تجمع للي تربي عيالها بروحها single mothers

[unapproachable]

واالله هالتجمع مهم وطرى على بالي وسبقتنني صاحبة الموضوع ولي عوده باذن الله

مشكوره .. ونورتينا بوجودج وحياج الله معانا

 

[تـــرحـــال]

اخخ ياقلبي صج مايخافون الله .. يامعوده بريطانيه ولا شغل فلبن وعسى الله ينتقم لج منه وطبعا لاهي مايا لبنته عند ثانيه ولاهي معاها لكن ماعليج ياختج راح تشوفين يومه بعينج قولي امين ... والبريطانيه راح تهده بالاخر او تخونه مع اشقر ومزيون وترفع عليه قضايا تاخذ البنت ويموت حره اغلبهم جذي الاجنبيات يعلمون الريل درس ماينساه بالنهايه مو احنا خنت حيلي تخضع له من البدايه وكل شي حاضر وميخالف عشان ريلي ابو عيالي والنتيجه اللهم لك الحمد والشكر .. الحمدلله ماعندج الا طفل واحد منه وعسى عيونه للبط ماعنده نظر يخلي بنات ديرته وتالي يجذب عليها

الله يعوضج بعد عمري والله .. انا اتوقع بتطلع لي قنبله نفسج واتمنى مو ماخذ فلبينيه مو عشانه عشان ولدي حبيبي

الموضوع ماهمني

بس والله اني متحسفه على بنته منها

بنت عوايل وقبيله واسم هاذي تاليتها تتربى عند الاجانب هي في بريطانيا مو هني شلون راح تطلع استغفر الله

وانا احمد ربي مليون مره ان ماصار فيني شي اكيد مرته ماراح تتحمل تصبر لين يجيها مره بالشهر

هم طبيعتهم جذي الحمدلله اللي سلمني من وصاختهم

وامين يارب الله يعوضني باللي يغسل جبدي ويبرد قلبي

لا ان شاء الله يا معوده ان شاءالله ما تجيج قنبله نفس قنبلتي

 

[unapproachable]

عسى الله يوفقج يا ترحال ويخليلج بنتج
وين الباجي شكلهم كلهم مدرسات ولهو بالمدرسه لوول

 

[تـــرحـــال]

تسلمين حبيبتي جزاج الله خير

اي والله الناس غطووو

لهو بالدوامات اكيد

 

[اثمان]

رد : تجمع للي تربي عيالها بروحها single mothers

السلام عليكم

تقبل الله طاعتكم وعيدكم مبارك


بدت المدارس وبدأ الكرررررررراف

 

[عود ومسك]

عسى الله يوفقج يا ترحال ويخليلج بنتج
وين الباجي شكلهم كلهم مدرسات ولهو بالمدرسه لوول

هههههههههههههه لا انا كاني
انا عطاليه وين دوامات بس اوووف بنتي الاسبوع الجاي دوام
الله يعيني على رابعة ابتدائي اااااخ يا قلبي
الله يسهل
شلونكم بنات شخباركم
وشلون عيالكم عسى ربي يحفظهم

 

[طيفوف]

رد : رد: تجمع للي تربي عيالها بروحها single mothers

السلام عليكم ياسنقلات

شخباركم ان شاء الله بخير
انا بعد كانى لا لاهيه ولا شى متقاعده بس لهيت باغراض المدرسه
الاسبوع الياى مدارس الله يعينهم اليهال​

:23_asmilies-com: :23_asmilies-com:

 

[ام الرضا]

رد : تجمع للي تربي عيالها بروحها single mothers

مساء الخير للجميع ،انا دائما ادخل المنتدى ومشاالله حلو ،بس اول مره ادخل هذا الموضوع وانا مطلقه وعندي بنت وحده وانا المسؤوله عنها بس الله يعين ،هي من كبرت ما اشوف ابوها ولا تعرفه

واحيانا اتعب في تربيتها وتعاند بعض الاحيان والله المستعان

 

[ام الرضا]

رد : تجمع للي تربي عيالها بروحها single mothers

انا تطلقت وعمر بنتي شهر وهي الان عمرها الله يحفضها لي 11 سنه ،،لكن لما امرها بشي احيانا تعصب وتعاند وتلفظ الفاظ مش حلوه

لكن امسك اعصابي وافكر انها بعيده من ابوها وهو من 8 سنوات ولا شافها ولا سال عنها ،،حتى جوازها عنده ،،ولا فكر يوم انه يعطينا الجواز وحنا ساكتين بعد خايفين من المشاكل ،،وشرايكم بنات ابي ارائكم

 

[ام الرضا]

رد : تجمع للي تربي عيالها بروحها single mothers

بنات شخباركم ما اشوف تفاعل معي
اليوم توترت وضربت بنتي ضرب وهي طولي وكله اطردها من حجرتي من العصبيه وبعدين اندم اشد الندم
تكفون ارشدوني شسوي

 

[%F&R%]

رد: رد : تجمع للي تربي عيالها بروحها single mothers

الله يعينكم ويعوضكم بعيالكم خير
والله اليهال مسؤوليه الله يكون بعونكم

 

[تـــرحـــال]

رد: رد : تجمع للي تربي عيالها بروحها single mothers

بنات شخباركم ما اشوف تفاعل معي
اليوم توترت وضربت بنتي ضرب وهي طولي وكله اطردها من حجرتي من العصبيه وبعدين اندم اشد الندم
تكفون ارشدوني شسوي

اولا يا هلا ومرحبا فيج ام الرضا

والله يخليلج بنيتج ويعينج على تربيتها

ثانيا اسمحيلي انتي غلطانه

اذا غلطت البنت غلط يستحق العقاب المفروض ما تردين تراضينها عشان تتعلم من غلطها

هذا كله بينقلب عليج باجر وبتخرب طبايع البنت وبخرب سلوكها

والبنت تقسين بتربيتها شوي عشان تتعلم وتكبر بطريقه صحيحه

وراها مسئوليه وواجبات وراها رجال تتعلم تنخضع له وتمشي بشوره ووراها عيال تعلمهم مثل ما علمتيها

الله يعين الجميع

وبعدين حبوبه بصراحه دام طليقج قاطع كل شي المفروض على الاكل اوراقها وجوازها عندج

بتسافرين معاها بتروحين مني مناك شلون جذي

لا يرحم ولا يخلي رحمه ربه تنزل الطيبه ماتنفع مع هذولا

 

[ام الرضا]

رد : تجمع للي تربي عيالها بروحها single mothers

مشكوره يا الغاليه ترحال على الرد
انا غلطانه لما ارضي بنتي ،والله اندم وما ارضى تنام وهي متضايقه شسوي قلب الام
وبالنسبه لجوازها الله المستعان ، هو ما عطاني الجواز وانا ساكته خايفه من المشاكل
ابي تعطوني نصايحكم في التعامل مع بنتي وخصوصا وهي مراهقه

 

[unapproachable]

رد: رد : تجمع للي تربي عيالها بروحها single mothers

انا تطلقت وعمر بنتي شهر وهي الان عمرها الله يحفضها لي 11 سنه ،،لكن لما امرها بشي احيانا تعصب وتعاند وتلفظ الفاظ مش حلوه

لكن امسك اعصابي وافكر انها بعيده من ابوها وهو من 8 سنوات ولا شافها ولا سال عنها ،،حتى جوازها عنده ،،ولا فكر يوم انه يعطينا الجواز وحنا ساكتين بعد خايفين من المشاكل ،،وشرايكم بنات ابي ارائكم

الله يخليلج بنتج ويعوضج باللي يستاهلج .. واعتقد الجواز المفروض عندج وشلون ماتسافرين يعني انتي والبنت؟ خلي احد يكلمه اذا نويتي تسافرون ...

وبالنسبه للضرب .. اهو اخر حل للمشاكل .. بس اذا سوت شي غلط لازم تنطق بس اعتقد 11 سنه المفروض تفهم يعني الطق للي اصغر اللي ليلحين مايميز الصح من الغلط .. حاولي تكلمينها اكثر والله صعبه التربيه بروحج انا ولدي غير عن اخواني اطباعه عنيف ويطق على غفله ومرات يطق اخوي طقه قويه واهو لاهي ويقل ادبه على امي وابوي معنى عمره 3 سنين بس والله كل يوم اكلمه واقوله غلط مايصير تقول جذي .. سبحان الله لابد يكون فيه شويه من صفات ابوه الكريهه ولكن ان شاءالله بالتربيه الصحيحه تتعدل والله يصلحهم ويحميهم يارب

 

[unapproachable]

طيفوف .. اثمان .. عود ومسك الله يعينا على المدرسه هالسنه احس كلش مو مستعده وولدي اول سنه بعد راح الهى معاه

عود ومسك رابعه لازم تشد حيلها اكثر عشان الفاينل بس لا تضغطين عليها وهم لا تهملينها ويقولون غيرو شويه بالمناهج

 

[دلعلــــع]

مع احترامي لج ولكلامج إختي صعبة المنال لكن انتي ماتدرين ان هالإنسان ما يحب الا نفسه والفلس والحريم
والله وبالله ما يحب ولده يدعي عليه بالموت ودازلي رساله تهديد بيذبحه بمجرد ما يستلم حكم الرؤيه وإذا مو مصدقتني عندي إستعداد أنزلج صور من رسايله وتقرين راح تنصدمين وقدمنا نسخه من رسايله حق قاضي التنفيذ مال حكم الرؤيه جان يغلق الملف القاضي إنصدم

وخاشه نسخ ومغلفتهم تغليف حراري حق ولدي لمن يكبر إن شاءالله ويستوعب شنو الأب و يسأل عنه راح أقريه رساله رساله و أقوله هذا أبوك غير عن كل الآباء انت ولدي آنا وبس

حسسسسسسسسسسسسسبي الله عليه والله عيوني دمعت هذا ابو هذا ؟
يا رب بهالجمعه انه ما يكسب رؤية ولده يمممه والله قلبي عورني
يا رب يخليلج وليدج ويحفظه ويتربى في عزج ياااااااااارب

 

[عود ومسك]

رد: رد : تجمع للي تربي عيالها بروحها single mothers

مشكوره يا الغاليه ترحال على الرد
انا غلطانه لما ارضي بنتي ،والله اندم وما ارضى تنام وهي متضايقه شسوي قلب الام
وبالنسبه لجوازها الله المستعان ، هو ما عطاني الجواز وانا ساكته خايفه من المشاكل
ابي تعطوني نصايحكم في التعامل مع بنتي وخصوصا وهي مراهقه

ياحياتي والله حاسه فيج انا بنتي عمرها 9 سنين وهم لج عليها فيها عوابه وصوت عالي ويعني عناد
بس تبون الصج يابنات ما جابت شي من بره هههههههههههه
يعني البنت خذت من الطرفين مني ومن ابوها
وانا نادراً ما اطقها مع ان قبل رفيجاتي يقولون لا تسكتين على حنة بنتج البنت تكسرين لها ضلع يطلعلها ستين ضلع
قلتلهم
لا ماني طاقتها الطق ما يفيد وهذي وحيدتي اكسرلها ضلع لما يكون عندي غيرها 3
بس هذي وحيدتي ولابد تكبر شوي وتفهم بالكلام
امممم سلوكيات بناتنا عشان عدم وجود الاب والوحده
انا اقولج مهما سوينا وحطينا شمس بيد وقمر بيد هم ودهم بأبوهم خصوصا بالدراسه يشوفون ويتحسرون على الابهات
فا انا انصحج امشي معاها بالكلام وسايسيها وصيري رفيجتها والله انا بنتي عالتني بس ساعات تسمع الكلام
ومن ناحية قلة الادب ما تقدر تعرفني صحيح اني ما اطقها لكن تدري لو بقوم عليها شنو بيصير
فا انتي كلميها سايسيها فهميها قوليلها انها كبرت خلاص ماهي صغيره
قربي منها حيل..بخصوص الجواز لا تسكتين وشنو اللي خايفه منه
عفواً انتي مو كويتيه؟
اذا انتي كويتيه ارفعي راسج فوق ولا تخافين معاج الحق وما يقدر يسويلج شي عندنا قانون يردعه
وحتى اذا مو كويتيه ما يقدر يسولج شي طول ما انتي زوجة كويتي لج حق وتاخذينه من ورا خشمه:eh_s(15):

 

[عود ومسك]

:

طيفوف .. اثمان .. عود ومسك الله يعينا على المدرسه هالسنه احس كلش مو مستعده وولدي اول سنه بعد راح الهى معاه

عود ومسك رابعه لازم تشد حيلها اكثر عشان الفاينل بس لا تضغطين عليها وهم لا تهملينها ويقولون غيرو شويه بالمناهج

ياربي الله يستر والله جد خايفه حيل
بنتي اسم الله عليها كانت متفوقه بس العام نزل مستواها قلتلها ليت كل السنين مستواج نازل وارتفع العام
انا الحين ابيج تشدين حيلج ووراج امتحانات
يارب يسهلون المنهج بصراحه هد حيلنا :eh_s(2):
والله قاعده اساحلها من الحين اقولها شدي حيلج واللي تبينه يصير
عاد اهي لازم طلبات تدرون دلع البنات
تقولي شنو تجيبين لي اذا تفوقت قلتلها اللي تبينه اهم شي تنجح وهم ودي تتفوق نفس لما كانت بأولى وثانيه
الله يسهل ويعينا عالتعب

 

[عود ومسك]

رد: رد : تجمع للي تربي عيالها بروحها single mothers

الله يعينكم ويعوضكم بعيالكم خير
والله اليهال مسؤوليه الله يكون بعونكم

الله يجزاج خــير

 

[سروري]

فكرة روعه عسى ربي يفتح عليكم ويسهل أموركم:eh_s(8):