تجمع للي تربي عيالها بروحها single mothers

[unapproachable]

up up

 

[جلكسيه اس 3]

تدرون اكتشفت انه اغلب الرياييل حقيرين
طبعا ريلي مستقل الفرصه لانه يدري
ابي المعاش بسرعه و مالي خلق محكمه وبلاوي
الحين غير كلامه و بس بيدفع اميه حق اليهال
طبعا هالشي راح اخليه يكون بصالحي لان انا اللي بدفع
اكثر منه من معاشي و طبعا بحتفظ بكل الفواتير
كاثبات اني اشتري اكثر منه وبس

 

[تـــرحـــال]

اختي سكرتيره

ترى ال 100 ما تنفع ما تكفي شي انا عندب بنت الله يحفظها اغراضها من الجمعيه قريب ال 60 فما بالج بالملابس

والاحتياجات الثانيه راح يستنزفونج اذا عندج اكثر من طفل ماراح يبقى لج شي من معاشج

اسمعي نصيحتي وارفعي عليه قضيه انا بنت وحده وحكملي القاضي 90 فما بالج اذا اكثر من واحد

 

[جلكسيه اس 3]

أختي ترحال أنا حاليا مالي خلق محكمه ولا شيء أنا حاليا بقزر بالأميه هذي و بمعاشئ. لأني اصلا بس أخلص من ألدوره اللي مأخذتها بروح إشتغل بالخاص تقريبا يمشي لي 600 مبلغ حلو والله كريم يارب

 

[unapproachable]

الله يرزقكم كلكم .. والله بيحاسبهم على تقصيرهم في عيالهم ...​

 

[اثمان]

السلام عليكم


بنات نفقة اعيالى حق شهر 4 ما نزلت

فى احد نفسى؟؟

 

[جلكسيه اس 3]

كيد و ما أقول إلا حسبي الله و نعم الوكيل

 

[unapproachable]

الله كريم

 

[unapproachable]

الحمدلله الحمدلله الحمدلله

 

[jawaa]

السلام بنات شلونكم مشتاقتلكم والله الله يسهل أمورنا ويقدرنا عالتربيه والمسووليه

 

[unapproachable]

امين يارب جوا ... انتي شخبارج؟

 

[صلوا على النبي]

الله يخليهم لكم ويعينكم على تربيتهم ويقر عينكم فيهم يااااارب

 

[اثمان]

السلام عليكم

شلونكم

انا وووووووووايد لاهيه مع الامتحانات

 

[unapproachable]

الله يعينج اثمان ويوفق اعيالج

انا كانت حفله تخرج ولدي من الحضانه .. قعدت بروحي بالحفله احس كسرت خاطر نفسي بدون ريل .. جنه ولدي ماعنده ابو

 

[اثمان]

منال واهو موجود ما كان يحضر

 

[unapproachable]

انفصلت والولد بالاشهر .. بس مااعتقد يهمه ولده بالمره .. صارله اكثر من شهر مو شايفه ولا حتى يدق عليه

حسبي الله ونعم الوكيل

 

[شوكولاته ملونه]

السلام عليكم الله يعطيج العافية على هتجمع ان اول مرة اشارك ويديدة بلمنتدى وانا عندي بنت وحدة ومطلقة وابوها بلجيش الكويتي ومعاشة فوق1000 دينار وانا دخلتها روضة خاصة وتكفلت باقصاط الروضة ولمن تخرجة قلت خلني اشاورة بنتة حرام يمكن له راي قال طلعيها وتدخل حكومة على فكرة انا نسيت اقولكم انا تزوج وحدة ثانية وليمن الحين الله ماعطاه منها عيال يعني بنتي وحيدته وانا على معاش الشؤن وبنتي ابوها يعطيها 50 دينار بس شرايكم بوضعي وانا ماطالبته بحقوقي

 

[شوكولاته ملونه]

اهو تزوج مرة ثانية مو انا سوري على الغلطة

 

[اثمان]

شوكولاته الله يعينج ويعينا

صراحه الخاص احسن من الحكومه


خليها على الاقل تكمل الابتدائى عشان تأسس عدل

 

[شوكولاته ملونه]

مشكورة حبيبتي على الرد ويسلمو والله قهر منويسمع اذا الاحساس ميتى مافي حل انا مابي اكون ضالمة واحرمة من ان يختار التعليم الصحيح لبنتة لكن السنوات الي مرت ماغيرت منة شي ليمن الحين يعاندني على كل شي مايفكر بنتة وحيدتة لا يفكر فيني انة يغثني ويندمني على قرار الانفصال الله يعطيج العافية على الرد مشكورة