تجمع للمسافرات لماليزيا صيف 2009

[haneen]

هذا شكلة كااامل ..

رووعه .. وعن تجربة ..


واي شي تبووون انا حاااضر ..

سواء بالجزر .. او مناطق سياحية .. او اسووواااااق ,,


موفقين يارب .. وادعولي الله يسهل علي ,,

واولد .. بعدين الحقكم ماليزيا ,,, ههههههههه



فديتكم

 

[مواســم]

ان شاءالله ناوين هالصيف نروح ماليزيا انا وبوالشباب

وصج صج خاطري فيهااااااا

وناويه احجز برنامجنا عن طريق هالمنتدى خاص لحجوزات ماليزيا وشكثر يمدحوونه وثقه وفوق هذا رخيص

www.daleel-malaysia.com/vb/

والطيران القطري او الاماراتية ماحددنا للحين ,, الكويتية محد يمدحها

والله ييسرها

 

[حلوى كويتيه]

يعطيكم العافيه

 

[hoooas]

مسااااااااااااااااكم سوكر جميعآ يااااااااارب تنبسطو في السفره انا بعد بسافر شهر سبعه من بيروح في هذا التاريخ خلونا نسوي قروب ونطلع ماليزيا سوى شو رايكم

 

[جمانه 99]

شلونكم بنات انا بعد انشالله مسافره اخر يونيو اول يوليو اتمنى لكم سفره سعيده انشالله

 

[monmoon85]

السلام عليكم بنات انا حبيت اشاركم لاي استفسار اقدر اجاوب عليه لاني رحت ماليزيا في 2004و 2007و 2008
اول سنه رحت فيها كوالالمبور + بنانج
الثانيه كوالالمبور + جنتنق
الثالثه سنغافوره+ كوالالمبور + بنانج

شنو اكثر شي حلو فيها وتقدرين تعطيني الاماكن الحلوه والمناطق وجم الميزانيه حق اسبوعين تقريبا..ناويتها شهر عسل بأذن الله على شهر 4او5او6
ياريت على الخاص الرد
نتواااصل:eh_s(6):

 

[monmoon85]

هذا شكلة كااامل ..

رووعه .. وعن تجربة ..


واي شي تبووون انا حاااضر ..

سواء بالجزر .. او مناطق سياحية .. او اسووواااااق ,,

موفقين يارب .. وادعولي الله يسهل علي ,,

واولد .. بعدين الحقكم ماليزيا ,,, ههههههههه



فديتكم

الله يسهل عليج
عطيني الاماكن الحلوه حق شهر عسل اسبوعين
ومنكم نستفيد
والله يقومج بسلامه ويرزقج الذريه الصاااالحه​

 

[monmoon85]

هلا أم بسبووسـه


والله للحين الرؤيه مو واضحـه ..
ان شاء الله تكون ماليزيا من نصيبنـا هالسنـه ..

انا بعد بتكون ثاني زيارة لنا ..

ناويه شهر عسل شرايج ؟

 

[المتبرقعة]

انا برووووووح ان شاء الله بعد عشر ايام ورحلتي بتكون

بيانغ اربع ايام
وكوالالمبور 3 ايام

انا باخذ بنتي عمرها سنه وايييييد افكر شو اخذ وجبات علشانها لان صعب اسوي شي وانا في الفندق
وريد تعطوني معلوماااااااااااااااااااات اوترتبلي جدول للرحلتي وين ارووووووووووووووح!!!!!!!!!!!!!

 

[gazaaaal2]

بصراحة يعطيكم العافية
حدي محتاره
خاطري اروح في الصيف بس للحين موعارفه اخطط عدل
ودي ببرنامج حلو
بروح مع ابو الشباب وهو مطوع وين نروح
وابي اماكن رخيصة وكويسة
ونرتاح فيها
وشنو تقترحون نقعد اسبوع ولا اسبوعين
ويسلمووووووووو للجميع
اللي تبي تنصحني تعطيني من خبرتها على الخاص

 

[n-h-m]

انا بعد ناوية ع الصيف بس ماحددنا شهر 7 او 8

ناوية ماليزيا وودي بعد ستغافورة

بس مادري محد من الينات ذوات الخبرة يردوت علينا نبي برامج حلوة

واسما محلات حق التسوق

وحم الميزانية


واشلون الجو

وشنو ناخذ وشنو مانلقاه اهناك

ساعدونا من خبرتكم لأني فعلا ميح

مع ان زوجي رايح لها مرتين

بس اخاف مايقولي عن كل الاسواق

اتعرفون بعد مايحبون الاسواق والفرارة



دوختكم

شكرا مقدما

 

[n-h-m]

امبيه كله بدليات

 

[banota]

بنات متى راح تبلشون تحجزون التذاكر ؟؟؟؟
وعلى اي طيران ؟؟؟

 

[ArEEj]

طيران الاتحاد مسوي عرض
التذكره ب 80 دينار
يا بلاش
بس المشكله بس الى تاريخ 30-4
يعنى اللى ما عندها مدارس تروح تلحق على العرض وهالاوقات ماكو زحمه

 

[بنت الامارت 55]

تروحون وترجعون بالسلامه ايا على ماليزيا والله روعه صج فيه رطوبه بس من حلاتها ماتحسون بالراطوبه ودي افيدكم بخصوص الميزانيه يعني بوجه عام اهيه اسعارهم نفس اسعارنا بالماركات ولكن عندهم محلات كواليتي اسعارها واياد رخيصه الاكل بوجه عام رخيص بس السيفود غالي مادري ليش بشارع العرب بتلاقون شكثر مطاعم عربيه وفيه مولات هم شكثر ومولاتهم تينن اللي بيروح اقترح عليه يحجز فندق شامل يعني مثل الصن واي لاقون اللي بسلانجور اهو فندق ومجمع تسوق ومطاعم والعاب يعني تضربون كم عصفور بحجر واحد واللي يبي قريب من شارع العرب عليه بفندق التايمز سكوير والله يابنات كنا نروح مشاويرنا برع الفندق وعيالي يقعدون فيه بروحهم اشتريلهم الاسورة مالت العاب ويتمون فيه امان ولافيه خوف يعني اللي عندهم اعيال يختارون فندق شامل هذا من رايي اللي تبي مواصلات رخيصه لاتركبون مع صينين خير شر لانهم يغلون الاسعار اركبو مع ماليزين احسن ونصيحه لاتأجرون سواق بقولكم ليش لانه السواق بيطلع عليكم في اليوم 8ساعات نظامهم في اليوم 300 ريقنت مادري حم بالكويتي لو خذتوا المشاوير بالتاكسي تطلع ارخص خلو السواق للاماكن البعيده مثلا اذا رحتوا افا موسا ضروري يكون السواق معاكم ينطركم لانه ماتضمنون تلاقون تاكسي اما باقي الاماكن اخذو تاكسي اوفر وعلى فكر جنتنغ موذاك البراد بس الجو عجيب حده تلاقين الغيوم نازله تحت يعني الجو نفس الربيع براد على خفيف وماراح تملون فيها لانه كل الفنادث الثلاثه متصله ببعض وفيها منطقة العاب وااياد حلوه والعابهم شكثر ورخيصه بعد وتكون الاسوره لطول اليوم يعني من الصبح لين بالليل بس العاب اللي برع تسكر بدري على 6 المغرب بس اللي داخل تكون لحد12 بالليل لاتفوتون جنتنغ والله قعدنا فيها ثلاث ايام وماشبعنا منها وبيينغ او لنكاوي اشوف كفايه عليهم 3 ايام فعاليتهم كلها على البحر ركوب جيسكي براشوت خيول وفيه مصنع القهوه لاتروحون اللي بكوالا شوفوا الللي بيننغ اسعاره ارخص منهم لاتفوتون القهوه البيضا وقهوة الزنجبيل خمو خمه تنفعكم حق الدوره لوول والشيكولاته مالتهم بعد حلوه ماانصحكم تروحون حديقة الفراشات كلها قرود واتعب من كثر المشي وبنات والله علشان تستانسون اكثر خلو السفره اسبوعين وروحوا منها سنغافوره خمس ايام رحناها بالباص والله تذكر الباص كلفتنا مع عيالنا 300 ريقنت ومافيه اي تعب بالعكس الطريق شرح وسنغافوره تستاهل العنوه بس حدها خمس ايام لانها صغيره واهيه اغلى من ماليزيا بس حلوه وراقيه واللي يبي يودي عياله لايتردد لانه ماليزيا احسها عائليه من زود الاماكن اللي فيه واي شي انا حاظره

 

[احلى من الحلى]

انا الصيف الى طاف سافرت مع ولدى كان عمره سنتين والله استانست بس اشوى ولدى كان يعيقنا تدرونى بيبى لازم يتريق قبل لا نطلع لازم بنام امبجر عشان يقوم الصبح
واذا حب يسهر مانطلع الا على 12
المهم انه قيدنا وياد لو انا وريلى مايهمنى

فقررنا انا وريلى انسافر هالسنه من غير اعيالى
عشان نستانس اكثر وطبعا مااقولكم اشلون تبهذل ولدى بالطياره وكان مو عارف ينام

طبعا انا سافرت على الكويتيه الله يزيده بس ماكان عندى خيار ثانى لانى ماكنت ابى ابهذل الياهل الى معاى عشان جذيه خذيته دايركت حق كوالمبور
اطلعت التذكر على 400 دينار بس صج صج ماتستاهل حتى ربع دينار
تخيلو 8 ساعات من غير تلفزيون ؟؟؟؟؟؟؟؟؟؟
طبعا ماانصح احد يروح على الكويتيه الا الى عندها بيبى عشان الرحله اتكون دايرك

انشالله هالسنه بحجز على الاتحاد بس ناطره زوجى يظبط اجازته وعلطول احجز

واى استفسار انا حاضر

 

[كويت الحب]

أنا ناويه اخذ بنتي عمرها 3 سنين بروح على الكويتيه علشانها دايركت لأن بنتي راح تأذيني لو اروح ترانزيت راح طفششششششششششششششني....
بنات شرايكم لو أخذ الخدامه معاي ؟؟؟ ودي اخذها علشان تريحني من بنتي بس افكر بالسكن راح اضطر احجز بدال الغرفة غرفتين ؟؟؟
أنا بنتي شيطااانه ونكديه ولازم اخذها ماحد يتحملها لو اخليها....

 

[إستبرق]

انا نص شهر 10 الي طاف رحت ماليزيا رحت كوالا ولنكاوي وبننق وجنتق وطبعا افاموزا
قعدنا 15 يوم والفنادق كانت 5 نجوم بس واحد منهم 4 نجوم انا وزوجي بس والصراحه تسوقنا عدل عدل خاصه لبنتي وماقصرنا بشي لنفسنا كلفتنا 1800 للي يسألون عن الميزانيه اشوف محد راد عليهم قلت ارد
طبعا انا عجبتني لنكاوي وااااااااااااااااايد فرق عن بننق
جنتنق رحت لها يوم وحمدت ربي اني ماحجزت فيها ان اقعد ليلتين لانها مافيها شي اوكي جو حلو بس صغيره يوم تفرينها
الافاموزا ماعبجتني وايد
بس ككل ماليزيا اكيد حلوه وطبيعتها تهبل
بس ما ادري ليش حبيت تايلند اكثر منها وطبعا سوق تايلند ماكو مقارنه مع ماليزيا سوق تايلند احلى وااايد خاصه الي فبوكيت

 

[إستبرق]

اي ونسيت اقولكم ان الفنادق والطيران الداخلي كله حجزته من النت ارخص وااايد طبعا واضمن لج
وعن فنادقهم اشوف هني الاغلب يمدحهم بس انا الي شفته حتى ال5 نجون نادر تلقين الي حلوو صج ونظيف عجبني اكثر فندق من الي سكنتهم ترديس الي فبننق يهببببببببببببل وصج 5 نجوم وخذيت انا كل الفنادق غرفه ديولكس
وطيران اير اسيا احسن لكم لما تحجزون احجزوا خدمه اكسبرس تزودين نتفه بس احسن لج لان يدخلونكم قبل الناس وتقعدين بعدين يدخلون الي وراج وطبعا بعد ماتوقفين بطابور لا تقعدين وينادون الي خدمه اكسبرس اول شي

 

[حروف تشتكي]

وانا معكم باذن الله
اذا الله كتب فسأذهب للمره الثالثه انا والعيال
ماليزيا حلوه وعائليه فعلا
هالمره ناويين (ولاية صباح)
وكوالا طبعا.. ووجهتنا الى سنغافورا لكن حدنا 3 ايام
لأننا سافرناها كذا مره..ما تستاهل احد يجلس فيها كثير

كوالا حلوه وفيها اسواق حلوه ورخيصه...
انا احب اشوف اشياء غير الماركات(لأن الماركات منتشره) فماله داعي اركز عليها؟؟

يمكن تستغربون..لكن اتمنى اشتري من بهاراتهم؟
البهارات الغريبه...لكن لغتي ركيكه بالانجلش والماليزي عدم
لكن مصره احصل على اللي اريده...

كنت ناويه اسأل عن جنتنغ اللي راحوا العام
هل التلفريك فعلا ما يشتغل الا في اغسطس فقط؟؟

عفوا .الخطوط السعوديه...جربت جاروداا الاندونيسيه حلوه لكن ترانزيت..