تجمع للي تربي عيالها بروحها single mothers

[unapproachable]

بيبي فيس والله ياختج كلنا قصصنا غريبه عجيبه يبيلنا نألف كتب وروايات من كثر ماشفنا ... لكن الحمدلله على كل حال واللي مايشقا بعمره ويحس بالم فماراح يعرف طعم السعاده والراحه

والحمدلله على الخلاص ياختج وافتكينا منهم ومن الشقا والتعب النفسي

وعسى الله يخليلج بنتج ويستر عليها وعليج ويعوضج باللي يستاهلج

 

[unapproachable]

ترحال وينج فقدتج

 

[unapproachable]

بنات انتو وعيالكم بغرفه وحده عند اهلكم؟؟

انا ولدي معاي واحس توه صغير لازم اخليه عندي بس امس رحت ادورله سرير وحسيت بغصه ونقص والحمدلله انا راضيه بوضعي وبخير ونعمه بس كان نفسي اشتريله غرفه بروحه لان الاثاث احلى جذي بس لازم اضبط شكل سريره على شكل سريري

وشريتله السرير والماتريس بس بقى الكوفر ومحتاره شلون اشتريله كفر اطفال وانا كفري غير احس شكله بيطلع غلط

 

[*(بيبي فيس)*]

رد : تجمع للي تربي عيالها بروحها single mothers

مرحبا حبيباتي حابة أقول قصتي وأفضفض شوي
شقول شخلي أنا طلعت من هالزواج بخلاصة إن زوجي مجنوووووون أو مريض نفسي
وحلال على اللي بتاخذه مع إن بيننا بنت مالها ذنب كان عمرها 8 شهور.
أنا حكمت عليه جذية بس أمه مرة قالت ولدي مسحور وسحره ينفك بعد فراقكم ب40 يوم ومرة قالت قصو عليه بنات الحرام كل هذا انتهى بس يدور براسي ليلحين سؤال شنو كان بلاه بالضبط؟!!!!!!
أبي أعرفكم على نفسي أنا ماأمدح نفسي بس أنا بنت طيبة وعلى نياتي جميلة وأهتم بنفسي وأي شي ماأعرفه أتعلمه متواضعة طبخي حلو كنت موظفة وألحين أدرس انجليزي خلوني أكلمكم عنه..
تخيلو عشت معاه سنة ونص علبالي شخص طلع شخص ثاني غير اللي حبيته طلع طقاق خوان كذاب خداع ممثل درجة أولى بس تدرون هالشي اكتشفته بالنهاية
بس خلال عشرتنا كان مرات زين معاي ومرات لأ يعني متقلب مرة تفكير مرة تفكير ثاني ماأدري من مخه ولا من بنات الحرام ...
سوا فيني جريمة طقني طق بغيت أموت وسحبني للمطبخ االلي ياما أكلته منه بغا يحرقني على شنو على مشكلة ماتستاهل وحبس وتهديد وإهانة وشك يقوللي تبين الطلاق أشوهج بعدين أطلقج حتى أهلي غلط عليهم وهددهم واخر شي قعد يبجي حيل ويقوللي أناأحبج وماراح ألقى مثلج لاتخليني أنا تبت خلاص ويحلف عالقران أنه يتغير ويصير واحد ثاني وطلب مني أسامحه بس أنا سويت نفسي مسامحته علشان يوديني أنا وبنتي لبيت أهلي وماشافني عقبها...احترمته قدرته دلعته وفيت له وحفظت نفسي له كل شي سويت علشانه اخرتها يسوي فيني جذيه حسبي الله ونعم الوكيل قدر الله وماشاء فعل
الشي الوحيد الحلو اللي خذيته منه بنتي الله يخليها لي​

 

[unapproachable]

رد: رد : تجمع للي تربي عيالها بروحها single mothers

مرحبا حبيباتي حابة أقول قصتي وأفضفض شوي
شقول شخلي أنا طلعت من هالزواج بخلاصة إن زوجي مجنوووووون أو مريض نفسي
وحلال على اللي بتاخذه مع إن بيننا بنت مالها ذنب كان عمرها 8 شهور.
أنا حكمت عليه جذية بس أمه مرة قالت ولدي مسحور وسحره ينفك بعد فراقكم ب40 يوم ومرة قالت قصو عليه بنات الحرام كل هذا انتهى بس يدور براسي ليلحين سؤال شنو كان بلاه بالضبط؟!!!!!!
أبي أعرفكم على نفسي أنا ماأمدح نفسي بس أنا بنت طيبة وعلى نياتي جميلة وأهتم بنفسي وأي شي ماأعرفه أتعلمه متواضعة طبخي حلو كنت موظفة وألحين أدرس انجليزي خلوني أكلمكم عنه..
تخيلو عشت معاه سنة ونص علبالي شخص طلع شخص ثاني غير اللي حبيته طلع طقاق خوان كذاب خداع ممثل درجة أولى بس تدرون هالشي اكتشفته بالنهاية
بس خلال عشرتنا كان مرات زين معاي ومرات لأ يعني متقلب مرة تفكير مرة تفكير ثاني ماأدري من مخه ولا من بنات الحرام ...
سوا فيني جريمة طقني طق بغيت أموت وسحبني للمطبخ االلي ياما أكلته منه بغا يحرقني على شنو على مشكلة ماتستاهل وحبس وتهديد وإهانة وشك يقوللي تبين الطلاق أشوهج بعدين أطلقج حتى أهلي غلط عليهم وهددهم واخر شي قعد يبجي حيل ويقوللي أناأحبج وماراح ألقى مثلج لاتخليني أنا تبت خلاص ويحلف عالقران أنه يتغير ويصير واحد ثاني وطلب مني أسامحه بس أنا سويت نفسي مسامحته علشان يوديني أنا وبنتي لبيت أهلي وماشافني عقبها...احترمته قدرته دلعته وفيت له وحفظت نفسي له كل شي سويت علشانه اخرتها يسوي فيني جذيه حسبي الله ونعم الوكيل قدر الله وماشاء فعل
الشي الوحيد الحلو اللي خذيته منه بنتي الله يخليها لي​

ماعاش اللي يهينج حبيبتي

ياختج كلهم معقدين ومختلين عقليا والحمدلله احنا محظوظين ان الله فكنا منهم .. والريال اللي يمد ايده على مرته ويعورها هذا مايخاف ربه واللي مايخاف ربه فرقاه واجب علينا واللي تقعد عند ريال جذي جنها ذابحه نفسها بيدها واللي جرب العنف من الريال يكره كل شي منه .. انا طليقي كان عنيف وكان يعورني وكان الالم النفسي اكبر من الجسدي والله حسيت بكره مو طبيعي حتى خفت على نفسي اني اتهور وتحت الضغط ارتكب جريمه بس الحمدلله الله ثبتنا بالدين والعقل وطلعت بدون لا ااذي نفسي او ادش سجن على انسان مايخاف ربه

بس الحمدلله الله عوضنا بصبرنا عليهم بهالعيال اللي اعتبرها اكبر نعمه من رب العباد ومالين الدنيا علينا

 

[*(بيبي فيس)*]

رد : تجمع للي تربي عيالها بروحها single mothers

تسلمين حبيبتي أصلا أنا عادا نفسي ميته ورادة للحياة مرة ثانية حاسة أنه قتلني
ظل يطقني ويطقني مارحمني ولاكأني زوجته أم بنته ولاحبيبته علا قولته
فكوني منه أهله وتطلقت وألحين عايشة حياتي ومو حاسة بالذنب أو الندم لأن هذا نصيبي ومكتوب عند رب العالمين وأنا الحمدلله ماقصرت معاه بشي
لبست كشخت طبخت دلعت تحاشيت المشاكل اللي كان يخلقها
عديت غلطات وغلطات بس لمن وصلت الجريمة
قلت خلاااااااص
عافك الخااااااطر
أما هو ندمان قد شعر راسه
تزوج بعد طلاقنا ب6 شهور
والله بلاه أو هي ابتلت كلن ابتلى بالثاني
الله بلاه بوحدة قبيحة
لأنه ماقدر الجمال والرزق الحلال
ودور الحرام يستاهل
أنا محللته ومسامحته لوجه الله
لأنه ندم واعتمر
بس أدعي إن الله مايهنيه
مثل ماأشقاني
تغيرت نظرة الناس ومعاملتهم لي
قبل لمن كنت متزوجه وموظفة كنت الغالية والحبيبة
ألحين صرت ثقيلة ومالي قدر
حسبي الله ونعم الوكيل
يارب تعوضني خير​

 

[BABY MASTER]

الله يهديج يا بيبي فيس ياختي اذا هي قبيحه الله اللي خالقها سبحانه ما يصير نعيب ع خلقة الله سبحانه

وانا ادري انج قلتيها من القهر ’’’’

وماشالله عليج قادرة تسامحينه انا مااقدر اسامحه لا هو و لا امه وقطعت وعد ع نفسي لمدى الحياة اني ادعي عليهم

حتى لو كتب لي الله و تزوجت مره ثانيه مستحيل انسى سواتهم لي و بظل ادعي عليهم و اتحسب عليهم

وحسبنا الله و نعم الوكيل في كل من كان سبب في خراب بيوتنا وعسى الله يعوضنا يااااااااااااااارب

 

[*(بيبي فيس)*]

رد : تجمع للي تربي عيالها بروحها single mothers

تسلمين بيبي ماستر والله يعوض علينا بكل خير
وانشالله تولدين بالسلامة وتفرحين بضناج اللي يبرج امين
أنا موقصدي اتشمت بخلقتها بلعكس استغفرالله مونوعيتي
بس أنا أعرفه عينه زايغة ويموت بالزين والله احرمه يستاهل
اللي يرفس النعمة اللي الله عطاه اياها ​

 

[طيفوف]

رد : رد: تجمع للي تربي عيالها بروحها single mothers

بنات انتو وعيالكم بغرفه وحده عند اهلكم؟؟

انا ولدي معاي واحس توه صغير لازم اخليه عندي بس امس رحت ادورله سرير وحسيت بغصه ونقص والحمدلله انا راضيه بوضعي وبخير ونعمه بس كان نفسي اشتريله غرفه بروحه لان الاثاث احلى جذي بس لازم اضبط شكل سريره على شكل سريري

وشريتله السرير والماتريس بس بقى الكوفر ومحتاره شلون اشتريله كفر اطفال وانا كفري غير احس شكله بيطلع غلط

السلام عليكم
منووووووول شخبارج يالغاليه
انا بعد بنتى معاى بنفس الغرغه وانا عندى صاله صغيرة قسمتها لى من الصاله الكبيرة طبعا فوق لان كلنا غرف نوم
ماستر وصار عندى صاله صغيرة مع كونتر مطبخ تحضيرى وغرفتى النوم وبنتى معاى لها سرير ولى سرير وطبعا
ومالج امل تنام فيه محطوط منظر ومسوى لنا ضيج لانها ماتنام عليه كلا مندعسه تحتى وما تييها النومه الا معاى ويا
حلو الترفس تالى الليل وطبعا انا ما أشوف النوم لانى بطرف السرير والله منوووول مرا تالى الليل طحت على ظهرى
والسبب ما أبى أضايقها وعلشان بس تنام على راحتها وطبعا العوار اليوم الثانى بين الظهر والعزيزو ويلا هذى الدنيا


لانهم حلات دنيتنا​

:wqedqw:

 

[نور-الكويت]

اسأل الله الوهاب الرزاق الكريم ان يمن عليكم بأزواج صالحين يكونون لكم سعاده في الدنيا والاخره واسأله سبحان ان يفتح عليكم فتحا مبينا اللهم امين

 

[عقــد منثور]

رد : رد: تجمع للي تربي عيالها بروحها single mothers

مساكم خير يا امهااات .. لكم ووحشه ..

بيبى فيس الله يعووضح باحسن منة ويخليلج بنووتج

بنات انتو وعيالكم بغرفه وحده عند اهلكم؟؟

انا ولدي معاي واحس توه صغير لازم اخليه عندي بس امس رحت ادورله سرير وحسيت بغصه ونقص والحمدلله انا راضيه بوضعي وبخير ونعمه بس كان نفسي اشتريله غرفه بروحه لان الاثاث احلى جذي بس لازم اضبط شكل سريره على شكل سريري

وشريتله السرير والماتريس بس بقى الكوفر ومحتاره شلون اشتريله كفر اطفال وانا كفري غير احس شكله بيطلع غلط

ولدى لما كان صغير كان معاااى بنفس الغرفه وكنت نفسح احس شكل سريره غلط مولايق مع غرفتى .. ومن بدينا الدراسة ا

الجد ودش ابتدائى سوويتله غرفة برووحة .. كانت بالاساس غرفة TV والقعدة مالتنا << انا وطفلى شلت الكنب

وحطيت لة سرير ومكتب للدراسة واغراضة وكتبة والعابة وثلاجة عنونو وتلفزيونه .. وكفر ولادى وابجوره .. خاصا ان

كان يتضايق من الوان غرفتى لانها بناتية ووكان يحن على يبى يصبغ غرفتى على ذوقه .. وحلوو الولد يكون بغرفة

مستقله .. بالبدايه كان يخاف ينام برووحة ومع الوقت تعوود ...

واللحين تمرد يسكر باب غرفتة ويقوولى ماما ما ابى ازعاج :eh_s(12):

 

[BABY MASTER]

آمين

جزاك الله خير يا نور الكويت شرفتينا بمرورج’’’

×××××××

بيبي فيس تسلمين حياتي ’’’

و الله سبحانه مايخلي عباده و عاد الحين بيبدى المسكين يقارن بينج وبين

هالمره اليديده اللي عساها يارب ان كان فيها خير وبنت ناس ان

الله يفكها منه و من شره و يعوضها حسبي الله و نعم الوكيل فيه’’’

×××××

وشخباااااااااااااااااااااااااااااااااااااااااااااااركم؟؟؟

 

[تـــرحـــال]

السلام عليكم single mothers

اشتقت لكم شخباركم

غطيت عنكم غطه حست والله حووسه مع بنتي

كانت تعبانه من شهر وكل شوي موديتها الطبيب احد يقولي اسنانها بتطلع واحد يقول ماخذ مكروب

وطاحت علي ذيك الليله حرارتها ارتفعت 40 و 39 وديتها الفجر الطبيب قالي مكروب وبتم حرارتها مرتفعه لين نعالج الاحتقان

ثاني يوم وديتها على دكتورها قالي نفس الكلام الحمدلله مع المضاد نزلت الحراره بس البنت كانت مخدره بس نايمه وتون مو طبيعيه

طلعت من الكليه حجزت موعد عند محمود سعيد قالولي ماكو رقم زدتها وقالت رقمج 11 الملعونه توه ماكو رقم

خذيتها اول ما شافها قال صدرها تعبانه سويت اشعه قالي التهاب حاد بصدرها ماخذ جهه اليمين ونص اليسار

طبعا على المستشفى على طول نامت 3 ايام وانا معاها بالليل اسلمها الصبح لخدامتها واروح الكليه انهد حيلي بس الحمدلله

الحين احسن عقبها التهيت بالدراسه امتحانات توني اليوم فضيت

 

[تـــرحـــال]

ترحال وينج فقدتج

ما تفقدين غالي ياقلبي:fun:

انشغلت مع بنتي والدراسه

 

[تـــرحـــال]

عندي خبر حلوو يا بنااات

طليقي تزوج يعني يبي يحرني ماخلصت عده وهو تزوج هههههههههههههههههههههههههه

عليها سعيد ومبارك من قلبي والله

بس كسرت خاطري بتشوف اللي انا شفته الله يعينها

اللي يضحك انه خذا وحده عكسي تمام في كل شي وعوووووبه

باجر لا عرفت بلااويه بتفضحه صراحه هم ما يحبون الستر يبون ينفضحوون

الحين ارتحت صراحه ان شاء الله يلهى بحياته ويفكني ويفك بنتي

 

[تـــرحـــال]

منووول

حاليا بنتي معااي لانها صغيره ولا كبرت ان شاء الله تروح بغرفه بروحها

 

[unapproachable]

ولكم باك ترحال وعقد منثور فقدناكم الصراحه

وماتشوف شر بنتج ترحال وعسى الله يوفقج بدراستج

 

[امووله المزيونه]

احم وصلت يحبوبات انا ارمله وعندي ولد وبنيه وانا امهم وابوهم الحين والحمدلله على كل حال والله يعينا على تربيتهم

 

[دموع تائهه]

الله يرزقكم بر عيالكم ويحفظهم لكم
الله يرزقكم بالازواج الصالحين
ويجعل ايامكم كلها عسل

 

[عقــد منثور]

رد : رد: تجمع للي تربي عيالها بروحها single mothers

السلام عليكم single mothers

اشتقت لكم شخباركم

غطيت عنكم غطه حست والله حووسه مع بنتي

كانت تعبانه من شهر وكل شوي موديتها الطبيب احد يقولي اسنانها بتطلع واحد يقول ماخذ مكروب

وطاحت علي ذيك الليله حرارتها ارتفعت 40 و 39 وديتها الفجر الطبيب قالي مكروب وبتم حرارتها مرتفعه لين نعالج الاحتقان

ثاني يوم وديتها على دكتورها قالي نفس الكلام الحمدلله مع المضاد نزلت الحراره بس البنت كانت مخدره بس نايمه وتون مو طبيعيه

طلعت من الكليه حجزت موعد عند محمود سعيد قالولي ماكو رقم زدتها وقالت رقمج 11 الملعونه توه ماكو رقم

خذيتها اول ما شافها قال صدرها تعبانه سويت اشعه قالي التهاب حاد بصدرها ماخذ جهه اليمين ونص اليسار

طبعا على المستشفى على طول نامت 3 ايام وانا معاها بالليل اسلمها الصبح لخدامتها واروح الكليه انهد حيلي بس الحمدلله

الحين احسن عقبها التهيت بالدراسه امتحانات توني اليوم فضيت

الله يكووون بعوونج .. والحمدلله على سلامتها وماتشوووف شر ... هالايام الجوو بدا يبرد ..

وتشووفين كل الجهال مرضا ..