تجمع للي تربي عيالها بروحها single mothers

[قمر الكوون]

رد : تجمع للي تربي عيالها بروحها single mothers

انا احب انضم معاكم
ارملة وام لبنوتيين

الله يعوضنا جميعا:yaaaaaarb:

 

[Air Bag]

رد : تجمع للي تربي عيالها بروحها single mothers

قمر الكون الله يرحم زوجج و يجمعج معاه بلجنة ويعوضج فبناتج يااااارب
بخارى حبيبتي الله يعينج قلبي معاج وليش جذي صار بينكم
مافي أحد يصلح بينكم قبل لا ينهدم بيتكم وتتشتتون؟؟
الله يهديكم لبعض

 

[unapproachable]

بخارى .. فكري قبل اتخاذ القرار واذا كانت العيشه معاه مستحيله وفيها ضرر عليج انتي وعيالج ففكري بالطلاق والله يسهل لج امورج ويوفقج

 

[unapproachable]

قمر الكون عسى الله يخليلج بناتج ويستر عليج وعليهم والله يرحم زوجج

وحياج معانا :wqedqw:

 

[unapproachable]

اخر التطورات

امس الاخ اللطيف دق اخووووووووي ليش تشتكون وانا ابيها وابي اردها طبعا انا جن جنوني له عين يدق بعد يسفل فيني وطق وغير سب اهلي والبخل والشك لك عين تتكلم وينك يوم اخواني يدقون يبون يكلمونك الحين عرفتهم لان عرف اني بأخذ حقي غصب عنه عيالك ما فكرت تشوفهم لا مصروف ولا بطيخ


لا وابشركم دقيت اجيك على المنحه طلعت معلقه
ربي لك الحمد وربي انا مابي اكثر من حقي وحق عيالي هو الله يأخذ حقي منه مابي منه شي

قطيعه كلهم نفس النظام هالرياييل ماكو كرامه وعينهم قويه على شينهم قوات عينهم

عسى الله يعوضج بعيالج ويكافيج شره

 

[unapproachable]

ترحال .. الحمدلله على سلامتج وزين غيرتي جو ومبروووك على المنحه نزلت بحسابج :ggdw:

 

[حب الرّمان]

نشالله تربيتكم ماتضيع هدر ويكونون لكم عوون ويشلوونكم لمن تكبروون وتحتاجوونهم ياااااربي ياحبيبي

 

[Air Bag]

رد : تجمع للي تربي عيالها بروحها single mothers

شلونكم بنوتات؟
عساكم بخير؟
بخارى صدقتي الريال إلي يمد إيده على مرة حرام ينقال عنه ريال
وفعلا" العيشة معاه مستحيلة
إسأل مجرب
لا ويصير عندهم إدمان بكل سالفة صغيرة كبيرة تسوى ما تسوى يمدون ايدهم
أنا إلي كان عندي مجرم طق والعياذ بلله, الحمدلله ربي فكني منه جان قضى علي وله حط فيني عاهة
الله يعينج على ما ابتلاج وربي ويعوضج خير

 

[الأميرة جوري]

رد : تجمع للي تربي عيالها بروحها single mothers

بخاري ...لاحول ولاقوة الا بالله اجهاض معناه ازهاق روح ..الله يكون بعونج ويعوضكم ..يارب ..

 

[jawaa]

قوووه يا حلوين شلووونكم ولهت عليكم بس النزغه اللي عندي مايخليني أخذ راحتي حياتي الغازات ماذيته المهم بنات شلون تجيكون على منحة عيالكم ان مجمده او وين بتنزل أنا محاميتي قالتلي عساس بتقدم الاوراق ان في نزاعات بينا عشان المنحه مالت ولدي تنزلي أنا شلون تجيكون ؟

 

[unapproachable]

بخارى .. الله يكون بعونج ويكافيج شره وعسى الله يوفقج يارب

jawaa عسى الله يخليلج وليدج..وبشرينا عنج؟؟ وفي موقع للمنحه الحين بحطه

 

[unapproachable]

www.menha.gov.kw/‏

 

[تـــرحـــال]

حبيبتي بخارى

ماتغلى عليج عيوني لج افاا عليج

والله يعوضج باللي احسن منه يا رب

ديحانيه ذوق

الله يبارك فيج

سبقتني منوول وحطته جزاها خير

air bag

الله يسلمج من كل شر ويبارك فيج حبي

منووول

الله يسلمج بعد عمري صج كنت محتاجه هالسفره احس رديت منعنشه

ويبارك بعمرج الفال لكم يارب

قمر الكون

حياج الله معانا

والله يعوضج خير بعيالج

jawa

اذا في نزاعات اعتقد ماتنصرف لين يحكمون

ومنول حطت موقع المنحه حطي رقم رشود المدني ويبين لج

حب الرمان الله يجزاج خير وان شاء الله في ميزان اعمالج

 

[تـــرحـــال]

امس تهاوشت مع خدامتي

الحقيره شكلها طاقه بنتي بس مارضت تعترف

قبل لا اسافر كانت بنتي بنتي تبجي على كل حزه عبالي عوابه

وبحكم دراستي وانشغالي باغلب الاوقات ما كنت ادقق واجد

بس لما سافرت لاحظت انها مااتبجي الا للشديد القوي يا جوعانه يا بتنام او تعورت

لما رجعت قررت ادقق اكثر

وامس سمعت بنتي تبجي حيل كانت تبدلها رحت اركض لها الا حبيبتي تركض صوبي وتبجي على صدري

انا استخفيت شكل البنت متعوره مبين عليها امي جاتني تركض سالناها شفيها قالت كانت تبي الكرييم وانا اخذته منها

انا ادري انها جذابه البنت شكلها مطقوقه سألت خدامه بنت خالتي لانها كانت موجوده ماردت تأكدت انها معورتها

جان اعطي امي بنتي وانط عليها وهات يا طق واللي يحب النبي يضرب ما وقفت الا لما طلع ابوي من غرفته

بدون مبالغه شالني ووخرني عنها لاني كانت قاعده فوقها ههههههههههههههههههههه حرتني الحماره

قالها تلم اغراضها ورحت معاها اجيك عليها الا الحماره عندها خط ثاني وتكلم شباب

لان اخت مرت اخوي مره كنا رايحين لهم بالمزرعه قالتلي انها سمعتها تكلم واحد شكله كويتي لانها كلمته عربي مكسر

وديتها اليوم المكتب ببيعها وباجر بطلبي وحده ثانيه اشوى اني معطله والا علووووووم

 

[jawaa]

لووووووووول ترحال ضحكتيني والله قويه كان ودي اشوف هالمنظر عاد خدامتج عسى مو اثيوبيه

 

[jawaa]

بنااات ادعووولي الله يخليكم جلسة النفقه والحضانه تاريخ ٢٢-٢ وجلسة الطلاق ١-٣ ادعولي الله ينصرني وماطول السالفه أنا اجرتلي شقه وناطره المعاش وببلش ازهبها *

 

[تـــرحـــال]

JAWAA

ههههههههههههههههه انا اضحك على منظري الحين صج كنت قصه حزتها

متاثره بافلام الاكشن:krkrkr:

لا فلبينيه بس بطلب لي اثيوبيه بجربهم


بخارى


خلاص هونت دامج سويتي نفقه بنتج :krkrkr:

لا افاا عليج حاضرين للطيبين

زين خلصتي من المطبخ وافتكيتي

بس مو شرط تسكنين والشقه كامله اسكني وكملي على الراحه شوي شوي اوفرلج

 

[تـــرحـــال]

الله يوفقج jawaa

ربي ينصرج وياخذ حقج منه

ويسهل امورج يارب

وينج الحين عنده والا طلعتي ؟

 

[jawaa]

بنااات ادعووولي الله يخليكم جلسة النفقه والحضانه تاريخ 22-2 وجلسة الطلاق 1-3 ادعولي الله ينصرني وماطول السالفه أنا اجرتلي شقه وناطره المعاش وببلش ازهبها *

 

[jawaa]

ههههه ليلحين عنده