تجمع للمسافرات لامريكا هالصيف

[جوريه^الكتكوته]

بناااات
انا باورلاندواا الى للحين قاعده تقولي وين رايحه يعني كل يوم وين بتطلع

 

[q8_pearls]

تردون بالسلامه ان شاء الله

 

[أم بنوته]

السلام عليكم اخت جورية الكتكوته آنا بأورلاندو صارلي تقريبا أسبوع رحت السي وورلد ،و الويت أند وايلد مدينة الألعاب المائية ، و رحت مدينة الألعاب المائية الأكواتيكا ، و رحنا السوق طبعا ، و حت كينيدي سنتر وكالة الفضاء الناسا،وأمس رحت الماجيك كينج دوم ، و اليوم رحنا الهوليوود ستوديوز ،و باجر انشاء الله بنروح الأنيمال كينج دوم ، و اللي وراه بنروح السيرك و السوق ، و بعدين بنروح دايتونا بيتش ، و بعدين بنروح الايبكوت ، و اليومين اللي وراهم بنروح اليونيفيرسال وراح يكون باجي لنا 3 أيام على ما نرد راح نتسوق فيهم
و سلامتج ​

 

[a7la shi]

انا ودي اسافر بس لان طلع بيتنا اليديد يعني اندور خريطه ابوي قال ماراح نروح امريكا انا ودي بس بيتنا

والله ودي اسأل ديزني لاند في اي ولايه

؟؟

ونبي اسم مجمع في ولايه لوس انجلوس

 

[اوركيدا]

للبنات اللي في اورلاندو

Prime One international Outlet

اينن .. ومحلاته كل يوم تنزل شي يديد ..

ديزني .. في اشيا يديده بربع السعر ..

النظارات الماركات على 100 دولار او اقل .. Versace Gucci او وااااااايد ..

للي يحبون الهدوء .. تامبا فيها مجمع اسمه انترناشينال بلازا .. يبعد عن اورلاندو ساعه او نص .. فيه نفس المحلات اللي في فلوريدا مول لكن البضايع اكثر شوي .. لانه مافي ضغظ والمجمع كلش هااااادئ

همممم .. في مطعم اسمه P J China او شي جذي .. عند مجمع Mall at the malenia
اكله اينن .. عندهم الشرمبز على هوني وايد لذيذ .. مع نودلز ناسيه شسمها بس اهيا اول وحده فالقائمه ..
قولولهم لكرسبي اللي تيي ويا ربيان او لحم او يداد او مكس ..

للي للحين ماراحو Epcot
في مطعم فالنروج
يبيله حجز .. اخذو رقمهم من الموقع او كلموهم حجزو ..
اكلهم وايد حلو والاحلى .. انه الاميرات مال دزني يفترون يصورون وياكم ..
ويعطونكم مجانا صورتين مع Bell مالت بيوتي اند ذا بيست! ..
وايد استانسنا فيه هالمطعم .. بنزل اكثر عنه بتقريري ان شاءلله بس حبيت افيدكم قبل ..
والشخصيات مايبتدون ايون الا عالساعه 5 فانتوا رتبوا غداكم عالاربع او نص ..

لاتنسون تطلبون من Macys
بطاقة التخفيض 11% للسياح صج انها 11 لكم والله بالبيل لها تأثير وايد ..

او بعد بنات لايطوووفكم الرازجي من Bath and body works اينــــــــــن الكريم بالشاور جل او حتى العطر فضيـــــــــــع ..
توه يديد ..

اذا تذكرت شي بعد بقولكم او انتوا بعد اذا شفتو شي غريب قولولنا انا عندي بعد اسبوعين اهني تقريبا او اروح الحدايق كل يوم او ترك .. خلصت 3 من دزني باقي وحده او ببتدي يونيفرسال او عقبها السي ورلد

 

[اوركيدا]

انا ودي اسافر بس لان طلع بيتنا اليديد يعني اندور خريطه ابوي قال ماراح نروح امريكا انا ودي بس بيتنا

والله ودي اسأل ديزني لاند في اي ولايه

؟؟

ونبي اسم مجمع في ولايه لوس انجلوس

في ثنتين وحده بلوس انجلس .. واهيا اول ديزني سووها ..

والاكبر في فلوريدا تحديدا في اورلاندو ..

اما عن المجمع فماعندي فكره سوري ..

 

[hard candy]

اروكيدا ياعمري بعطيك اسم كم سوق الي عجبوني سجلي:
http://www.shopirvinespectrumcenter.com/
http://www.thegrovela.com/
http://www.southcoastplaza.com/
لا تنسين طبعا شارع يقاله RODEO DRIVE
والاوت لت اعتقد البنات كتبو عنهم
في هذا الموقع موجدين كلهم شوفي اماكنهم وايش يعجبك
http://www.premiumoutlets.com/outlets/outlet.asp?id=6
ولوس انجلس اسواقها كثير بس عطيتك الاماكن الراقيه
وان شاء الله نشوفك

 

[جوريه^الكتكوته]

انا متوهقه بكروت التلفون عندي خط امريكا بس التعبئة من وين اشتريها ؟
ما ادري لازم سياره انا قاعده ديزني كي ويست الى تعرف شي تساعدني واذا في كروت رخيصه

 

[أم بنوته]

السلام عليكم ، شلونكم بنات
جورية بالنسبة لكروت التعبئة تلاقينهابنفس محلات التلفونات و حتى بالسوبر ماركت
بالنسبة للسيارة و الله ضرورية باورلاندو لان الاماكن بعيدة عن بعض و التكاسي غالية ،احنا قعدنا 3 أيام بدون سيارة كانو تعيسين بصراحة ما طلعنا عدل بسبب السيارة ، و التأجير رخيص مو غالي، احنا أجرناها من فندق بلازا اللي بالدزني داون تاون من مكتب باجديت داخل الفندق سيارة كرايسلر كشف ب 630 لمدة 16 يوم غير التأمين ب14 دولار باليوم و الجي بي إس ب 12 دولار باليوم​

أوركيدا مشكورة حبيبتي على المعلومات الحلوة عاد بناتي ميتين و يصورون مع الاميرات شكلي بحجز لهم بالمطعم ، و على فكرة تقريرج وايد حلو good luck:ggdw:

 

[اوركيدا]

انا متوهقه بكروت التلفون عندي خط امريكا بس التعبئة من وين اشتريها ؟
ما ادري لازم سياره انا قاعده ديزني كي ويست الى تعرف شي تساعدني واذا في كروت رخيصه

بالنسبه للتعبئه عندج بـWall mart
او بفلوريدا مول ..

او كل البرادات عند الكاستمر سيرفس ..

اما عن كروت الاتصالات الدوليه .. في بقاله صغيره يمين مدخل الـfood court
في فلوريدا مول .. يبيعون فيها هنود .. عندهم بطايق وايد بس احسن شي حق الخليج
Extreme او Free

ال5 دولار فيها ساعه او نص مكالمه اذا بتتصلين من تلفون ثابت من النقال تطلع اقل ..

أم بنوته مشكووووووره بعد عمري من ذوقج

hard candy حبيبتي مشكوره
a7la shi .. اللي سألت عن مجمعات لوس انجلس .. ومشكوووره مره ثانيه

 

[d-k_group]

اوركيدا حبيت اسال عن احسن المطاعم اللي موجوده في امريكا عموما

 

[اوركيدا]

اللي يحظروني اللحين

The Cheesecake Factory

P.F. Chang's China Bistro

Red Lobster

Olive Garden لمحبي الاكل الايطالي

هالمطاعم تلاقينها في كل الولايات تقريبا ..
او اذا تذكرت شي بقولج بعد ان شاءلله

 

[اوركيدا]

أوركيدا مشكورة حبيبتي على المعلومات الحلوة عاد بناتي ميتين و يصورون مع الاميرات شكلي بحجز لهم بالمطعم ، و على فكرة تقريرج وايد حلو good luck:ggdw:[/SIZE][/B]

وايد بيستانسون ..
انا العوده استانست ..

هذي صوره من المطعم

 

[d-k_group]

مشكوره اوركيدا واذا رحت انشاء الله اجربهم

 

[nawnaw]

اذا تحبون الوافل ..في مطعم وافل اسمه وافل شوب .. قريب من الملينيا وماله فروع ثانيه . وحده عجيب

 

[nawnaw]

ام خلودي من زمان ما سمعنا عنج شي .. عسي ما ضعتي بشيكاغو....؟عسي لقيتي نوردستروم؟

 

[ام _خلودي]

شلون ضاعت جناطج ..وما مدا تضيع اجناطج!!!
ليش انت وين رحتي علشان تضيع؟؟؟؟

احنا طلعنااا من ارولاند الى مياامى بسيااره وصلناا الفندق doral colf resort&spa amarriott resort
وصلناا المغرب على قااعدين نزل الاعراض جاان ريلى يقول الجناااط الى ماتبينهاا لاتنزلينهاا لاان كلها اغراضى يديده ماراح تستفدين منهاا وعلشان لانضيج على عمرناا قلت اوكى المهم عدلناا اغراضناا وبدلناا وطلعناا اووشن درايف تعشيناا وتمشيناا لماا صار اليوم الثانى اكتشفناا جنطه من الاجنااط اختفت وكااميرات
الفيديوو:0bee2e8d89: طبعا بلاغنا الفندق وبطل الكاميرات وشاافوا ان الجنطه مانزلت الغرفه قالوا يمكن انباقت مكان ثانى المهم انا ريلى ماايحب عوار الراس ودقوا عالشرطه قاالى حمدى ربج وعووضج عالله واناا
حدى مقهووره


عموماا انا حاليا بشيكاغو الجوو وايد حلووو بس سووق ارولاند احلى من شيكااغو وارخص
وطحت على نوردستروم وشريت لبنتى ولدى مررسي اووى

انا ساكنه بالدوان تاون بفندق wyndham chcago الفندق وايد حلوو وكلشى يمى
وامس كان عندهم عرض طياير واليوم وباجر


وااى بلش العد التنزل اخر الاسبوع برد الكويت مرر الوقت بسرعه وموجنه شهر جنه اسبوع
واااى الديره حدهاا وينسه

 

[ام _خلودي]

ام خلودي من زمان ما سمعنا عنج شي .. عسي ما ضعتي بشيكاغو....؟عسي لقيتي نوردستروم؟

لوووووووول حلووه منج
سورى انا مو قاادره اشبك وايد نطلع من الصبح مانرد الابالليل:tek:
لارديت الكويت اجابلكم عدل انشاء الله راح ارد 20 الشهر:tek:

 

[ام _خلودي]

بالنسبه للتعبئه عندج بـWall mart
او بفلوريدا مول ..

او كل البرادات عند الكاستمر سيرفس ..

اما عن كروت الاتصالات الدوليه .. في بقاله صغيره يمين مدخل الـfood court
في فلوريدا مول .. يبيعون فيها هنود .. عندهم بطايق وايد بس احسن شي حق الخليج
Extreme او Free

ال5 دولار فيها ساعه او نص مكالمه اذا بتتصلين من تلفون ثابت من النقال تطلع اقل ..

أم بنوته مشكووووووره بعد عمري من ذوقج

hard candy حبيبتي مشكوره
a7la shi .. اللي سألت عن مجمعات لوس انجلس .. ومشكوووره مره ثانيه

اى تصدقين هالكرووت وايد مفيده انا بارولاند كنت كل يومين شاربه كرت
بس اهنى بشيكاغو مومحصله نفس كرتى لقيت واحد ثانى على حماار وحشى
ب5 دولارات 38 دقيقه:eh_s(14):

 

[اوركيدا]

اى تصدقين هالكرووت وايد مفيده انا بارولاند كنت كل يومين شاربه كرت
بس اهنى بشيكاغو مومحصله نفس كرتى لقيت واحد ثانى على حماار وحشى
ب5 دولارات 38 دقيقه:eh_s(14):

ايه عليج يا ام خلودي ..

الله يعوضج ان شاءلله بالشنطه اللي راحت :0bee2e8d89:
ادري حده قهر! .. بس نبهتينا احنا بالرده بنقعد يوم بعد في ميامي .. فبتحمل من هالنقطه ..
والله يردنا كلنا لهالديره الحلوه عاجلا غير اجلا هههههههههه
انا ميته خاطري ايي فالشتى الله يكتب لي ييه ان شاءلله ..