تجمع لمستجدات وطالبات كليه التربيه _ جامعه الكويت ..

[حفيدة جدتي]

بنات وانتوا الصاجين 6 مقالات ..
لان لما شافتنا الدكتوره ضعنا قالت يالله سووا وحده بس جذي ماعليها درجات عشان اقيمكم وتعرفون ..

يعني 6 مقالات , ماده تربيه حياتيه دكتور سلوى الجسار , المشكله توني استوعب ان عليهم درجاااااااااااااااااااااااااااااااااااااااااات ..

صج بنات شنو سالفه هالمقالات
صج وهقة ؟؟؟؟

ولا اللحين علينا اوبن تست مدري شنو سالفته مو لاقيه معلومات عنه بقوقل ومدري شنو اسوي والامتحان الاحد :0bee2e8d89:

 

[حفيدة جدتي]

وي نسيت اسلم عليكم يالتربويات :68_asmilies-com:

شخباركن ؟؟؟ كلكن كلكن :tek:

 

[حفيدة جدتي]

موكا يعطيج العافيه على الاجوبه الي عن القيم
بس سوسيتا غلاي اذا انتي ماخذة عند سلوى الجسار ترى اهم شي عندها انها تشوف رايج انتي في الموضوع مو تنقلين نقل
يعني افهمي السالفه عدل واشرحيها بطريقتج هذا اللي فهمته من اسلوبها اليوم واهي ماتحب البنت اللي تحاتي الدراجات تقول المهم انج تستفيدين وتبحثين ... ان شاء الله قدرت افيدج باللي استفدته


بس ابسالج شلون ترجمتي الموقع للعربي ؟؟؟

 

[soseta]

حفيده جدتي كتبت بقوقل ترجمه المواقع واخترت واحد من الخيارات اللي اطلعتلي وحطيت الموقع وتترجم ..
بس الترجمه كانت غلط يعني خرابيط مااستفدت شي ..
ومتوهقه بالامتحان مخي مقفل واشياء وايد لازم اسويها قبل لايخلص الويك اند وهالامتحان وقته غلط متوهقه مو عارفه اقرا وافهم واحط رايي ..

 

[حفيدة جدتي]

والله صاجه ولا غير المقالات اللي بنسلمهم يوم الخميس وغير التقارير الي لدكاترة الثانيين والمواد الباقيه
حسبالها الدكتورة ان احنا ماندرس الا مادتها ههههههههههههههههههههههههه

 

[soseta]

الخميس مقالات تسليمهم الخميس ؟!
الله يعننا حفيده جدتي والله تعبت نفسيا الحين بس مقفله ابي انام بس احاتي الاسئله ليلحين ماجاوبت عليهم متى بجاوب واحفظهم ..
استغفرالله عندي مليون برزنتيشن وهالدكتوره الله يهداها وربي مو وقته ..

 

[حفيدة جدتي]

الله يعينج غلاي

انا بحاول الخص الاجابات ان شاء الله واذا طلع معاي شي بانزله
بس ابسألج عندج احد يحب الرياضة ؟؟؟

 

[soseta]

يالله موفقه حبيبتي , بس نصيحه لاتنزلين شي لان بنات وايد معانا بالماده وياخوفج بالامتحان الاجابات تتشابه مايصير ..
الا اذا بتنزلين سايتات اوكي , بس حرام تنزلين تلخيصج وتعبج ..

والرياضه لا مو في بالي احد يحب الرياضه

 

[حفيدة جدتي]

اي والله صاجه
بس ودي اساعد يعني حرام بعض البنات عندهم مقالات وامتحانات وبرزنتشنات يعني مو فاضيه تقرأ وتبحث وتلخص

؟؟؟؟

والله حاله
يالله الله يوفقنا

 

[عيونك اخر آمآلي]

لوووووووووووووووووووول بنات شفيكم ترى والله سهااااااااااااله

 

[أصدق شعور]

موكا انتي محجبه منقبه والا شلون شكلج

 

[soseta]

حفيده صح كلامج وكلنا ودنا نساعد بس مو حلوه اجاباتنا تكون طبق الاصل من بعض خاصه انها قالت بهالمعنى كل اجابه بتحسبها صح 70% بس على حسب الاسلوب اللي فيها ..

لطوفي والله ندري سهاله وانا احس ان الاجابات جدام عيني بس يااختي تعباااااااااااااااااااانه وقت امتحانها غللللللللط ..

 

[«منتهى الرقه»]

موكا انتي محجبه منقبه والا شلون شكلج

انا الاثنين
وانتي ؟؟

والله اني مستانسه ان في وحده معااي بنفس المحاضره

 

[|| NouF ||]

بنات انا وياكم عند د. سلوى


وصراحة غاسلة ايدي من اسئلتها
دورت بكل المواقع حتى بموقعها مالقيت شي ...

ترجمت الموقع الانجليزي ، مافيه شي ينفهم كله عن قصص الاطفال


شكلي بروح المكتبة بشوف
ماتدرون تنفتح المكاتب يوم الجمعه ولا لأ ... ؟

 

[soseta]

نوف حتى انتي معانا الله يعينج ..
امي تقول ماتتوقع ان المكاتب يفتحون اليوم ..

بس شوفي حبيبتي الاجوبه ماراح تلقينها جاهزه , اهيا قصدها ان تقرين بمواقع وايد عن موضوع الفيم وتفهمينه عدللللللل بعدين تجاوب على الاسئله باللي فهمتيه باسلوبج ..

والموقع اللي عطتنا اياه مافيه شي اصلا يفييييييييييد ..
ماادري شنسوي ..

 

[miss cute]

مسااء الخيـــر بنات التربية شلونكم ؟؟
انا اول مره اشارك بهالموضوع

انا سنة رابعه وتخصصي رياض أطفال بس بتخرج انشالله السنه اليايه كورس اول

يا مساااااء الورد ..

نفسي أنا سنة رابعة و إن شاء الله بتخرج السنة الياية كورس أول .. :ggdw:

 

[|| NouF ||]

خلاص انا بروح بكرة المكتبه ان شاءالله ... اكيد القالي جم مكتبة مفتوحة ...

واذا لقيت شي بقولكم ...

بس والله توزيع درجاتها يدوخ ... يعني لازم نشارك بحلقة نقاش .. ؟
او اي وحدة تشارك بالحلقه تعطيها فل مآرك .. ؟ ولا شنو ... ؟

وشلون تقيم عالمشاركه .. ؟ اهيه ما تسألنا وآجد ...

 

[يا ليل مطولك]

بنات صلو عالنبي اول شي

بعدين شفيكم مكبرين الموضوع عادي المفروض انكم رحتوا مكتبه التربيه ودورتوا عن الموضوع من عده مصادر وبالاخير عقب ما كتبتي الموضوع وفهمتيه عدل كتبي بالنهايه رايج

هو صج يبيله وقت بس ترا بعد ما تخلصون منه تحسونه سهل

وبالنسبه للحلقه النقاشيه تكون مجموعات على ما اتذكر كل مجموعه تتفق مع بناتها على تقسيمة الشغل بينهم وتتكلمون بالموضوع اللي تقول مقدمه واللي تقول قصص واللي تقول دراسه و ...
وعلى فكره د.سلوى تستانس على البنت اللي تتكلم وتثري الحلقه يعني من خلال حجي البنات راح تبدين رايج انتي ومع امثله وقصص واقعيه و....ترا الموضوع سهالاااااااااااااااااااااااات هونوها وتهون
وانتم قدها::

موفقين ان شاءالله..

 

[soseta]

ياليل مطولك والله مهونينها بس يااختي من قلت بتفرغ حق البرزنتيشن قالتلنا عن المقالات ومن قلت بسوي بحوثي فاجأتنا بالامتحان ..
انضغطت بس يالله شسوي ..

ونوف الحلقه النقاشيه شفتي اول مجموعه ؟؟
خلاص عطتهم درجاتهم وبعدين لما يوصل دورنا ناخذ درجاتنا وهكذا ..

الدرجات عادي بس الشغل يبيله ..
ابي اكتب مقالات واجاوب بالامتحان باسلوب سنع ماابي اي شي

 

[يا ليل مطولك]

سوسيتا حبيبتي الله يعينكم
اي صج ترا هي تحب الطالبه اللي يكون عندها اسلوب اسلوب
مش حيا الله اي شي