تجمع للي تاخر عندها الحمل بعد الطفل الاول

[حرم_الغلا]

شلونكم بنات


انقطعت عن التجمع والقسم كله

لهيت شووي


الحمدالله هالشهر يصير لي سنه احاول احمل الله ماكتب

زوجي طلع عنده لزوجه والتهاب بالسائل المنوي


وماشي ع العلاااج

والله كرييييم

 

[ربيع_الروح]

السلام عليكم

عيدكم مبارك بنات

 

[ربيع_الروح]

موجه بحر شلونج حبيبتي؟؟

الحمدلله على كل حال

والله يعوضج إن شاء الله بحمل بالطفل السليم المعافي ياااا رب يا كريم

ويجعل جنينج الي فات طير من طيور الجنه يااا رب

 

[ربيع_الروح]

حرم الغلا شلونج حبيبتي؟؟


الحمدلله إنكم عرفتو وين المشكلة

وإن شاء الله يا رب يتعافي ريلج ويرزكم الرحمن في بيبي ثاني يترس عليكم البيت مع أخوه

******

وانا بعد بكمل سنة من محاولات الحمل وليلحين ما الله كاتب لي

 

[ربيع_الروح]

عسل حدي شلونج حبيبتي

بس بغيت أنبهج إن
المفروض تكتبين

رب لا تذرني فردا وأنت خير الوارثين

يعني الباء مكسورة وليس ربي



وإذا حابه تتأكدين إهيا في سورة الأنبياء الجزء 17 الآية رقم 83

 

[فتون777]

بنات شلونكم والله مو مصدقه ان المنتدى فتح معاي
كان محجوب
وحشتوني كلكم اشتقتلكم

 

[موجة ~ بحر]

الحمد لله بخير دامكم بخير

انتي شلونج ربيع الروح

بنات شلونكم جميعا

 

[ربيع_الروح]

السلام عليكم بنات

 

[ربيع_الروح]

هلا والله فتون يااااا مطول الغيبات


ولهت عليج والله وعلى فديت سالم من زمان عنكم


بشرينا عن أحوالج حبيبتي إن شاء الله مرتاحة

 

[ربيع_الروح]

موجة انا الحمدلله بخير

صابرة وناطرة ان الله يبشرني بالحمل


وهم هالشهر ماكو شي

 

[فديت سالم]

القووووووه بناات وحشتووووني بس لهيييت بدنيااااي وعشاان ماا افكر بعد

 

[فديت سالم]

اناا علئ حطة اييدكم انتظر كل شهر واتأمل واملي بالله كبيييير وهالشهر شرفت ٨/٢١ وحبطتني حيييييييل بس الحمدلله
ريحت نفسي والحمدلله

 

[ربيع_الروح]

يا هلا ومسهلا

من وين طالعه الشمس اليوم


بشرينا عنج فديت سالم إن شاء الله توظفتي


وشلون عنونتج؟؟ إن شاء الله بخير

 

[*-*Lo0o0Raaa*-*]

قوه بنات شلونكم


انا عندي بنت الله يحفظها لي عمرها سنتين

من كان عمرها سنه وشهر قطيت الحبوب

وحملت بعدها بشهرين

وفرحت وما تمت الفرحه واجهضت بس مو اجهاض عادي

كان حملي عنقودي والدكتوره امنعتني من الحماله 6 شهور والله يا بنات انه كنت ابجي وابجي وادعي اللهم اجرني في مصيبتي واخلفي خيرا منها وكنت على يقين انه ربي بيرزقني

والعنقودي يرتفع هرمون الحمل يطق بالعلالي وبعد التنظيفات ما ينزل بسرعه ياخذ شهر او شهرين عشان ينزل

هذا غير اذا مانزل يشكون بعيد الشر عنكم بالكانسر

يعني مريت بازمه نفسيه وتعبت حيل حيل ومنتعني الدكتوره احمل من 6 شهور لي سنه

وطول 6 شهور احاول انه ما اخذ حبوب منع عشان ما تسسبلي اي مشاكل وكان عزل خارجي

ولين وصل الوقت اني احمل حاولت بطريقتي وباجتهادي اقرا واعرف مواعيد التبويض عشان اجامع في هذه الاوقات

بس مشكلتي انه تخربطت دورتي تتاخر علي 5 ايام او اسبوع مع انه والله يا بنات كانت مضبووطه

كل 28 يوم تجيني

بس الحين يوم جا وقت اللي اقدر احمل فيه تاخرت

ورحت عن دكتوره ثانيه قبل شهرين قالت لي انج مافيج تكيسات ولا شي بس جدار الرحم مش متهيأ للحمل يعني التبويض ضعيف وقالت لي تعالي ثاني يوم من الدوره الجايه اعطيج كلوميد بس خفت ولما قريت بالنت شفت انه ممكن يسبب لي تكيسات وخفت

والحين كنت متامله اني حامل لانه متاخر علي يومين بس الحين نزلت واحس الدنيا الوسيعه ضاقت علي وتعبانه حيل حيل حيل

بس اقول يا ربي املي فيك كبير وانت ماخيت مني الا بتعطيني

انا ممكن مو وقت طويل تاخرت

بس لان حملت بنتي على طول بعد زواجي ومن بعدها ما حملت وغير 6 شهور راحت علي لا اقدر اجامع عشان احمل فااحس تاخريت حيييل

والله يا بنات اني انا مو ذابحني الا التفكير التفكير التفكير وانا سمعت انه اللي يفكر ويتوتر مايحمل نفسيه


يا رب يا كريم ترزقني وترزق كل محرووومه

وبنات

جربوا القسط البحري
والحجامه انا بجربها ان شاء الله بعد ما اخلص من الدوره
روحي للدكتوره تحدد مواعيد تبويض عشان تعرفين
تصدقي الصدقه ممتازه تفتحلج ابواب الرزق
وانا شفت المغامسي امام مسيد المدينه يقول
وانتي ساجده ادعي 40 مره رب لاتذرني فردا وانت خير الوارثين طبعا بالسنن او اي صلاة دون الفرض

وانا ماقلت هالكلام الا لان لبي ربي يرزقني ويرزقكم

ويارب احتسبها صدقه لي ولوالديني

 

[دلووعه حبيبيي]

انا بعد. شرفت الدوره بعد تاخر يومين و حسيت عمري حاااااااامل. وأبي روح حق دكتوره زوجي يقول لا انطري بعدين

 

[فديت سالم]

هلااااااابكم جميعاااا
ههههه ربيع قلتلج علئ حطة ايدكم ماتوظفت ولا حملت الله يرزقني فيهم قريب يااااااارب

 

[فديت سالم]

بنات وربي الف حمد وشكر عندنا بيبي غيرنا يتمنئ ريحه طفل وكلمه ماما احمدوا ربكم وان شااءالله بيرزقنا قريب



ههههه يااامعلم الناااس علم نفسك هههههه
ههههه اللي مايصلي مايعلم الناس الصلاة ههههههه


كل هالامثله يركبون لي بس هم الحمدلله وعسئ الله يبعد عني التفكير والهئ

 

[أم ركووووووو]

السلام عليكم انا قصتي قصه وطويله انا حملت بولدي الاول باول شهر من زةاجي والحمدالله ولدت قيصريه وحطيت لولب لمده سنتين الاشهرين وشلته من شهر اربع الي طاف وماحملت لحد الان وشهر الي طاف الدورة طولت علي بالايام قعدت16 يوم علي وقبل لاطول علي كنت مسويه تحليل هرمونات وطلع كل شي سليم بس اتقول الدكتورة بدايه غده الطبيعي 4 انا صايرة 5 وعطتني دوفاستان لتنظيم الدورة لمده21يوم طبعا انهرت وبجيت بجي ولاكليت واذا كليت عزكم الله استفرغ وقالتلي روحي الباطنيه وانا قلت علئ مايي موعد الحكومه الا انا ميته من التفكير المهم رحت المواساه تخصص غدد وقالي تحليلج ممتاز وكل شي اوك وهاذي ماتعتبر غده وماراح اعطيج علاج وتعالي بعد شهر سوي تحليل عشان تتاكدين اذا زايده اعطيج علاج اذا لا الحمدالله وانامن طلعت من عنده قمت اسوي سيرج وقمت اشرب ماي ززمزم واقرا البقرةوقاعده اكثر من الاستغفار وشريت قسط الهندي عشان ينظم الهرمونات قريت عنه وعلئ الله
الحين بعرف شي واحد بنات هل دورتي طبيعيه الشهر الي طاف ياتلي8/3وكليت الحبوب والمفروض اكمل لي 21 يوم بس الحلوه ياتلي 9/1 وانا ماخلصت الدوفستان وقلت بنطر هل راح طول غلي هالشهر بالايام والا ترد طبيعيه وانا الحين قاعده البس قلافز واقرا البقرة ويس والصافات مع الاستغفار وعلئ الله يارب

والله يرزقكم ويرزقني بالحمال هذا الشهر ولانشوفها الابعد 9 اشهر ياكريم ياودود يالله*

 

[موجة ~ بحر]

ربي لاتذرني فردا وانت خير الوارثين

 

[ربيع_الروح]

السلام عليكم بنات

وحياكم الله لورا ودلوعة حبيبي


وصج من شاف بلوه غيرة تهون عليه بلواه



والحمدلله ان كل وحدة فينا على الأقل عندها ضنى يترس عليها البيت غيرنا يبي واحد ومو محصل



وإن شاء الله ياااا رب ما ايي شهر اكتوبر الا الله كاتب لنا الحمال اللهم آميييييييييييييين يا رب يا كريم