تجمع للي تاخر عندها الحمل بعد الطفل الاول

[فديت سالم]

شوووشااا يااقلبي طهووور ياروحي ومليوون لابااس
بسم الله عليج من الحيره والضيقه ومااجووره يالغلااا تكفيين وسعي بااالچ وان شاااءالله ماتنزل اشدرااج لاتسبقين الاحداث
وحتى لووو انزلت مقدر ومكتووووب لااحوول ولاقوووه والحمدلله ،،، ادعي ربج واشكيله وترجي اهوون اللي بينفعج والا النصيحه والدعااء لج
يااعمري تكفييييين لاتضاايقين نفسج يعلم الله ضاايقتيني معاااج وقلبي عندج عسى الله يكذب الاطباااء ويكوون جنينج برحمج والتحليل موو باين عدل اصبري وتوسلي وترجي وادعي الله

 

[فديت سالم]

رووحي محمد فديييت المعنوياات المتقبله والرااضيه
عسى الله يكتبلج الخييير ويرزقج من غير مااتحتسبين ياااروحي قوووولي يااالله
وان شااءالله ربي يرزقناا جميعااا

 

[فديت سالم]

بنوووووته ستااايل عسى الله يرزقني واياااج الحمل التااام السليم المعااافى وجمييع البناات بهالتجمع

 

[فديت سالم]

ربيييع ،،،، اهلااا اهلااااا ومرحباابج
انور انورررر القروووووب وينج بشريناا عنج

 

[ربيع_الروح]

صباح الخير بنات

شوشا حبيبتي لا يضيق خلقج ترى ما تدرين يمكن ما يبين التحليل الحين

الي عليج الحين انج تدعين ربج من كل قلبج إن إذا كنتي حامل ان الله يثبته
وإذا ما كنتي حامل إن الله يبين لج جاعلا غير آجلا يا رب يا كريم

 

[ربيع_الروح]

هلا والله ومسهلا بفديت سالم
شلونج حبيبتي؟؟؟

 

[ربيع_الروح]

روحي محمد شلونج؟؟

وخيرة إن الله ما كتبلج الحمال الحين

إن شاء الله تعوضينها الشهر الياي يااا رب

 

[ربيع_الروح]

وااااي بنات ادعولي إن الله يكتبلي العمرة قريب
والله أحس بغلقة ودي اروح أقعد عند الكعبه أغسل قلبي
وأشرب ماي زمزم


ادعولي إن العمرة تناديني وأروح قريب

 

[فديت سالم]

ربييع هلاااا والله
انا بخيييير لله الحمد وانتظر الدوره مع اني لااازلت بفترة التبويض ههههه ماافيني حيله ههههه اتكلم واسوي العكس هههههه يااااربي والله موو بيدي لووووول الله كريييييم ان شاااءالله اطاالع ردي هذا واقووول ،،، لماا كتبت هالرد كنت حاامل وانا مااادري ههههه امبيه انا والله عاايشه الدوور ههههههههه
الوكاااد ،، عسى الله يكتبلي العمره القريبه وايااااج قوووولي اميييييييين وكل من تتمنى العمره والحجه تنكتبلها يااااااارب

 

[فديت سالم]

شوووشااااا وينج يالغلاااا والله احااتيج عسى غيااابج مااطوول عليناا وطمنيناااا

 

[ربيع_الروح]

صباح الخير بنات

شلونكم؟؟

شخباكم؟؟


فديت سالم شووو الأخبار
وشوشا وينج؟؟ اختفيتي


باجي البنات وينكم ليش رجع التجمع صامت

 

[موجة ~ بحر]

قوه بنات شلونكم

يتني الدورة ورحت للدكتورة عطتني كلوميد وتوني بداية والله كريم

 

[دلووعه حبيبيي]

قوه انا متاخره ع الحمل بعد. بنتي عمرها سنتين ونص والحين ما حملت بس علاجه عند ام فيصل وحملت بعد اربعين يوم تعورت والله ميته ع البيبي. الجديد يونسون أشكالهم

 

[ربيع_الروح]

موجه شلونج؟؟

إن شاء الله ينفع معاج الكلوميد هالمرة ياااا رب

 

[ربيع_الروح]

دلوعة حبيبي

حياج الله بتجمعنا

وإن شاء الله ربي يعوضج بدال جنينج الي راح اللهم آمين

 

[بتيته]

السلام عليكم بنات

اشلونكم و شخباركم

يا رب نسمع منكم اخبار طيبة

انا الحمدالله و الشكر

فيني التهاب هذا الشهر ذابحني

و كل مرة احس بفترة التبويض من الافرازات بس هالمرة مع الالتهاب ما شفت شي

فما حطيت في بالي سالفة الحمال هذا الشهر

و عندي منظار في نص شهر سبعة

يعني نص دورتي الجاية

و الله يسهل

بس اذا في وحدة امسوية منظار بطن

خل تكتب تجربتها علشان نستفيد

و الله اني مرتاحة هذا الشهر سبحان الله لاني نسيت سالفة الحمال

حتى ما طالعت رزنامة الدورة اول مرة

و الله راحة الوحدة تنسى السالفة بس مو سهل

بس نصيحة اول ما تفكرين بسالفة الحمل

ادعي و قولي "يا حي يا قيوم برحمتك استغيث, أصلح لي شأني كله و لا تكلني الى نفسي طرفة عين"

و حاولي تنسين السالفة

و خلج ايجابية و هذا احسن وقت اتقربين حق ربج فيه لأن ما عندج بيبي صغير يشغلج و قولي الحمدالله اللي عطاني وقت اتعبده فيه

و لما اتقولين اذكار الصباح و المساء استشعريها

مثلا لما تقولين "رضيت بالله ربا"

استشعري انج سلمتي امرج لله و كوني على يقين انه الله راح يدبرج باحسن تدبير

يعني شفتوا لما اقولكم فلان رب الاسرة

يعني اهو اللي يهتم بشؤون الاسرة

فما بالج انه الله سبحانه و تعالى ربج فتطمني و كوني راضية ان الله يبيلج الخير

و على قولة المثل " لو اطلعنا على الغيب لما اخترنا الا القدر"

بيجينا يوم و راح انقول سبحان الله صج خيرة الله أخر حمالي في هذيج الفترة و إلا جان صار و صار

فالحمدالله يا ربي

و انصحكم اتواظبون على الاذكار حتى اذا كانت الدورة عليكم

انا امنزلة برنامج في الايفون اسمه تي في قران امنزله الاذكار بصوت مشاري العفاسي و ووقت الدورة اشغلة لأني اتجيني قمته وقت الدورة و ما اقدر امسك المصحف وأصك على نفسي الدار أسترخي عالسرير

و اقعد استشعر الاذكار و بعدها ينشرح صدري

طولت عليكم

بس من حبي لكم

لقيت شي فادني و ريحني و حبيت افيدكم
​

 

[ربيع_الروح]

هلا بتيته

الالتهابات تخف مع كثرة أكل الروب
وكثرة شرب عصير الكرانبيري في منه ماركة سيزر زين أحسن من كي ديد دي
أحس كي دي دي مخلوط مع لون بس سيزر طعمة حلو تحسينه فرش
وفي كذا ماركة أجنبية بالجمعية وبمركز سلطان هم حلوين جربيهم

هذي نصيحتي لأني كنت أعاني من الالتهاب وصار مزمن لحد ما بديت أشرب العصير
بدى يخف بالتدريج وهم مع أكل الروب بس مشكلتي ما أحب طعمه





وأشكرج جدا على النصيحة والله إن يايتني غمته وضيقة بس لما قريت كلامج ارتحت شوي
اتمنى منكم بنات إن تدعولي إن الله يكتبلي أروح العمرة والله راح أدعيلكم كلكم

 

[شوشآآ]

السلام عليكم ٫٫


وحشتوني بنآت ٫٫


آنا هالفتره قطعت مآقمت ادخل وآيد ٫٫ وبعد بديت آصوم ديني والحمدلله حآسه براحه ٫٫ ومآقمت افكر بالحمل الا شوويه بس ههههه


فديت سالم ٫٫ حبيبتي والله ٫٫٫ الحمدلله رب العالمين علي كل حآل ٫٫ صج تضايقت وحزنت وآكتئبت وقعدت آبجي ٫٫ بس بآذن الله خيره من رب العالمين ٫٫ الحين انتظرهآ تشرف ٫٫ وقلت بجرب خلطه عيون وليد قريت عنهآ يمدحونهآ وايد ٫٫ وبعد الدكتوره قالت بتعطيني تفجيريه لكني محتآره واايد ٫٫ بستخير بآذن الله ٫٫


ربيع الروح ٫٫ حبيبتي فديتج وفديت نصايحج ٫٫ عسي ربي يطمن قلبج ويرزقج بكل خير تتمنينه ٫٫ والله التفكير مشكله بمووووت من كثر التفكير بس انتي حبيبتي حآولي تطلعين وتشغلين نفسج ٫٫ انا مشكلتي مآ شتغل عشان جذي زايده الضيقه عليي ٫٫٫ ياربي اشتغل قريب علي الاقل آنسي شوي ٫٫


بتيته ٫٫ يزاج الله خير علي كلامج المريح ٫٫ وعدل شغلج لاتفكرين ابد ٫٫ خليهآ علي الله ٫٫ انا يدتي الله يحفظهآ تقول لاتفكريين بالحمال وبيصير ٫٫ لان النفسيه وآيد تآثر والجماع يكون للآستمتاع مو للحمال ههههه


موجه بحر ٫٫ معوضه خير يالغلا ٫٫ وربي يرزقج بالحمل السليم ٫٫

 

[شوشآآ]

ولسوف يعطيك ربك فترضى ,,

 

[موجة ~ بحر]

انشالله ربي يرزقني ويرزقكم بالذرية الصالحه