تجمع للي تربي عيالها بروحها single mothers

[تـــرحـــال]

رد: رد : رد: رد : رد: تجمع للي تربي عيالها بروحها single mothers

حبيباتى اشوفكم باجر بأذن الله
عازمتنى أم عنوبى على الغدا بشليز لان اليوم عيد ميلادى
الله يخلى لها عنوبى وتشوفه كبير وتعرسه ابنت الحلال​

oster_av1: oster_av1: oster_av1:

هني وعافيه

وقولي لام عنوووبي خل تدخل ننبي نشوفها جنه محد داوم الا هي:lololoe:

 

[تـــرحـــال]

الجو حده خاايس الله يستر على عيالنا وعلينا بعد

اهل البيت كلهم تعابى وانا جني بلحقهم

انا حدي متحمسه عشان ادرس واعد الايام متى اخلص

اونتو حدكم حطمتوووووني وكرهتوني بالتدريس :lkmnkl:

 

[عود ومسك]

كل عام وانتي بخير طيفوف

 

[عود ومسك]

الجو حده خاايس الله يستر على عيالنا وعلينا بعد

اهل البيت كلهم تعابى وانا جني بلحقهم

انا حدي متحمسه عشان ادرس واعد الايام متى اخلص

اونتو حدكم حطمتوووووني وكرهتوني بالتدريس :lkmnkl:

الله يعينكم ايه والله تحرصو من الحين
بيتنا بعد كله ياخوفي الحقهم هههههههههههه
عاد ما تسوا بنتي مريضه وانا امرض بعد شلون بدرسها

والتدريس بالعكس اهم شي الضمير والا ترا بكرهج لوووول
وانتي وحظج بعد اذا الله قطج بأداره سنعه ومدرسات قلبهم على قلبج بتستانسين

 

[unapproachable]

رد: رد : رد: رد : رد: تجمع للي تربي عيالها بروحها single mothers

حبيباتى اشوفكم باجر بأذن الله
عازمتنى أم عنوبى على الغدا بشليز لان اليوم عيد ميلادى
الله يخلى لها عنوبى وتشوفه كبير وتعرسه ابنت الحلال​

oster_av1: oster_av1: oster_av1:

كل عام وانتي بالف خير:blueSmCLR: وان شاءالله تتحقق كل امانيج

سلمي على ام عنوبي القاطعه قوليلها وينج فقدناج

 

[unapproachable]

ترحال التدريس تعب بدون شك .. انا اذا جدولي مخفف يصير وضعي اووكي بس هالسنه 15 حصه وتعب حيل وخصوصا اذا مراحل صغيره
بس مااقص عليج مرات استمتع بالتدريس ومرات ودي اشق اهدومي يعني وظيفه محيره بس الاكيد ان الابتسامه ماراح تفارقج اذا نزل المعاش

وانا ليما كنت متزوجه كنت وايد تعبانه من المدرسه وحسيتها صعبه حيل علي .. بس الحين عزباء ومتفرغه انام متى ماابي وكل شي على كيفي

 

[تـــرحـــال]

الله يعينكم ايه والله تحرصو من الحين
بيتنا بعد كله ياخوفي الحقهم هههههههههههه
عاد ما تسوا بنتي مريضه وانا امرض بعد شلون بدرسها

والتدريس بالعكس اهم شي الضمير والا ترا بكرهج لوووول
وانتي وحظج بعد اذا الله قطج بأداره سنعه ومدرسات قلبهم على قلبج بتستانسين

لا لا كل ولا الكره والدعاوي عاد اخذي وخلي

لا ان شاء الله انا متحمسه وما في بردني بحيل الله

اهم شي اخاف الله بهالمساكين واحط الله جدامي وما في الا الخير

 

[تـــرحـــال]

ترحال التدريس تعب بدون شك .. انا اذا جدولي مخفف يصير وضعي اووكي بس هالسنه 15 حصه وتعب حيل وخصوصا اذا مراحل صغيره
بس مااقص عليج مرات استمتع بالتدريس ومرات ودي اشق اهدومي يعني وظيفه محيره بس الاكيد ان الابتسامه ماراح تفارقج اذا نزل المعاش

وانا ليما كنت متزوجه كنت وايد تعبانه من المدرسه وحسيتها صعبه حيل علي .. بس الحين عزباء ومتفرغه انام متى ماابي وكل شي على كيفي

على قولتج بتجي فتره اكون مرتاحه وفتره مالي خلق نفسي هذا حال الدنيا

صاجه والله الوضع الحين احسن مليووون مره

يوم كنت متزوجه ماكانت الدراسه صعبه كثر ماكان الوضه مزري مشاكل وحاله نفسيه تعبانه

تسد نفسج عن كل شي

هالسنه لانها اخر سنه وماعندي مشاكل ولله الحمد فاحسن متحمسه وداشه بقوه

 

[تـــرحـــال]

بنااااات بسوي حركه خطيره

كل شهر طبعا لازم ندق على طليقي ونقوله ليش ما حولت الفلوس ويقول اوكي ويطول على ما يطرشها

جنه نطر منه

المهم هالشهر لحين ما حول الفلوس لان مانعته عن بنته لانها تعبانه مابي اطلعها ولا راحت عندهم يطلعونها بالحوش

والبنت صدرها تعبان وكمام فقلت اذا تبي تشوفها تعالي عندنا واقعد معاها بالدوانيه طنقر

واللي زاد الطين بله اني قلت ماتروح لكم يوم الجمعه لانهم كلهم يتجمعون وهم اهل سحوره وطبوبه ماني مستغنيه عن بنتي

ويعزمون خالاتهم وبناتهم وطبعا يتكلمون عني قلنا لها جيبيها ساعه وقطتها علينا 5 ساعات تبي تريح ومن هالسوالف

طنقر زياده قال لابوه يدق علي ويقول ابيها الجمعه بتحري من خواته اول مره يا بنات ما احشم الشايب

قلتله وولدك يقط بنتي على خواته ويطلع ويجي ياخذها ويجيبها

لي يعني ما يقعد معاها ساعه وتخب عليه ..ماشاء الله الحين قام يحشمك ويرد عليك ويقولك حل مشاكلي

ويوم اني عنده وادق عليك اقولك سوى وحط وقال فيني تدق عليه ما يرد عليك تدوره دواره وهو ينحاش منك الحين عرفك

ولدك ما شاف بنته لين تمت 3 شهور ولا همه وانا زعلت عند اهلي من يومها في بطني 3 شهور ما قط علي وعليها

الدينار الحين حبها وبغاها بناتك اللي يبونها عشان يورون الناس ان بنتهم عندهم ولدك للحين ما نزل مصروفها الحين

يبي يشوفها ماراح تروح غير هالحجي ما عندي يوم صكيت التلفون صراحه تحسفت الشايب ماله ذنب بس شسوي من حرتي

المهم امس اشكي لابوي ان للحين ما طرش لا نفقتي ولا مصروف بنته

فديت الغالي قال لا تدقون عليه وتطرون منه وانتو الحمدلله مصروفكم يوصل مني ماله داعي الطراره

خلوه شهر ما يدفع والشهر الثاني ارفع عليه قضيه يدفعونه دم قلبه ومن غير طراره توصل الفلوس بحسابج على طول

قلتله حتى الرؤيه مابي يشوفها ولي الحق وعندي اللي يثبت باهليته وتحرمه شوفتها انه عنده ملف بالطب النفسي وياكل حبوب

شرايكم يا بنات اتوكل على الله واخرب على راسه وراس خواته الدنيا؟؟؟​

 

[طيفوف]

رد : رد: تجمع للي تربي عيالها بروحها single mothers

السلام عليكم حبيباتى
مشكورين وماقصرتو 00000 وبالنسبه حق أم عنوبى بوصل لها السلام أن شاء الله
واعليه عليها والله يعينها الصبح مدرسه والعصر أمراكض بالمخافر مع أخوى علشان
مكرمين الزفت ريلها وألحين موكلين محامى علشان يطلع عين عينه وألليى خلفوه
وأبشرو أبشرو بوصل لها السلام منكم​

:hjy5jewf: :hjy5jewf: :hjy5jewf:​

 

[طيفوف]

رد : رد: تجمع للي تربي عيالها بروحها single mothers

بنااااات بسوي حركه خطيره

كل شهر طبعا لازم ندق على طليقي ونقوله ليش ما حولت الفلوس ويقول اوكي ويطول على ما يطرشها

جنه نطر منه

المهم هالشهر لحين ما حول الفلوس لان مانعته عن بنته لانها تعبانه مابي اطلعها ولا راحت عندهم يطلعونها بالحوش

والبنت صدرها تعبان وكمام فقلت اذا تبي تشوفها تعالي عندنا واقعد معاها بالدوانيه طنقر

واللي زاد الطين بله اني قلت ماتروح لكم يوم الجمعه لانهم كلهم يتجمعون وهم اهل سحوره وطبوبه ماني مستغنيه عن بنتي

ويعزمون خالاتهم وبناتهم وطبعا يتكلمون عني قلنا لها جيبيها ساعه وقطتها علينا 5 ساعات تبي تريح ومن هالسوالف

طنقر زياده قال لابوه يدق علي ويقول ابيها الجمعه بتحري من خواته اول مره يا بنات ما احشم الشايب

قلتله وولدك يقط بنتي على خواته ويطلع ويجي ياخذها ويجيبها

لي يعني ما يقعد معاها ساعه وتخب عليه ..ماشاء الله الحين قام يحشمك ويرد عليك ويقولك حل مشاكلي

ويوم اني عنده وادق عليك اقولك سوى وحط وقال فيني تدق عليه ما يرد عليك تدوره دواره وهو ينحاش منك الحين عرفك

ولدك ما شاف بنته لين تمت 3 شهور ولا همه وانا زعلت عند اهلي من يومها في بطني 3 شهور ما قط علي وعليها

الدينار الحين حبها وبغاها بناتك اللي يبونها عشان يورون الناس ان بنتهم عندهم ولدك للحين ما نزل مصروفها الحين

يبي يشوفها ماراح تروح غير هالحجي ما عندي يوم صكيت التلفون صراحه تحسفت الشايب ماله ذنب بس شسوي من حرتي

المهم امس اشكي لابوي ان للحين ما طرش لا نفقتي ولا مصروف بنته

فديت الغالي قال لا تدقون عليه وتطرون منه وانتو الحمدلله مصروفكم يوصل مني ماله داعي الطراره

خلوه شهر ما يدفع والشهر الثاني ارفع عليه قضيه يدفعونه دم قلبه ومن غير طراره توصل الفلوس بحسابج على طول

قلتله حتى الرؤيه مابي يشوفها ولي الحق وعندي اللي يثبت باهليته وتحرمه شوفتها انه عنده ملف بالطب النفسي وياكل حبوب

شرايكم يا بنات اتوكل على الله واخرب على راسه وراس خواته الدنيا؟؟؟​

ترحال000000

انتى من صجج النفقه ما وصلها اوووووووف حريتينى وصليها حق أكبر راس بالمحكمه
روحى رفعى قضية نفقه ترى من حقج وحق بنتج لايكون من جيبه النفقه ترى من الحكومه
ولا تخلينه 000 يالبايخه يالبايخه روحى روحى اخذى حقج من المحكمه لانكم معطينه ويه وايد
لعلمج انا اليوم راي المخفر أموديه تكليف بالحضور حق طليقى لان رافعه عليه زيادة نفقه ومن
حقى ازيد النفقه كل سنه مالت عليهم هالريايل روحى روحى أبى أسمع باجر رفعتى عليه قضيه
النفقه وغصبا عليه راح يدفع راح يستقطع من المعاش

حريتنى والله [ قبل لا أذبحج/COLOR]​

:eh_s(13): :eh_s(13): :eh_s(13):


​

 

[تـــرحـــال]

هههههههههههههههههههههههههههههههههه لا تهورين وتذبحيني وراي بنيه

طيفوف شسوي ابوي ما يبي ياذي ابوه رجال كبير وله وزنه واسمه

بس انا انصدمت انا السالفه جات من ابوي

لا ان شاء الله برفع عليه قضيه بس ابوي يقول اصبري للشهر الجاي عساس يكون طوف شهرين

وناخذ منه مبلغ وقدره وفوق هذا يكون من صالحنا لما نقدم القيه عند القاضي ان هو ما يدفع الا بعد حب خشوووم

لا هالمره خلااااص عليهم عليهم

 

[unapproachable]

والله ياترحال مادري شقولج انا نفس وضعج وهالشهر مانزل الخمسين وفقدت الامل من هالسالفه ابوي يقول نعطيه فرصه ومادري لي متى هالفرصه صج اني مو محتاجه فلوسه بس ودي يتعذب عشان مايتزوج بنات الناس ويحملهم ويطلع بدون مسؤوليه ولا وشي واحنا نتحمل ونتعب

 

[تـــرحـــال]

unapproachable

انا صراحه مفكره من زمان بس ابوي اللي يردني يقول ليش نجرجرهم ابلمحاكم

انتي منتي بعازته وبالفعل بس انا نفس حالتج ابيه ما يلعب في بنات الناس ويعرف ان اللي صار مو لعبه واخطائه لها عواقب

وانصدمت يوم قالي ابوي اذا لي الشهر الجاي ما دفع برفع عليه قضيه جات منه مو مني واذا الغالي عزم على شي يسويه

يمكن اللي غير موقفه ان يوم كنت اقوله كنت صج محتره اقوله موسم شتا الناس تجهز انا ادري ان ماعلي قاصر

بس بنته هو مكلوف فيها الحين الفلوس بيصرفها على البريطانيه وبنتها وكله حلال الحكومه هني قال انا اخذ حقج وحق بنته

فديته خلي يجرجره من قضيه للثانيه متحلف فيه خذا منه موقف يستاهل :eh_s(4):

توكلي على الله واقنعي ابوج قولي كله لولده واذا ما دفع سوي نفس ماراح تشوف ولدك

 

[طيفوف]

رد : رد: تجمع للي تربي عيالها بروحها single mothers

unapproachable

انا صراحه مفكره من زمان بس ابوي اللي يردني يقول ليش نجرجرهم ابلمحاكم

انتي منتي بعازته وبالفعل بس انا نفس حالتج ابيه ما يلعب في بنات الناس ويعرف ان اللي صار مو لعبه واخطائه لها عواقب

وانصدمت يوم قالي ابوي اذا لي الشهر الجاي ما دفع برفع عليه قضيه جات منه مو مني واذا الغالي عزم على شي يسويه

يمكن اللي غير موقفه ان يوم كنت اقوله كنت صج محتره اقوله موسم شتا الناس تجهز انا ادري ان ماعلي قاصر

بس بنته هو مكلوف فيها الحين الفلوس بيصرفها على البريطانيه وبنتها وكله حلال الحكومه هني قال انا اخذ حقج وحق بنته

فديته خلي يجرجره من قضيه للثانيه متحلف فيه خذا منه موقف يستاهل :eh_s(4):

توكلي على الله واقنعي ابوج قولي كله لولده واذا ما دفع سوي نفس ماراح تشوف ولدك

السلام عليكم 0000
ترحال
لا تخلونه هالاشكال ماتيى ألا بالعين الحمرا والمحاكم والمخافر وخلى الاستدعاء يوصل الى شغله
فشليه قصى ويهه ويا ويهه كلها 50 لا ومن الحكومه طلعيها من عينه علشان لا يقول عندها اهلها
يصرفون عليها الله يخليهم لج بس اهو ملزوووووووووووم
عفيا عفيا لاتسكتون عن حق البنيه زقووووووووم ابطنه وامثاله بعد
حدى حاقده على الر يايل من الظيم ​

:friends:

 

[طيفوف]

رد : رد: تجمع للي تربي عيالها بروحها single mothers

والله ياترحال مادري شقولج انا نفس وضعج وهالشهر مانزل الخمسين وفقدت الامل من هالسالفه ابوي يقول نعطيه فرصه ومادري لي متى هالفرصه صج اني مو محتاجه فلوسه بس ودي يتعذب عشان مايتزوج بنات الناس ويحملهم ويطلع بدون مسؤوليه ولا وشي واحنا نتحمل ونتعب[/

السلام منوووووول
بلا وين الاقبها منج ولا من ترحال لا تسكتين عن حق ولدج ميخالف ان شاء الله ماتعتازين له
بس تخيلى حق ولدج يروح حق البنات أللى بالشوارع وهو مستانس لانكم مو قاعدين اطالبونه
فيهم لا لا مايصير حق الولد له ومن حقج ترفعين كل سنه زياده ولج لانج حاضنه لحد مايكمل 9 سنين
هالاشكال ماينسكت عنها وفشليه بعد بشغله دزو التبليغ طيعونى انتى وترحال وتوكلو على الله​

 

[عود ومسك]

انا ما انصح بهالشي
كل شي بالطيب يجي
حلات الناس يذكرونج بالطيب
وحلات الابو مهما كان حقير بكره يقول لبنتج جعل امج للجنه
والا يتفشل من طيبج
ترحال اذا ابوج يبي يسوي شي كيفه وبصره رجال لراس رجال
انا ما رفعت قضيه مو خوفا منه
لا والله يخسي لو ابي حقي والله لاخذه من ورا خشمه واخليه يحب قاعة رجلي بعد
لكن الطيب ساعات يغلب وخصوصا ان الرجال لابد تجيه صحوه في يوم من الايام
انا ماني بعازته وبنتي تبجي تقول ابي خمسينتي هذي الحكومه صارفتها لي
ومثل ما قالت طيفوف زقوم في بطنه لكن انا افكر في بكره من بعد عيني
افكر في بنتي ما ندري شيصير بالدنيا .. اهم شي ان طيبي هذا يكون من صالح بنتي ومهما صار انا متأكده لما تكبر بنتي بتكون اغلى من عياله اللي عنده

انا مو قاعده ادافع عن الرجال مثل ما قلتلكم وما اقولكم ان ما راح يجيني يوم وادخله محكمه
لابد بيجي يوم لكن هم القضيه بتكون بالطيب

يمكن تتضايقون وتقولون انتي ما شفتي اللي شفناه
لا والله يمكن شفت اللي شفتوه واكثر من اللي شفتوه
بس كل اللي اسويه عشان بنتي مو عشانه

بنات لا تاخذكم الحره وتحسسوني ان عمركم ما شفتو يوم حلو مع رياجييلكم
يكفي شعوركم وانتو تجهزون للعرس والا بالزفه هذا كان يوم حلو لان ماظنتي وحده فيكم تزوجت غصب
انا عارفه احساسكم كنت احسه اول ما انفصلت لكن الحين وكلتي امري لله هو ياخذ بحقي
يا بنات لاتشوفون عيوبهم وتقولون ان مافيهم شي حلو ابد
لا تخلون الحقد يترس قلبكم مو عشانه عشان عيالكم بس
واذا فكرتو بالقضايا اخذو حقكم لا تاخذون زياده
والله العظيم ان في يوم انعرض علي عرض ان يرفعون لي قضيه ويعطوني مهر كامل تخيلو يا بنات قالولي من القضيه هذي بنطلعلج 7 الاف بتقولون شلون بقولكم الوسايط والظلم
وانا قلت مابي هالشي انا اذا جيت برفع قضيه مابي غير حق بنتي وانا مابي منه شي

 

[تـــرحـــال]

عود ومسك

انا مابي شي زياده ابي بس حق بنتي مابي شي حرااام ولا ابي اظلم بنتي واظلم نفسي

شوفي ربي يوم فرجها جنه يقول هوني عن موضوع القضيه

يوم طنشنا طليقي ومادقينا عليه مثل كل شهر نزل هالشهر 260 لي ولبنتي الحمدلله

 

[عود ومسك]

الحمدالله يا ترحال رزق بنتج ما يضيع
اقولج كل شي يجي بالطيب
ترا انا ما نفع معاه طيبي ولا يصرف على بنته بس بيجيله يوم ما يتوقعه :d

 

[unapproachable]

كلامكم صح .. بس انا اعترف اني كنت مغفله وساكته عن حقي وتنازلت عنه من زماااان مقابل طلاقي ومابي حقي منه الله بياخذه منه ان شاءالله وراح يحاسب عليه .. بس حق ولدي مستحيل اتنازل عنه وانا كنت طيبه معاه زياده عن اللزوم ومارفعت قضيه عشان ابوي مو عشانه لان ابوي مو راضي واهم شي عندي رضا ابوي وان شاءالله ابوي بياخذ حق ولدي منه غصب طيب