تجمع للمسافرات لماليزيا صيف 2009

[Salamat]

بنات
لنكاوي والا بيناننغ احسن حق العايلة واليهال ؟
ما قط رحت من اول بس رحت كوالا

 

[كويت الحب]

بالتأكيد بيننغ ما أنصحج بلنكاوي لأنها ممممممممله

 

[شوفواشموخي]

هاي بنات شلونكم والله ودي بماليزيا هالصيف
ادعولي المهم بنات كم تكون ميزانيتك للسفر ايذا وياكم عيال وهل لازم تكونين فلته بالانجليزي انا اطقطق مو حييل والف شكر الموضوع حلو

 

[كويت الحب]

شوفوا شموخي: إذا ناويه تروحين ماليزيا راح تلاقين جنطة ال في الي تبينها أنا متاكده لأن جزيرة بننغ فيها سوق ليلي واحد منهم يبيع جنط ال في خيااااال

 

[كويت الحب]

ونسيت ارد على اسالتج ميزانيتج بتكون على حسب جم عيالج واذا كانوا كبار ولاصغار عموما ماليزيا رخيصه
والانجليزيه مو ضرورري تكونين فلته اهم شي تعرفين اسم الفندق واسم المكان الي تبين تروحين له يعني سهالات

 

[حروف تشتكي]

لانكاوي احلى للعرسان
وبيانغ حلوه للعوائل............

ليس ضروري ان تكوني ملمه بالانجليزي

والميزانيه حسب اقتناعاتك...فيه من يحب الغالي فيحتاج مزانيه اكبر
وفيه من يحب يجرب كل شئ وهذا يحتاج لميزانيه...

من رايي شوفوا كم يوم ناويين تجلسون..وماهي خططكم للنزهات
وما هي نيتك في المشتريات؟؟ يعني للعيد ولك شخصيا ..او مجرد هدايا وتذكار

بهالطريقه راح تحددين ميزنيتك التقريبيه وعليها زيدي بنسبه اكبر شوي

 

[البدر2000]

بنات الله يعطيكم العافيه بغيت اسال ان شاءالله اذا الله سهل بنروح ماليزيا وعندي سؤال انا رحت سنغافورة ماودي اروح مرة ثانيه البنات يقولون تايلند وهونج كونج
وشي الاقرب وكيف اروح لها والاحلى طبعا

 

[meen_ana]

بنات انا الحين في مليزا بشهر العسل اليوم اول يوم لي هناك بليز وين تنصحوني اروح وشنو اشتري وشلون سوقتهم عطوني اسامي المحلات وشنو الشغلات للي تسوي اخذها

 

[أم حمني المزيون]

نصييييحة رحت على القطرية بصرااااحة روووعة والترانزيت بس ساعتين بقطر ووااايد الرحلة مريحة وأي استفسار انا بالخدمة

 

[keeka]

ياحلات ماليزيا ويا زين هالديره صج هالديره الوحيده اللي حبيتها ولاول مره انعجب بديره نضافه سنع طبيعه وكاااااافي انها ديره مسلمه وترتاحين بالاكل هذا اهم شي عندي صراحه لان بتايلند تازمت وايد ويا الاكل
رحت العام وقعدت تقريبا 20 يوم من ضمنها بوكت 5 ايام وكان ودي اروح السنه بعد بس خفت اني امل منها سنتين ورا بعض..
اللي عندهم استفسار يطلوون على موضوع سفري مالت ماليزيا وان شاء الله يستفيدون ونصيحه نصيحه لا تحجزون من سفريات حجزو من النت مايبيله شي وارخص وكل شي جدام عيونكم ووايد احسن

 

[الحــــلوه]

كيكه عفيا اذكري لنا تجربتج مع اي موقع حجزتي واذا تعرفين موقع بالعربي
وعلمينا عن الفنادق وتقيمج

وشنو الشغلات اللي يمكن يكون فيها نصب

 

[malak 7ayati]

هاي بنات بغيت اسالكم في اوت لت بماليزياااااااااااا ؟؟؟؟؟ شكلكم بتقولون هذي مضيعة عبالها داشة بوابه اوربا

ان احس ان فيها اكيد دام فيها ماركات لالالالالالالالالالازم في اوت لت ؟؟؟؟ ولا شرايكم

 

[أم@الحلوين]

انشاء الله انا بعد بروح بس الاسعار التذاكر صايره نار وابي خبرتكم وين اروح الصراحه انا اول مره وماعرف فيها شي بس سمعت الناس تمدح هالديره عفيه فيدوني:gathering:

انا مرتيين رحت ماليزيا وماشبعت منهاا كل مكان رحت صج وناسه

انتي بتروحين قروب ولا بروحج؟؟

انا عن نفسي رحت قروب صج استانسناا وقروبناا وايد زين والقايد ما قصر معانا وترا موشرط تتقيديين فيهم بالطلعات والروحاات

 

[زوجة جوجي]

بنات جم تكلفكم السفرة

الموضوع تحت الدراسه

 

[تاج الغلا]

بناااات انا مفكره اروح ماليزيا هالسنة

باخذ عيالي 10 و 8 و3 سنين وبووو سنة ونص بخليه شرايكم ؟؟؟

 

[saroona-84]

بنات شرايكم بسفرة ماليزيا مع ولدي بوسنتين؟؟؟
اللي راحوا ماليزيا .. ابيكم تشورون علي... ولدي متعلق فيني وقلبي مايطاوعني اخلية .. ادري بيتعبني وبيبهذلني ..
بس انتوا شرايكم؟؟
وابي احسن موقع للحجز بالنت

 

[الحــــلوه]

بنات صج اكل ماليزيا موحلو
اخذ معاي اجبان ومعلبات
وسؤال حساس اللي شلون تقسيمتكم انتي وزوجج شنو يدفع وانتي شنو او مالج شغل او انتي تكفلين

 

[ام السيف1]

بنات اذا بروح ماليزيا ويييييين الاماكن اللى تبيع جناط تقليد درجة اولى
ياريت تذكرونها؟ وملابس الاطفال الكشخة؟ وعلى جم الاسعار هناك؟

 

[banota]

مكان بيع التقليد السوق الصيني

 

[حروف تشتكي]

بنات شرايكم بسفرة ماليزيا مع ولدي بوسنتين؟؟؟
اللي راحوا ماليزيا .. ابيكم تشورون علي... ولدي متعلق فيني وقلبي مايطاوعني اخلية .. ادري بيتعبني وبيبهذلني ..
بس انتوا شرايكم؟؟
وابي احسن موقع للحجز بالنت

اذا قلبك ما يطاوعك فستتعبين نفسيا
واذا قلبك متعلق فيه فلن تأخذي راحتك في السفر

انا معي اولادي واصغرهم سيكون تقريبا سنه
اكيد سيكون هناك تعب..
لكن تعب الجسد ولا تعب القلب

توكلي على الله واستخيري قبل