تجمع مدرسة أجيال ثنائية اللغه للعام الدراسي 2012 /2013

[حدوتة مصرية]

دى نماذج من يوم الكريزى هات السنة الى فاتت

 

[أدب عربي]

وصلت فكرة الكبابيس

شكرا يا شعلة التجمع حدوته

:eh_s(17):

​

 

[حدوتة مصرية]

العفو أدب عربى
شكرا على ذوقك

 

[العيناء]

انا مو معاكم خااااااالص. يا لهوي على صف A. هذا المفروض يسمونه سجن انفرادي. صف الهلكانين. صف مافيش وقت. مسكين ولدي من يرد من المدرسه. واحنا قاضبين هالاوراق اشي ماث واشي. قراءه. واشي عربي. واشي واشي واشي. لاااااا. بديت اطلع من طوري. والله. مادري عن احد ومتوتره حدي يدوب نصلي ونرد حايسين حوووووسه. واحنا مو متعودين على هالوضع كلش ملش :eh_s(11)::eh_s(11): وهو مسكين بطيء بالكتابه ويفكر وااايد. ويتسدح. ويسولف وماكو وقت الكميه وايد. بس اجعم فيه. عساه يخلص ويالله نخلص. والله العظيم ولدي قام يتأتا. بعد عمري مو لازم A. ماكو وقت للعب. ولا للسوالف ولا للتلفزيون اليوم يقولي اكررره المدرسه. ليلحين مو قادره انام. انطر الصبح بطييييييييير للمدرسه. وافك قيد ولدي :bbbiu: من الاسبوع اللي فات قالوا بينقلونه وليلحين ما نقلوه. الله يسهل امره. ويرزقنا مثل مس فاطمه الحبيبه. *

 

[العيناء]

عاد اعذروني ما اثبت الاسماء بس برد عالامهات الخايفين من السباحه والمرض خلو اليهال يتسبحون ولا تفرقينهم عن اليهال ولا تمنعونهم تصير عندهم عقده تالي. احلى شي السباحه. عندهم والحافظ الله. انا وليدي ماكو مناعه كلش وكنت خايفه عليه. وكان اصلا بمدرسه ثانيه ياخذون سباحه من كي جي 1. لكن المس نصحتني قالت لاتسببين له عقده كل الاطفال يتسبحون والوضع يمر عليهم كلهم. ليش يحس انه غير وانه ضعيف ومريض. خلوهم يعيشون هالمغامره المرض. لازم يمرضون بالشتا بس انتوا عطوهم. قفشة عسل مذاب بنص قلاص ماي. وشوي قسط ابيض وجرشي عليه حبه سودا وزنجبيل بودره على الريج. كل يوم. هذي الخلطه تزيد المناعه وتعطيهم نشاط. الحمد الله. من عقبها وصحتهم تحسنت. قبل ناقعين بالمستشفيات والمضاد شغاال. اللهم لك الحمد. وبس عاد لاتكبرون السالفه خلوهم يستانسون فديتهم *

 

[العيناء]

والقبعات. اي شي من شغل ايده او المتوفر فالبيت خلوهم بسيطين العام تهولت من القبعات شله. هذا كله. الهدف نشاط يحمسونهم فيه والسلام. شدعوه هالخبه. واشغال الاهل. واخرته داثر بالبيت. انا بحوس ببيتي خابرتلي طربوش شيخ الازهر عندي. وكبوس العام مال لبس اسبانيا والسلام والله ماني طالعه من بيتي على برنيطه::eh_s(15): عاد انتوا كيفكم. واللي عندها بيزات زايده. والله انا اقول تتصدق فيهم دفعة بلا عن عيالها وريلها وبيتها. احسن لها. * عاد. ها. مو تنسوني من دعاؤكم ياويلكم. واااي ً مادري شفيني. مهستره. يالله بروح انام تصبحون بعد شوي على خير :eh_s(9):

 

[حدوتة مصرية]

كيفك يا العيناء
والله صحيح تعب ومناحية مع العيال ومافى وقت غير للواجب وبس وطبعا بالعافية وكل شوى يقول أنا زهقت منك
لا والى زاد وغطا نتيجة اختبار الماث النهاردة
بس لو بتنقلين ولدك ولدى بيزعل حييييييييييييييييل
وانا كمان بزعل حييييييييييل
حاولى تانى يمكن تتعودوا على النظام وواحدة واحدة الأمور تصير أسهل

 

[حنين الفرح]

صباح الخير العيناء كلامج صحيح

 

[حنين الفرح]

حدووووته شو الاخباار

 

[حدوتة مصرية]

الحمد لله حنين
مافيش جديد
بس بنتى مش عايزة تعمل الواجب
مع انها من يوم ما دخلت الحضانة وهى زعلانة ان أخوها عنده واجب وهى لأ
بس ساعة الجد رجعت فى كلامها

 

[حصه الحلوه]

مشكوررررين حبايب قلبي حدوته &للحين ناطره ماقصرتو حبايبي اهو فعلا اليوم عطوه نتيجته
والحمدلله نتيجته حلوه والله يسهله الباقي ويسهل علي عيالكم يارب ومشكوره حدوته علي الافكار الحلوه
بالنسبه للكريزي هت 
واختي للحين ناطره انتي شنو انطباعج عن مستر بشير مدري انا احس ان الريال احسن من المره بالتدريس واهو شنو جنسيته
وان شاء الله احد يعرفه يفيدج 

 

[للحين ناطره]

شلونكم امهات
مشكووووووووره العيناء على خلطة المناعه
وانا معاج بموضوع السباحه

اليوم كان عندهم اختبار بالسايت وورد بس ماحطولي نتيجه بالدايري بوك

 

[للحين ناطره]

شلونكم امهات
مشكووووووووره العيناء على خلطة المناعه
وانا معاج بموضوع السباحه

اليوم كان عندهم اختبار بالسايت وورد بس ماحطولي نتيجه بالدايري بوك

 

[حدوتة مصرية]

شلونكم امهات
مشكووووووووره العيناء على خلطة المناعه
وانا معاج بموضوع السباحه

اليوم كان عندهم اختبار بالسايت وورد بس ماحطولي نتيجه بالدايري بوك

نتيجة الاختبار ما تكون فى نفس اليوم
ممكن تانى يوم او بعده بيوم

 

[للحين ناطره]

هلا حصه
أنا مستر بشير شفته بالاجتماع
اهو مايعرف عربي جنسيته امريكيه
بس امبين ان من اصول عربيه او على الاقل مسلم
وماقدرت آخذ عنه انطباع
مع ان كان حيل متعاون بالاجتماع
وانا ولدي كان يتمنى ايدرسه استاذ ريال
لان يبي أيحس ان راح الجريد وبس الكي جي ايدرسونهم ميس

 

[للحين ناطره]

اي صج في الجدول في ماده اسمها fast forward وفي computer
الكمبيوتر عرفناها بس الفاست فوروورد شنو?

 

[للحين ناطره]

مشكوره حدوته
مع ان الماث بنفس اليوم حطولي النتيجه
ان شالله بأجر ايحطونها لأني قاعده على أعصابي
واتمنى أيكون مجاوب كويس لان لآخر لحضه وانا اراجع معاه
ومابي اتأزم مثل الماث

 

[حدوتة مصرية]

اي صج في الجدول في ماده اسمها fast forward وفي computer
الكمبيوتر عرفناها بس الفاست فوروورد شنو?

الفاست فورورد هى ألعاب تعليمية على الكمبيوتر تساعد الأولاد على تعلم اللغة الانجليزية قراءة وكتابة وسماع وكمان الماث

 

[للحين ناطره]

مشكووووووره حدوته
بس ولامره عطوه اي شي أيخص الماده
عليها درجات ولا لا

 

[حدوتة مصرية]

لا ما عليها درجات
ولا بيذاكرها
بس بيروح مختبر الكمبيوتر ويلعب وفى الآخر بيعمل سكور ويشوفوا مين أعلى سكور وعادة بيعطوه شهادة زى شهادة نجم الأسبوع ويعلقوا صورته فى المختبر
وآخر كل أسبوع بيبعتوا تقرير عن اللعب الى لعبها ودرجاته فيها