(تجمع مراجعات السلام)

[روعة خيال]

رد: تجمع مراجعات الاستشارية د.امل عبدالعزيز الراشد فقط

الله يسهل علينا و عليكم ياا رب

انا اروح الصبح القى رشيدة بس

احسها شااطرة مو نفس الفلسطينية اللي كانت معاها برويال شي مو طبيعي بالغبااء اول مرة اشووف فلسطينية غبية

فقررت ان شاء الله اروح الموعد الياي ع الساعة 12 او 1 الظهرر عشان اشووف الدكتورة

 

["*آآآنؤؤؤقهـ*"]

رد: تجمع مراجعات الاستشارية د.امل عبدالعزيز الراشد فقط

اب



اب



اب

 

["*آآآنؤؤؤقهـ*"]

اميره ماعرفهاا

الله ياارب

 

[Roty]

اميرة اي ليلى تولد بالسلام اهيا قالتلي

انزين شرايج فيها انا توني اراجع عندها وانا بالتاسع بس ماسوتلي سونار كلش ولا تعرف وزن البيبي ولا قياساته انتي سوتلج سونار


وانتي الحين اي شهر

 

[Roty]

انوق انشالله تحصلين الغرفه اللي تبينها

بنات شلون اسعارهم وشنو تنصحوني اخذ اي غرفه انا قيصريه ابي غرفه حجمها زين مو كبيرة وايد

 

[*-*Lo0o0Raaa*-*]

ام سالم

في غرف بس مو كبيره بس حلوه وناعمه رويال سويت او شي جذي

روحي شوفيهم اذا راجعتي هناك

واسعارهم وايد زينه

بس دسمان اللي غاليين

وبنات الحين في عروض على اجنحة دسمان ولما سألناها ليمتى قالوا ما يدرون

 

[أميرة طفولتي]

وااااااااااااااااااااااااااااااااااااااااااااااااااااي حبيبتي ام سالم الله يفرح قلبج مثل مافرحتي قلبي
رووووووووووووحي الله يعطيج الي فبالج ويقومج بالسلامه انشالله :*ندش بالموضوع الحين ههههههه
الدكتووووووووووووووووووووره تهبل تهبل من كل النواحي
بس في شي ماحبيته فيها ويمكن لاحظتي هالشي انها واااايد بارده وفاجه وكل شي عادي عندها ههههههههه انا توني بالثاني واول مراجعه عندها قالتلي مايحتاي سونار بموعدج الياي تكونين دشيتي الثالث اسويلج!! انزين اهيا على اي اساس اعتمدت ان كل شي طبيعي انا اللهم قتلها حامل بس؟! مادري مابردت قلبي يعني انا بجر وما عرف شي لو مو قاعده ومسالتها سؤال ورا الثاني جان اهيا ماقالتلي حتى باي اسبوع انا وباي شهر ماقالت الله يعافي السستر الي خذت وزني وضغطي اهيا حسبتلي قالت انتي بالاسبوع 5
بس للامانه للامانه الكل الكل الكل يمدح فيها وانا بنت خالتي كانت تراجع عندها وولدت قبل جم شهر وتقول ماشالله ولا جنه ثاني بيبي
وخالتي بعد توها اقل من شهر ولدتها قيصري كانت تراجع عند نداء بوخضور وخرعتها قالت لها البيبي والبيبي وفيه وفيه مارتاحت له وعلى شهرها راحت عند ليلى وقالت مافيج الا العافيه والبيبي مافيه شي وماشالله عليها من بعد الولاده 10 ايام ولا جنها والده وتروح وتطلع وتيي زوارة بيت يدي هههههههههه
تقول حدهااااااااا اتينن وايدها خفيفه وماتعبت انشالله اكون فدتج بهالجم حجوه

 

["*آآآنؤؤؤقهـ*"]

الله
يسخرها
لكم

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

مرحبا يا حلوات
مادري ليش ملتصادفكم الدكتورة مع اني اروح لها الصبح والقاها
بنتي الغالية انامن زماااااااااااااااااان فاقدة النوم براحة بسبة الحمام والتقلب لأن ريولي اتخدر
روعة اشصار عليج طمنينا
وانوقة ها ماكو تجاديم جم صرتي مفتوحة؟
بنت الكويت مافهمت شي مج وناطرين تفاصيل الولادة

 

[kitten-85]

رد: تجمع مراجعات الاستشارية د.امل عبدالعزيز الراشد فقط

انا امس رحت حق الدكتورة امل استشارة والحمدللة ارحت لها وااااااااايد وانا فوق نص التاسع وراح تولدني قيصرية الاثنين الياي ان شالله بعيد ميلادي لان انا راس البيبي فوق وبالنص وحاوت من الثمان احبي وطول بالسجود بس للاسف مافتر البيبي قاعد بوضعية صعب جدا يفتر راسه وريوله فوق ومقعدته تحت وكانت دكتورتي نزهت ياسمين بتفره يوم الاحد الياي وقالتلي اذا افتر او مافتر بتولدني يوم الاثنين وانا قلت لازم اسوي اسشتشارة عند دكتورة ثانية اني على اخر شي كشيت من نزهت اهي زينة بس مادري تشائمت والحمدلله لمن رحت حق دكتورة امل واااااااايد ريحتني وقالتلي لو شنو لاتفكرين تفر لج البيبي شخباري الفر هذاا شي بدائي ووقفناه من سنيييين طويلة لان اضراره اكثر من فوايدة واايد اطفال يموتون ويختنقون لان الحبل السري ممكن ينقطع او يفتر على الطفل ويخنق وساعات الدكاترة يظطرون يردون لوضعيته راسه فوق عشان الاثار الجانبية الي تصير مع عملية الفر وقالتلي في حالات ان راس الجنين يكون قريب يم الحوض بس يحتاج له دزه بسيطة وينزل فيفرونه .

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

السلام عليكم
فرفوره انا الكي بورد كان ضارب عندي وتوني اصله
راح اكتب انشاء الله تفاصيل ولادتي بالتفصيل الممل وانتي احكموا

 

[kitten-85]

رد: تجمع مراجعات الاستشارية د.امل عبدالعزيز الراشد فقط

بنت الكويت الحمدلله على سلامتج ومبرووووك ماياكم ..

ولدتج طبيعية والا قيصرية وشلون الاسعار انا قيصرية 695 د.ك بس انا عندي تأمين صحي بس مادري جم راح ادفع لها الفرق والا شلون لان الولادة القيصرية بالسلام 485 والتأمين يغطيها يعني انا بس ادعفع لها الفرق 210 د.ك ؟

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

اولا انا عامله ربط عند منى موسى بطيبه الدكتوره امل قالت ان الربط ما يعمله غير استشاري فاكيد اهي ما سوته والحق ان انا شفت رئيس القسم قبل لا ادخل العمليه مالت الربط والظاهر اهو سواه مو منى موسى

الشي الثاني ربطي السابق وهم كان مع منى موسى بس كان محمد صلاح الي موجود حتى لما قلت حق منى موسى ليش جذي انا ما ابي ريال قالت اهو لازم يكون موجود وبصراحه الربط الاولي كان مريح اما الثاتي تعبت حيل منه واضح ان مو نفس الدكتور اللي سواه اول مره
فانا من خلال تحليلي للاخداث
ان ربطي الاولي كان محمد صلاح اللي مسويه
والربط اللي الحين سويته الظاهر رئيس القسم اليديد اهو اللي سواه

نرد للدكتوره امل
اهي لما شافت الربط قالت انا ما اعرف شغل طيبه بس انشاء الله الخيط يكون طويل وكان هالكلام وانا جريب الخامس
لما دخلت الثامن تعبت وكله احس بطلوق وبطني يصير صخر واحس بضغط تحت وكله تقول ارتاحي بس انا ما كان عندي خدامه وتعبت حيل
على الاسبوع 33 حسيت ان البيبي يدز لي تحت ورحت لها قالت الراس نازله لازم افتحه انا قلت لا لا لا
ردت فحصتني قالت عندج مجال بسيط وعنق الرحم حده وقالت ان الربط لاف ورا الراس يعني عنق الرحم راد ورا و راس البيبي نازل لجدام وقالت الربط هاذا مو شي الله يستر وقالت راح يتعبنا على ما نفته

ييت بعد اسبوع اي الاسبوع 34 قلت لها انا اوكي لا تفتحينه البيبي اصغير قالت مو شرط تولدين بس افجه اسلم لج والحضانات اللي بالسلام ممتازين
انا قلت لها لا دكتوره انا تمام ما فيني شي اييج الاسبوع الياي احسن قالت على شرط ما تحركين
ا

على الاسبوع 35 ياتني طلوق وسكت وهاذا اكبر خطا

واليوم الثاني زادت الطلوق والساعه 12 بالليل رحت السلام دكتوره الطوارئ د. سمر جزاها الله خير قالت انتي مفتوحه 1سم لازم فتح ربط دقيت على د.امل وما ردت دزيت مسج ما ردت دقوا المستشفى ما ردت عليهم
لما د. سمر يات تفتح الربط ما اقدرت وقلت لها قالت هاذا الربط راد ورا اشوي والا مساعدتها رشيده يات وهم ما قدرت تتفتح الربط اخر شي يا د. عصام و فتحهه
تخيللوا ثلاث دكاتره يالللاه اقدروا يفتحون الربط وكان راد ورا راس البيبي و الدكتوره تقول بجينا على ما فتحناه وطلع مثل ما قالت الدكتوره امل قصير ولاف ورا حيل
المهم انا ظليت من 12 الى 6 الصبح مع الدكتوره سمر وقالت لا تخافين اذا ولدتي قبل لاتيي دكتورتج انا ودكتور عصام نضبطج قلت لها اهم شي الخياط قالت افا عليج نسويلج احلى خياط ولا يهمج
ياتني دكتوره رشيده مساعدت الدكتوره على الصبح وقالت انتي 2 سم مفتوحه ردي البيت وتالي ردي قلت لها انتي من صجج مو شايفه تخطيط الطلق كل 10 جقايق وانا حاسه بطلوق ولاده قالت لاما فيج شي ونفسيتها زفت و تخانق
تالي يات د. عفت من مستشفى السلام قالت انتي 4 سم اشلون تقول ما فيج ولاده وفتحت الماي جان ادز مسج لدكتوره امل فلت انا مفتوحه 6 سم
اشوي جان تيني وقالت هاذي رشيده الهبله اشلون تقول انتي 2 سم فحصتني و حطت لي بربيش وقالت لي ان السستر اللي معاي وقت الولاده اهي نفس السستر اللي ساعدتها بولادت بنتها وقالت انا اثق فيها اروح العياده واردلج
المهم صج هالسستر شاطره كانت تفحصني مثل الدكاتره وانا كانت تمرني الدكتوره توسعني وتنطر انا اهني بلعت بالكمام فالوقت ما حسيت فيه بس لما صرت 7سم كانت تقول يللاخ لما يي الطلق دزي انا عاد الكمام كان خلاص مخدرني والدز ما كان قوي جان تقول خلوها تنام على ظهرها بصراحه كان الطلق يحمى لما انام على ظهري اما لما كنت على الجنب كان الطلق اخف بوايد فالدكتوره كانت تقول دزي يا ماما ترا نبض البيبي قام يضعف انا اهني هسترت وخفت بس
ما عاد فيني حيل صرنا جريب الظهر يعني 12 ساعه قعدت ادز واهي تقول شاطره بعد شاطره
واهي توسع لي وانا اصارخ و ادز ايدها واهي تقول لا ياماما ساعدي بيبيج لا تشدين انا قاعده اوسع
على فكره ترا انا طبع عسر ومن الخوف ادزها و اصكر ريولي جننتها
اخر شي دزيت دزه معتبره بس خلاص حدي اهني فجوا ارجولي وقالت يللاه عشان البيبي بس انا قلت لها مو قادره وصارخت نوميني قالت دزي عشان البيبي حرام وانا اصارخ مو قادره نوميني خدريني ما راح ادز وهسترت ما رضت يعطوني ابره المخدر قالت انتي دزي الراس وانا انومج بس دزي انا هسترت قعت الهلوس ولما تقول عطوها الابره عطوها
وبعدين شفت بنتي


ملاحظات:
انا اتذكر انا حزت الراس ان مساعدتها كانت تضغظ على بطني من فوق عشان ينزلون البيبي
اذكر حزت الطلوق انها كانت قاعده على الكرسي تنطرني بس مو ذاكره اي حزه واتذكر اني كنت اهلوس عن عيالي و زوجي واخورها بالحجي بس اشوف الدكتوره واهلوس واهي تقول بالانجليزي حق السسترات اها قاعده تهلوس
انا بصراحه ما استخدمت الكمام الا على6سم وكنت ما ابي استخدمه بالمره بس خرتها اخر شي و هات يا شفط ليما هلوست وما قعدت ادز
بعد ما صحيت بالجناح على اليوم الثاني مرت مساعدتها كنت بالحمام جان تطلع وما ردت
اليوم اللي وراه دقيت على عيادتها ةقلت وين الدكتوره ما جافتني من الولاده جان تمرني لان عندها ولاده
قلت اشلون الخياط دكتوره قالت انتي بالولاده تقولين ضيقيني حده انا ما ابي عيال انا انصدمت قلت لها واااخخزياااه دكتوره منج ترا كنت اهلوس قالت انتي بدعتيييييييييييي
تالي مرتني رشيده وشافت االخياط واكتبت لي الادويه

والحمدلله على السلامه


انا حاظره للاسئله

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

في شغله نسيتها
دكتوره امل يوم ياتني كانت حدها تعبانه مصخنه
ياللاه تتكلم قلت لها سلامات دكتوره مسكينه على حظي كانت حده مصخنه حتى صووتها رايح ياللاه تتكلم اقول لها سلامات تقول بعد عمري انتي اللي سلامات

 

[kitten-85]

رد: تجمع مراجعات الاستشارية د.امل عبدالعزيز الراشد فقط

الحمدلله على سلامتج بنت الكويت ومبرووووووووووووك مايبتي عؤبال تشوفينها احلى عروسة يااااااااارب

بس ماعلج امر مارديتي على استفساري فوق ومشكورة ...

 

[روعة خيال]

رد: تجمع مراجعات الاستشارية د.امل عبدالعزيز الراشد فقط

الحمدلله على سلامتج يا بنت الكويت و حدج بدعتي بالولادة لووووووووووووول

الله يخليلج بنتج يا رب

 

[نفيشه]

رد: تجمع مراجعات الاستشارية د.امل عبدالعزيز الراشد فقط

بنت الكوريت
الف الحمدلله على سلامتج خرررررررررررعتيني صج شينومني الليلة

 

[غرشة عطر]

ابشركم الحمدلله ولدت تاريخ 19 /4 اول 10 ايام من التاسع كانت تجيني طلوق من الثامن وكنت حيل تعبانه والحمدلله ولادتي كانت فوق الروعه والحمدلله رب العالمين بفضل ربي وبفضل دكتوري الاستشاري عمرو عصام انصحكم فيه راح تحسون براحه موطبيعيه دكتور شاطر محترم بوقت الولاده بغرفة الولادة اهتمام خدمه فندقيه صراحه ماقصروا السسترات والدكتور عمرو والدكتوره المناوبه بالولاده الدكتوره ايمان الكويتيه تهبللللللللللللل وعسل وتضحك تسولف وحيل كانت مريحه لاخر لحظه كانت وياي

اسمحوا لي تعبانه من السهر بنتي حيل مزعجه بس حبيت ابشركم واقولكم تجربتي الرائعه بهالمستشفي الاسطوره ودكتور عمرو عصام الاكثر من ممتاز واعطيه عشره علي عشره لاني صار 9 سانتي قلت دكتور مابي احس بالراس قال انتي خلي كل شبي علي الله وعلي اناوبتشوفي وفعلا ولادته متقنه وطلعت الراس ماحسيت فيها ابدا والسسترات بعد الخياطه حطوا الثلج بشاش علي الجرح لمدة نص ساعه طبعاا ملاحظه ساعتين بغرفة الولاده طبعا غرفة الولاده خياليه من ل شي راحه هدوووووء خدمه اثنين سسترات مخصصين لج فقط واللي تطقج مسكن واللي تسالج شتبين شتحسين فيه وعقب الولاده وانا صاحيه الحمدلله اشوفهم واقولهم متي تصعدوني فوق وماخلوني دقيقه وحده حتي بالغرفه لبسوني وشطفوني وكل شي صراحه اللي تقول غير جذي موصحيح فعلا خدددددددددمه في اي بي

اعتذر عن تواجدي بالمنتدي واعتذر عن عرض تفاصيل خاصه لظروف خاصه فيني

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

مشكورين والله يسلمكم ويسهل عليكم يارب

kitten-85
انا ولدت طبيعي والحمدلله وما عندي فكره عن سعر القيصريه ولا اعرف شي بالتامين
ولادتي كلفت وايد جريب 890 مع اني غرفه عاديه
بصراحه المستشفى مو طبيعي انا اراجع بالمواساه عشان اعيالي وكنت احس انهم نار بس على سنع
بس السلام استغلالي بصراحه :flower:
انا مو عندي الفاتوره اخذها من زوجي واقول لكم التفصيل الممل للاسعار
اهي الدكتوره حسابها مع المستشفى جريب 550 مو متاكده
غرفتي 79 واخذتها 3 ايام
لا تنسون حساب الحظانه وانا بنتي حطوها بالحاظنه جم ساعه لانها مولوده بالثامن يعني خذوا منا همشه فلوس على الطالعه والنازله ابره المخدر الوحه ب 50 وكل مسكن له سعر وانا كنت اصارخ والدكتوره مو راضيه بس اخر شي اطفرت وكانت تحط لي بالوريد باسكوبان على فولترين ما ادري شنو اسمه
يعني المستشفى لو بايده يحاسب على جم شمه اوكسجين تشمينها ما يقصر
طلع المواساه ولا شي


على فكره بنتي سميتها أوراد ..:eh_s(17)::eh_s(17):.. اشرايكم بهالاسم

 

[أنا الثريا]

بنات مراجعت السلام
بأي دكتورة (مودكتور)تنصحوني اراجع عندها لتاخر الحمل؟؟ابي دكتورة شاطرة
انا عندي تكيس وودي اغير دكتورتي!!
وامي تحن علي تقول روحي السلام مافي احسن منه!!!!!!!!