدون قيصرية انشالله @$$

opera


يااابعد جبدي الله يهون عليج ..


انا الدكتور يوم سالته قالي من اول اسبوع من التاسع انتي حددي التاريخ .. وطبعا يعتمد بعد على صحة البيبي
انا الدكتور عطاني 10ايام انا اختار بينهم .... بس المهم مااكون بنص او اخر التاسع عشان لا ايي الطلق

يعنى بعد ماادخل التاسع بعشر ايام ولا اول عشر ايام احدد يوم للولاده

اوبرا
انا بعد الدكتور حددلي بعد ١٠ ايام من التاسع اختار يوم
انا اخترت ٢٠-٥
بس انشالله كل شي يكون تمام وصحه البيبي زينه

انا الاسبوع اللي طاف كان عندي موعد وشافتلي وزن البيبي 2 كيلو ونص وقالتلي الوزن زين ما يحطونه بالحضانه بس قالتلي لازم نعطي الجنين فرصه عشان يكتما نموه عدل والخوف اكثر شي عالرئه فعطتني موعد تاريخ 8-5 راح اكون ثاني اسبوع بالتاسع قالتلي تعالي و بعدها نحدد اي يوم تولدين


يعني بعد اسبوعين بالتاسع بعد ما اروح عندها بعدين تحددلي موعد الولاده .. شكلها بتخليني لاخر الشهر :eh_s(16):

 

[مروووم]

رد: $$@ تجمع للي راح يولدون قيصرية انشالله @$$

اوووبرا

انا وووودي اغير راااي واحدد اول اسبوووع من التاسع لاني تعبببببت حدددددي احس عمليتي ذابحتني بوووولد وبرتااااااح ملييييت

باجر موعدي وبسال الدكتور وبشوف شنو يقووووول
واذا عالرئه اذا اكتملت
انا سامعه ان في ابره خاصه تاخذينها عشان تتاكدين انها سليمه

 

[Om 3zo0oz_2011]

رد: $$@ تجمع للي راح يولدون قيصرية انشالله @$$

اوبرا

حبيبتي كل شي خيره والله يسهل عليج يارب

 

[Om 3zo0oz_2011]

رد: $$@ تجمع للي راح يولدون قيصرية انشالله @$$

مروم حبيبتي
شلون وصفيلي العوار لوول يعني مثلا يحر او مثل عوار الدووره

 

[مروووم]

رد: $$@ تجمع للي راح يولدون قيصرية انشالله @$$

اي انا شاكه انه تجاديم ولاده
لاني من قبل مجربه الطلق اهي اهي اهي
وانا حاسه ان عالخفيف يللي فما ابي اخبص بروحي وباجر بقول للدكتور وبشووف شنو يقول
لان تعبت وعوارعمليتي القديم ما يفارقني كله تشد العمليه تخيلي كاني توني مسويتها

 

[مناوووي]

رد: $$@ تجمع للي راح يولدون قيصرية انشالله @$$

الله يسهل عليييييييييييييييكم

 

[ام عفاف الكويت]

رد: $$@ تجمع للي راح يولدون قيصرية انشالله @$$

اليوم كان عندي موعد
وقلت امر الرسبشن اخذ ورقه للحوامل




دعواتكم الله يرزقني الحمل

 

[مروووم]

رد: $$@ تجمع للي راح يولدون قيصرية انشالله @$$

منااااااوي
ام عفااااف
منوررررين يا قلبي والله يرزقكم قررررررررررريب

 

[المكسيكيه]

رد: $$@ تجمع للي راح يولدون قيصرية انشالله @$$

اللهم اني استودعك ما في بطني محرراً فحسن في خلقه واخلاقه
اللهم اجعله مسلماً صالحاً عابداً ذاكراً حافظاً للقرآن الكريم وممن يعملون به
اللهم اجعله باراً بوالديه واهله
اللهم آميـــــــــــــــــــــــن

 

[عيون سارة]

رد: $$@ تجمع للي راح يولدون قيصرية انشالله @$$

ابي استشيركم بنات
انا الحين عمري 32
وخاطري ايب اخ لولدي
الشهر الياي راح اكمل سنه على قيصرتي
وتوني طارحه

اقدر احمل او تنصحوني انطر شوي

هل في متاعب او خطر
تنصحوني اخذ مانع او انطر بعد الين يصير لي سنه ونص
شوروا على

 

[مروووم]

رد: $$@ تجمع للي راح يولدون قيصرية انشالله @$$

عيون ساره
اهو الافضل انج تنطرين احسن والله يرزقج ياااارب
بس اذا كنتي تبين الله ييسر لج امرج وانشالله ما في الا الخير *

 

[مروووم]

رد: $$@ تجمع للي راح يولدون قيصرية انشالله @$$

اب اب اب اب اب
اب اب اب اب
اب اب اب
اب اب
اب

 

[غلاي امي وزوجي]

رد: $$@ تجمع للي راح يولدون قيصرية انشالله @$$

صباح الخير

 

[ليدي بجد]

رد: $$@ تجمع للي راح يولدون قيصرية انشالله @$$

صباح الخير
انا ولت مرتين قيصري والثالثه بالطريق بس تو الناس باقي 7 شهور ونص واكيد قيصري
سبب القيصريه الولى
ماء البيبي نزل شوي شوي بس ما في طلق ابدا عطوني طلق صناغي وتعبني ووصلت فتحه الرحم بالاخير 7 ونص بعدين خافت الدكتوره لان نبض البيبي بدا يضعف وقالت لازم قيصري..وووافقت بفتك من الالم
القيصريه الثالثه
بصراحه كان عندي امل واتمنى اولد طبيعي وداخله المستشفى وانا كلى اصرار وعزه ياانا ياالولاده الطبيعه ما راح اتنازل...ولا راح اضعف امام الالم...بس للاسف نفس الموضوع يتكرر اروح المستشفى عشان الماي نزل ويضل ينزل ولا ذره طلق او الم..قالت الدكتور ياللله عمليه ورفضت وعطتني فرصه لين ثاني يوم وطبعا رحت العشا والفرصه لين 9 الصبح لو ما جا طلق عمليه
وطول الليل وانا مراكض بالممرات وانزل برى المستشفى السوبر ما ركت اشتري مجلات وارجع..انه يفتح الرحم زياده او يجي طلق او اي حاجه تحصل غير تسريب الموي الي شغال مني طول الوقت تقول حنفيه مهربه.. والممرضات الي يضحكون (ليه يمشي انت عمليه مكتوب على باب غرفه مال انتي) وانا اقول الله يخيب امل الدكتوره واضحك بكره انا عليكم يا الفنس وانا والده طبيعي
وجا بكره الساعه 9 ونص وانا محبطه ومكسوفه من نفسي وقالت الدكتوره يالله عمليه قلت طيب شوي خلينا نصب يعني مريني الساعه 12 او 1 يمكن يصير شي..قالت الي ما صار شي ليله كانله بيصير شي بساعتين وتنتي حره تبين تظلين ظلي بي انا 12 رايحه البيت وممكن باي وقت يطلبوني عمليه او ولاده بخهالوقت وساعتها انسي اجي +ماء البيبي راح اغلبه وهذا خطر عليه وعلى مسؤليتك الضرر الي بيصير له
ساعتها استسلمت والتفت للفلبينيه الي واقفه جنبي تستنى نقلي على السرير المتحرك عشان نروح غرفه العمليه شيلي ..ووانفجرت باكيه وصمت والم الهزيمه يعتصرني..وبس
القيصريه الثالثه
طبعا انا لسه بالشهر الثاني..وراح احدد يوم مناسب مع الدكتوره عشان القيصريه مالله داعي ادخل في صراعات وعذابات نفسيه برمجت نفسي من بعد ما ولدت رقم 2 اني قيصير (فور افر)وحتى لو البيبي تدلدل نصه من تحت برفض ..واطالب بتدارك الامر وسحبه من فتحه القيصري وشكرا

 

[مروووم]

رد: $$@ تجمع للي راح يولدون قيصرية انشالله @$$

ليدي بجد
حياج معانا يا قلبي
والي الله كاتبه لنا مصيرنا قيصريات لا محااااال ممنووووع الهرب منها
هههههه
الله يتمم عليج حبيبتي

 

[مروووم]

رد: $$@ تجمع للي راح يولدون قيصرية انشالله @$$

هلااااا غلاي اشلوونج
ما قمنا انشوفج بالتجمع

 

[غلاي امي وزوجي]

رد: $$@ تجمع للي راح يولدون قيصرية انشالله @$$

هلا مروووم الايقو كانت مفصوله والتجمع محد يدشه نفس قبل

ليدي حبيبتي الله سهلها عليج بس كم عمر عيالج؟؟

 

[دايم على البال]

رد: تجمع الي اراجعون الدكتورة فوزبة القطان

اب اب اب

 

[ام مضاوي]

رد: $$@ تجمع للي راح يولدون قيصرية انشالله @$$

بنات ابي استشاره منكم

احس اني بصرااااع نفسي هالفتره خصوصا اني قربت ادخل الشهر الثامن
وقرييييب بيتحدد وضعي اذا قيصريه او طبيعي

مرات اقول بولد طبيعي علشان افتك من الام العمليه لفتره طويله غير السلبيات الي عرفتها منكم تصير في الرحم من التصاقات وغيره مع الوقت
والطبيعي اقدر اسوي تجميلي مره وحده

ومرات اقول حتي لو يصير اولد طبيعي بختار القيصريه(لكن ساعتها بكون حكمت علي نفسي بالقيصريات ) لاني ماااااا اتحمل الااام وعوار الطلق

البيبي وزنه صغيييير وواضح من شكل بطني
وانا مسموحلي اذا كان وزن البيبي من 3 كيلو و اقل اقدر اولد طبيعي

ملاحظه : ذكرت قبل هالمره اني والده البچر طبيعي بس شوي تعلقت اكتافها بالحوض لكن ربي ستر وطلعت بصحه وعافيه وكان وزنها 3 و 200 غرام
البيبي الثاني قيصريه لان كان وزنه اسم الله عليه 3 ونص والحوض عندي صغير مايساعد اولد طبيعي طفل بهالحجم




نااااااطره اقتراحاتكم وشوركم لي فدييتكم من واقع تجاربكم
وربي يسهلي وييسرلي الي فيه صالح لي و للجنين

 

[حمرة الورد]

رد: $$@ تجمع للي راح يولدون قيصرية انشالله @$$

الله يعينا على هذا االيوم انا 3 قيصريات والحمدلله