تجمع للي حاب يضعف .. نصايحكم وتجاربكم ..

[ENG.MKK]

السلام عليكم ورحمه الله وبركاته ​

شلونكم شخباركم حبيباتي البطوطات :eh_s(22):​

هذا التجمع يديد ​

لانه كل تجمع يكون 100 صفحه وين نقرى​

وبعدين بدايه خير ان شاءالله مع السنه الجديده .. ​

انا عن نفسي تقريبا بلشت رجيم من شهر​

وزني كان 88.8 ​

والحين .. ​

80 بالضبط .. ​

حمدلله يارب .. ​

تو بعد ابي اوصل الستينات عشان ارتاح ​

وبعدها اشوف اذا اكمل ولا لا​

ابي احد يشجعني واشجعه .. ​

يالله اشوف الكل يقول تجاربه وزنه وطوله وكل شي .. ​

:eh_s(9)::eh_s(9)::eh_s(9):
:eh_s(9)::eh_s(9):
:eh_s(9):​

 

[ENG.MKK]

عن نفسي ​

انا وزني 80 حاليا 88,8 سابقا .. ​

الطول 157 اتوقع .. او 158 ​

المهم ​

بلشت اروح دكتور .. ​

رجيم سنتر ​

خوش رجيم ​

بس كله اغش كل اسبوع اغش :/ ​

بس الحين بلشنا السنه اليديده ومابي اغش ​

ماخذه اصعب رجيم ابي اضعف هالشهر​

10 كيلو ​

دعواتكم ونصايحكم .. ​

 

[جلكسيه اس 3]

وعليكم السلام و رحمة الله و بركاته
ما شاء الله مبروك النزول و ان شاء الله اتبشرينا بالوزن المطلوب
لوول ضحكتيني لما قلتي اتغشين هههههه
انا نفس الحال ابي اسوي رجيم بس ماكو اراده
اليوم عالساعه اهدعش اكلتلي قطعتين اناناس و بعده عالغدا اكلت فخذ ديايه مشويه مع عصير اناناس
و العشا خربتها اكلت وجبه من كنتاكي و بحاول اكتبلي بالدفتر مثل مذكرات عشان بالاسبوع اطلب وجبه وحده و بحاول اخليها وجبة اطفال
والله اني مليت من الاكل مادري شسوي المشكله شهيتي مفتوحهعلى طول الله يكون بالعون

 

[جلكسيه اس 3]

بس حبيت انصحج خلي رجيمج وسط يعني مو قاسي و لا العادي خليه وسط

 

[ENG.MKK]

حياج الله حبيبتي

ومشكوره على النصايح

وبسج غش

لي متى بنظل جذي اجسامنا تلوع الجبد


ويالله قوليلنا جم وزنج ..

 

[جلكسيه اس 3]

العفو
و يالله ان شاء الله هالسنه اتكون سنة خير علينا
و نضعف وزني اربعه و ثمانين للاسف

 

[ENG.MKK]

ما عليه ان شاءالله يصير 54

شدي حيلج وراح تضعفين

سويي رياضه ..

 

[ENG.MKK]

يالله بنوتات وينكم

ولا وحده حابه تسوي رجيم ..

 

[جلكسيه اس 3]

ام ملوك انا مشكلتي ماكو لياقه ابد فماقدر امارس رياضه
حاولت امشي بس في شغله و اهيا لمن امشي ريولي اليمين اتعورني
مادري شنو الحل

 

[ENG.MKK]

عيل خففي اكل

وحاولي تسوين تمارين حق البطن والايد

يعني لا تعبين ريولج ..

 

[الخجل الانثوي]

وزني سابقأ = 88.50

حاليآ = 76

شسويت اممممممم
كثرت قلاص ماي ع الريج عقب كوب ماي دافي وربع ليمونه << اذا عليج الدوره لاتسوين الليمونه بس كثري ماي

تالي ريوقي العادي خبزه ايرانيه لبنه بيض مفيوح وخياره زيتون بس<< مفتوح اي شي بس مو مفطح عاد خخخخخخخخخخخخخخ

غدا امممممم ما اتغدا اكون نايمه ومرات اكل كورن فليكس وحليب قليل الدسم



وعشا مرات صمونة الفيصل مع عصير اناناس او كوكتيل او ليمون بكيوي



<< كنت اكل حبوب غلو كلو فاج حقات السكري حبه بع الغدا وحبه بعد العشاء

ومره بشهر ارقص ربع ساعه هههههههههه << احب المشي ع الجهاز وماقدر اروح اللممشي

 

[بحر الذكريات]

ماشاء الله ودي اكوون معاكم بس انا ارادتي زيرو لان لازم امشي واتمرن وانا مامشي ولا تمرن

 

[ENG.MKK]

حياكم الله نورتوا فديتكم ..

 

[جلكسيه اس 3]

خجل ما شاء الله يليت عندي اراده مثلج
انا اليوم ريوقي قطعتين اناناس و غداي اكلت جم قفشة عيش تقريبا سته و عقب خربطت اكلت بطاط نايس و العشا بخليه توستة لبنه مع عصير اناناسس و طبعا مع غداي شربت عصير اناناس. بحاول ما ارجع للبيبسي ادعولي

 

[جلكسيه اس 3]

بحر الذكريات مو شرط تمارين و مشي انا نفس الحال هالشهر قاعده اخفف بدون رياضه
وحتى لما اسوي اسوي تمارين تافهه ما احسها تفيدني بشي بس الحركه بركه. خل نتحرك اشوي
احتمال على نزول المعاشات اروح اشترك بنادي اشرايكم بنات بفكرة النادي

 

[جلكسيه اس 3]

انج ماك نبي انعرف شنو اكلتي اليوم ان شاء الله مو مخربطه مثلي

 

[بحر الذكريات]

سكرتيره النادي انصحج فيه وبقوه انا ماقدر اشترك وشريت سير كهربائي ومليت بصراحه

 

[الخجل الانثوي]

<<< ماحب المشي خخخخخخخخخخخخ بس مدري ليش حرف الميم انحذف وكتبت احب

انا بلا رياضه كنت اول شهر نص كيلو ثاني كيلوين الي وراع 3 كيلو وجذي بد ينزل اكثر

الحين بلشت برجيم ثاني ريوثي تمر 5 تمرات وحليب قليل الدسم

وغدا صمونه هوت دوغ + بيضه مفيوح وخياره وروبه قليلة الدسم وعصير بس


والعشئ اي شي مرات اطلب شورما وحده وبيبسي وبس ومرات ع ماي << قطعت الوجبات بس الشورما بقت مرات مو دوم ومرات اسحب ع العشئ او انه يكون مثل ريوقي






بنات الاهم الموز يسمن والملح والطماط يحبس السوائل
والرجيم خلال 10 ايام لازم تغيرينه

 

[الخجل الانثوي]

اي والي كلت العيش لج ممكن بحود 10 قفشات لا اكثررررر << ويفضل مع روب خالي الدسم << لانه اخف من المرق بس مافي مشكله اشربي اعشاب




لا تشربوون الجاي الاخضر يثبت الوزن مايضعف جد انا جربته

 

[ENG.MKK]

كل واحد يقول شي ناس تقول شربي وناس تقول لا .. !!