تجمع لمراجعات الخصوبه والانابيب بمستشفى الجهراء

[الجادل الخشف]

اذا كنتي تراجعين بمستشفا الجهرا سوي تقرير حق حالتج واذا بالخاص هم سوي انا كنت اراجع بالعرف وسويت تقرير وقبلوه واهم فتحولي ملف بالخصوبه عقب ماخلصت الاجراءات وخلصتها بسرعه ماطول ولمن تراجعينهم راح يعطيج تحاليل من اول وجديد جنج تراجعين اول مره للعلاج وزوجج يسوي بعد تحاليل وتسوين صبغه جديده واذا كل شي عندج سليم راح يدقون عليج عشان يبلشون معاج العلاج وبالتوفيق حبيبتي ويرزق كل محروم اول خطوه تسوينها روحي سكرتاريه الخصوبه وقولي براجع عندهم واهم بيعطونج الطريقه والاوراق اللازمه

 

[الجادل الخشف]

بشرو بنات مافي شي جديد قريت بالجرايد قبل شهر اول عمليه انابيب نجحت بالمستشفى وانشالله الفال لناانا هالشهر بديت ابر وانشالله اسوي انابيب ادعولي

 

[الجادل الخشف]

صج ترا الحين يستقبلون جميع الجنسيات طبعا الاولويه يبتدون بالكويتيه واللي عمرها صغير

 

[الجادل الخشف]

اليوم رحت ثاني يوم الدوره سولي تحليل وسونار والحمدلله كل شي سليم وعطوني ابر شكثراليوم بديت اول ابره لي اهم ثلاث ابر ويحطونها بابره وحده وتقول لازم تغزينها نفس الوقت كل يوم وقالت كل اربع ايام تجين نتابعج ونسوي تحليل وسونار راح اراجعهم يعني الثلاثاء وانشالله يارب يكتبلي بالحمل السليم يارب

 

[الجادل الخشف]

اليوم سويت سحب بويضات والحمدلله سحبو13 بويضه قالي دكتور ناصر العازمي كلهم زينات يارب يتلقحون كلهم وبيردونلي ثنتين والباقي يتجمدون يارب الله يوفقني ويرزقني ويرزق كل محرومه

 

[qoot]

^^

الحمدلله ع السلامه ماشاءلله العدد وايد زين وعسى الله يطرح فيهم البركه

بسألج جم يوم عطوج ابر ؟

 

[الجادل الخشف]

الله يسلمج حبيبتي ثاني يوم من السحب دق الدكتور قال ثمان بويضات تلقحو وباجر انشالله ترجيع الاجنه الحمدلله والشكر ويارب يثبتون
وسؤالج بالنسبه للابر عطوني ثاني يوم الدوره بديت العلاج ولمده ثمن ايام وكانو يتابعوني كل ثلاث ايام واخر سونار قالت تعالي باجر لان بويضاتج كبرت ولمن رحت الحمدلله حددو موعد السحب ووقفت الابر والسحب كان الاحد وباجر انشالله الترجيع

 

[qoot]

عسى الله يرزقج يارب

ويرزقني ويرزق كل محروم

 

[الجادل الخشف]

امين يارب
امس كان ترجيع الاجنه قالي الدكتور خمس اجنه الحمدلله من الدرجه الاولى رجعولي اثنيين وجمدو ثلاث
وشفتهم بشاشه السونار يارب يثبتون
وقالي الاجنه المجمده مدتها خمس سنوات بس كل سنه لازم اجددين الاقرار هذا اذا حملت الحين اما اذا ماحملت راح اروحلهم مره ثانيه ويلقحون اثنيين يارب يثبتون اللي برحمي الحين يارب

 

[!..القبله..!]

الله يرزقج ويثبتهم يااااارب

 

[الجادل الخشف]

امين يال القبله ويرزقج باللي تتمنينه
باقي اسبوع على تحليلي الله يعديه بسرعه مليت من الانتظار وقعده البيت

 

[yara2004]

الله يرزقك
ان شاء الله
منهو الدكتور اللي زوجك يتابع معه

 

[الجادل الخشف]

هلا اختي
دكتور ناصر العازمي اهو الاستشاري للانابيب واهو يسويها مع دكتوره استشاريه اجنبيه اسمها صعب يقولون زوجته بعد مادري عنهم
اهو ياخذ رقم التلفون ويدق اذا تلقحو عشان ترجيع الاجنه

 

[انتيكا]

الله يرزقكم ويوفقكم

 

[الجادل الخشف]

امين ياقلبي
بصراحه خايفه نزل علي نقط دم اليوم وصارلي ١١ يوم من ارجاع الاجنه وباقي اربع ايام عالتحليل وموعد الدوره الصجي يومين
يارب محتاره دوره والا شنو

 

[الجادل الخشف]

امين ياقلبي
بصراحه خايفه نزل علي نقط دم اليوم وصارلي 11 يوم من ارجاع الاجنه وباقي اربع ايام عالتحليل وموعد الدوره الصجي يومين
يارب محتاره دوره والا شنو

 

[حنين ي]

وينج ياصاحبة الموضوع الحين انا قاعده اراجع ومااعرف شنو السالفه ابي احد يعلمني شنو راح يصير الحين طلبوا منا تحاليل سوينا اول شي تحاليل الدم وبعدين بسوي تحليل ثاني يوم الدوره وزوجي طالبين منه تحليل السائل المنوي بعدها شنو يصير اخاف تطول السالفه