تجمع للمسافرات لالمانيا والنمسا وسويسرا بصيف 21012

[بنوته-توته]

احنا سفرتنا اخر 6
ميونخ-سالزبورغ- كابرون -ميونخ
بنات شنو احسن شي بسوق ميونخ؟ وشنو الاماكن اللي لازم اروحلها بكابرون وزيلامسي وسالزبورغ؟
وجم ميزانية التسوق؟ عفيه لااحد يطنش حدي تايهه

 

[red flower]

بخارى انا مثلج بطب فرانكفورت طيران القطريه بس للاسف رحلتنا ساعه 5 الصبح الله يعينا بس ترانزيت ساعه وبعدين بروح بادن بادن وبعدين انترلاكن وارد من مطار زيورخ
بنوته ميونيخ سوقها حلو والله والله ماكو في بالي محل معين بس عندج سي اند ايه رخيص يونس وفي مجمع كاهفوخ مادري كاهفوف عباره عن ادوار حلو الحل مثل دبنهامز واكبر
شوفاي عندج في زلمسي تمشين عند البحيره العجيبه تبارك الرحمن ترد الروح تركبين القارب وتمشين فيه بروحج وعندج الزحلاقيه تونس وفي شلال كريمل مارحت له وعندج قمه كابرون رحتلها والا الجو اعتفس فوق ما اقدر اصعد لها ورحت رحله في كابرون مثل بحيرات متكونه من الثلج الذايب سبحان الله ورحت رحله مثل شلال ينزل بين الضخور والجبال اهوا يكون نازل من بحيره من فوق نسيت اسمه
وفي سالزبورغ عندج رحله بحيره وولف غانغ والباجي نسيت اسمهم عجيبه رحله اهما كذا بحيره نركب الباص اول بعدين باخره مكتب سياحي يوضحلج اللي عند برجر كنج لما تنزلين من محطه القطار
بالنسبه للميزانيه انا قعدت بفينا 4ايام وزلامسي 5 وميونيخ 4 صرفت 1300 مشتراي بسيط ماخديت شي غالي حيل بس من اوت لت اسكادا ميونيخ وترا رحت بودابست رحله من فيينا هذا مبلغ شامل الاكل ورحلات والقطارات

 

[$حبيبة عبودي$]

ماشاءالله زين ريد فلور حلوه ميزانيج ..

 

[بخـــارى]

الحمدلله حجزت التذاكر اليوم
اب830
3بالغين
1طفله
يارب توفقني
ناوين بعد رست نروح سويسرا ان شاءالله

 

[مارون جلاسيه]

عليج بالعافيه على اي طيران

 

[dectora 7elwa]

موفقين جميعا بنات

 

[بخـــارى]

بنات الي سفرتهم بعد العيد
حطو ورده:eh_s(7): حمرا اب ملابسكم علشان نعرف بعض

 

[sheikha.kh]

بنات فيدوني بالنسبه للفنادق ماحجزت وسفرتنا 20 /6 مطار ميونخ والرده من جنيف
ميونخ يومين تقريبا ..5 ايام كابرون ( حسيت قريبه من كل شي نروح ونرد سكنا ) ..3 ايام انترلاكن.. 3 ايام جنيف
ابي بكابرون شقق لانا احنا 6 اشخاص

 

[بنوته-توته]

يعطيج العافيه رد فلور
بنات شلون ع خدمه الايفون تستغل والا شلون

 

[جنون آلورد]

بنات انا بسافر ببداية سبتمبر انا وزوجي مدة اسبوعين طبعا نبي سويسرا ودي بمدينة ثانية معاها النمسا ايطاليا فرنسا محتاره وسوا لي جدول لانها او سفرة لي ل اوروبا ومنها بتكون عيد زواجنا الاول

 

[دانه الخليج]

موفقيييييييييييييين بنات

 

[بخـــارى]

شيخه سفرتج قريبه حجزي لاتطولين انصحج ابموقه بوكينغ او مكتب حجوزات فنادق بس اسمه اوكي ممتاز اهوا بالدوليه

بنوته توته اي خدمة النت تشتغل بس غاليه اول ماتطير الطياره طفي ال 3جي وهناك شغلي الواي فاي وشبكي من الفندق
جنون الورد سويسرا في اكثر من دوله قريبه عليها
عندج لوغانو الايطاليه
وانسي الفرنسيه
وسويسرا مناطقها حلوه انترلاكن زيورخ جنيف مونترو
يفضل تاجرون سياره اذا حابه تنتقلين

 

[$حبيبة عبودي$]

بنات في عرض موووووووطبيييييعي
تو جابه زوجي اللي تبيه تعلمني اعطيها رقم المكتب ..
تاريخ السفر 3/7
مالي خلق اكتب لانه طويله التفاصيل ..
اي مدة اسبوعين طبعا مو منا مالنا شغل بس قلت افيدكم لايروح عليكم تخيلي توفرين ميتين دينار بجيبج ...
اي بقولكم شلون
الكويت عمان ترانزيت ميونخ والعكس ,,

 

[$حبيبة عبودي$]

بنات منو بتروح قروب المستقبل ؟؟

 

[عزاااه]

حبيبه عبود بتروحين قروب

 

[ام الاسد]

أنا وياكم اليوم حجزنا التذاكر سفرتنا 22 / 6 ميونيخ وبعدين نقرر وين نروح بس أكيد لازم نروح زلمسي ونرد 7/7 يعني 15 يوم

 

[$حبيبة عبودي$]

اي بس للحين مو اكيد ..بشوف احد بيروح مع المستقبل .؟؟
ماعندج فكره ياعمري ..

 

[red flower]

صباح الخير جنون الورد طبيعه النمسا يقولون مقاربه لسويسرا
اختاري سويسرا وايطاليا او فرنسا

 

[دانه الخليج]

((((((((صباااااااااااااااااح الخيييييييييييييييير)))))))))

 

[زوارة خميس]

السلام عليكم

بنات بغيت منكم خدمه ابي احسن فنادق في ميونخ وزلمسي وانترلاكن علشان بحجز ويكون مبجربين وموقعهم حلو ومشكورين مقدما