تجمع للي تبي تطول شعرها .. و اللي طولت شعرها نبي خلطاتج!

[بيت التوت]

انا استعمل هالزيوت اخلطهم مع بعض ووايد فادوني بصراحه و بدا شعري يكثف و يطول و يخف التساقط ما شالله تبارك الرحمن

المهم الزيوت اهيااا :::

(( زيت الخروع + زيت جوز الهند + زيت انوب + زيت زيتون )) كلهم بكميات متساويه و بس كثري جوز الهند

هالخلطه ماخذتها من وحده اهني قايله انها خلطه هنديه
و تدرون بعد الهنود اسااااااااااااس الشعر الطويل هههههههههههه


المهم
عقب ما تحطينه لمده 3 ساعات او 4 .. كيفج
و لما تيين تغسلين شعرج
اول شي تسوين اخذي الشامبو الي تستعملينه (( انصح بجميع انواع شامبو سلفكرين ))
و تخففينه بالماي
حطي كميه شوي من الشامبو و زيدي عليه ماي و رجيهم
و اول ما تسبحين غسلي شعرج مرتين بصابونه الرقي الاصليه و بعدين غسلي شعرج بالشامبو المخفف بالماي
<< هالطريقه ماخذتها من العضوه (( ماي ورد اسم يستحق الثقه ))
وربي هالطريقه كلمه عجيييييييييييييييييييييييييييييييييييييبه شوي عليها
حسيت شعري ما يطيح مثل قبل تغير 180 درجه يااادووووووب شعره ولا شعرتين ما شالله تينن الطريقه انصحكم فيها

وبس ومابي منكم غير الدعاء لي بالتوفيق :eh_s(7):

ماشاءالله تبارك الله ولاقوةالابالله
حنان الله يرزقج سعادة الدارين ياقلبي
ويصخرلج اللي تتمنينه يارب

 

[بيت التوت]

بناااااااااااااااااااات ديروا بالكم..

هذي قاعدة أتسوي دعاية حق نفسها وحاطة رقمها ..​

دشيت على ملفها ومواضيعها عندها موضوع تبيع تحاميل شرجية !!!!!!!!! وكاتبة رقمها
شي يشكك صراحة ..​

أنا نصحتكم وأنتوا كيفكم!​

برونزيه اي ياقلبي واضح من اسلوبها
حسيت انا ولله من قريت ردها
لوووووووووووووووول

 

[سمو الغلآ]

موضوعكم عجييييب ماشاء الله تبارك الرحمن


بنات اللي مجربين الحلبه مع حراره الاستشوار ماتفوووح الريحه ..؟!!

 

[نبض شرياني]

بنااات زيت الاكل اللي معاه الحلبه والمحلب والمسمار
يعني اخذ علبه الزيت الكامله؟؟؟
بس جم احط من احلبه والمحلب والمسمار؟؟هل يكونون مطحونين؟؟
نص كلاس ولاكامل ولا اشلون ياليت تفيدوني؟؟

وانا شعري حيييل دهني هل تنفعني؟؟؟
لان بصراحه يتساقط بكثره

 

[++The DuchesS++]

الحبوب جربي هير فيت لقيت منها نتيجه وااايد حلوه

بس الي تكون 90 حبه عشان تاخذين كورس كامل

والتدليك واااااااايد زين يحرك الدوره الدمويه بالراس

عاد مفكره اشتريهم اجربهم شجعتيني:ggdw:

بنااات الحنه تنااسب ناس وناااس
انا استخدمتها واحطها تسع سااعات
كل اسبوع او اسبوعين
بس ماستفدت منها بشي لانعومه ولاكثف
ولا طال الله يسعد زيت النرجيل بس يبيله مداومه
والله ياابنااات انه عجيب تبين شعرج يطوول
ويصير لظهرك استخدميه <<<بلاخلطاات بلاخرابيط
والحنه بالوقت هذا مو زينه لانها تسحب الحراره من الرااس
والجو برد يعني رح تخاطرين بحيااتج
اسمع بناات كثار حطوها وصابتهم جلطه >>بعيد الشر عنكم >بس تحذير مهم

الحنه تظل بالشعر 3او 4 ساعات كافي اكثر من جذي ماله داعي
وبالشتا انا افضل تنحط تخت بخار بو ساعه وتنغسل بالصالون طبعا
واللي عندها بخار بالبيت زين على زين

بناااااااااااااااااااااااااااااااات صدقوني..
الحل عندي وانا بوهندي للتساقط والكثافه والنعومه والتطويل الفعلي..
صدقوني حلول فعلا نهائيه..​

بنت اخت رفيجتي كان عمرها 18 تاخذ رفيجتي من المدرسه بنهاية الدوام مع امها..
كان شعرها زباااااااااااااااااااله... من الخشونه خشن وتالف وناشف.. من الطول مهلس منتف قصير ومو متساوي..من الكثافه جم شعره معلقه براسها يصيحون تكفون لا نطيح...
بعد سنتين لما شفت شعر البنت كله احسبها لابسه باروكه..
عاد انا هني لازم شغل الحريم يبتدي قعدت اضحك على باروكتها عند خالتها اللي هي رفيجتي اقول
"شدعوه عليها ما عندها غير هالباروكه اشتريلها على حسابي والله "..
اخر شي اهي اللي ضحكت علي..
قالتلي يالثوله هذا شعرها خو امها صيدلانيه وضبطتها..
انا ماصدقت خبر ورحت سالت ام البنت والمره يزاها الله الف خير ماقصرت وعلمتني شسوت..
ما طولها عليكم..
قالتلي انها كانت مسويه كورس الزامي ومنتظم لبنتها عباره عن مجموعة فيتامينات وزيت وماسك وشامبو معين لحالتها..​

فكانت تستخدم:
*حبوب بنتوجار لتساقط الشعر تؤخذ 3 مرات باليوم مع كل وجبه وهالحبوب تخصص للشعر ذو التساقط الكثيف ولذوي تساقط الشعر بالوراثه والغير معروف السبب..​

*حبوب زيت كبد الحوت مرتين باليوم. يغذي الشعر ويقويه..​

*تونيك "كامينوموتو" الياباني لتنبيت الشعر بالفراغات والاماكن المتساقطه بشكل يومي..​

*زيت النارجيل الاصلي لتطويل الشعر..وينقع فيه محموس سمسم ساخن ويوضع مباشرة بالزيت ويخمر ل 3 ايام ثم يستخدم مره بالاسبوع مع التدليك الخفيف لمدة 5 دقائق ويترك على الراس اقل شي 5 ساعات..​

*شامبو فاست لتطويل الشعر واذا كان شعرك جاف او خشن يمكنك استخدام بلسم فاست بعد الشامبو..​

*ولتنعيم الشعر يستخدم ماسك صفار بيضه وروب ومايونيز وملعقه حنه وملعقة سدر وملعقه محلب وملعقة قهوه مطحونه لازالة روائح البيض والمحلب ويخلط ويستخدم هذا الماسك مره بالاسبوع ويترك لمدة 5 ساعات على الاقل ..
* غسل الشعر في الشطفه الاخيره بملعقتين خل تفاح مع لتر ماي ..​

:rerrerek:​

والمثل يقول اسال مجرب ولا تسال طبيب وانا هني جمعت بين التجربه وبين سؤال الطبيب اقصد الصيدلانيه لوووووول
يعني بالمختصر المفيد كورس هالصيدلانيه يغني عن كل اللويه ودوخة الراس وملخص كل النصايح اللي بهالموضوع ..

بس للامانه فقط:
* نوهت علي امها ان النتيجه الفعليه مابينت الا من 6 اشهر الى سنه ..
وان لازم اسوي تحليل اسمه تحليل الشعره بمستشفى الصباح وتحاليل دم وهرمونات وغده علشان اتاكد ان السبب مو داخلي ..​

وخو اهي صيدلانيه وابخص بشغلها ومحد يقدر يقول لها ثلث الثلاثه كم..​

انا عن نفسي سويت التحاليل كلها اللي قالت عنه ماعدا تحليل مستشفى الصباح ماحصلي اسويه..
وباديه ببرنامجها من شهرين وبصراحه لو تستمر النتيجه اللي قاعده احصلها هذي مثل ما اهي عليه فعلا ..
اكون فعلا انا محظوظه وامي داعيتلي اني طحت عند هالصيدلانيه وتجربتها مع بنتها علشان انقذ نفسي من هم شعري اللي اشيله على ظهري كلما شفت نفسي بالمرايه او حطيت ايدي بشعري او شفت وحده شعرها حلو.​

اتمنى انكم تطبقون هالتجربه وتستفيدون منها وتعطوني فرصة كسب الاجر منكم..وتدعون لي بهالدايه والذريه الصالحه والستر والعافيه..​

دعواتكم لي حبايبي ..​

الله يستر عليج ويرزقج الذريه الصالحه يارب
حبوب بنتوجار رووووعه من تجارب وايد بنات اعرفهم وشفت شعورهم ماشاء الله
بس عيبها ان تركتيها يرد شعرج اسوء
مو معقول طول عمري بظل استخرمهم
عندي وللحين متردده فيهم
كل يوم اخزهم ويخزوني لوووول
حبوب زيت كبد الحوت حدهم شهر وتوقفين لاحتوئهم فيتامين د يضر الجبد زيادته
يعني شهر وتريحين 3 شهور وجذي
ومشكوووره عل الافاده:eh_s(17):

 

[ام شريفه]

بناااااات صارلي شهر اكل حبتين كبد الحوت و الله طار شعري وناااااسه معنا صارله سنه بس طال جم سانتي و بستمر عليييييه

و فتح شهيتي شوييه بس عادي ما زاد وزني

 

[ام شريفه]

طار = طال

 

[شمرية كول]

وانا بعد معاكم

 

[صبر ايوب]

وانا بعد وياكم ،،


انا انصح كل وحد تستخدم الحناء ثم الحناء ثم الحناء،،،


وضيفي عليه مايونيز وحبة البركه،،،


تمنياتي للجميع بالشعر الجميل،،،

 

[om MaRyooM]

انا شعري معاناة مو قاعد يطول


بس يقولون شامبو فاست يطول بسرعة

 

[{ريم}]

السلام عليكم
انا بصراحه قريت بعض الردوود
ويعطيكم ربي الف عافيه عالافاده
..
تجربتي
،،
ماي البصل والثوم
<< كللش مافاد وياي وشعري صار كشششه
_
زيت زيتون وزيت خروع
<< وايد حلو بس اول الايام شعري صار ناشف بس بعدين صار وايد احسن من كل النواحي اللا التساقط (خروع مع زيت الزيتون والكميه على مزاجي مااهتم اي زيت اكثر من الثاني )
واحيانا زيت زيتون بروحه واحيانا زيت خروع بروحه
_
المايونيز
<< استخدمته كذا مرة عشان يصير ناعم ، اهو صار احسن من قبل بس مو وايد ( مع العلم اني مستمرة فيه )
_
وانا بين فتره وفتره اقص اطراف شعري
_
والله كريم
وان شالله ربي يعطي كل وحده الشعر اللي تتمناه

 

[مفووته]

مفووته :
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك
اسئل الله العظيم رب العرش العظيم ان يشفيك

اللهم آآآآآآآآآآآآمييييييييييييييييييييييييييييييييييييييييييييييييييييييييييييييييييييييييييييييييييييييييين

تسلمي حبيبتي .. الله يوفقكـ ويسهلكـ اموركـ ويفتح لكـ بآب رزقه .. :yaaaaaarb:
​

 

[تترا العين]

السلام عليكم


بعد السلام والتحية اسالك يا اختى فى الله اذا كنتى تعرفى اى شىء عن حنة فرد الشعر وممكن اجيبها من

وين وسعرها كام

 

[الأميرة ريماس]

انا بعد ابطوول شعري بس تطوييل الشعر ياخذ وقت ويبيلة صبر الله يحقق مرادنا قولوا اميين
وقاعد استخدم الحين ...
زيت اللوز الحلو+زيت برشوت الازرق+زيت دابر املا الذهبي
اخلطهم كلهم ابنسب متساوبة واخلية على شعري 4 ساعات واستخدمة مرتين بالاسبوع وتوني بادية

 

[الأميرة ريماس]

بنات ماتعرفون شي ينعم الشعر يعني الي استخدمتهم فوووق في واحد فيهم ينعم شعري

 

[عيون تدمع امل]

بنـــات حطــوا ببــالكــم

ان اي خلطــة تستخـدمينهـا لازو تستمــرين عليها مو تحطينها شهرين ثلاثة همن تقولين ما نفعت مو حلوه

اغلب الخلطات ما راح تشوفين النتيجة الايجابية الا بعد اكثر من 6 شهور ومن سنة راح تلاحضين الفرق


وادعـــوا ربكــم ان يعـطيكم من خيرهـا ويكفيكـن شرهـا

 

[عيون تدمع امل]

المايونيز !!

سمعت ان له أضرار جانبية
منها اضعاف الشعر وتساقطه بسبب الاحماض المركزه فيه !

ومن تجربتي ما ناسب شعري وطلع لي بشعري فطريات

مع ان اعرف ناس ناسبهم

امي حطه خلطة فادة بشعرها وخالاتي حطن الخلطة وتساقط شعرهن اكثر من قبل


لان بعض الخلطات تمشي مع ناس ومع ناس تضرهن

 

[الأميرة ريماس]

بنات شنوو من هذولا ينعم الشعر ابية يصير نااااعم
زيت الوز الحلو او زيت برشوت الازرق او زيت دابر املا
وابية من خلال تجربة....بلللليز بنااات

 

[..<< ندى الورد >>..]

احس شعري وقف ماقام يطو ل اهي اهي شنو اسوي

انا قاعده استخدم خلطه وطول شوي بعدين وقف

 

[بيت التوت]

بنات ماتعرفون شي ينعم الشعر يعني الي استخدمتهم فوووق في واحد فيهم ينعم شعري

القطران اينعم الشعر بس عاد مو نفس اشعور الفلبينيات
لا بس اينعم وبشكل انتي رح تلاحظينه
اتحصلونه عند العطار
في اصلي وفي مو اصلي
الاصلي اتييج ريحته خفيفه ويروح من الشعر بسرعه
والتغليد ريحته قويه ولاتتحملينها ومايطلع من الشعر بطلعت الروح
اللي عليه ستكرز احمر مادري صفر مو اصلي ان جربته
واللي اييلج بدون استكر هذا اصلي ويكون قوامه خفيف
عكس التغليد قوامه ثقيل
وسعره 700 فلس
وينحط مع الحنه