تجمع للي تاخر عندها الحمل بعد الطفل الاول

[فتون777]

كل مااقرا مواضيع الحمل والاجناب ابكي والله العظيم محد يدري بحالتي غير ربي

واذا احد سالنا اقعد اهرج ابغابزوره وابغاوابغا صاروا صحباتي حمل وولاده ولايقولوالي

انا حملت طبيعي ماشاءالله اول سنه جبت ولدي ودحينت يدخل الروضه ماشاءالله تبارك الله الله يحفظوا ويهديه ويطول بعمروا واشوفوا عيالوا

ولمت دحين لاحمل ولاغيروا اكلت حبوب منع الحمل لمده معينه وسبتها بعدين ارجع عليها واسيب ومارحت لاي عياده لاني عارفه ان نفسيتي سيئه جدا جدا جدا

ولكن الله يرزقنا ي رب

حياتي ماعليه لازم نصبر
ولاتبكين حاسه فيك والله
ولدك لسهًفي الروضه
اوكي حاولي روحي راجعي
ادري عشان نفسيتك زفت مو قادره تروحين مستشفيات
روحي وان شاله تطلع سب التأخير عندك شي بسيط
روحي عشان تطمنين
وتكوني سويتي الي عليك
تخيلي طلعت شفلتك بسيطه وماتحتاج كل هذا الزعل
روحي والله يسهل امورك صدقيني لمن تهرجين للحريم ابغى بيبي
ما راح ينفعونك بالعكس شوفي حزنو عليكي وقامو يخبون عنك
توكلي ع ربك وزوري وحده من المستشفيات
ويارب يسهل امرك ويجعل علاجك سهل يارب وتحملين بتؤام يارب

 

[شنوووفه]

خدامتي بترجع ورى رمضان واايد

 

[فتون777]

شنوف يارب مانشوفها يارب
انا هالشهر عكس الشهر الي طاف
هههههههههه

 

[فتون777]

يوووو بعد رمضان والله حاله طيب شبتسوين هالمده انتي عندك دوام صح

 

[فتون777]

شنوف قوليلي اسم احلا عطر تحبينه
يلا بنات كل وحده تقول اسم عطرها المفضل

انا مدمنه عطور بس مليت من القروب الي عندي ودي بريحه جديده

 

[فتون777]

بودي بيربري
فلنتينيو ابو شبكه سوده
شانص شانيل
توم فورد الاسود
برادا من كيندي
قوتشي قيليتي

 

[فتون777]

الموضوع انقلب عطور

شنوف انا هالفتره
زوجي يصحى الصبح رايح الدوام يرش عطر
اقوم من نومي احس الريحه تدش بلاعيمي

 

["*آآآنؤؤؤقهـ*"]

فتووونه

شنووووفه


يااااارب تبشرونااا بالحمل ....

 

[ذهب ابيض]

هلا حياتي انوفه انا تمام بخير

وباجر الصبح موعدي ان شالله
واشوف التحاليل

دعواتكم

 

["*آآآنؤؤؤقهـ*"]

ذهب ان شااااءالله خييير



فتونه بشري

 

[فتون777]

امس تكسرت رجلي ففي المستشفئ
حسبي الله ونعم الوكيل
دكتورتي استأذنت
وحولوني ع دكتوره ثانيه بس حطوني انتظار مو موعد
يعني مادري منى ادخل
تميت عندهم من ٧ المغرب
لين ١١
والله العظيم اتكسرنا
وولدي ماقصر
دخلت للدكتوره
قالت في تجمع دموي وطلبت تحاليل
دم وبول
وقالت تعالي بعد اسبوعين
قسم بلله مو صاحيه
انا بروح عند دكتورتي

اليوم بحلل منزلي

 

[مريم القلاف]

مشكوووره عالتجمع
أنا عندي ولد حملت على طوول ومن بعده صارلي اربع سنين ماحملت وتوني افكر اروح عند دكتوره
عطتني تحاليل اسويها واشعه صبغه موعدي لسبوع الياي
والله يستر
​

 

["*آآآنؤؤؤقهـ*"]

فتوووون حبيبتي ان شااءالله مافي الا العافيه


دامها متأخره حللي وعقب روحي لدكتورتجو....

 

["*آآآنؤؤؤقهـ*"]

مريم القلاف الله يرزقج عاجلا غير اجلا

وتكون تحاليلج كلهااا سليمه


وحياج الله معاناااااا ...

 

[ربيع_الروح]

فتون وشنوفه
إن شاء الله يا رب تكونون حمل

بشرونا بسرعة ناطرينكم:eh_s(9):

وفتون ديري بالج تخلين دكتورة تلعب فيج روحي عند دكتورة ثقة




أنوقة شلونج؟؟؟


ذهب أبيض طمنينا على تحاليلج باجر


انا احس إني لازم أراجع لأن دورتي مو منتظمة كلش
بس أخاف من الفحص صارت فيني عقدة نفسية من عقب الولادة:eh_s(11):

 

["*آآآنؤؤؤقهـ*"]

هلا ربيع الحمدلله بخيييييير

انت اشلوونج لارم تروحين ترااجعين

صج لوووعه المراجعات بس امرنا لله ان شاااااءالله

 

[ذهب ابيض]

مرحباا بنات

اليوم رحت موعدي وشافت الدكتوره تحاليلي وقالت ان تبويضي طبيعي الحمدلله ونسبته زينه

وقالت انطري لي موعد الدوره


اذا انزلت بعطيج كلوميد مره ثانيه وجرعه اقوى

واذا مانزلت الحمدلله

وقالتلي تفائلي خير

وفعلا ياليتنا نتفائل بالخير وننسا

لا احنا نحاتي ونفكر وننطر


والله كريم يارب

 

["*آآآنؤؤؤقهـ*"]

اشووووه الحمدلله


يارب ماتنزل وتبشرينا لحماالج

اجمعين ...

 

[ذهب ابيض]

اجمعين يارب
كلنا

 

[فتون777]

بناااااااااات


الحمدلله عدد خلقه وزنه عرشه ومداد كلماته

الحمدلله
الحمدلله
الحمدلله











انا حـــــامل



سويت تحليل منزلي
كله من الدوخه اكثر شي شككتني


عقبالكم يابنات كلكلم يارب
والله مو مصدقه

بس انا مرررره خايفه
خايفه اجهض مره ثانيه
خصوصا اني احس بلام قويه تعصر بطني

ادعولي بنات ان الله يثبته

ويارب تبشروني كلكم
يارب