تجمع مدرسة الابداع فرع السالميه ica

[isengineer]

هلا حبيبتي ،،
صباااح النوور والنوير

بخصوص العيد الوطني حاطين بالخطتين بنات وبنين إذا أولى ابتدائي أما إذا بنتج kg السمووووحه
والكريزي دي نفس الشي حاطينه بالجدول اللي يتوزع على كل المراحل

وصدقيني لووو مو ماينه عليكم ما تكلمت

ويبقى التجمع للاستفااادة

هلا حبيبتي عزيزة وغالية وتمونين :hearting:
وان شاءالله نستفيد من بعض لمصلحة عيالنا

اي بنتي KG وغير عنكم - بالخطة الاسبوعية يكتبون فقط اللي ياخذونه بالأسبوع يعني مثلا العيد الوطني هالاسبوع ينكتب بس _ وكل اسبوع بأسبوعه

 

[نسناس]

هلا حبيبتي عزيزة وغالية وتمونين :hearting:
وان شاءالله نستفيد من بعض لمصلحة عيالنا

اي بنتي KG وغير عنكم - بالخطة الاسبوعية يكتبون فقط اللي ياخذونه بالأسبوع يعني مثلا العيد الوطني هالاسبوع ينكتب بس _ وكل اسبوع بأسبوعه

الله يعز غاليج

دامكم kg طلعتي براءه فديتج



عاد الحين نبي منج مووعد الاجتماع متى ؟؟؟؟

 

[نسناس]

صج نسيت أبلغكم ،،



قبل فتره وأناااا أحووس بتويتر حصلت الـ ica عندهم أكاونت
لكن للأسف مووو مغردين من زماااان
ياليت يفعلوونه مثلا ينزلون صور فعالياتهم أول بأول

 

[isengineer]

والله ماعندي علم عن موعد الاجتماع :eh_s(10):

اي والله نسناس ياليت يفعلون التويتر خوش شي :eh_s(15):

بسألكم الله يعافيكم هل يدزون ايميلات نفس أول ايام الكورس؟ لأن ايميلي صارله بلوك:eh_s(11): فعطيتهم ايميلي اليديد بس ما أدري أخاف ماخزنوه عندهم لأن كلش مايوصلني ايميل منهم ؟

 

[some-one]

الاجتماع الياي راح يكون شهر ٤ باذن الله

 

[نسناس]

مساء الخير

حبيباتي اللي عندهاا G1
بغيت أسأل مس طاهره تعطي الـo في الـ pe
والا العداد واقف عندهااا عالـ vg

ولدي تبارك الله غرامه الرياضه موو معقول

 

[امنيتى الجنة]

صج نسيت أبلغكم ،،



قبل فتره وأناااا أحووس بتويتر حصلت الـ ica عندهم أكاونت
لكن للأسف مووو مغردين من زماااان
ياليت يفعلوونه مثلا ينزلون صور فعالياتهم أول بأول

اى والله اختى لازم نكلمهم فى هاى النقطة وازا ممكن يعملو اكونت على الفبيس بوك ينزلو فيهم صور اولادنا فى الحفلات او اى فعاليات للمدرسة ويكون بلوكد للصور على غير اولياء الامور

امنيتي الجنه
صح كلامج انا لاحظت ان في اشياء ولدي وايد زين فيها بس كاتبينله بالريبورت s و ترا معناها الصجي ضعيف مو مرضي احتريت احسهم دايخين ناطرة يوم الاجتماع اكلمهم فيه

معكى حق اختى نطوعة ان شاء راح اكلمهم انا كمان

 

[isengineer]

صباح الخير والرحمة:hjy5jewf:

شلونكم يا أمهات ياحلوين وشخبار الكريزي داي :balo:ياحلوهم يونسون الله يحفظهم حتى مس ويندي ضحكتني لابسة تكرمون جوتي طبجة لون و لون :ggdw:.

انا كنت ببدع ببنتي بس ماعطتني مجال تقول بعدين يضحكون علي ههههههه

بس الحمدلله شكلها مرتب كان:eh_s(15):

 

[الاستاذة]

صباح النور
نسناس اي صاجه مادري شسالفتهم على vg لازم نسال فيها
isengineer
صباح النور حبيبتي اتصدقين انا نفس مشكلة بنتي حتى كاتبه الملاحظة بالريبوت انها شاطره وتفهم بس تستحي وماتشارك الا ليمن اقومها وتحل صح بس المستحى اطلعت علي انا كنت جذي كله فل مارك بس مافيني جراه يوم كبرت تعلمت ودي ايرعها بس ماعرف

 

[مفرفشة ومنعنشة]

بنات ماتدرون اذا ببطلون g3للسنة الياية ولا لأ
أنا لما كلمتهم قالولي أكيد في تسجيل لي g2
واذا العدد عندهم وصل ١٥ بيفتحون g3
وخذت اسم بنتي ورقم تلفوني عشان يدقون علي

في وحدة منكم لتسجل عيالها g3؟

 

[الاستاذة]

صباح النور مفرفشه لا وانا ماعندي خبر بس انت راجعيهم الحين ترى مايدقون روحي حولي بدى التسجيل

شلونكم بنات شخباركم مع البرد لبستوا كتاكيتكم؟

 

[isengineer]

هلا الأستاذة شلونج حبيبتي:33_1185028183:
إي والله كاسرين خاطري بهالبرد يقعدونهم بال outdoor الصبح قبل الطابور و أقولهم حرام يهال يمرضون و بردنا هالسنة مو شوية قوي وغير الهوا و الغبار:eh_s(16):- يقولون لا هذي أوامر عندنا واذا قعدناهم بالصف يصيرون حركيين وما نسيطر عليهم!!!! و يقولون هم مع الحركة مايحسون بالبرد :eh_s(14): - باطين جبدي على هالموضوع كلمت الأبلة و السكرتارية وكلهم نفس الكلام
قمت اوصل بنتي حده وقت الطابور عشان ماتلعب بره

 

[Q8_Diva]

هاي صبايا شلونكم؟
البرد هالسنة غير طبيعي و الغبار كل يومين,,, هذا غير ان عيالي ياما طاحوا و انطقوا بالبلاي جراوند و المدرسات محد يدري عنهم.
واحدة ولا ثنتين برة معاهم و الباجي متكودين ميتين من البرد داخل.

 

[الاستاذة]

وي صج q8_divaحبايبي ووالله جان رحتي كلمتي الادارة شهالفوضه

صاجه isengineer انا اقطها حزت الطابور وساعات عقبه اذا وايد برد هذي تعليمات مس وندي ولا الابلات ماودهم اليوم ابلة بنتي متلحفة بالشال وممغطيه ويها

 

[~encantador~]

امبيه ونااااسة في تجمع حق المدرسة ))

شلونكم أمهات و شلون ur evaluation حق المدرسة؟

 

[نسناس]

سبحان الله اليوم موضووعي مع طالباتي الجو البارد
يقولون أبله العام نفس الوقت كنا مصيفين ):

يالله هااانت

 

[الاستاذة]

صباح الخير

اي والله نسناس طول البرد هالسنه شي زين والله لانه صيفنا طويل البسو الشتوي اكثر من الصيفي كم جذي تمللو
encantador حياج الله ويانا اي مرحله بنتج او ولدج؟

 

[~encantador~]

صباح الورد

الاستاذة عندي اثنين الله ايخليهم
بنتي kg1
ولديkg2
انتوا بأي مرحلة عندكم بنات؟
​

 

[~encantador~]

الجو هاليومين ايعقد
اشتبون بالصيف و الخيسة؟ لاحقييييييين

 

[isengineer]

السلام يا أمهات يا حلوين شخباركم :33_1185028183:
حياج الله ~encantador~ بتجمعنا و نورتينا:eh_s(9):

وصلتكم أوراق عن International Week بشهر 4 بيسوونه و كل صف راح يختار دوله ويعلمونهم العد بلغة هالدولة و بعض أغانيهم القصيرة و في يوم يكون أكلات هالدولة الشهيرة و يحضرون الأهل فيه

صف بنتي مختارين (( تركيا))