تجمع للي تربي عيالها بروحها single mothers

[unapproachable]

ديحانيه ذوق .. وانتي بعد وحشتينا وعسى الله يعينج ويصبرج

 

[unapproachable]

الموضوع صار بالصفحه الرابعه والثالثه كلما دشيت .. وينكم يا حلوين شخباركم ولاهين بشنو

ترحال وينج

 

[Air Bag]

رد : تجمع للي تربي عيالها بروحها single mothers

هلوووو سنغولات
شلونكم؟
عسى أن تكن بخير جميعا" أنتن وأبناكن؟؟!!!
اللغة العربية نازلة علي اليوم
الله يعينا كله مشغولين
يارب تعطينا الصحة والعافية و تعينا على أشغالنا و مشاويرنا و تربية عيالنا
يارب تعوض صبرنا بجنة عرضها السماوات والأرض
والله أنا هلأيام تعبانة جسديا" و نفسيا"
بس كل ما أتضايق و تدمع عيني أتذكر قوله تعالى :و بشر الصابرين
الله يعين

 

[اثمان]

السلام عليكم

شلونكم

اللى ايده بالماى مو نفس اللى ايده بالنار

اقصد اللى ينصحج ويلوم عليج وهو ما شاف ولا عاش باللى كنت فيه

 

[اثمان]

النار ما تحرق الا رجل واطيها

 

[اثمان]

رد: رد : تجمع للي تربي عيالها بروحها single mothers

هلوووو سنغولات
شلونكم؟
عسى أن تكن بخير جميعا" أنتن وأبناكن؟؟!!!
اللغة العربية نازلة علي اليوم
الله يعينا كله مشغولين
يارب تعطينا الصحة والعافية و تعينا على أشغالنا و مشاويرنا و تربية عيالنا
يارب تعوض صبرنا بجنة عرضها السماوات والأرض
والله أنا هلأيام تعبانة جسديا" و نفسيا"
بس كل ما أتضايق و تدمع عيني أتذكر قوله تعالى :و بشر الصابرين
[size=
5]

الله يعين[/size]

,k


ونعم بالله

 

[اثمان]

علموه إن أعظم جروحي شفت!


والله الي جاب همّي يفرجه..





شمعة الأشواق في قلبي طفت!


وادري ان البيت هذا يزعجه..





بلغوه إن شافني لا يلتفت!


لأجل ما افقد شعوري، واحرجه..





لي خلايا دم، في جسمي نفت!


حبك الكذاب، مهما تدرجه..





ولي عيون(ن) عن دموعي ما عفت!


جف دمعي ما لقى بي مخرجه..





وانت منت الا حكاية أولفت!


فلم فاشل، ما لقى من ينتجه..





لا تحاول، والنهايات احلفت..


إنت فاشل، وين يعني تتجه!





صوتي المبحوح، ناديت وخفت!


اختفى ما بين صمت وحشرجه..





لي عيون(ن) من عرفتك ما غفت..


كل ما جاها المنام يهججه..





طيفك الكذاب، وأجواءك صفت..


لأجل تطعن قلب، حبك بنجه..





علموه إن أعظم جروحي شفت!


والله الي جاب همّي يفرجه..





وبلغوه إن شافني لا يلتفت!


لأجل ما افقد شعوري، واحرجه​

 

[تـــرحـــال]

الله يا اثمان صح لسانج

وبلغوه إن شافني لا يلتفت!


لأجل ما افقد شعوري، واحرجه

عجبني هالبيت:ggdw:

 

[تـــرحـــال]

السلام نواعم

شخباركم وشخبار عيالكم

ادري غطيت عنكم بس لهيت بالدراسه

جدولي هالكورس حده متعب

واشتركت بدايت كير ومع الريجيم والدوام ارد ةانا ميته هلكانه والصعاد صاير مايفارقني

 

[تـــرحـــال]

خل اقولكم اخر التطورات

ابو بنتي رفع استئناف الردي ما يبي يدفع للبنت 90 وما يبي خدامه

يقول البنت صغيره محتاجه حنان ام مو خدامه لان هو بكيفه مو بس محتاجه حنان ام محتاجه

بعد فلوس الابو :eh_s(4):

قلتلكم اني تهاوشت مع خدامتي ووديتها قبل لا اوديها بمده دقيت على جد بنتي وقلت له الخدامه

ماذيتني بيعوها وبفلوسها جيبولي خدامه قالي لا انتي تصرفي فيها قلت له طيب جذي عداني العيب

عطيتهم خبر ودين الخدامه ودق ابوي على ابوه وعطاه خبر ان وديناها قال على راحتكم

بعد اسبوع تقريبا وصلنا على البيت الاستئناف وشكوى من المخفر طلع الحمار مشتكي على ابوي

يبي خدامته قايل ان احنا ماخذينها شوفو الواطي والحقير مشتكي بمخفر منطقتنا يعني ياللي ما

تدري ادري ابوي الامبير ضرب ورد صج عصب ودى الخدامه للمخفر يستلمها من هناك وراح

فديته ووكل محامي وطالب بكل حقوقي طلبنا بدل سكن ونفقتي اللي تنازلت عنها

والمحامي بلغنا ان من مسئولياته ان يجيب خدامه جان احطها على ظهره بعد والله لاشرشحه

ما بقى شي ما طلبناه :krkrkr:

 

[unapproachable]

air bag ...ما تشوفين شر والضيجه والتعب باعدائج ان شاءالله.


اثمان خوش شعر وايد يعبر عن حالتنا ..

ترحال .. الله يعينا احنا وياج على هالاشكال الواطيه .. والحمدلله الله كشفه عند ابوج وان شاءالله الحين بتاخذين كل حقوقج كامله .. رب ضارة نافعه .. خرب على نفسه الردي

 

[ضايعة بدنيتي]

السلام عليكم ورحمة الله وبركاته

فديتكم يا بنات عسى الله يعطيكم العافية ويرزقكم الجنة على صبركم وتعبكم واحتسابكم

اقول لكم شي .. خخخخ انا لا ني بمتزوجة ولا عندي عيال . بس لاني اموت عالعيال و ودي اصير ام اقول في نفسي حتى لو اتزوج واحمل وبعدين اتطلق عاااااااادي خخخخخخ اهم شي اصير ام . خخخخخ لا تزفوني بس ااقول لكم الي ساعات يمر في بالي لوووول

الله كريم انشاء الله وعسى الله يعطي كل واحد فينا على قد نوايه ويعينكم على تربية عيالكم التربية الصالحة ولا يعوزكم لأحد اللهم آآمين .

 

[unapproachable]

ضايعه بدنيتي حياج الله بتجمعنا .. وبدون شك العيال نعمه وعسى الله يرزقج بزوج صالح ودزن عيال يارب .. ادعي ان الله يرزقج بالاثنين ... وماراح نزفج احنا عارفين رغبه المره في انها اتييب عيال .. انا عن نفسي ودي اييب طفل ثاني مرات ..بس لا ترضين بالقليل ابدا ولا تاخذين واحد اي شي بس عشان اتييبين عيال منه ... تعبي على الريل الصالح والله بيزقج باذن الله

 

[unapproachable]

احس التجمع نايم .. موضوعي اليوم الشماته

يعني اذا حسيتي شخص يتشمت في وضعج شنو تسوين؟؟ واذا كان الشخص انسان قريب منج

 

[Air Bag]

شلونكم بنوتات؟ شلون عيالكم؟
حمدالله علسلامة عقب عاصفة أمس
واي الله ستر اشوا أن عيالي ما كانوا عند أبوهم جان عقلي زل
والله اخترعت من أمس وأنا أقول ياااارب لا تخرجنا من الدنيا إلا وأنت راضي عنا
لأن للحظة تخيلت أنها القيامة و تجمدت بمكاني و قلت يا ترا مستعدة أقابل ربي؟!
يارب عطفك ولطفك
منولة حبيبتي الشماتة مو بس تجرح إلا تقتل بلذات اذا كانت من شخص قريب لكن تركي الأمور لرب العالمين
والله أن مافي أحد يشمت بشخص الا و يذوق الكاس و يمر عليه نفس الحال ثقي بلله و عن تجربة, صج شيء يحر ويقهر و يكسر القلب و يتعب النفسية بس اقري سورة يوسف بترتاحين وايد وايد

 

[unapproachable]

thnx air bag
وعسى الله يحفظ عيالج ... وصج العاصفه تخرع .. السنه هذي2011 صارت تخرعني كله اكشن باكشن جنه داشين فلم
وعسى الله يستر علينا ويحمي بلدنا من شر الفتنه والعواصف

 

[unapproachable]

الموضوع صاير ينحذف بالصفحه الرابعه

اب اب

 

[*peace*]

حبايبي الله يعوضكم بالزوج الصالح اللي يهبل عاجلا غير اجل ياااااارب العالمين

 

[كميثره]

الله يعوضكم ان شاءالله

 

[اثمان]

صباح الخير\\\

شلونكم


تعرفون احد يبى يبيع بيته بالنهضه؟ او المناطق القريبه منها؟؟

عفيه اللى يعرف لا يبخل و انطركم على الخاص

جزاكم الله خير