تجمع لمستجدات وطالبات كليه التربيه _ جامعه الكويت ..

[soseta]

بنات يعطيكم العافيه شلووونكم انشاء الله تمااام


الله يوفقكم كلكم انشالله وكل وحده تخصص حسب الللي تبيه يااااااارب


ميرسي بنت الاجواد طمنتينا على المقابله كنا متخرعين منها


وحبيت اسالكم شرايكم بالدكتووور ايان بود يدرس تمهيدي انجلش؟؟؟؟؟


ميرسي للمره المليوون على هالتجمع الرائع اللي فتحت مجاله اختنا العســــــــل سوسيتا........

ولو حبيبتي ماسويت شي , انتوا بنات كليتي ولازم نسويلنا تجمعات نفيد فيها بعض ..
واعيد للمره الثانيه اي سؤال يخص تقييم الدكاتره ويكون الدكتور مرتبط بكليه التربيه , تقدرون تسالون عنه بموضوع تقييم الدكاتره كليه التربيه ..

وموفقين يارب ..

 

[hawraa]

هلووو

انا منقبله اداب بس ناويه احول لكم انشالله ^_-

 

[soseta]

ان شاءالله ياحبيبتي , بس انتي شدي حيلج بأول كورس وثاني كورس عشان المعدل وحاولي تاخذين مواد مشتركه وان شاءالله تحولين ومايضيع عليج شي ..

وموفقه يارب ..

 

[بنت الاجواد]

الحمدالله طلع القبووول اليوم و كلولولولولوووووش صرت رياض اطفال و اخيييرا

اي انا اكبر وحده فيكم يالله كلكم طيعوني هههههههههه

 

[«منتهى الرقه»]

هااااااااااااااااااااااي بنات وانا مستجده بالتربيه وبسجل وياكم
والله ماشالله ياكثر بنات التربيه بهالمنتدى

 

[بنت الاجواد]

هلا والله مووكا حياج يا قلبي بين خواتج

اي ماشالله احنا واجد الله يكثرنااا يا رب

بس وينكم بنات ما تشاركون

 

[«منتهى الرقه»]

هلا فيج يابنت الاجواد
اي والله بناات وينكم نبي نسووولف <<<<<< ياحبها حق السوالف
لووووووووول

 

[soseta]

ويييييه انا كتبت رد اشطوله ارحب بموكا وابارك حق بنت الاجواد بس ماوصل ..

بس بغيت اسال البنات المستجدات , متى المقابله الشخصيه وشلون الطريقه ؟؟
ياريت تفيدون البنات اللي مو عارفين ..

وعندي سؤال ثاني متى نداوم شهر 9 والا عشره انا ضايعه ؟؟

 

[miss cute]

صبااااااحكم الورد .. :eh_s(17): :eh_s(17):


انا بعد ويااكم .. أبلة كيوت :eh_s(22):


تخصصي إنجلش ..


أي سؤال عن التربية أو الإنجلش انا حاضرة .. خبرة 3 سنين

 

[«منتهى الرقه»]

اي والله انا بعد مستجده وودي اعرف جواب الاسئله بللللللييز
بس اللي انا اعرفه ان الدوامات بشهر 10
بس المدارس شهر 9

 

[miss cute]

سوسيتا .. لا حبيبتي دواامنا بعد العيد إن شاء الله .. 5/10 :eh_s(9):

 

[«منتهى الرقه»]

صباحج عسل يا ابله كيووت
اممممممممم لا الحين مافي اسئله ان شالله اذا لقيت بقولج

 

[بنت الاجواد]

انا سمعت ان المقابله الشخصيه 25 و 26 - 9

بس تأكدو اكثر

 

[بنت الاجواد]

والله اشتقت للجامعه و للكليه

العطله ملل والله مليت من الروتين

يالله انشالله يمر الشهر بسرعه و ندااوم

والله يعين يفتح السستم 1-9 الله يعيينا على تسجيل المواد

انا مووو مسجله ولا شي

 

[«منتهى الرقه»]

انا سمعت المقابله اول الايام بس مو متاكده

 

[miss cute]

المقابلة أتوقع تبتدي من ثاني يوم دوام ..


أتذكر رحت للتوجيه و الارشاد و خذيت لي موعد ..


كنت خاااااايفه حددددي لأني خجولة .. و مادري شلون بقابل الدكاترة <<< حسبالي استجواب هههههههههههه



بس طلعت المقابله سهالات و الدكاترة حبووووبين سألوني أسئلة عامه ..

و أذكر من ضمن الأسألة .. سألوني منو وزير التربية ؟


قلت مااااااااااادري


لااااا و خايفة ما يقبلوني على هالجواب ههههههههههه .. <<<<<< صج على نياتي


و احاااااتي و أسأل متى نتايج القبول .. ؟! :eh_s(1):

وهم يضحكون علي يقولون إذا دزينا لج مسج يعني ما انقبلتي ..


حبيبتي لا تحاتين و لا شيء تقريباً 99.9% ينجحون بالمقابلة ..


بس إلا اللي لا سمح الله غير لائق صحياً ..

 

[cherry kisses]

واي مشتاقه حق الدوااااااااااااااااااااااااام

 

[cherry kisses]

بنات مستجدات التربيه اي سؤال اي استفسار اي مساعده ترا انا حااااااااااااضره


والمقابله لا تحااااتونها سهاااااااااااااااااااااااااالات ولا تخافون ماراح يطوفكم شي الكليه علطول على الطوف اعلانات انتوا حطوا بالكم على الاعلانات الي تنحط وانشالله مايطوفكم شي

والمقابله والله راح تضحكوووووووووووون

انا سالوني اسمج مسمييينه على منو

قلت لهم يدتي:dddds:

وبس

 

[عاشقة الشهادة]

ماشاء الله فرصة مميزة
ويسرنا انه نشارك وننضم معاكم

 

[soseta]

مشكورين بنات على الجواب وزين رمضان مرتاحين بالبيت ..
وضحكتوني على كلامكم اللي على المقابله هههههههههههه انا اذكر دكتوره اللي اسالتني كانت حليوه مااعرف اسمها , اشوه ان مو ريال اللي سألني والله جان قعدت اقطع بالكلامي ههههههههه ..