تجمع للقيصريات خلونا نسولف عن كل شي يفيدنا

[wafa82]

رد: تجمع لبنات القيصرية//قبل عشر سنين او امس

انا ولدت ولدي قيصري عوار الصراحه والسبب الدكتورة قالتلي وقت الولادة المهبل ضيق والبيبي كبير طلع بالسونار 3و750 بس لما ولدته 3330 بس انشالله طبيعي المره اليايه احسه ارحم من العمليه قعدت اسبوعين ما انقدر انقلب وغصب اقوم حق البيبي بليل

 

[om MaRyooM]

رد: تجمع لبنات القيصرية//قبل عشر سنين او امس

بنات بسالكم الله يخليكم انا والده قيصريه من 17 يوم وارضع طبيعي مع صناعي الحين بسال متى اقدر اخذ حبوب المانع واذا جتني اخت النفاس اوقف الحبوب ولا اقطعم وارجع اخذهم مره ثانيه وبياثر على الرضاعه ولا لا فهموني مختبصه ومو فاهمه شي كلش والله
وابي اسال اقدر اجيب وحده تسويلي مساج وماتجي صوب الجرح ؟ ولا مايصير واقدر البس حزام ولا لا دكتورتي قالت عادي وانا موحاسه بالم والجرح تجميلي ماكو شي مبين ياثر عليه الحزام ولا لا ؟ فيدوني والله محتاسه حدي او حطولي رابط الي فيه الافاده وشكرا وجزاكم الله خير

نورة شلونج

حبوب المانع انا خذيتهم من يوم 35عقب الولادة..واذا يتلج الدورة يتراوالي ماتقطعينهم مادري والله

ومايأثر على الرظاعة اذا خذيتي نوع خفيف..بس للأسف الحبوب تخفف الحليب من صدر الام !

وابي اسال اقدر اجيب وحده تسويلي مساج وماتجي صوب الجرح ؟ ولا مايصير واقدر البس حزام ولا لا دكتورتي قالت عادي وانا موحاسه بالم والجرح تجميلي ماكو شي مبين ياثر عليه الحزام ولا لا ؟

دامج سألتي الدكتورة وقالت عادي فتوكلي على الله من الحين أحسن عشان لايترهل البطن
بالنسبة لي صارلي طلعت من النفاس امس وللحين خايفة البس مشد او اربط بطني
وعلى المساج حده عادي بالعكس ترتاحين وتقدرين تقوليلها لاتيي صوب البطن

 

[haninoooo]

رد: تجمع لبنات القيصرية//قبل عشر سنين او امس

خوووش موضوع حبيبتي يعطيج العافيه والله

انا ولدت قيصريتين

بجري كانت بنت وكان اول ولادتي طبيعي والرحم انفتح معاي 10 سم لكن مانزل الياهل واختنقت بنتي في بطني وخاف الدكتور على وعلى البيبي وولدوني قيصريه عقب معاناه يومين لان ماكان فيني طلق كلش وحطولي صناعي وماكو فايده لاني كنت تعبانه
ثاني ولاده لي يبت بنت وولدتها قيصريه بس طول فترة حمالي كان وضع البيبي مايل لاخر التاسع والراس مايل ولما دخلوني الولاده افتر الراس وصار فوق وخافوا على لاينفجر الرحم معاي لان ماطافلي سنه من ولدت في بجري على الرغم ان دكتوري كان مانعني من الحمل الا لما يمر سنه على حملي الاول بس كان هذا امر الله سبحانه وولدت بنتي قيصريه

والحين حامل واهوا حملي الثالث واكيد قيصريه

ولادتي الاولى بالراشد والثانيه بالصباح وانشالله بحملي هذا بالصباح اذا الله تمم على

ولادتي الاولى كان الجرح تجميلي بالعرض طبعا
والثاني هم تجميلي بالعرض ويمونها جراحه تحت الجلد

 

[احلى بسكوتة]

تجمع اللي يراجعون عند الدكتورة فوزبة القطان

B]شلونكم بنااااااااااااااات نبي كل وحدة ولدت عند الدكتورة فوزية القطان تكتب لنا عن تجربتها الشخصية وتعاملها معاج...

 

[احلى بسكوتة]

رد: تجمع لمراجغات الدكتورة فوزية القطان..

اشدعوة بناااااااااااااااااااااااااات وين ردودكم ...يلة همتكم معاي خلونا نستفيد من بعض...

 

[ام سعود2008]

رد: تجمع لمراجغات الدكتورة فوزية القطان..

ولدت عندها 3 مرات خوش وحدة خياطها زين وصج دكتورة فاهمة

 

[امى كل دنيتى]

رد: تجمع لمراجغات الدكتورة فوزية القطان..

كنت اراجع عندها بالحمل صج دكتورة راقية وفاهمة

 

[ضي]

رد: تجمع لمراجغات الدكتورة فوزية القطان..

بسكوووووونه

انا اراجع عندها وااااااايد شاطرة

 

[احلى الحور]

= تجمع بنات الولادة القيصرية =

السلام عليكم ورحمة الله وبركاته

:68_asmilies-com:

فديتكم نبي خبراتكم وبرنامجكم لعملية القيصرية

انا توني والدة فتح بطن وماني عارف شاكل وشسوي ومتى اربط بطني
وأكل أدوية ولا لأ وووووووو ؟؟!!!!​

 

[++MesK++]

رد: = تجمع بنات الولادة القيصرية =

حمدلله على سلامتج

و بالنسبه حق ربط البطن في كورسيه مخصوص للقيصريه تحصلينه بالصيدليات

و بالنسبه حق الاكل طبعا ابتعدي عن الحار والسبايسي لانه مو زين حق الجرح

ولاتشيلين اشياء ثقيله

و دايمن حافظي على الجرح من الرطوبه يعني خليه جاف على طول

 

[سوق الجمعة]

رد: = تجمع بنات الولادة القيصرية =

اهم شي اسبوعين لا تشربين حليب .. وامسحيها بمره .. ولا تشيلين ثقيل وامشي دايم خصوصا بعد الاكل علشان الغازات .. والله يعينج عالالم

 

[احلى الحور]

رد: = تجمع بنات الولادة القيصرية =

فديتكم حبيباتي مشكوريييييين

ربي يسعدكم بالدنيا والآخرة

انا مستغربة مافي موضوع مثبت عن برنامج الولادة القيصرية او مضاف إلى دليل إلى داخلة مواضيع مميزة

اتمنى ان يثبت موضوع الاخت خبيرة الاعشاب عن الولادة القيصرية لقيته بعاشر صفحة او اي موضوع شامل ومفيد

وارد اشكركم خواتي على معلوماتكم الكبيرة بالنسبة لي والمفيدة

 

[Souly]

رد: = تجمع بنات الولادة القيصرية =

انا على طول بديت بالادويه بس تبين الصج ماعرف حتى شنو قاعده اكل
امي الله يخليها لي اهي تسوي الاكل ..
وعلى ربطه البطن احس تو الناس لان الجرح حتى لو تحسين التئم فيه خوف عليه
بس انا ودي اسوي حمام مغربي احس جسمي يبيله تفركككك

 

[احلى الحور]

رد: = تجمع بنات الولادة القيصرية =

اي حدددددددده ودي بحمام مغربي شلوووووون؟؟ متى نبدا ؟؟ وشلون على الجرح ؟؟

عادي اشتري لزق مثل المستشفى احطه عليه وقت السبوح؟؟

 

[gakgak]

تجمع الي اراجعون الدكتورة فوزبة القطان

انا عندي 4 الله اخليهم
بس في بتني الأخيرة الدكتورة كلش صار ما لها خلق والسونارات بسرعة وما لها خلق تسويهم
انا كلش ما انصح احد اروح لها
الصراحة اختربت
صار مالها خلق وحاطه جم دكتورة اساعدونها​

 

[bob corna]

رد: تجمع الي اراجعون الدكتورة فوزبة القطان

بس وايد يمدحونها بالولادة ويقولون خياطها حلو ؟؟؟؟

 

[بدوره 22]

رد: تجمع الي اراجعون الدكتورة فوزبة القطان

شلونج حبيبتي

اختي والده عندها 3 مرات تقول ما افكر اولد عند غيرها

وانا الحين اراجع عندها

الصراحه تهبل وبالعكس كل سوناراتي هي سوتهم ما عدا سوناري بالشهر الثالث سوته لي الدكتوره الهنديه وعقبها طخلت عند الدكتوره يعني ما اكشتت فيني ....

وعلى الدكاتره الي حاطتهم يساعدونها ترى مو بس هي جذي تسوي اغلب الدكاتره الي عندهم عيادات خاصه يحطون لهم مساعدين

مثل ماجده اليتامى

 

[ماسة الاسلام]

رد: تجمع الي اراجعون الدكتورة فوزبة القطان

إيه صح إهي خوش دكتوره

بس قامت تكشت آنا مره خذيت موعد عندها بعد شهر يوم رحت دخلت علي الدكتوره سهى مع اني حاطه الموعد عند فوزيه اول مادخلت سهى قالت شوي ودكتوره تجي قالت نسوي سونار على ماتجي تخيلي سوت وعطتني علاج وللحين الدكتوره ما جتني

بس للأمانه دكتوره فوزيه ممتازه بس المفروض آنا ماخذه الموعد أبيها هي ما ابي غيرها المفروض تجيني

 

[بدوره 22]

رد: تجمع الي اراجعون الدكتورة فوزبة القطان

ماسة الاسلام جان قلتي لها شاكره لج

بس انا ابي دكتوره فوزيه ... عادي مافيها شي

دامج حاجرزه عندها المفروض ما تعتذر عن ولا مراجعه الا اذا كان عندها ولاده

 

[miss_heathrow]

رد: تجمع الي اراجعون الدكتورة فوزبة القطان

وااااااي انا اموت عليها

احسها جنها امي واثق فيهااااا

بس عيبها زحمممممممممممممممممممه حده ودور