تجمع لمستجدات وطالبات كليه التربيه _ جامعه الكويت ..

[الكآآآدي]

اختياري تخصص ((18 وحده))
بيلوجيا انسان
مدخل الى منااهج البحث التربوي
التربيه الحياتيه
تغذية طفل
السيره النبويه
التربيه الصحيه
تاريخ الخليج العربي الحديث والمعاصر
جغرافيا الكويت
التوجيه والارشاد

 

[الكآآآدي]

الاعداد المهني .. الزامي ((45))

مبادئ علم نفس
اصول التربيه
سيكولوجية النمو
الحاسوب في التربيه
النظام التربوي في الكويت
التدريس في رياض الاطفال
ورشة عمل تطبيقي
الصحه النفسيه للطفل
وسائل اتصال تعليميه
الاداره المدرسيه
اساليب تقويم طفل الروضه
حلقة بحث
التربيه العمليه

اختيااري ((3))
............الاعلام التربوي
علم اجتماع تربوي
التعليم في الوطن العربي
الفروق الفرديه وقياسهاا
الاداره التربويه
تطور فكر التربوي

 

[الكآآآدي]

الزاامي ..
لغه عربيه((مهارات اتصاال لغوي))
لغه عربيه (( جماليات الادب العربي ))
تاريخ الحضاره العربيه الاسلاميه
لغه انجليزيه 110
لغه انجليزيه
111
اللغ العربيه والاتصال ..

اختيار __(( 9 وحدات ))

المجموعه الاولى ((6 وحدات ))
تاريخ الكويت الحديث والمعاصر ..
مدخل علم اجتماع
مدخل المنطق
الثقافه الاسلاميه
الاقتصاد المنزلي
التربيه الاسريه
التربيه الرياضيه

المجموعه الثالثه ـــ((3 وحدات ))
بيولوجي ـــ 2
الطاقه والانسان
الارض والكون
موارد الارض والطبيعه

................ خلص المدرشيــت ،، اعذريني اذا تأخرت عليــج

 

[آخـر إْلـعنقود]

بنات ردو علي صادق اسماعيل تطور فكر زين ؟​

 

[المـــــها]

آخر~العنقود

جبت لج تقييمه

المختصر المفيد- معظم الطلبة يقولون
5/3.3
ان مستوى الاختبارات متوسط الصعوبة
وشرح المدرس شرح متوسط
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 20




التقييم ملاحظات الطلبة
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: تطور فكر تربوي التاريخ: 2009-04-26
الطالب: DL3 رقم التقييم: 17144

الدكتور رائع جدا مثقف و طيب و يونس صج انه يسولف وايد مرات لكن سوالفه مبهره انسان مطلع جدا على كل الي يدور و راح تنبهرون من تجاربه و مغامراته .. صج دكتور جامعي ملتزم .. معلم بحق
شكثر خذيت مواد عند وايد دكاتره بس هذا الي حسسني انه صج معلم و استاذ و قاعدين بجامعه..
ما يخرع و الماده عنده سهلللللللللللللللللللللللله تهبل ماي مايووووه مع ان المذكره كبيره لكنها خفيفه و لطيفه و سهله .. و الميدتيرم سهل حده حده حده .. بس الي تتأخر عن الميدتيرم تنحرم منه لوووول يعني لا تتأخرون .. و ينبهكم على الغياب اذا زاد عن الحد و اذا ما التزمتوا يضطر يفصلكم ..
عنده تلخيص كتاب .. يعطيكم اسم الكتاب كل طالب و له كتاب خاص حقه لازم يدوره بالمكتبات و يلخصه و الصراحه هذا شي سهل لازم تكون ملم بالي انعرض بالكتاب لان راح تنسأل عنه عشان يشوف صج انت مسويه ولا لأ ..
الفاينل سهل سهل سهل سهل سهل حددددددددددده كله اختياري و مرات اذا في سوال عندك ايي يغششك الاجابه و يروح ههههههههههههههه
عجيب والله .. انصح فيه و بشده شديده

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: تطور فكر تربوي التاريخ: 2009-02-23
الطالب: really رقم التقييم: 16847

الدكتور يشرح بضمير ،، بس مذكرته طباعتها سيئه..
اللي يذاكر الماده اول باول ويعطي الماده حقها راح ياخذ A وهو مغمض..
وانا انصح فيه حق للي يدرسون مو اللي ماخذين الماده لعب،،
هي الماده صعبه ومعلوماتها وايد ويبيلها تنظيم..

الامتحانات
:: المدتيرم سهل للي دارس عدل ومرتب معلوماته
::: الفاينل حلووو وتضمن فيه درجات..


- النجوم: لا يستحق نجوم
- المستوى: متوسط الصعوبة
- الشرح: شرح متوسط
- حصلت على: D
لا ننصح به
المـادة: تطور فكر تربوي التاريخ: 2008-08-31
الطالب: am am86 رقم التقييم: 15118

حسبي الله ونعم الوكيل
انا ناطره دكتور ثاني يعطيني الماده لاني اخذت دي ظلم
80% اضمن لكم لاتاخذون عنده

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: تطور فكر التاريخ: 2008-07-28
الطالب: جامعية رقم التقييم: 14745

الدكتور سيء لابعد الحدود

عطاني -B وانا ماخذة بالمتيرم 29\30

محاضرته ممله وانا كنت ادرس موادي فيها .
ظلمني وايد و سوالفه كلها عن نفسه وعن العراق و قرى التقييم جدامنا وحاسب البنات الي كتبوا سلبيات عنه
وحط على الشعبة وماعنده احد طلع امتياز

دكتووور فاشل

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: تطور فكر 0820421 التاريخ: 2008-07-26
الطالب: جالسه بحالي رقم التقييم: 14684

الدكتور سيء سىء سبء نصيحه لحد ياخذ عنده ممل وظالم و م ايراعي

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: B
لا ننصح به
المـادة: -- التاريخ: 2008-06-20
الطالب: .:candy:. رقم التقييم: 14343

دكتور حدددددده قرقه ويسوي روحه دمه خفيف واهوا ماكو اثقل من دمه أمبيييييييييييي
يتفلسف واااايد
وشرحه مو مفهوم كله يسولف عن نفسه وانا ونا وانا
وبروحها الماده صعبه وثقيله وتلوع الجبد
كنت احضر عنده وانام وراا كاااااك.. من ملاقة المحاضره..
والمدتيرم مقالي ماكو اصعب منه بس الفاينل موضوعي وسهل




- النجوم: لا يستحق نجوم
- المستوى: متوسط الصعوبة
- الشرح: شرح متوسط
- حصلت على: D
لا ننصح به
المـادة: تطور فكر تربوي التاريخ: 2008-02-15
الطالب: ريماس الكويت رقم التقييم: 13329

دكتور قرقه
يتفلسف وايد
نص كلامه عن حياته ، ونصه شرح عن الكتاب من ناحيه اخرى
..
ومانصح فيه لانه ظلم وايد بنات معاي ، واعطي اعلى الدرجات للبنات من عدة جنسيات اما احنا بين السي والبي

ودرجاته حسب المزاج ..
والامتحان الاول مقالي..
والفاينل موضوعي مباشر..

- النجوم:
- المستوى: سهل جدا
- الشرح: شرح ممتاز
- حصلت على: C
ننصح به
المـادة: اصول التربيه التاريخ: 2008-02-09
الطالب: ابتسامة رقم التقييم: 13214

دكتور ممتاز جدا جدا سواء من ناحية الشرح او المعامله مع طلابه ،

و اللي ياخذ عنده اكيد راح يستفيد من خبراته ، و امتحاناته سهله

حييل بس كان يركز وايد على التعاريف في الاختبارات و الدكتور

قال حفظوهم عدل بس انا ما حفظتهم عشان جذي خذيت c !!!!

، و كان اختبار المدتيرم مقالي 3 اسئله ، و اختبار الفاينل اسئله

موضوعيه .

و باختصار انصحكم فيه و انا اضمن لكم تاخذون A اذا حفظتم

التعاريف اللي في المذكرة ، و على فكرة محاضرة الدكتور كله

شرح و سوالف ما يكون في مجال للطالب للمناقشه لصعوبه

الحصول على وقت لمقاطعة الدكتور !!

و ان شاء الله اخذ عنده تطور فكر تربوي


و تحياتي

- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: تطور فكر تربوي التاريخ: 2008-02-08
الطالب: مملكة الحزن رقم التقييم: 13173

دكتور عجيب حده وطيب
و يقدر ظروف الطلبه
امتحاناته سهله كلها من النوت
واسلوبه حلووووووووووووو

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: اصول تربية التاريخ: 2008-01-29
الطالب: jo0ori رقم التقييم: 13001

بالصراحه د.صادق انا اول كورس لي بالجامعه
و خذيت عنده دكتور طيب و حبوب و يحب يتغشمر
ما تحسين نفسج قاعده بمحاظرة شرح و ملل بالعكس يشرح
اللي بالمذكره بطريقه حلوة يحب يسولف وايد عن الماده
و كان ديم يتكلم عن الماسجتير و الدكتوراه شي حلو يحفز الطلبه
الشي الحلو بالدكتور ان لما يبي يعطي اوف عنده اجتماع او شي يقول قبلها مو نفس بعض الدكاتره تنطره ثلث اعه اخر شي معتذر

امتحاناته وايد وايد سهله
نظامه 30 امتحان الاول مقالي 3 اسئله كل سؤال 10 درجات
الفاينل 50 درجه موضوعي 25 سؤال بالاضافه الى المشاركه 10 و بحث 10 مع مناقشه

يعني بصرااحه انا انصح كل الي يبي ياخذ اصول تربيه او تطور فكر تربوي ياخذونها عند دكتور صادق الـA عنده مضمونه


- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: تطور فكر تربوي التاريخ: 2007-10-05
الطالب: كيميائيــه رقم التقييم: 11959

الدكتورر صاادق وماادراك ماصادق

بصرااحه هالدكتوور مافيه منه وينحط على الجرح يبرى

انا اكره مواد التربيه لانها كلها حفظ وعلى حد علمي ان هالماده من اصعب مواد التربيه

لكن يوم خذيتها عند الدكتور صادق عديتها من اسهل المواد

الدكتوور وايد طيب وحبوب

وامتحاناته عباره عن

مدتيرم 30 درجه عباره عن ثلاث اسئله مقاليه مفتوحه حتى لو كانت اجوبتنا غير موجوده نصا بالمذكره عادي يعديها لنا

وفاينل 50 وموضوعي عباره عن 25 سؤال
ونظامه الغلط ياكل الصح والصح ياكل الغلط
يعني ال50 مظمونه بالجيب

صج هالدكتوور مافيه منه

تحيااتي له وتقديري على جهووده والله يحفظه من كل شر
ويديمه ذخر لكليه التربيه وولجامعه بكبرها

- النجوم:
- المستوى: سهل
- الشرح: شرح ممتاز
- حصلت على: C
ننصح به
المـادة: تطور فكر تربوي التاريخ: 2007-08-29
الطالب: Daffodil رقم التقييم: 11440

الدكتور زين

بس أخذت المادة وما استفدت منها شي افلاطون وسقراط وكونفيسيوز وماعرف ايش ... مادة بايخة بس الدكتور جيد جدا

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: تطور فكر تربوي التاريخ: 2007-07-10
الطالب: prinsses رقم التقييم: 10809

الدكتور بصراحة محترم وشرحه شيق جدا وامتحاناتة تاااااااافهه عبارة عن اسئلة مفتوحة واذا ماعرفتوها سئلو الدكتور ويعطيكم الحل ويعطي كيرفات لابعد الحدود بأختصار قمة ولا أقد اوفي بأي كلمة عن المادة أو الدكتور وهذي المادة الوحيد الي ماغبت فيها بحياتي واخيرا وليس اخرا لا تطوفون المادة عند الدكتور والله يعطية العافية...

- النجوم:
- المستوى: صعب
- الشرح: شرح جيد جدا
- حصلت على: B
ننصح به
المـادة: تطور فكر تربوي التاريخ: 2007-06-21
الطالب: TEACHER رقم التقييم: 10494

انصح بالاخذ عند الدكتور صادق
جدا محترم صراحة وموسوعة علمية بمعنى الكلمه

امتحاناته صعبه وشرحة يملل شوي كونه شخص كبير في السن ومادته العلميه ماده قريبه للتاريخ وتميل للسرد القصصي في الشرح

- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: مبادئ تربية التاريخ: 2007-06-15
الطالب: eng-girl رقم التقييم: 10376

الدكتور وااايد طيب و شرحه حلو

و واااااااايد يساعد الطلبة

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: تطور فكر تربوي التاريخ: 2007-05-30
الطالب: hamany44 رقم التقييم: 9889

دكتووور عجيييب

سوالفه تونس بالمحاضره

امتحاناته سهله و واضحه



- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: تطور فكر تربوي التاريخ: 2007-02-11
الطالب: فاطمة رقم التقييم: 8888

الدكتور محترم وخلوق..ومخلص في عمله ويعطي من قلب
بس عيبه انه يقرق وايد..
وامتحاناته مستواها زين ومعقول..
انتوا بس شدو حيلكم واهوا مايقصر

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: تطور فكر التاريخ: 2006-08-16
الطالب: شادن رقم التقييم: 6589

الدكتور ممتاز وما عنده أي تحيز لاي طالب او طالبه ويعطي الكل حقه. هو بالفعل دكتور واسع المعرفة ودايما ينصحنا بالاطلاع الخارجي...

- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: مبادئ تربية التاريخ: 2006-07-03
الطالب: مقهورة حدي رقم التقييم: 5690

دكتور سيء جدا مادري على اي اساس يحط الدرجات الي ما تحضر يعطيها A
شلون مادري !!!!!
شي غريب
والي تحضر ومقطعه نفسها بالحفظ تطلع B
في ظلم واقع وما أنصح فيه ابدا

- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: تطور فكر تربوي التاريخ: 2006-06-28
الطالب: كيميائية رقم التقييم: 5571

دكتور رائع رائع جدا..بصراحة يدخل القلب والعقل بسرعة..وهذا مو للأسباب المعتادة بين الطلبة يعطي درجات ويرفع آخر الكورس لا مو هذا السبب..بل لأنه فعلا رجل علم واسع الأفق والمدارك كل شيء كل حدث له تفسير فلسفي عنده فعلا بارع في مجاله..وله كل التقدير والإحترام.. والقلم يجف عند شخصه...

 

[آخـر إْلـعنقود]

المها
مشكوووووووووووووووووووووووره يا قلبي ​

 

[المـــــها]

العفوووووو
حبيبتي

 

[الكآآآدي]

بناات بليـــــز


عدنان محمد غزال << اشلوونه بسرعه الله يعافيكم

 

[الكآآآدي]

عندناا غزال

محمد عصله

حوراء سفر

^^^^

مهاراات اتصاال

منو اتعرفهم بليــز بسررعه

 

[المـــــها]

بارت 1

لعيووووونج


5/3.1
ان مستوى الاختبارات صعب
وشرح المدرس شرح متوسط
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 79




التقييم ملاحظات الطلبة
- النجوم:
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: مهارات لغويه التاريخ: 2009-06-24
الطالب: el70b رقم التقييم: 17761

باختصار شديد
ويع
امتحااته صعبه
والشرح ويع


- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات الاتصال التاريخ: 2009-02-23
الطالب: ghazal494 رقم التقييم: 16859

من افضل ادباء العصر الحديث

ادامه الله ورعاه

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات اتصال 101 التاريخ: 2009-02-15
الطالب: shosha رقم التقييم: 16680

بسم الله الرحمن الرحيم
السلام عليكم

..............

الدكتور زين ويساعد بالدرجات .. للأمانه انا على تقديمي في الامتحانات ورغم اني اغيب واجد مع هذا اخذت أي صراحه انا اقيم نفسي بي

وبالنسبه حق امتحاناته سهله يعني الامثله اللي ناخذها نفسها بالضبط تجي ويراعي بالتصحيح

اهم شي تقدمون زين في امتحانت الميدتيرم ويعرفكم الدكتور راح يساعدكم واهوا عموما يساعد الكل

وعن اللي يقولون انه يظلم او شي من هالقبيل ماعندهم سااااااالفه

انتوا عطوا الماده حقها وتابعوا المحاضرات وتضمنون ال a ولا تطوووووفكم الامثله اللي بالمحاضره لأن مايطلع الامتحان منها

وشكرا

- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2009-02-11
الطالب: Rawa2 - Q8 رقم التقييم: 16570

الدكتور زين

بس العيب بالماده ! يعني اتوقع اللي يحب النحو و يفهم فيه ما راح يلقى صعوبه !

امتحاناته صعبه !

و يحب المشاركه واايد

انا ما ارتحت بمحاضراته لان صوته عالي وايد و مزعج لوولز

- النجوم:
- المستوى: صعب
- الشرح: شرح جيد جدا
- حصلت على: D
ننصح به
المـادة: مهارات إتصال التاريخ: 2009-02-04
الطالب: Giampiero رقم التقييم: 16452

كـ بداية ..
أقدر أقول إنه دكتور جيد ..


قبل ما أبدأ ملاحظتي ، أحب أوريكم تقسيمتي " للنجوم " ..
- نجمة للإمتحانات
- نجمة للواجبات
- نجمة لشخصية الدكتور
- نجمة للشرح
- نجمة للدرجات

الواجبات ؟ ما يعطي واجبات .. ومرات يعطي بس ينساهم .

شخصية الدكتور ؟ للأسف متكابر ، ولكم عليه " ثقيل ظل " للأسف .. ما يعطي الطلبة " ويه " ..

الشرح ؟ شرحه ممتاز للأمانة ..

الدرجات ؟ يعطي كل ذي حقاً حقه ..

الإمتحانات ؟ صعبة نوعاً ما .. أو مايلة للصعوبة .. ويحاول يستعمل التريكس ..




وإن شاء الله ما أكون مجامل أو ظالم الدكتور ..

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مهارات اتصال التاريخ: 2009-01-29
الطالب: A.A.H رقم التقييم: 16190

جزاك الله خير يادكتور عطيتني حقي واكثر من حقي والله انك خووش دكتور علم وادب ويساعد الطلبة بعد شتبون اكثر من جذي

- النجوم:
- المستوى: سهل
- الشرح: شرح ممتاز
- حصلت على: C
ننصح به
المـادة: جماليات الأدب العربي [102] التاريخ: 2009-01-28
الطالب: Mathool رقم التقييم: 16162

واللـــهـــي خوووش دكتوور ،، محترم وذووق ،،،

بس لكم عليه شوي مزعج يقول نكت ما تضحكـ :q ،،،

امتحاناته وااايد سهله،، ركزوو ويااه بالكلاس وخططو كل شـيء،،

وإذا في شي ركز عليه ترى يعني راح ايبه بالإمتحان،،

وانا تخصصـي انجلش[يعني انا والعربي ازمه] وطلعت C،،

شدو حيلكم وياه وماراح يقصــر ،، لانه يوزع الدرجات بالهــبل ^_^

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مهارات الاتصال اللغوي التاريخ: 2009-01-11
الطالب: الفيلسوف المزعج رقم التقييم: 15954

دكتور مرتب في الشرح... ودقيق جدًا

ويختار الجمل بتنوع تام... آيات و أحاديث و أشعار متنوعه و جمل يوميه حياتيه...

الشيء الذي لفتني فيه.. هو أنه كان يوجه لنا نصيحه في كل محاضره.. ..!! وهذه النصيحه تكون عامه وبمجالات مختلفه... وبعد ما يوجها يطلب منا أعرابها...!!!

كانت محاضراته ممتعه... على الرغم من شلافة النحو...


S.J.K

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات اتصال + جماليات أدب التاريخ: 2008-09-29
الطالب: شاعر^يعشق^العلمية رقم التقييم: 15545

أهلا هلا حيّا بكم


الدكتور رائع

شرح قوي جدا ومؤسس ممتاز لقواعد اللغة والأدب


محاضر سابق في مكتبة البابطين وذو علم غزير



بخصوص الشرح : والله وبـ الله وتـ الله أقوى شرح لغة مر علي بمواد العربي

خصوصا اني اخذت جماليات ادب ومهارات اتصال ونحو واحد



شرحه صخر , أسلوبه رائع , خلوق جدا , يحرص على الغياب


يتحمل وصول الغياب لأكثر من 10 محاضرات وما يعطي FA



يقّدر ظروف الطالب لأبعد الحدود




بخصوص الامتحانات والله العظيم الي يكتبه بمهارات الاتصال بالنوت نفس المثال بالنص


وبخصوص جماليات الي يقوله نفسه بالنص وهو يقول لونوا هالمعلومه مهمه



يا جماعه نتقي الله بالدكتور عدنان شفت التقييمات والله عكس ما تقولون



الله يحفظه

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: 101 مهارات التاريخ: 2008-09-21
الطالب: zahora رقم التقييم: 15422

الدكتور نفسية
يحب اللي يشاركون وايد
اللي ما ياب زين بالمدتيرمات لا يروح يقوله زيدني وارفعني
اهوه يسوي اللي عليه


- النجوم:
- المستوى: متوسط الصعوبة
- الشرح: شرح جيد جدا
- حصلت على: D
ننصح به
المـادة: مهارات الاتصال التاريخ: 2008-08-19
الطالب: الجوهره رقم التقييم: 15048

دكتور طيب ..يركز ع الغياب والحظور بشكل فظيع ..

امتحاناته من النوت ..اخذ عنده مهارات لكن أنا مو شاطره بالنحو.. عشان جذي اخذت قريد مو حلو

انصح فيه اذا مالقيت غيره



- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات اتصال التاريخ: 2008-07-09
الطالب: عاليه رقم التقييم: 14492

الدكتوور عجيب و شرحه حلو
الامتحانات ما تطلع من النوت ووااااااايد سهله يعني تقدر تاخذ الA وانت مغمض
واايد يرفع و يعطي كيرف
وايد يركز عالحضور
انصح فيه بشده

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات اتصال التاريخ: 2008-07-08
الطالب: B*M*B رقم التقييم: 14476

شرحه ينوم .. بس الدكتور طيب و يرفع بالدرجات ..

يعني إذا الطالب يبيله ما بين الA+ و الA- درجه يرفع ..

و نفس الشي بين باقي الدرجات ..

الماده حدها سهله .. لان احنا دارسينها بالثانوي و المتوسط ..

و اختبارات الدكتور ما تطلع من النوت إلي نكتبه معاه ..

يعني حدها سهله ..

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات اتصال التاريخ: 2008-06-30
الطالب: mellow_lisa رقم التقييم: 14419

الدكتور مو زين،، زوين..
يعني يفهم بس المحاضرة نوووووووم!
محتوى المادة كله ماخذينه بالمتوسطة والثانوية، يعني ماكو شي يديد..
امتحاناته سهلة وايد كلها من النوت

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: A
لا ننصح به
المـادة: مهارات اتصال التاريخ: 2008-06-15
الطالب: F16 رقم التقييم: 14268

لا تاخذون عنده سخيف و حااقد على الكويتيين و كافي انا الحين اقوول .. تبون اتموتون اخذو عنداااا اخيس شرح و ما عنده غير يقول عن الكويتيين ((انتو من اعيال بعبع ياكل ما يشبع و اتكلمو ما يسمع و يروح ما يرجع ))

- النجوم:
- المستوى: سهل جدا
- الشرح: شرح ممتاز
- حصلت على: B
ننصح به
المـادة: جماليات الادب العربي التاريخ: 2008-06-12
الطالب: SaMoOoRaH رقم التقييم: 14139

دكتور عدنان خوش دكتور ونعم فيه كل اللي يقولة في النوت يجي بالامتحان وانا مزفتة بالفاينل توقعت اخذc عطاني B بلس والقصايد تحفظين بس مطلع البيت شكرا دكتور.

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: مهارات اتصال التاريخ: 2008-04-13
الطالب: almalak88 رقم التقييم: 13574

خوش دكتور و امتحاناته سهله و ما تطلع من النوت

- النجوم: لا يستحق نجوم
- المستوى: سهل جدا
- الشرح: شرح ضعيف
- حصلت على: A
لا ننصح به
المـادة: 101 التاريخ: 2008-03-18
الطالب: bint-el-badw رقم التقييم: 13493

تبون الصج !!!!!!!!!!!!!!!!
مثل ما قال الطالب هدهد المحاضرة أغلبها دينية !
والله مدري شلون جذي مع ان المحاضرة المفروض إنها أدب
بس شنو نقول هذه جامعتنا المهم بس الدكتور يعطينا درجات والله يعطيه العافية !
العلم آخر شي قمنا نفكر فيه .
المحاضرة يا جماعة كلها سوالف دينية ونصائح !

- النجوم:
- المستوى: سهل
- الشرح: شرح ممتاز
- حصلت على: C
ننصح به
المـادة: مهارات اتصال 101 التاريخ: 2008-03-17
الطالب: cORn_fLaKeS_cba رقم التقييم: 13483

من ناحية شرح شرحة فظييع و ممتاز ,,,

والامثلة الي يقولها كله تيي بالامتحان ,,,

بس بصراحة ظلمني وظلم غيري عيل شعبه كاملة فوق الـ 60 بنية بس 5 يايبين A ؟؟ والمادة اساسا سخيفة وسهلة

ويقول يعطي بونص بس كلله حجى ما حاشنا شي من هالبونص!!!

والهوم وورك أحلله أول بأول آخرتها قاللنا بس البنات الي يايبين درجات كاملة بالميتيرمات ابي الهوم وورك مالهم ؟؟؟ على قولته يبي نماذج حق حل نموذجي ؟!؟!؟!؟!

وما يحب التأخير عادي عنده يطرد ,,, ووايد مرات يقلب المحاظرة ساعة اسلامية يصير الحبيب واعظ

باختصار اذا لقيتوا عند غيره سجلوا واذا مالقيتوا غيره سجلوا عنده ترا هو زوين و موفقين

- النجوم:
- المستوى: سهل جدا
- الشرح: شرح متوسط
- حصلت على: B
ننصح به
المـادة: mharat التاريخ: 2008-02-16
الطالب: FOSFOS رقم التقييم: 13355

il Dctor bl mu7athara enarfiiiiiiiiiiiiiiiiiizzzzzzz o ba6eeeeee2 bs yshra7 zain o mako homeworkat wla shy
o emt7anat 7aaail 7aaail sahlaaaaaa eyeb lena mn il mtwasi6
o bl nhaya y36ek il grade ile u tstahlah

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات الإتصال التاريخ: 2008-02-12
الطالب: adel رقم التقييم: 13282

والله الدكتور قوي جدا بالشرح والدرجات


واخلاقه جدا عاليه وتعاملة جدا راقي

يحرص على الغياب وقليل ما يعطي FA

بقولكم شغله مهمه


الدكتور زين لا تطوفونه والله قوي شرح ودرجات ويأسس صح



ويعامل الطالب مثل ابنه ويخاف الله



والامتحانات سهله ومن النوت كلها وبشكل مباشر ماكو تعقيد

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مهارات اتصال التاريخ: 2008-01-29
الطالب: RoMaNisTi رقم التقييم: 12986

خوش دكتور وشرحه عجيب حتى اذا كنت ميح بالنحو أو ناسي كل شي راح تفهم معاه
والمادة ما فيها كتاب .. يعني الإمتحان ما يطلع من النوت
انا طلعت من عنده A-


- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: 101 التاريخ: 2008-01-26
الطالب: lnklen رقم التقييم: 12884

الصراحة الدكتور وايد يوتر بالكلاس
احنا كنة 70 بنية يبينة كلنة نقعد اول صف عشان نصير شطار عندة !!!!
امتحاناتة وايد سهلة وانت تحل الامتحان ...
بس لمن تاخذ الدرجة يطلعلك الف غلط وغلط
يعني الامتحان وايد وايد سهل
بس لازم تركز عدل عدل عدل
انا بالمدتيرم الاول كنت ماخذة 15 والثاني 16 والفاينل ادري ان عندي على الاقل 3 اغلاط وما كنت اقعد الاولى وما اشارك لاني كل ما اشارك اقولة اسمي وما يحفظة
و انصدمت ان عطاني -A
انصحكم فيه لان بالكلاس ينسى الشرح ويعطيكم محاضرة دينية تتعظون منها
والله الموفق

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: مهارات الاتصال اللغوية التاريخ: 2008-01-26
الطالب: mshklchya رقم التقييم: 12858

الدكتور عدنان غزال،رغم ان محاضرته مملة وتمر وكأنها سنوات .. ولكنه انسان يعطي كل ذي حقِ حقه ..

مادته سهلة نوعاً ما .. بما أنني لست مولعة بقواعد اللغة العربية ، ولكن غالبية مواضيعه تكون مواضيعاً درسناها في الثانوية عموماً ..

اذا درس الطالب أو الطالبة جيداً .. بالتأكيد سوف ينالون ما يستحقونه ، لأنه لا يظلم .. بل يعدل بين الجميع ..

- النجوم:
- المستوى: صعب
- الشرح: شرح متوسط
- حصلت على: B
لا ننصح به
المـادة: مهارات اتصال التاريخ: 2008-01-25
الطالب: rmmanah رقم التقييم: 12842

الدكتور منتهية صلاحيتة بس يمشي....
وايد شديد بالحظور والغياب والتأخير

واااايد ممل بالمحاظرة يعني لو اهي 50 دقيقه جنها 4 ساعات ومن اول يوم دوام ماغاب

ويطلع عن الدرس يقول محاظرات دينيه ولما ايي يشرح يكون مابقى الا اخر 5 دقايق فتظيع وماتدري شنو تكتب

قص علينا بالواجبات وانا شادة حيلي اسويهم اول بأول اخر شي ماخذاهم وقال ان باخذهم بأي وقت

ولازم ترز ويهك عندة وتشارك عشان يحبك وهم مايعطي درجات وامتحاناته شقاقيه

بس امانة اهو طيب ويعطي ال 10 درجات <<< مميزات

لو انا عند غيررة جان يبت A بس قدر الله وماشاء فعل
باختصار لااااااااااااااااا تاخذون عندة

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: 101 maharat ete9al التاريخ: 2008-01-25
الطالب: dandoona24 رقم التقييم: 12833

شباب بنات .. ترى انا شوي خذتني العصبية يوم تكلمت عنه

يزاه الله خير دكتور عدنان .. يشرح بضمير ويعطيك كل اللي مريك ايام الدراسة قبل الجامعة بس بطريقة اوضح و يخليك تستوعبها صح .... حتى اذا ما كنتو تراجعون القواعد اول باول , وقت الامتحان راح تشوفون النوت مكفي وموفي اذا كنتو تكتبون معاه ..

و محاضرته بالنسبة لي مو مملة .. لاني كنت استفيد من ثقافته بالمواضيع الدينية و عسى الله يعطيه على قد نيته

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مهارات الاتصال اللغوية101 التاريخ: 2008-01-21
الطالب: مستقلي رقم التقييم: 12685

دكتور عدنان من اروع الدكاترة اللي تعاملتهم معاهم

حازم وشديد في الحضور و الغياب علشان يميز اللي يداوم من اللي نايم في بيتهم

شرحه ممتاز يعطي القاعدة والامثلة ولازم يحلهم معانا حتى لو خلص الوقت المحاضرة اللي عقب يكمل

يحب اللي يذكره بدرس امس...

امتحاناته80% متشابهة مع امثلة النوت و 20% للمماتزين فقط..

بس امتحاناته شوي ( مو وايد ) صعبة يبيلها تركيز

محاضرته حلوة و تونس بالعكس يعطي ملاحظات سلوكية ويحب يدخل الاداب الاسلامية و التعاليم في امثلته

يزيد اخر شي 3 درجات

النص يجبره الى علامه

يحب المشاركة واللي يقعد جدام وينتبه معاه

توزيع درجاته: 2 مدتيرم كل واحد 20 درجه
10 درجات الحضور والمشاركة سهلة الواحد يضمنها

50 فاينال....


اشكره على A لانه تعبي ماراح هدر عطيته كثر ما اقدر وحسيت انه ساعدني

جزاك الله خير يا دكتور عدنان

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مهارة اتصال التاريخ: 2007-12-16
الطالب: مدمن^قز رقم التقييم: 12314

المدررس قوي بالشرح
امتحاناته ماتطلع من النوت
صج ان محاضرته ممله ودمه ثقيل بس والله انصحكم فيه لاني انا كنت مادرس كللش الا قبل الامتحان بيوم
حتى كنت ادرس دراسه عالسريع بو اي شي والحمدلله طلعت بـــGrade حلو

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: تدريبات لغوية و جماليات ادب عربي التاريخ: 2007-12-09
الطالب: dana al-q رقم التقييم: 12237

الدكتور زين بشرحه ، ياخذ الغياب دايما ! بالتدريبات اللغوية كان يطلعنا قبل ربع ساعة بس بجماليات الادب العربي (الشعر) ما كان يطلعنا مع انه المحاضرة كان وقتها حده غثيث ، الساعة 2! تقدرون تمتحنون مع الشعب الثانية ، لازم تقولون له طبعا ! بس من ناحية الحضور و الغياب خلانا نداوم لي آخر شي علشان الحضور و الغياب لانه يقول يبي يحلل معاشه :/ و كان آخر يوم قاعد يناقش معانا البحث ! مع انه كان عندي فاينل قانون تجاري و قلت له ما اقدر ايي ! بس ما رضى:S ! ساعات يستظرف شوي ;p .. عنده جملة شهيرة " لاعت جبدكن و لا ما لاعت " ؟ على نهاية المحاضرة لول !

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات اتصال التاريخ: 2007-11-11
الطالب: shikha رقم التقييم: 12071

[..]
كانت عندي ظروف صعبة وقت امتحان الفاينل
وما قدر الظروف وقال هذة مشكلتج مالي دخل فيها
والله العظيم قاثني حسبي الله عليه

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
لا ننصح به
المـادة: 101 -qawa3ed التاريخ: 2007-10-31
الطالب: dandoona24 رقم التقييم: 12042

se2looooonei ana ! sheft elthaaaaaaaaaaaaaaim @@

[...]


eldr. shar7ah zain y3ne e3alemkom elma6lob menkom eb sora mrateba o kaamla ... o ya36ekom kel el7alat eli momken etyeekom elqa3eda feha ..

[[ etha entay FLTAH bel3arabi + Ma tyen 3gba + MA TES2ELENA ]]

FA ENtay rathya 3aleech omech

o alla yhaneech eb darajtech

etha sefa mn hal sefat e5tallat 3ndehch .. fa la 3aza2

o sej neset ... ma y7eb tnaqsheeena
ykarhech eb 3omrech oo KELESH MA YESMAAAAAAAA3
mathker 5alani akamel jomla 3la b3th-ha :S:S

p.s : ya36y homeworks mn ygol ma ya36y !
oo na7es ma y5alene a7ather eb wagt gher wagt sh3bete etha ma gedart a7ather el2ola :S !!

alla ysam7ah

 

[آخـر إْلـعنقود]

بنات ولا عليكم امر مهارات اتصال جم رقمها ؟​

 

[المـــــها]

بارت2
محمد غزال

النجوم:
- المستوى: متوسط الصعوبة
- الشرح: شرح ممتاز
- حصلت على: D
ننصح به
المـادة: مهارات اتصال التاريخ: 2007-10-09
الطالب: مس رووزا رقم التقييم: 11971

حبوب واااااااااااااااااااااااااايد ساعدني والصراحة كان مستواي مستوى سقوط لاني ماأدرست للامتحانات ولاكنت أشارك بس مستمعة بس نجحني لاني كنت أمر بظروف عائلية صعبة وهو تفهم وضعي ....


الله يوفقه

- النجوم:
- المستوى: صعب
- الشرح: شرح متوسط
- حصلت على: B
لا ننصح به
المـادة: مهارات الإتصال التاريخ: 2007-10-04
الطالب: mechanical_eng رقم التقييم: 11942

الله يسامحه....

د. عدنان:

1) الشرح : متوسط ويكتب وايد.

2) الواجبات : لا يوجد.

3) الدرجات : مايزيد كلش.

4 ) الأسلوب: عادي.

ولكم الإختيار

- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: جماليات ادب التاريخ: 2007-09-28
الطالب: FeeL-SaFe رقم التقييم: 11909

الدكتور كبيير وايد ... بس وايد جد يملل واايد بس يساعد بالنهاية يحب الحضور والغياب وااايد يحب الي يذكره بالمحاضرة الي طافت ... بس زوين يمشي حاله بس تحس ان ريال فاهم باللغة ومشالله عليه عيني عليه باردة بس اهوا مليق.ز كنت ما اداوم و سقطت بالميدتيرم ويبت س

- النجوم:
- المستوى: صعب
- الشرح: شرح ضعيف
- حصلت على: D
لا ننصح به
المـادة: مهارات اتصال التاريخ: 2007-09-07
الطالب: _.:*krbosha*:._ رقم التقييم: 11591

دكتووور عدنان ضيعني لمن خذيت عنده
في بنات كانوا مستناسين عليه لانهم يعرفون بالقواعد واغلبهم بيتخصصون عربي
بس انا اكره القواعد والدكتوور كلش مايشرح يخلي الشرح اخر شى ويقعد طول المحاضره يولف عن يوم الحساب والاخلاص والطاعه اهوا لو مخلص جان درسنا عدل لان شغلته مدرس عربي مو مطووع
وهاذا الدكتور انحس دكتوور مايعطيج لو نص درجه
بس النقطه اللي زينه فيه انه مايدقق عالتاخير والحضوور
وبس

- النجوم:
- المستوى: صعب
- الشرح: شرح متوسط
- حصلت على: C
ننصح به
المـادة: مهارات اتصال التاريخ: 2007-09-05
الطالب: malsona_20 رقم التقييم: 11544

واااي ...
انا بروحي اكره العربي والقواعد
بعد يوم خذيت عنده كرهتهم زياده
شرحه مفيد .. بس وايد يقرق عن الدين ومادري شنو جنك قاعد بمادة تربيه اسلاميه
امتحاناته من النوت اللي يكتبنا اياه ماتطلع عن النوت كلش كلش يعني تبي قريد احفظ النوت
مستحيل يزيدك درجه ولا يعطي كيرف اللي اتييبه تاخذه بس المحاظره معاه وايد ممله وان حفظ اسمك عاد يعلق عليه طووول الكورس لوول اذا ما حصلتوا غيره اخذوا عنده =)

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: تدريبات و مهارات التاريخ: 2007-08-07
الطالب: SuGaRy Mario0oMa رقم التقييم: 11106

والله خوش دكتور واللي يقول غير جذي غلطان ونايم بالكلاس!!
شرحه عجيب خصوصا بتدريبات والله اللي بالنوت يكون بالامتحاان

وفاينل مهاراات كان قمة في السهوووووووووووووولة
كل اللي ينشرح موجوووووووود بالامتحاان والله مانصدمت بأي سؤال

ومحترم وخلوق ويعرف الله وووو يقدر لأبعد الحدود
انصحكم فيييييييه تفهمون وتاخذون قريد والله اني فهمت منه العربي احسن من اللي فهمته بسنين دراستي بالمتوسط والثنوية !!!!!!!!!!!!!
وحببني بالقواعد والنصوص ولو يحصلي مادة ثالثه باخذها عنده ماعندي مشاكل

- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2007-07-02
الطالب: cool8 رقم التقييم: 10669

صراحه هالدكتور هركني بشي اسمه عربي ... دكتور سريع بالشرح ونتعب واايد نكتب ولا نسمع الشرح السريع امتحاناته واايد صعبه ولا يورينا الورقة اذا نبي نتأكد منها ... ويقولولنا اذا تبون تشوفونها لا انفصكم

ما انصح فيه كلش

- النجوم:
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: جماليات الأدب العربي التاريخ: 2007-06-27
الطالب: alghaliya رقم التقييم: 10596

الدكتور ممل و المحاضرة مملة، طول الوقت أطل بالساعة، و كل ما أحد تثاوب ما يعجبه و يعلق... و كل ما سهل شي أو حذف شي يتمنن علينا... الشي الوحيد اللي زين فيه ان ما خلانا نحفظ القصايد بالكامل و أكثر شي مو زين فيه ان ما يغيب كلش و يخليك تداوم لي اخر يوم بالكورس، و اذا سألته سؤال يعطيك محاضرة كاملة اجابة (يطول السالفة)

- النجوم:
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2007-06-14
الطالب: CiViL*ENGiNeeRa رقم التقييم: 10371

الدكتور والله يشرح .. بس انا ما افهم عليه
اكثر شي يتكلم ما يكتب وايد
و امتحاناته مو شي كانت عندي
وما يساعد ترى
بس انا مادري اشلون طلعت A-
انا توقعت اصلا بي
فمادري اهو بعد على حسب وين يدرس خالدية ولا شويخ ولا كيفان .. لأنه يفرق

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تدريبات لغوية التاريخ: 2007-06-09
الطالب: Sniper_Mzaj رقم التقييم: 10096

تبووووووون الصراحة ...
دكتور على نياته .... وطييييييييب كثر مااقوول طيب واكثر
الشباب اللي ماخذين تحت الـ C اكيد يبون يذمووووون فيه
واللي فوق ال C يبووون يمدحووون ....
بس اللي مثلي .... وبعدهي الدرجه ماطلعت ....
(( انشاء الله باجر )) واتوقع نفسي فووووووق الـ B+ انشاء الله ....
الامتحانات .....بالنسبة للي مايفتهم شي بالعربي ...وبس يتابع مع الدكتور .... وااااااااااااااااااااااايد سهله <-- مثلي يعني
والتصليح ...اخذ منه زياده درجات مع الميدتيرمات <-- آآآآسف قصدي الامتحانات الفصليه

ومن ناحية الحضووور والغياااب .... صح انه يحضر .... بس يقدر عاااااااااااد .... (( احسن من غيره )) ... واحد من الغيابات شاااله لي .... لاني قلت له ... كثرت على الغدا ...وراحت علي نومه ....
ومثلكم عارف .... بعد الغدا ...وعيش ولحم ...استكانت جااااااي .... لااا وامهيل بعععععععد .... المخده ...والفراش مافي اغلى منهم ....
من ناحية الشرح .... بس يبيله واااحد ايي له امصحصح اشوي .... ويتابع معاه ... الساعة وربع وياااه صج طويله .... بس مو اطول ...(( مع غيره )) ...
انصح فيه ....واتمنى لكم التوفيق ....!!



- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات التاريخ: 2007-05-11
الطالب: بنت ابوها رقم التقييم: 9722

الدكتور لالالالالالالالالالالالالالالالالالا يشرح و لالالالالالالالالالالالالالالالا يفهم بالمره وما انسى ظلمه لي بالدرجات تخيلو كنت جايبه بامتحانتي 18 من 20 وكنت اجاوب معه والله ما غبت عنده ولا محاضره والله بس بالنهايه عطاني دي !!!

على فكره خذيت بنحو 1 + 2 A !!!
بس الله يمهل و لالالالالالالالالالالالالالالالا يهمل يادكتوووووووووووووووووووووووووووووووووووووووور

- النجوم:
- المستوى: سهل
- الشرح: شرح ضعيف
- حصلت على: C
ننصح به
المـادة: مهارات اتصال التاريخ: 2007-02-11
الطالب: DL3 رقم التقييم: 8892

الدكتور شرحه مو ذاك الزود
بس حرام خوش ريال عارف ربه و ملتزم جدا
و مرات ينكت بس نكته ملييقه
هههههههههههههههههههههههههههه
كل ما يوصل حق مثال آية ولا حديث تصير المحاضرة محاضرة دينية
يغير محور الحديث تماما
و واايد يقرق يعني تخلص المحاضرة و اهوا للحين مو شارح نص الامثلة
ما يقولنا كتبو ولا هوم وورك ولا حضرو
بس اتيي و خلاص
...
صج ياخذ الغياب كل يوم بس ما ينزله
لان انا ما حضرت فترة طويلة جداً و ما نزلي الا 3 غيابات
هع هع هع هع
=)
..
بالدرجات حرام الريال يعطي درجات و وايد يتعاطف
..
و بسو


- النجوم: لا يستحق نجوم
- المستوى: صعب
- الشرح: شرح ضعيف
- حصلت على: C
لا ننصح به
المـادة: تدريبات لغويه التاريخ: 2007-02-11
الطالب: shooshoo رقم التقييم: 8887

فوق انك مو مستحمل نكته السمجه ودمه الثقيل

اخر شي ما يطلعك بدرجه و اهممم شي اذا بتاخذ عنده تررزع من اول محاضره جدام ويهه السمح
ولا تحرك مكانك طول الكورس خله يحفظ اسمك و يحط في باله انك شاطر بجذي تاخذ قريد

ويساعدك بالامتحان غيررر جذيي لا تحلم الا بالسي

وعلى فكره شرحه مش ولا بد يعني دير بالك

باختصار على قولة اخوي اعلامي بس تشوفه انحااااااااااااش منه P:

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تدريبات لغوية التاريخ: 2007-01-30
الطالب: Mimo رقم التقييم: 8683

حرام عليكم خوووش دكتور
يتكلم لغة فصحه
يزييد بالمدتيرمات
شويه امتحاناته فيها تريكات
ركزوا و الله يوفقكم
لا تغيبووون حظروا جميع المحاظرات لانه اهوا ما يغييب ماشالله علييه و ياخذ الغياب كل محاظرة
والله خوش دكتور

انصح فييه


- النجوم: لا يستحق نجوم
- المستوى: صعب
- الشرح: شرح ضعيف
- حصلت على: C
لا ننصح به
المـادة: tadrebat التاريخ: 2006-12-20
الطالب: asmaZ رقم التقييم: 8310

ma an9a7 feeh
mo7a'6rata meth magalaw momela o shar7a ba3ad
o mt7anata 9a3ba!!!!

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: مهارات اتصالات التاريخ: 2006-10-01
الطالب: عمارالحلو رقم التقييم: 7654

دكتور زووين وانا حمار رسمي بالعربي بس مشيت حالي معاه والي ماخذين fاستغرب منهم لانه احمر مني بالقواعد مافي وانا طلعت جيد مرتفع

- النجوم:
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: مهارات التاريخ: 2006-09-16
الطالب: اعلااااامي رقم التقييم: 7302

حبيبي الريال جنه مذيع كل شوي ييتحجى بالمايك تحسسني انه من قناة الجزيره يبه انححاااااااشووووووووووووووو لاتاخذون عنده

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: مهارات اتصال التاريخ: 2006-08-27
الطالب: هدهد رقم التقييم: 6793

راح ابدي بـ"حقائق" وعقبها تعليقاتي وانشاله افيدكم
------------------------------------------------------------------

** الشرح: شرح من قلبه والامتحان كله من النوت بس توقعو في كل امتحان سؤالين أو ثلاثه ماشرحهم ولا يه صوبهم بس انا عن نفسي عرفت احلهم لأني كنت شاطره بالعربي بالثانويه

** المحاضره: ساعه وربع صح؟ منهم 10 دقايق شرح والباجي محاضرات دينيه طبعا قاعده ابالغ بس اهوا وايد يقرق

** ممل وبارد لدرجه موطبيعيه ودمه ثقيل ويقط قطات قويه (مثال: لنضرب مثالابأن زميلتنا فلانه "الي قاعده قباله" ماتت) انزين ياخي صل على النبي ليش مستعيل على موتت البنيه؟

** الامتحانات: ميدتيرمين (كل واحد من 20)وفاينل (50) سهلين وحلوين وخفاف بس مثل ماقلت فيهم سؤالين ماتتوقعونهم وماكو كويزات. والعشره الي بقت على الحضور والغياب الكل ياخذها كامله

** الهوم وورك: كل جم يوم ايقول يبيكم تكتبون واجب (5 جمل فيها مبتدأ مؤخر أو شي جذي) ويقول بياخذ الواجبات عقب فتره بس ماعليكم منه لاتكتبون شي لأنه ينسى

** اذا بالغلط قطيتو عليه كلمه انجليزيه (مثلا كلمه سوري أو ميدتيرم) توقعو يقعدكم ساعتين عقب الكلاس يعلمكم عن امجاد اللغه العربيه الضايعه

** كرهني بإسمي!!! اول الكورس جاوبت على سؤالين صعبين محد عرفهم غيري وياليتني ماجاوبتهم -_- عللللللق علي كل امثلته وقصصه صارت عني ومنها قصه (زميلتكم هدى ماتت) :$

** يقرا الاسامي كل يوم ويسجل الغياب بس اذا رحتله عقب مليون غياب وقلتله دكتور كان عندي ظروف راح يظل يسولف وياك 10 ساعات ويلغي الغيابات. بس نصيحه لاتغيبون لأن شرحه مفيد شويه بالنسبه للي مو وايد ماشين بالعربي

** بكل ميدتيرم يزيد كل الي بالشعبه درجه وحده على درجتهم من 20، وبالفاينل يزيد الكل 3 درجات

---------------------
بالنهايه تعليقاتي:
الدكتور طيب وعلى نياته حده على ويهه مايدري شسالفه ويشرح بضمير اخذو عنده والله يوفقكم ويوفقه يا رب جاااو

- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2006-07-15
الطالب: مهندس المستقبل رقم التقييم: 5968

المحاضرة مملة
اتثاوب و اطالع الساعة كل 5 دقايق لأنه الدقيقة معاه سنه
الشرح بطيء و ممل
يتحجى وايد وااااااااايد
امتحاناته صعبة ما فيهم شي من كلامه بالمحاضرة
اذا شفته حاط عليك من اول يوم اسحب لأنه راح يحول حياتك جحيم

- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: مهارات اتصال لغويه التاريخ: 2006-06-27
الطالب: اهات روحي رقم التقييم: 5510

الدكتووووور حده ممل
المحاظره غثيثه ودمه ثقيييييييييل الدكتوور
انا انصح انكم اتيبون مترجم معاكم يترجم كلامه لووول
امتحاناته صعبه شوي بيلها دراسه



- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: مهارات الاتصال اللغوية 0310101 التاريخ: 2006-06-11
الطالب: منصدم حيل رقم التقييم: 5119

ممل ويعور الراس وعنصري حيل وكريه جدااااا جدااااااااااا
وتبون الحق اني منصدم من الي يدافعون عنة لانه مايستاهل


- النجوم:
- المستوى: سهل
- الشرح: شرح متوسط
- حصلت على: A
ننصح به
المـادة: مهارات اتصال التاريخ: 2006-06-10
الطالب: داوي داوي رقم التقييم: 5039

الي ماخذين عنده سي و دي اكيد بيذمونه
الريال على نياته شكثر يهدد بينزل انذارات بس عمره ماسواها حق احد
شرحه واضح مع انه مايغطي كل شي وامتحاناته سهله وايد وايد وايد
بس مثل ماقالو اخواني وخواتي لازم اتييبون وياكم شريطين بندول حق كل محاضره لأنه اهوا يملل ويعور الرااااس
ونص المحاضره بس قاعد يعطي دروس دينيه
وا>ا حط في باله انك انت التوب في الكلاس ايعلق عليك ومايهدك كل دقيقتين ينادي اسمك
والله لا يوريكم النكت الي يقطها :$
بس بالنهايه خوش دكتور
والله يوفق الجميع انشاله

- النجوم:
- المستوى: صعب
- الشرح: شرح متوسط
- حصلت على: D
لا ننصح به
المـادة: الادب الاندلسي المغربي التاريخ: 2006-06-09
الطالب: اتوته رقم التقييم: 4985

ماانصح تاخذون عنده لو حتى تكون مادة تخرج محاظرته ممله جدا جدا صوته حده مزعج يحب يصعب الامور ولا يسهل علينا
ويقول لاتقولون ان الدكتور تعبنا واهوه امهلكنا مايعجبه العجب ولا الصيام في رجب وامتحاناته صعبة ويرر كمية وايد وكله يطنز على الطلبة الكويتيين ويمدح روحه

- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: مهارات الاتصال اللغوية التاريخ: 2006-06-07
الطالب: المقهورة رقم التقييم: 4876

دكتور ما يستاهل كلمة دكتور ما اعتقد انه يعيش بالواقع واتمنى انه يطلع من الجامعة اليوم قبل باجر والله يعطيه العقل

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مهارات اتصال(تدريبات لغوية سابقا) التاريخ: 2006-06-06
الطالب: eng-kw رقم التقييم: 4856

الدكتور عجييييييييييييييييييييييييييييب حده تاخذعنده A وبكل سهوله بس لازم تحضر وماتكشت بالمحاضرة , وامتحاناته ماتطلع من النوت , امتحان الفاينل درسته ب1/2 ساعة , يقدر المهتمين بالمادة ......................
وأنصحكم تاخذون عنده موبس لأن عطاني A لأن خله المادة صج مادة اختيارية عكس بعض الدكاترة الله يهديهم

- النجوم:
- المستوى: صعب جدا
- الشرح: شرح جيد جدا
- حصلت على: C
لا ننصح به
المـادة: مهارات اتصال التاريخ: 2006-06-06
الطالب: وردة الاجتماعية رقم التقييم: 4808

بصراحة الدكتور ماشي حالة بس امتحاناته وايد صعبة وتعجيزيه وصوته وايد مزعج والمحاضرة ثقيلة وما يغيب أبدا ً وفيه شغله ما أدري ليش تيك حالة بس تطالع الساعة من تدخل المحاضرة .

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مهارات الاتصال التاريخ: 2006-06-03
الطالب: Kuwaitiya رقم التقييم: 4624

ماشالله لا اله الا الله
الله يكثر من امثاله
يكفي و يوفي
بس امتحاناته شوي صعبه
شدوا حيلكم و نشالله ال A تضمنوونها
وايد ساعدنا بالدرجات
احسسسسن دكتووووووووووووووووور

- النجوم:
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: مهارات اتصال التاريخ: 2006-06-02
الطالب: mangona رقم التقييم: 4593

امبي جد استانست لما خلص الكورس
يملل و يطول السالفة و يطلع بره الموضوع
و ينرفززززز
لا تاخذون عنده كللش .. اصلا لا يحوشك
بس مسكين طيب يعني وايد يعطي درجات
بس الله يهداه ما يغيب و لا يعتذر و لاشي (عنده ان هذا شي زين في احترا و تقدير لنا)

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: Tadreebat التاريخ: 2006-05-26
الطالب: DSH رقم التقييم: 4455

Perfect Doctor...he is doing hid best to let students uderstand and try to give useful advices among his lessons....
God Bless Him Inshallah

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: مهارات اتصال 101 التاريخ: 2006-05-19
الطالب: Mimo رقم التقييم: 4292

امبببييييييييييييييييييه
ايننننننن
اييييننننننننننننن
ايييييننننننننن
درجات
و شرح
و امتحانااااااات
ياريت كل الدكاترو جذي
بس ما يغيب كللش
لوول
انصح فييه و بشده!!!


- النجوم:
- المستوى: متوسط الصعوبة
- الشرح: شرح غير مفهوم
- حصلت على: F
لا ننصح به
المـادة: مهارات اتصال التاريخ: 2006-04-23
الطالب: سارة المقروودة رقم التقييم: 3733

يماااااااااااااا انحاااااااااااشو.........

توبة ما عاد اخذ عندة

هئهئهئهئهئهئهئهئههئه

لا صوت سنع ولا صورة ولا شرح

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مهارات اتصال التاريخ: 2006-04-20
الطالب: ميااااااو رقم التقييم: 3620

اهم شي انه يحترم الي جدامه بس المحاضرة واااايد ثقيلة وهذا شي اكيد لان المادة نفسها مملة (قواعد لغة عربية) وانا عن نفسي ماقدمت عدل بالمدتيرم الاول والثاني بس الفاينل كان واااايد حلو وهذا الي رفع درجتي

- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات لغويه التاريخ: 2006-04-17
الطالب: جامعي متحبط رقم التقييم: 3525

عصبي - كله يزف على اتفه الاسباب - يتفنن باحراج الطالب وتهزيئه - صوته مزعج (عايش الدور يتكلم بالمايك عباله قاعه صج !) - متشدد بالغياب و ما يغيب لو شنووووووو - شرحه ممل حييل - امتحاناته مالها شغل بالامثله الي يعطينا اياها بالنوت ( امحاناته صععبه وتعجيزيه )

هذي اهي صفات الدكتور الحلو ( عدنان غزال )

الحين دورك تحتار

تاخذ عنده ولا لأ

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 101 التاريخ: 2006-04-14
الطالب: Haidi رقم التقييم: 3449

احسن دكتور في الدنيا ماشاله عليه يشرح بضميييييير عمري ماشفت دكتور مثله وبصراحه استغرب من الي يذمونه :/

- النجوم:
- المستوى: صعب
- الشرح: شرح غير مفهوم
- حصلت على: B
لا ننصح به
المـادة: مهارات الإتصال اللغوية التاريخ: 2006-04-05
الطالب: miss-smarty رقم التقييم: 3136

الحمدالله إني لقيت هالموقع إللي أقدر أعبر فيه عن مشاعري والقهر إللي بقلبي لمن خذيت المادة عنده...
أولا : ما أقول إلا حسبي الله ونعم الوكيل على الدكتور
ثانيا مسؤولة قسم فيم مدرسك :نرجو عدم الدعاء على أحد !!)
الدكتور ما أنصح فيه وأقولها من كل قلبي


الطالبة المقهووووووووووووووووووووووره

- النجوم:
- المستوى: سهل جدا
- الشرح: شرح جيد جدا
- حصلت على: B
ننصح به
المـادة: تدريبات لغوية التاريخ: 2006-04-03
الطالب: مشاري رقم التقييم: 3075

دكتور محاضرته ممله جدا جدا
امتحاناته (ماي) و صوته ينرفز و يبط الراس
ييب معاك بندول حق المحاضرة
و ما يمدحه إلا اللي ماخذ Aعنده

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تدريبات لغوية التاريخ: 2006-03-20
الطالب: مي رقم التقييم: 2883

حرااااااااام عليييكم
خوووش دكتور اينن

- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات اتصال لغوية التاريخ: 2006-02-22
الطالب: Ta2alufiya رقم التقييم: 2555

هالدكتور محاضرته قمه بالملل والملاقه يعطيك احساس انك تبي تنتحر من محاضرته وتضطر تقص p: ووايد يطلع بره الموضوع ووايد يدش عرض بنصايحه الاسلاميه وصوته مزعج ووايد يفرق بين الطلبه لدرجه ان الشطار والفلته يخليهم يرتزون جدامه ومايقوم بالمشاركه الا غيرهم ببعض الاحيان وامتحاناته صعبه و على فكره اهوه قايلنا لا تذمون فيني عند الطلبه مو زين والله ياخذ حقي من اللي يذمني .. واغلبيه الشعبه اطلعوا من المقرر ماخذين D

- النجوم:
- المستوى: متوسط الصعوبة
- الشرح: شرح ضعيف
- حصلت على: D
لا ننصح به
المـادة: مهــارات لغــويه التاريخ: 2006-02-11
الطالب: الـكـايـده رقم التقييم: 2332

دكتــــــــور يمـــلل الواحــد بالمــاده

مــــايعــرف يشــــرح ..

ولا شــرح مايعطينـا فكـره عــن اللـي بندرســه

يعنــي لا عنــوان ولا شــي

يـــدش سيــده بالموضــوع !!

مــــا يســاعد بالدرجـات

وحيـــل يدقق على الحضــور

وعلى طــول يحضــر ((مـاعمره غــاب))
مايخلي لأحد فرصه انه يتنفس شـوي

امتحاناتـه مــاشـي حالـها
لاهي صعبه ولا سهلـه




- النجوم:
- المستوى: متوسط الصعوبة
- الشرح: شرح متوسط
- حصلت على: C
لا ننصح به
المـادة: تدريبات لغوية التاريخ: 2006-02-10
الطالب: YassaFy رقم التقييم: 2308

كله معصب !!!

- النجوم:
- المستوى: صعب جدا
- الشرح: شرح ضعيف
- حصلت على: F
لا ننصح به
المـادة: تدريبات التاريخ: 2006-02-01
الطالب: Friction رقم التقييم: 2200

Dr momel le ab3ad el 7edood yekarreh el wa7ed bel madda o emte7anata 9a3baaaaaa
ana ma 6awalt el sekka m3ah a5atht FA eb karamty gabel la a5eth F min emte7anata

- النجوم:
- المستوى: صعب
- الشرح: شرح غير مفهوم
- حصلت على: D
لا ننصح به
المـادة: مهارات الاتصال101 التاريخ: 2006-01-26
الطالب: عناابة رقم التقييم: 2132

دكتووووووور سخيييييف ... و كله يطلع بره الموضووووع
و يكره الواحد بعييشته .. و آنا طلعت عنده ب D

- النجوم:
- المستوى: صعب
- الشرح: شرح جيد جدا
- حصلت على: A
ننصح به
المـادة: مهارات الاتصال اللغويه 101 التاريخ: 2006-01-25
الطالب: HerculeS رقم التقييم: 2124

الدكتور عدنان غزال محترم جدا وشرحه منظم ورائع ( يكفي ويزيد ) والاختبارات ماتطلع من النوت الا انها صعبه نوعا ما
بالمقارنه بالفاينل
يسجل الحضور اول المحاضره
يحترم الطالب ويقدره وكريم مع الي يشارك معاه وانا من الطلاب الي تشارك وهالدكتور اذا حفظ اسمك يزيدك
وهذا ماحصل معاي والله ماقصر زادني يمكن ثلاث درجات أو أكثر
المشكلة الوحيده إنك تحس بالملل آخر المحاضرة
وصدقوني إلي يشارك معاه راح ياخذ درجة مايتوقعها
والله على ما أقول شهيد

- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: تدريبات لغوية التاريخ: 2006-01-16
الطالب: مستقلاويه رقم التقييم: 2025

لا ننصح به

- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: مهارات الاتصال 101 التاريخ: 2005-12-28
الطالب: q8_italy رقم التقييم: 1795

دكتووور مليييق وثقيييل ما يعرف يشرح يقرق على الفاضي امتحاناته تعجيزيه و وايد مغتر بنفسه

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: تدريبات لغوية التاريخ: 2005-07-03
الطالب: فرس الليل رقم التقييم: 290

دكتور خلوق مراعي لظروف والأداب والأخلاق الحميدة يغطي المقرر وزيادة وامتحاناته زينه وما تطلع من اللي أخذناه وينوع بالمحاضرة بالقصص والقضايا ويناقش ..إلا شوي تحس بالملل بأخر المحاضرة والله على ما أقول شهيد

- النجوم:
- المستوى: صعب
- الشرح: شرح غير مفهوم
- حصلت على: F
لا ننصح به
المـادة: تدريبات لغويه التاريخ: 2005-06-26
الطالب: Al3lMia_86 رقم التقييم: 217

بصراحه انسان ما يعرف يشرح بالمررررررررره

يعني اللي ما يعرف نحو وايد مستحيل ينجع عنده !!



- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: قراءات ونصوص ادبية التاريخ: 2005-06-17
الطالب: رقم التقييم: 34

لا توجد ملاحظات

 

[يمه فديتني]

عيونك اخر >>> حياتي امانه اذا بتسحبيتها صحه نفسيه انا ابيها دزيلي عالخاص

 

[سفيرة المستوى الراقي]

بنات ولا عليكم امر مهارات اتصال جم رقمها ؟​

0310101

 

[المـــــها]

بنااااااااااااااااااااااااااااااااااات


جيكوا على قناة الراي


شوفوا الدكتور اللي مع الشيخ العوضي
عندنا بالتربية

عرفتوه ؟؟
منو ماخذة عنده

 

[آخـر إْلـعنقود]

سفيره المستوى الراقي
لا خلا ولاعدم ​

 

[نجمه الحالمه]

بنات جم رقم صحه نفسيه
مجتمع الخليج العربي

 

[آخـر إْلـعنقود]

المها
هذا صبري الدمرداش
حضرت له محاضره رفيجتي ماخذه عنده ​

 

[نجمه الحالمه]

بنااااااااااااااااااااااااااااااااااات


جيكوا على قناة الراي


شوفوا الدكتور اللي مع الشيخ العوضي
عندنا بالتربية

عرفتوه ؟؟
منو ماخذة عنده

اسمه صبري الدمرداش وعنده برامج بالاذاعه وكل سنه اييبه العوضي فعلا كلامه حيييل حلو وعلمي
كنت باخذ عنده بس البنات قالولي ان امتحاناته مقاليه وشرحه ممتتتتتتتتتتع وااااايد

 

[سفيرة المستوى الراقي]

....................