تجمع لمستجدات وطالبات كليه التربيه _ جامعه الكويت ..

[JaDeL]

لا التخصصات العلميه بالتربية بالعربي شكو بالانجليزي؟

 

[miss cute]

miss cute
انا ما احب العربي لاني ما اعرف بالقواعد انا احب الرياضيات والاحياء بس خايفه من الانجليزي

7

7

7

كااااا هذي جادل ردت عليج ..
خلاص تخصصي رياضيات و لا أحياء بس تأكدي بنفسج بالأول من التوجيه و الإرشاد

إيه و صج انا أدبي بس خذيت مادة مدخل أحياء (إختياري) عند د.وسمية الحوطي كانت المادة بالعربي :ggdw:

لا التخصصات العلميه بالتربية بالعربي شكو بالانجليزي؟

 

[Human]

السلام عليكم ورحمة الله وبركااته ^^

كيفكم بنات إن شاء الله بخير ^^

بغيت اقول حق اللي تسأل عن التخصصات العلمية .. إن موادها تكون بكلية العلوم وكلها بالانجليزي .. وأنا بالتربية تخصصي كيمياء مساند فيزياء متوسط / ثانوي ..

بس الابتدائي مادري عنه ^^"

 

[عيونك اخر آمآلي]

بنـات بليـــــز بسألكم يصير إذا تخصصت رياض أطفال >> أصير مدرسه حياتيه بالابتدائي ؟؟؟

انا سامعه عن هالطريقه بس قايلين لي مو أكيد تصيرين ...

 

[soseta]

لطوفي مدرسه تربيه حياتيه !!
اول مره اسمع ..

 

[عيونك اخر آمآلي]

اي soseta بس أكيد واسطه صح؟

 

[$$ صعبة الوصوف $$]

لطوفي تخصصي تربيه حياتيه .. جنه سمعت عن هالتخصص .. واذا ماعجبج بالوظيفه تقدرين تحولين روضــه ..

اما العكس ماتوقع يصير ..

 

[soseta]

اتوقع مثل ماقالت صعبه ..


بنااات انا ضايعه مو عارفه اكتب المقاللله ..
مافيه طريقه معينه امشي فيها بكل المقالات ..؟؟

نفس الانجليزي اذكر كانوا يعطونا طريقه معينه نمشي فيها بكل المقالات ..

 

[miss cute]

هوووووووباااااااااا ..


ليش الموضوع راد الصفحه الثانية ^^

 

[SeNyOrA Q8eYa]

السلام عليكم ورحمة الله وبركاته ،،

حبيباتي كويتيات ،،

انا حاليا بكليه طب مساعد سنه ثانيه وابي احول تربيه بإذن الله ،،

بس مادري يعني هل ارفع معدلي هالكورس وأحول؟

وإلا اسحب اوراقي واقدم عالكورس الياي وكأني مستجده ؟؟؟؟؟

ماابي اماطل بالجامعه وااايد

شرايكم شنو تنصحوني؟

 

[SeNyOrA Q8eYa]

لا التخصصات العلميه بالتربية بالعربي شكو بالانجليزي؟

جدول بالانجليزي كان معاي بنات اول تخصصات علميه من التربيه يدرسون المواد بالانجليزي بالعلوم :eh_s(6):

 

[أم حمد =)]

اي صح بالانجليزي ..

لانهم يروحون ياخذون موادهم بالعلوم .. والعلوم كله بالانجليزي ..







=)

 

[ع ــندك / خ ــبر]

بنـات بليـــــز بسألكم يصير إذا تخصصت رياض أطفال >> أصير مدرسه حياتيه بالابتدائي ؟؟؟

انا سامعه عن هالطريقه بس قايلين لي مو أكيد تصيرين ...

لا مايصير سألت قبلج

لأني مابي خلاص تخصصي ..

لا هو ولا مدرسة حاسوب

وياعمري شلج بالشقا وربي تبجين مثلي الحين

 

[عيونك اخر آمآلي]

عندك خبر والله انا ودي بهالتخصص عشان انه سهله دراسته ووظيفته حلوووة أول من يعطل اهما ..

بس يقولون لي طول الوقت تكونين عند الاطفال >>> أحس إزعاااااااج حيييييل وعفســــه وانا بصراحه بالي مو طويل حيل

مادري والله للحين محتاره بشنووو أتخصص >> الاجتماعيات حلووو بس مساند

واللـــــــــه دخت

 

[miss cute]

لا مايصير سألت قبلج

لأني مابي خلاص تخصصي ..

لا هو ولا مدرسة حاسوب

وياعمري شلج بالشقا وربي تبجين مثلي الحين

لي هالدرجة تخصص رياض أطفال صعب !!


عاااااد نص بنات التربية رياض أطفال و النص الثاني عربي <<< كل اللي معدلهم ضعيف ينقبلون إجباري عربي

و البنااااات حااسدينكم لان تخصصكم سهل

و ما شاء الله اللهم لا حسد نصكم متفوقين :eh_s(15):

 

[عيونك اخر آمآلي]

صعبه الوصوف >>> أي تخصص اللي يكون تربيه حياتيه ؟؟؟؟؟

 

[JaDeL]

زين بنات واذا ابتدائي رياضيات وعلوم هم بالانجليزي ولا شلون بنات مابي انجليزي مليت:/

 

[ع ــندك / خ ــبر]

لي هالدرجة تخصص رياض أطفال صعب !!


عاااااد نص بنات التربية رياض أطفال و النص الثاني عربي <<< كل اللي معدلهم ضعيف ينقبلون إجباري عربي

و البنااااات حااسدينكم لان تخصصكم سهل

و ما شاء الله اللهم لا حسد نصكم متفوقين :eh_s(15):

مو صعب .. تهبل دراسته بس روحي اشتغلي

انا الحين دشيت بالعميق .. موادي هالكوورس

كله ميداني ورووحات ياربي .. لوووعه

الابله خابه عمرها بالمطامر والمناقز جنها ارقوووز

وغير هذا مقطعه عمرها بالوسائل عشان بس تسد حلج الناظره والمشرفة

 

[ع ــندك / خ ــبر]

زين بنات واذا ابتدائي رياضيات وعلوم هم بالانجليزي ولا شلون بنات مابي انجليزي مليت:/

شوفي الرياضيات انجليزي

بس الفيزياء والكيمياء وجم مادة لا ^_^

 

[JaDeL]

زين طمنتيني