تجمع للي تربي عيالها بروحها single mothers

[jawaa]

حياج الله غلا والله يعينج والله شوفي حبي انا ماعندي غير واحد عمره 7 اشهر وطلعت بشقه بروحي لاسباب وايد واهمها عشان ولدي لان عند امي مافي مكان هذا واحد وثانيً شي واهم شي امي اسم الله عليها وايد عصبيه ودايمن صراخ ونجره وبكل وقت وانا كنت وايد متاذيه من هالموضوع ومابي ولدي يشوف يدته بهالحاله ولا ابي ياخذ هالطبايع وطلعت بروحي اذا ميزانيتج تسمح طلعي بروحج مع عيالج اريحلج واريحلهم اخذي مكان قريب من اهلج والله يعينج ويعين الجميع

 

[Sa7aBa]

الله يكون بعونكم
للأسف الحين وجود بعض الرجال وعدمهم واحد
المره اهي اللي تقوم بكل شي واهو بس داش نايم طالع نايم


الله يوفقكم يار ب

 

[unapproachable]

سارا ديور .. والله كلامج عدل ومااقولج الريل اهم .. بس بدون شك ان الرجل الصالح ممكن يساعدج في حياتج اكثر فلا تفقدين الامل .. يمكن انتي مو مستعده للوقت الحالي بس بعد جم سنه راح تتقبلين الفكره ولا تياسين ترى الدنيا ليلحين بخير وفي رياييل سنعه ... اعرف وحده عندها عيال ومطلقه وخذت واحد عقيم شوفي سبحان الله شلون الله يابلهم ابو يدور عيال وياب للام ريل يساعدها

 

[unapproachable]

غلا فاضل .. حياج معانا بالتجمع وعسى الله يخليلج عيالج ويرزقج براحه البال ومثل ماقالو خواتي jawa و سكرتير مستقبليه ماتفكرين بشقه بروحج ترى تقدرين تاخذينها اذا رفعتي نفقه وخليتي طليقج يدفع الشقه

 

[unapproachable]

اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،
ومن اعتصم بك فقد هدى إلى صراط مستقيم،
اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا

اللهم صل و سلم و بارك علي سيدنا محمد و علي آله
و صحبه و سلم و الحمد لله رب العالمين​

 

[unapproachable]

اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،
ومن اعتصم بك فقد هدى إلى صراط مستقيم،
اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا

اللهم صل و سلم و بارك علي سيدنا محمد و علي آله
و صحبه و سلم و الحمد لله رب العالمين​

 

[اثمان]

عليه افضل الصلاة والسلام

 

[جلكسيه اس 3]

عليه افضل الصلاة

اشلونكم شخباركم بنات بسالكم انا يمكن اسافر مع الاهل نبي انودي اعيالنا يستانسون. بس اهم قالولي اييب ولدي وبنتي اخليها عند يدتها بس مادري ماودي اخليها. كلنا انسافر الا اهيا. انتو اشرايكم يسوا اييبها واييب الخدامه ولا اخليها واشتريلها هدايا والعاب

 

[jawaa]

جم عمرها الله يحفظها
وجم يوم بتروحين

 

[جلكسيه اس 3]

جوا. بنتي عمرها سنتين. وبنروح اربع ايام على ماعتقد

 

[اثمان]

سكرتيره استخيرى احسن

 

[جلكسيه اس 3]

والله شكلي بخليها. لان بدون خدامه ماقدر اجابلهم اثنيناتهم بروحي

 

[jawaa]

أخذي خدامتها معاها اذا تقدرين اسم الله عليها الله يحفظها واذا تطمنين عليها هني روحي ستانسي اربع ايام مو وايد أنا سافرت اربع ايام مت وتوبه أسافر بدون ولدي

 

[جلكسيه اس 3]

انزين جوا اذا باخذ الخدامه شنو الاوراق اللي لازم اطلعها ؟؟
مو هذي المشكله فهمتي و شنو الاجراءات حق الخدامه

 

[jawaa]

بنات اخر الاخبار أخيرا طليقي سال عن ولده يوم الأحد ومر خذاه من عندي مع خدامته طبعن وخذا بيت اهله ما انكر ان قلبي وقف كنت احاتي ولدي بدوني وقعدت ابجي بس الحمدالله الله يهدي على ولده بس عشان رشود حبيبي شاف ابوه أخيرا عقب ٧ اشهر

 

[jawaa]

اوراق الخدامه حبي بس سويلها فيزا من نفس سفارة الدوله اللي بتسافرين لها بس

 

[جلكسيه اس 3]

جوا طليقج من اول ليش ما كان ياخذ ولدج ولا يشوفه

جوا انا ماعرف هالسوالف الفيزا ومادري شنو

 

[jawaa]

والله حبي مادري ليش ماسال ولا شافه من انولد مع اني كنت عنده ههههه أهبل شبقول
حبي مايبيلها شي انتي اي ديره بتسافرين دقي على 808080 طلبي رقم السفاره وكلميهم وساليهم شلون وبس وقوليلهم الخدامه منو كفيلها ويقولولج شتسوين ودمتم 

 

[جلكسيه اس 3]

مشكوره حبيبتي على الرد

بعض الاباء لاتعليق زين انه فكر فيه واخيرا

 

[ام هزاع]

مبروووك جاوا واخير ولدج شاف ابوه ... عسى الله يتمم عليكم




انابالنسبه لبنتي .. ماشافت ابوها لانه من سنة كامله ما سأل عنها .. ولا حتى قال حق خواته دقوا سألوا عنها .!! .

عشان جذيه اذا اكبرت بقولها بابا مااااااااااااااااااااااااااات .. لانه فعلا مات .. والابو مو اللي يجيب الابو اللي يربي ..

وعسى ربي يرزقها ابو يحن عليها ويصير لها احسن من ابوها قولوا امييييييييييين يابنات