هلا ا
لريم الله يوفقه ويكتب لكم الخيرة بهالمدرسة اذا من صالحكم :yaaaaaarb:
امتحان بنتي العام لKG1 كان بحولي قسم الروضة، يدخلون 4 اطفال مع امهاتهم بغرفه ويحطون لهم العاب تقعد الام معاه ويشوفون طريقة لعبه و مسكته للأشياء على ما يتأقلم الطفل ، يكونون حاطين بأطراف الغرفة طاولات صغيرة ينادون الطفل جدام الابله اللي بتمتحنه و توريه قصة وتسولف معاه وعقب تعطيه يلون و يركب أشياء و يقص بالمقص و يحل بالاوراق و الامتحان مدته قصيرة نص ساعة تقريبا لا تصيرون نفس بنتي اقولكم سالفتنا الحين .
أنا اذكر بنتي طلعت من الامتحان
انا بجيت من الحرة :eh_s(16):لأن البنت على ما تأقلمت و بدت توصل وتقص جان تقولنا Time is out قلت لها حرام عليج هذي طفلة قالت ليش ماكلمتني بس تكلمج هني عصبت انا وقلت لها اكيد ماراح تكلمج اول مرة تشوفج وطفلة عمرها 3 سنين جان تقول لا اخذي موعد اعادة اختبار :eh_s(2):_ من حرتي زفيت بنتي حبيبتي هي انصدمت قالت مو حلوة الأبله ما عجبتني ( بنتي استنكرت شكلها عشان جذي ما تأقلمت وماكانت تطالعها لانها امريكية عيونها خضر و متحجبه فخافت منها ههههه)
سالفة طويله .... وانا طالعه كلمت السكرتيرة و قلت لها حطولي موعد مع الناظرة وحرقتهم تليفونات يوميا وعقب كلمتني الناظرة و قلت لها هي
بحضانة الراشد تبين اوريج سيدي داخل الصف شلونها قالت مالي شغل بحضانتها انا ابيها عندي شلون :eh_s(14):و قالت راح نعيد الامتحان بس عقب اسبوعين على ما البنت تنسى التجربة وما تأثر فيها - قلت لها لا الله يعافيج حطيلها ابجر عشان يتحدد هل بتنقبل بهالمدرسة و لانشوف غيرها قبل مايتصكر التسجيل. وخذيت من حضانتها ورقة عنها و ابلاتها و الناظرة كتبو شرح انها خجولة بس شاطرة و من هالكلام.
وفعلا حددت الموعد باسبوع و خليت ابوها يوديها و مارحت عشان ماتدلع علي و فعلا الابله غير وبدعت بنتي و سولفت و عدت الاختبار :eh_s(15):- بس عقب ماتعبت نفسيتي انا
ههههههه حتى الكل يضحك علي يقول قبول جامعة
