تجمع ماليزيا صيف 2013

[زهور المحبة]

بنات سمعت عن محلين أطفال هناك بضاعتهم تعتبر ماركه وحيييل حلوين ويصلحون للأعياد والمناسبات

ماتدرون شسمهم وبأي مجمع

 

[al_3needa]

كوكاكولا تسلمين فديتج ماقصرتي

والله يحفظكم ويسهل دربكم

 

[C O L O R Z]

بنات حبيباااااااااااتي شلونكم؟؟؟

اكلمكم من شاطيء باتو فيرينجي في بينانج

رحت سيلانجور ولانكاوي والحين اول يوم في بينانج
والحمدلله

سامحوني ماقدرت اتواصل معاكم والسبة اللوية ونت الفنادق بطيء

الحين شريتلي كرت وحطيت فيه خدمة انترنت 15 يوم
خذيت خط ديجي
بس راعي تاكسي قال ان اخط شركة لونها ازرق وايد افضل في كل ماليزيا
بس نسيت اسمها



تينن ماليزيا تهببببببل

امس واليوم لانكاوي وبيننج مطططططططررررررر لاقوة الا بالله
تينن اجواء المطر



بنات الحمدلله ربي رزقنا بسايق تاكسي تبع شركة في جزيرة لانكاوي
الميزة الي فيه انه انسان محترم جداً ومتعود يسوي رحلات جولة على قولتهم
والاهم انه يتحدث اللغة العربية و واللهجة السعودية احيانا
وبالضبط يشرح كأنه دليل سياحي هههه هذا الحلو فيه
وعادي تسأله سؤال عن المكان يعطيك معلومات عنه ويشرحلك بهدوء
يعني يسولف عادي .. مو لجة ولوية ولاصخة حدة مثل باجي التكاسي

الي حابة تاخذ رقمه ترسل لي عالخاص


لي معاكم لقاء اخر ان شاء الله

 

[رومولا الن]

بنات حبيباااااااااااتي شلونكم؟؟؟

اكلمكم من شاطيء باتو فيرينجي في بينانج

رحت سيلانجور ولانكاوي والحين اول يوم في بينانج
والحمدلله

سامحوني ماقدرت اتواصل معاكم والسبة اللوية ونت الفنادق بطيء

الحين شريتلي كرت وحطيت فيه خدمة انترنت 15 يوم
خذيت خط ديجي
بس راعي تاكسي قال ان اخط شركة لونها ازرق وايد افضل في كل ماليزيا
بس نسيت اسمها



تينن ماليزيا تهببببببل

امس واليوم لانكاوي وبيننج مطططططططررررررر لاقوة الا بالله
تينن اجواء المطر



بنات الحمدلله ربي رزقنا بسايق تاكسي تبع شركة في جزيرة لانكاوي
الميزة الي فيه انه انسان محترم جداً ومتعود يسوي رحلات جولة على قولتهم
والاهم انه يتحدث اللغة العربية و واللهجة السعودية احيانا
وبالضبط يشرح كأنه دليل سياحي هههه هذا الحلو فيه
وعادي تسأله سؤال عن المكان يعطيك معلومات عنه ويشرحلك بهدوء
يعني يسولف عادي .. مو لجة ولوية ولاصخة حدة مثل باجي التكاسي

الي حابة تاخذ رقمه ترسل لي عالخاص


لي معاكم لقاء اخر ان شاء الله

الحمدالله على سلامتج

بغيت اسئلج شنو الفندق الي حاجزه فيه ببينانغ ولانكاوي

واشلون نظافته لاني محتاره بالفندق

اشلون جو ماليزيا بالجزر خوفوني منها قالوو حيل رطوبه

 

[al_3needa]

عليج بالعافيه كلور

 

[C O L O R Z]

الحمدالله على سلامتج

بغيت اسئلج شنو الفندق الي حاجزه فيه ببينانغ ولانكاوي

واشلون نظافته لاني محتاره بالفندق

اشلون جو ماليزيا بالجزر خوفوني منها قالوو حيل رطوبه

هلا والله
الجو صح رطوبة .. بس انا خرعوني انها حر حيل
والي شفته لما رحت الحين انها ساعات انحس بالحر وساعات مانحس فيه
اذا طالعه الشمس حر .. وودي ارد الفندق
واذا غطتها الغيوم صار الجو رووووووووعة .. واقول بكمل ماني رادة الفندق
ههههههههه:krkrkr:
وساعات يطق مطر فجأة وقوي قوي وساعات رذراذ
يعني جوها يشوق صج استوائي
شمس وغيم ورطوبة ومطر .. كلساع شكل


الفنادق الله يسلمج ..

بلنجاوي : سكنت بفندق ويستن
ويستن فندق معروف وماعليه خلاف من كل النواحي موبس النظافة:eh_s(15):
سكنت بالغرف المجددة لاني حجزت هالغرفة عرض من الفندق انها بالغرف المجددة
ورحت يوم واحد انتظار بالغرف القديمة هم حلوة وكانت تطل على وسط الفندق من ممرات وشلالات صغار وتطل على البحر من بعيد طبعا ..
بس في بعض الملاحظات
انهم اول ماوصلنا ماسلمونا الغرفة الا بعد ساعتين بالضبط متحججين بالزحمة لان صج كان ويك اند عندهم

المهم بالجيك اوت طلبت منهم يتأخرون بطلعتنا كتعويض
وافقوا بس الانتظار يكون بغرفة ثانية .. مومشكلة عندي:eh_s(15):

الشغلة الثانية الي ماحبيتها .. وايد فيه اجانب والمسبح تسدح :eh_s(14):
ماحبيت هالشي مع انه موجود بكل المسابح


فندقنا ببيننج : الهوليدي ان
حلو .. وهم الغرف نظيفة لانها مجددة لاني حاجزة بالبرج مجدد موبالمبنى الرئيسي
شكله حلو مع اني ليلحين ماستكشفته عدل ولارحنا حمام السباحة بعد
والحلو بعد ان بس تطلعين من فندقا تدخلين بسوق الليل على طووووول :ggdw:

الشي الي ماحبيته بالفندق اهو ان الفوط ماعجبتني ريحتهم
والشي الثاني اهو ان حيل حيل لوية ويهااال صوب المسبح والشاطيء والريوق:eh_s(4):
واتوقع ان هذا طابع بينانج عموما مو بس بفندقنا
(لان لنجاوي اهدا من بينانج)

جو الطقس في بينانج نفس لانجاوي تقريبا .. مافرق علي شي.. شمس ومطر ورطوبة وغيم

تقرير سريع سريع هههه اتمنى اكون فدتج

احلى شي بلنكاوي بنات رحلة المانجروف تزووووغ تهبل:eh_s(9):
حييييل حبيتها

 

[رومولا الن]

هلا والله
الجو صح رطوبة .. بس انا خرعوني انها حر حيل
والي شفته لما رحت الحين انها ساعات انحس بالحر وساعات مانحس فيه
اذا طالعه الشمس حر .. وودي ارد الفندق
واذا غطتها الغيوم صار الجو رووووووووعة .. واقول بكمل ماني رادة الفندق
ههههههههه:krkrkr:
وساعات يطق مطر فجأة وقوي قوي وساعات رذراذ
يعني جوها يشوق صج استوائي
شمس وغيم ورطوبة ومطر .. كلساع شكل


الفنادق الله يسلمج ..

بلنجاوي : سكنت بفندق ويستن
ويستن فندق معروف وماعليه خلاف من كل النواحي موبس النظافة:eh_s(15):
سكنت بالغرف المجددة لاني حجزت هالغرفة عرض من الفندق انها بالغرف المجددة
ورحت يوم واحد انتظار بالغرف القديمة هم حلوة وكانت تطل على وسط الفندق من ممرات وشلالات صغار وتطل على البحر من بعيد طبعا ..
بس في بعض الملاحظات
انهم اول ماوصلنا ماسلمونا الغرفة الا بعد ساعتين بالضبط متحججين بالزحمة لان صج كان ويك اند عندهم

المهم بالجيك اوت طلبت منهم يتأخرون بطلعتنا كتعويض
وافقوا بس الانتظار يكون بغرفة ثانية .. مومشكلة عندي:eh_s(15):

الشغلة الثانية الي ماحبيتها .. وايد فيه اجانب والمسبح تسدح :eh_s(14):
ماحبيت هالشي مع انه موجود بكل المسابح


فندقنا ببيننج : الهوليدي ان
حلو .. وهم الغرف نظيفة لانها مجددة لاني حاجزة بالبرج مجدد موبالمبنى الرئيسي
شكله حلو مع اني ليلحين ماستكشفته عدل ولارحنا حمام السباحة بعد
والحلو بعد ان بس تطلعين من فندقا تدخلين بسوق الليل على طووووول :ggdw:

الشي الي ماحبيته بالفندق اهو ان الفوط ماعجبتني ريحتهم
والشي الثاني اهو ان حيل حيل لوية ويهااال صوب المسبح والشاطيء والريوق:eh_s(4):
واتوقع ان هذا طابع بينانج عموما مو بس بفندقنا
(لان لنجاوي اهدا من بينانج)

جو الطقس في بينانج نفس لانجاوي تقريبا .. مافرق علي شي.. شمس ومطر ورطوبة وغيم

تقرير سريع سريع هههه اتمنى اكون فدتج

احلى شي بلنكاوي بنات رحلة المانجروف تزووووغ تهبل:eh_s(9):
حييييل حبيتها

مشكووووره وما قصرتي:eh_s(7):

 

[ام رينـاد]

كولور

قوليلنا عن الاماكن الحلوه ببينانج

والنشاطات اللي. فيها

ماسويت سيرج

 

[C O L O R Z]

كولور

قوليلنا عن الاماكن الحلوه ببينانج

والنشاطات اللي. فيها

ماسويت سيرج

امس رحت حديقة التوابل
يجمعونه مجموعة ويشرح لنا عن نبته نبته
موكل النباتات
وعقب الي حاب يشتري منهم في سوق صغير خاص فيهم كالعاة
انا خذيت منه بهارات حق امي وخالتي احطهم مع الصوغة

ورحت حديقة الفراشات
تراكضين ورا الفراش وتصورين ههههه
حسيت بالمتعة فيها
مع ان اماكنهم ترا كلها اماكن صغيرة وعلى قد حالهم
يعني اغلب الاماكن بالحزر مو اماكن كشخة وهالسوالف ..
بس الي يعرف شلون يونس عمره بيستانس
والناس الطبانه بتقول ويع وملل وماراح يحبونها كلش

رحت حديقة الفواكة
هم مجموعة وشرح لنا على كم شجرة وودونا البوفيه
حطيت لي من كل شي
قلت بصور هههههه
توقعت اني اذوقلي شغلتين بس
وياكله زوجي وولدي عقب
بس تفاجأت اني كلت من كل شي ورحت حطيتلي دور ثاني بعد :eh_s(9):

مرينا الشلالات : حلو التمشي والتصوير فيها

مرينا متحف الالعاب ومصنع الملابس التقليدية
هالاثنين مانصحج فيهم زود
الا اذا حبيتي تمرين عليهم مرور .. اهم عالطريج فمريناهم عن الحسافة

هذيل كلهم مريناهم امس برحلة وحدة
خذينا السيارة من مكتب عالشارع يمنا
الساعه ب30 رينجت
من الساعه 11 الى الساعه 4 وربع عطينا 155 رينجت

وطبعا تحسبين حساب التذاكر والمشتريات

اليوم محتارة ليلحين مادري وين اروح



بنات سوق الليل جناطهم الي شفتهم التقليد تقليدهم حيل مبين
وين القى التقليد الدرجة الاولى الي تحسونه اصلي؟

 

[اعذريني يالهدايا]

رومولان الن


فندق الاكواخ اللي بلنقاوي

اهو فندق برجايا

اهو حلو خاصه الصبح مع المناظر وجذي بس بالليل شوي يخوف خاصه اذا خذيتيه بعيد وداخل الغابه

والعيب اللي فيه نمل لانه وسط الزرع

 

[اعذريني يالهدايا]

سفرتنا ان شاء الله بتاريخ ٨/٢٨ لي ٩/١٢


راح تكون بين

سيلانجور - بيننج - كوالالمبور

منو معااانا

 

[أحلى همبه كويتية]

ثالث يوم بسيلانقور فندق البراميد
الجو حلو وماشاء الله وايد خليجيين

 

[][^lorans^][]

سفرتنا ان شاء الله بتاريخ 8/28 لي 9/12


راح تكون بين

سيلانجور - بيننج - كوالالمبور

منو معااانا

انااااااااااا معاكم بذن الله

 

[مهره بلا خيال]

حبايبي أنا في سلانجور ومب عارفه وين أرووووح قولوا لي لأن بعد باكر الشيك آوت ومارحت شي أوك أنا ساكنه في صن واي لاقون واليوم مطر وصعبه آنزل للمدينة المائيه إلا إذا وقف ورحت البراميد أمس ومطعم اللي كأنه أكواخ مقابل فندقنا وبس وهل سوق الجمله فيه وحلو وألا لا؟!!!

 

[أم سيف وسلطان]

شوقتوني مع اني سايرتلها شهر 2

 

[C O L O R Z]

اليوم رحت السوق للصيني بكوالالمبور

لاعت جبدي..ماحبيته
الي ينادون طريقتهم تعور الراس
وغاااااااالي شدعوة عليهم

في اشياء قارنتها باشياء انا شاريتها من الكويت
حتى عقب المكاسر الي بالكويت ارخص

لي شافونا عرب يطقون باعلى من العالي

استانست عالكستنه الي يبيعونها

اهو صج تغيير جو فيه بس ماحبيته .. ياحلو البورتابيلو سوق السبت بلندن
نفسه اكشاك .. بس فرق الصراحة
عالاقل براااااد ههههههههه

 

[كرزا حمرا]

ماليزيا حلوه وعائلية رحتلها الصيف الي طاف وحبيت بيننق والتسوق العاصمة افضل شي بس ابيخ شي فيها شارع العرب

 

[زهور المحبة]

وين البنات اللي راحوا بالسلامة

نبي تقاريركم اول بأول ��

بنات منتجع افاموسا شكثر قالوا لي مضيعة وقت وما يسوى العنوه
وماله داعي علما ان ولدي معاي عمره ٣ سنين


السؤال الثاني

وين هل لأسواق عن شارع العرب يعني أروح لهم مشي أو بسياره

ستار هيل
بي بي
سوريا

والاكواريوم وين موجوده

 

[C O L O R Z]

الحمدلله
بفضل الله رديت الى احضان حبي الكويت بالسلامة

لي الحين في وضعية المفتر والمنقلب راسي
وجسمي مكسر وحلوووم و و و ههههههه

 

[اعذريني يالهدايا]

الحمدلله
بفضل الله رديت الى احضان حبي الكويت بالسلامة

لي الحين في وضعية المفتر والمنقلب راسي
وجسمي مكسر وحلوووم و و و ههههههه

الحمدلله على السلامه

ميخالف ننطرج ترتاحين :eh_s(15):


احنا سفرتنا اليوم الفير بالسلامه ههههه