تجمع للي تربي عيالها بروحها single mothers

[جلكسيه اس 3]

الله يبارك فيج
و مشكوره

 

[unapproachable]

الحمدلله سكرتير مستقبليه وعسى الله يخليلج وليدج ويحفظه


ام هزاع حياج معانا وعسى الله يفرح قلبج ويبعد عنج الحزن ويخليلج البنوته

 

[jawaa]

حياج الله ام هزاع كلها فتره وتعدي تاملي خير بالله

 

[jawaa]

بنات شلونكم شخباركم بنات عفيه عندي مشكله مادري اذا في احد نفسي صار معاه بس ابي حل جزاكم الله خير
شوفي انتو تدرون اني تطلقت والحمدالله على كل حال ولدي الحين عمره ٦ اشهر وطبعن طليقي ليلحين ماشافه من انولد لي الحين ولا سال عنه وغير هذا حتى اهل طليقي محد دق سال عن ولدي وغير هذا انا ماعندي لا خوال ولا خالات ولا عمام ولاعمات ولا خوان ولا خوات غير اخت وحده اصغر مني وانا الحين ساكنه بروحي مع ولدي ابوي متوفي الله يرحمه وامي موجوده بس هم امي بروحها ماعندها غير رفيجاتهاوماحب اروحلهم لان كله حش وسوالف ماصخه وانا ماعندي غير ٢ من رفيجاتي اللي جد معاي كلوز ايوني واجابلهم المهم فهمتو وضعي
نبلش بالمشكله
المشكله ولدييييي هذاك اليوم صارت يمعه فبيت رفيجتي وخذيت ولدي امبي ماتسوا علي ساعه وادي يبجي مايسكت حتى حليب مايبي ماسكت لين ركبت السياره ورديت البيت بالسياره وبالمجمعات يسكت مافي شي بس لا اودي عند احد حتى بيت امي صارلي مده مارحت امس وديته خليته هناك وطلعت اخلص شغلي مامدى ولا امي داقه تعالي اخذي ميت من البجي اسم الله عليه ورديتله تميت معاه ماصدق شافني تعلق فيني ويبجي ماتعود عالناس وبيت غير بيته تعبت من هالموضوع وماقدر اخليه يبجي والله ساعه وفوق ومايسكت شسوي اذا فبيتي لو اسوي حفله مايبجي صارلي مده افكر شسوي ماعندي اهل ولا مكان ممكن اعود ولدي عليه واحاتي باجر الروضه او الحضانه شسوي اخاف يتعقد ولدي او يستاحش تعبت والله من التفكير شسوي شالحل تكفون ساعدوني

 

[جلكسيه اس 3]

هلا والله اختي انتي مو معوده ولدج على اليمعه فهالشي ياثر عليه
لازم اتحاولين اتعودينه اشوي اشوي ليما يتعود
ثاني شيء الله يعوضج يارب

 

[jawaa]

حبي أنا شرحت ضروفي عشان اوضح ان ماعندي احد اساسا عشان اعوده عاليمعه هذي مشكلتي

 

[جلكسيه اس 3]

انزين ماتفكرين ادخلينه حضانه
عشان يتعود على جو. في بعض الحضاين يهبلون
بعدين راح يبجي شوي ليما يتعود

 

[jawaa]

والله ودي ادخله حضانه بس ابي حضانه حلوه ونظيفه ومستوا وابي انقليزي وابي بالهم طويل لان ادري لي وديته راح يستاحش واخاف يتاذون منه لان والله مايسكت يبجي اللي تعرف حضانه زينه تكفون تقولي بس ابي قريبه من السالميه وانشالله عقب رمضان بجرب اوديه اجربه شهر انشالله يكون حل تعبت نفسيا والله كاسر خاطري وضعه مابي يتعقد او يكون انطوائي

 

[unapproachable]

الحضانه اهي الحل بس خل يكبر شوي توه صغير
وعسى الله يحفظه

 

[jawaa]

تسلمون بنات بس بجرب بس متى سن مناسب للحضانه

 

[جلكسيه اس 3]

عادي حبيبتي في حظانات. تستقبل من عمر اشهور و في حظانات لا. انتي شوفي قسم اولياء الامور متروس مواضيع عن الحضانات.

 

[جلكسيه اس 3]

لاهل مدخلين اعيالهم حضانة بلي قروب بس والله غاليه انا ماقدرت سجلت ولدي بحضانة يم بيتنا و رخيصه

 

[ام هزاع]

يابعد عمري ماقصرتوا على الترحيب الطيب اللي مثلكم .... تشرفت ...


قبل سنة كنت ادعي ربي يفرج لي من الكرب والهم اللي اعيشه .. والحمدلله سبحانه فرجها علي وانفصلت ... ان ربي سميع الدعاء...

واليوم .. بدعي ربي .. يرزقنا ويسعدنا ... ويصلح عيالنا وبناتنا .. ونشوفهم حافظين القران بارين فينا ... وربي سبحانه سميع الدعاء ..

 

[اثمان]

وانتي اثمان .. شنو نظام طليقج؟؟

هلا منال

انا لحد اللين ما انحكم بقضية الطلاق

والله يعينى على شوفته لليهال:yaaaaaarb:

 

[اثمان]

بنات شلونكم شخباركم بنات عفيه عندي مشكله مادري اذا في احد نفسي صار معاه بس ابي حل جزاكم الله خير
شوفي انتو تدرون اني تطلقت والحمدالله على كل حال ولدي الحين عمره ٦ اشهر وطبعن طليقي ليلحين ماشافه من انولد لي الحين ولا سال عنه وغير هذا حتى اهل طليقي محد دق سال عن ولدي وغير هذا انا ماعندي لا خوال ولا خالات ولا عمام ولاعمات ولا خوان ولا خوات غير اخت وحده اصغر مني وانا الحين ساكنه بروحي مع ولدي ابوي متوفي الله يرحمه وامي موجوده بس هم امي بروحها ماعندها غير رفيجاتهاوماحب اروحلهم لان كله حش وسوالف ماصخه وانا ماعندي غير ٢ من رفيجاتي اللي جد معاي كلوز ايوني واجابلهم المهم فهمتو وضعي
نبلش بالمشكله
المشكله ولدييييي هذاك اليوم صارت يمعه فبيت رفيجتي وخذيت ولدي امبي ماتسوا علي ساعه وادي يبجي مايسكت حتى حليب مايبي ماسكت لين ركبت السياره ورديت البيت بالسياره وبالمجمعات يسكت مافي شي بس لا اودي عند احد حتى بيت امي صارلي مده مارحت امس وديته خليته هناك وطلعت اخلص شغلي مامدى ولا امي داقه تعالي اخذي ميت من البجي اسم الله عليه ورديتله تميت معاه ماصدق شافني تعلق فيني ويبجي ماتعود عالناس وبيت غير بيته تعبت من هالموضوع وماقدر اخليه يبجي والله ساعه وفوق ومايسكت شسوي اذا فبيتي لو اسوي حفله مايبجي صارلي مده افكر شسوي ماعندي اهل ولا مكان ممكن اعود ولدي عليه واحاتي باجر الروضه او الحضانه شسوي اخاف يتعقد ولدي او يستاحش تعبت والله من التفكير شسوي شالحل تكفون ساعدوني

جوا الله يعينج ويعينا

ولدج جم عمره..؟

اذا كان فوق السنتين دخليه الحضانه وخصوصا حضانات المدارس حلوه

وتغير من شخصية الياهل:rerrerek:

 

[اثمان]

يابعد عمري ماقصرتوا على الترحيب الطيب اللي مثلكم .... تشرفت ...


قبل سنة كنت ادعي ربي يفرج لي من الكرب والهم اللي اعيشه .. والحمدلله سبحانه فرجها علي وانفصلت ... ان ربي سميع الدعاء...

واليوم .. بدعي ربي .. يرزقنا ويسعدنا ... ويصلح عيالنا وبناتنا .. ونشوفهم حافظين القران بارين فينا ... وربي سبحانه سميع الدعاء ..

آمين يا رب العالمين

 

[jawaa]

لوووول أثمان فديتج صج صايمه مومركزه أنا كاتبه عمره ٦ اشهر لوووول

 

[اثمان]

هلا جواا

6 شهور طبيعى يبجى ويستحاش اذا طلع من بيته وخصوصا اذا انتى مو معاه

انا بنتى سنه ونصف وتوها الحين بدا يخف هالموضوع عندها

 

[اثمان]

هههههههههههه

ايه وانا ارد قبل الفطور وتفكيرى بالاكل

 

[{بسكوتهــ~}]

السلام عليكم

انا عندي بنتي الله يحفظها لي عمرها 4 شهور ...
مستقره في بيت اهلي ومتطلقه الحمدالله ....
ويشوفها بالشهر مره وتطلقنا ع سبب تافهه....
وافتكيت منه الحمدالله
المهم ربي يحفظ لي بنتي انشالله