تجمع لمعلمات الميداني ، تعالو نتبادل ونتشارك بالافكار وكل ماايهمنا ويخصنا..

[هيللو كيتي]

الخشف ماااتقصرين يالغاليه كلج خير وووبركة ..
والله يتمم عليج نشاطج ويحفظج من كل شر

بشري شصار ع تعيينج ؟؟ توظفتي !

 

[#الخشف#]

اي الحمدلله الحين ماخذه دورة المعلمات الجدد واباشر الوظيفه يوم الاربعاء الجاي...

 

[أم نوف الشمري]

اي الحمدلله الحين ماخذه دورة المعلمات الجدد واباشر الوظيفه يوم الاربعاء الجاي...

الخششششف ألف مبرورووووكك التخرج حبيبتي والله يوفقج في وظيفتج
حبيبببتي الله جاااابج :eh_s(16):
انا هالكورس ميداني اسلامية متوسط
يليت لو تفيدنا بافكارج او تحاضيرج او نشاطاتج بكووووون لج شاكرررررررره وبدعيلللللج

طالبين مني افكار جديده ونشاطات وحدي متوهقه :eh_s(2):


بليززززززززززز لا تبخلييين علينا :eh_s(22):

 

[هيللو كيتي]

الخشف>>> الحمدالله يارب عالوظيفه والله يعطيج خيرررها ان شاءلله..

.............

ام نووف حيااج حبيبتي بيناا وان شاءلله تفيدني وافيدج ..
انا بعد اسلاميه بس اكيد ابتدائي ان شاءلله ..

 

[بنت الكويت90]

مساااااااااااااء الخير ابلاااااااااااااات







شلونكم؟

 

[هيللو كيتي]

يا هلااا بآبلتنا شلونج..

احس مممماااا يلوق لي كلمة ابله 

اليوم خالتي فديتها قاعد تعطيني افكار للوسائل ونصايح..
عاد قالت لي اهم شي ان الموجهين وشلتهم يحبون ان تكون وسائلج شي غيررر مكلف ماديا ..
تقول الحين بكل كرتون او علبه فكرري شنو ممكن تبدعين فيها وتستخدمينها وسيله..
لان يحبون ابداعات ايدج..

 

[ام اللقافه]

بنات انا اتخيل لو طالبه تقولي أبله بتيني الضحكه
مادري ليش احس بضحك على روحي هههههه
آل ابله آل هههههههههههه

 

[بنت الكويت90]

انا الحمدلله اختي ابلة عربي مثلي


واقدر استفيد من افكارها واسسوي مثل وسااائلها لان مخي مقفل ماكو ابداااع كلش هههه


والحمدلله ماشاءالله اختي ممتاازه بهالسوالف واهي منطقتها غيييير عنا ويعني بسرق منهاا افكارهاا ودفتر تحضيرها


اقولها ياااارب يعطوني ثاني وثالث مثلج تقول ليش؟ قلت عشان اخذ واحد منهم


تقول ماشاءالله بوق اشكره انا اتعب وانتي تاخذين بارده مبردهه


بس انا بطبع تحضيرها واخذه لي لامن شاف ولا من درى خخخخخخخخ

 

[بنت الكويت90]

ام اللقافه انا اذا صارخت عليهم او اسكتهم بفطس ضحك احس اني ملكه ونااسه لاني مومتعوده


وانا اكتب ميته ضحك احس مو لايق


بس بحاول اني اضحك الحين عشان اذا سكتهم اكون متعوده عالوضع هههههههههههههههههههههههههههههههههه

 

[بنت الكويت90]

ام اللقافه انتي باي محافضه سجلتي؟


انا بمبارك الكبير عاد مادري عنهم الله يستر

 

[هيللو كيتي]

اناا اصلا اخااف ينادوني ابله وماآرد عليهم ، 

رحت مرة سويت استبانه علي بنات متوسط اقول السلام عليكم محد يررد صوتي مايسمعونه ، وقاعد اتدرب الحين اني اعلي صووتي..

اي ززين بنت الكويت عندج اللي يفيدج ومسكيينه اختج 
انا بقول لرفيجتي تعطيني تحضيرها لانها الكورس اللي فات ميداني كانت ..

 

[#الخشف#]

ام نوف الشمري هلا فيج حبيبتي...

اول شي نصيحتي لج ولكل معلمات التربيه العمليه..كوني مبادره بمعنى انه لو طلب احد من المدرسات مساعده ساعديه لاكن موبشخصيه مهزوزه ...يعني خلي يكون لج قدر عند الكل...

رئيسة القسم احرصي على اقامة العلاقه الطييه معاها واحتسبيها مثل اختج الكبيره يعني لو انتقدتج على شغله معينه لاتزعلين لانها تبي مصلحتج وحتى لو كنتي تشوفين انتقادها في غير محله حاولي تبينين لها وجهة نظرج بلطاااافه وباحتراااام كااامل لوجهة نظرها لانها بتظل هي الاكثر خبره...


الطالبات وما ادراك مالطالباااااااات...

عليج بالحزززم ثم الحززززم ثم الحزززززم...
الحين فرصتكم محد مداوم من الطالبات فبالكم وذهنكم صاافي ..اقعدي مع نفسج وحطي كل القوانين اللي تبين تطبقينها عالطالبات مثلا:الطالبه اللي تنسى دفترها لاول مره توقف عشر دقايق وثاني مره تنقص وتوقف...
واحرصي انه العقاب يكون بالتدرج عشان تعطينهم فرصه يتسنعون..

القوانين اكتبيها بورقه وصوريها على عدد طالباتج ووزعيها عليهم اول حصه وخليهم يلزقونها باول صفحه بالكتاب واذا غلطت البنت قوليلها افتحي الورقه وانتي قوليلي شاتصرف معاج..
اياااااكم اياااااكم والتهاون في القوانين وهالكلام طبعا موجه لمعلمات المتوسط لان الابتدائي ماعندي فيه خبره..

 

[هيللو كيتي]

بناااااات بسألكم

الحين نداوم حلقة بحث من هالاسبوع ولا ليما نداوم بالميداني ان شاءلله. ،،؟؟؟

........
الخشف>> مشكووورة علا النصايح بعد عمررري ..
وقاعد تفيدنا وتنورينا تسلمين،،

 

[#الخشف#]

نجي حق ام نوف الشمري ولمعلمات التربيه الاسلاميه للمرحله المتوسطه ....
الاحلى في مادة التربية الاسلاميه انها ماده مرتبطه بحياة الطالب وعشان تنجحين فيها

اولا اخلصي عملج لله راح تلقين التيسير في امورج ..

ثانيا احرصي على الاطلاع ...

واذا شفتيلج اي فكره حلوه وعجبتج في مكان خارج المدرسه على طول صوريها..
بقولكم سر خطييير من اسراري

دايما اروح لكلية الشريعه واصور ابداعات طالبات جمعية الشريعه صراحه لا اله الا الله عليهم ابدااااااااع تبارك الرحمن وطبقت فكره من افكارهم عجبت المدرسات وان شاء الله راح انزل الصور من فلاشي..

طبقي مع طالباتج اساليب وطرق التعليم المختلفه..

مثل التعلم باللعب والتعلم بمحاكاة الواقع..مثاال كان عندي درس عن فقه الصيام لصف ثامن قبل لاتبدي حصتهم رحت للمصلى وكنت جايبه معاي اغراضي حطيت 6 سفر اللي ينحط عليها الاكل ووزعت عليها صحون بلاستيك وحطيت فيهم سمبوسه وصحن ثاني للتمر ووزعت ماي صحه ..والسفره اللي بالنص نفس الاغراض بس زدت قهوه وشاي وكانت هذي السفره لرئيسة القسم وعزمت الناظره بعد...وشغلت صوت الاذان لما دشوا الطالبات استاااانسوا حيل غيرت عليهم قعدت الصف ومع هذا ماكلف علي الا بحدود الخمس دنانير ولما مرت ابله من عندنا تقول لو موالوقت صبح والا عبالي انه عندكم افطار صائم...


طبقي التعليم التعاوني قسمي الصف الى مجموعات وكل مجموعه تنقسم لرائده وكاتبه وباحثه وقارئه ومتحدثه ووزعي المهام على المجموعات وفي فكره حلوه تضيفينها لهم اللي هي المفرقعه وتجيبين بالونات ولما تسالين سؤال اول طالبه من المفرقعات تبط،البالون اهي المجوعه اللي راح تجاوب وللامانه هذي الفكره من زميلتي معلمة ميداني سابقه..


صديقج الصدوق في فترة الميداني هو الاستاذ يوتيوب راح تحتاجين له في اكثر الدروس في فيديوات حييييل تخدم الدرس وتشووق الطالبات وتريحج انتي بعد..بدال ماتشرحين نقطه بعشر دقايق الفيديو بيختصرها لج بدقيقتين.


تقاويمج خليها العاب...مثلا تقومين طالبه وتورينها الاجابه مكتوبه بورقه وبعدها تسالين سؤال والاجابه راح توظحها الطالبه بدون ماتكلم...هذا لعبة بدون صوت..

اشتريلج كوره اللي اذا طقيتيها بالارض تطلع الوان واسالي سؤال البنت اللي تطفي عندها الكوره هي اللي راح تجاوب..

اممممم افكار واجد براسي بس تعبت من الكتابه لي عوووده مره ثانيه...

 

[#الخشف#]

تسلمين هيللوا كيتي ...الدوام علا حسب الدكتور...انا داومت دكتورتي من اول يوم بالكورس...

 

[هيللو كيتي]

تسللم ايددينج والله يعطططيج الف عاافيه ويارب يوفقج ووين مارحتي يالخشف ..

 

[ام حديجان]

بنات عطونا افكار وسائل حق الابتدائي

الخشف يعطيج العافية خوش. نصايح ..

 

[بنت الكويت90]

مسااااااااء الخيييييييييير





انا عن نفسي للحين ماافكرت بشي لاهيه بتسجيل ماده ابيها وماتبطلتلي تخيلو اخر مااده ومومفتووحه ان شالله القاها بالسجيل الجااي

واحس مخي مقفل نسيت الميداني


يعطيييييييج العافيه الخششف على النصاايح والافكار عجبتني

وانا تخصصي عربي ابتدائي يعني لاااااااااازم وساااائل وافكار والوان عشان ينتبهون الطلبه مايصلح كتابه بالسبوره كلش انا مابي اكتب عليها ناويه اجيب لوحات بالوان فاتحه تشد انتباهم واسوي لوحات عن كل درس اعلقهم بالسبوره

لانهم صغار والماده صعبه عليهم حرام كله كتابه بالسبوره احس ماراح يفهمون

 

[هيللو كيتي]

ام حديجان..
انا حددي مخي مقفل للحين مادري شسوي
بس في موضوع مثبت في افكار حلوة للوسائل شووفيه يمكن يفيدج..

بنت الگويت..
ان شاءلله يبطلووون لج المادة اللي تبنها وراجعي القسم والتسجيل ولااازم يبطلونها لاتسكتين ..

 

[ام اللقافه]

ام اللقافه انا اذا صارخت عليهم او اسكتهم بفطس ضحك احس اني ملكه ونااسه لاني مومتعوده


وانا اكتب ميته ضحك احس مو لايق


بس بحاول اني اضحك الحين عشان اذا سكتهم اكون متعوده عالوضع هههههههههههههههههههههههههههههههههه

ههههههههههههههههههههههههه
سكتي عيل انا من الحين اتدرب عالزف
و ادرب روحي شلون اخز و ابقق عيني
لا تشوووفيني فللللم
هههههههههههههههههههههههه :krkrkr::krkrkr: