(تجمع مراجعات السلام)

[قمري]

رد: تجمع مراجعات الاستشارية د.امل عبدالعزيز الراشد فقط

قمري صج الله يكون بعوونج .. حمال وصيام ودوام .. الصراحة هذا جهاد في سبيل الله بمعنى الكلمه ,, تبارك الرحمن عليج

مشكوره يابعد قلبي ، انتي شلونج مع الحمال و شلون وضع البيبي ان شاء الله هانت عاد انا موعدي اليوم بعد شوي مع الدكتوره وبسألها عن انفلونزا الخنازير الصراحه انا قمت اخاف من اللي اسمعه

:0bee2e8d89:

 

[<' توت توت '>]

رد: تجمع مراجعات الاستشارية د.امل عبدالعزيز الراشد فقط

قوه بنات اشلونكم شخباركم

بنات دريتو مساعده الدكتوره نهى طلعت من الدكتوره امل ومن رويال حياه

الله يسلمكم كانت مراجعتي يوم السبت الظهر ولما دخلت عليها قالتلي ان نهى طلعت من عندها ومن المستشفى

سألتها ليش قالت مركبه حق وحده لولب وقضت رحمها وبعدها صرفوها المستشفى

جان اقولها ولا تنسيني بعد ان ما خيطتني عدل وانفتح جرحي

بس الله ستر ولحقتي انتي علي الحمدلله

تقولي انا اخترعت لما شفت جرحج بس ما حبيت اضايقج او اكلمها جدامج

اتصدقون عاد؟؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

وااي فكه .. انا لما اروحلها ما اطل في ويها بس اقولها وين الدكتوره متى بتي .؟تقولي هنعمل سونار اقوولها لا نطري اشوي خل اتتي الدكتوره .. ما دري ليش مو بالعتها ,

بعد عمري توت توت .. انتي اللي مولدتج بعد الله كريم .. شخبار خياطج الحين ؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

قمري والله انا الحمدلله بخير .حددي ثقلانه ... ليلحين ما سويت شي لا اخذت الككاو ولا جهزت جنطة الولاده على حطة ايدج

 

[Loora]

رد: تجمع مراجعات الاستشارية د.امل عبدالعزيز الراشد فقط

صج ( توت ) هالخبر

اتصدقين عاد انا مره دخلت عليها ,,, ايام ماكنت دكتوره امل مسافره ,,,,, بس صج صج ما ارتحت لها

وانتي بعدعمري توهقتي وولدج ,,,,, يلا الحمداللله على كل حال

بس بشرينا عج شخبارج ....؟؟؟؟ وشلون خياطج


(( باااااااايلوووووت )) ها شخبارج ؟؟؟؟ خلصنا اول اسبوع وماكو شي
ترى انا وياج تقريبا نفس الموعد انا 24 وانتي جنه قبلي بيوم او بعدي بيوم ؟؟؟؟ صح

سكتي انا مخترعه من امس بادي معاي عوار بأخر ظهري و ألم خفيف نفس الدوره (( هذا الطلق؟؟؟ صح ولا لأ؟؟ ))
ومن الخرعه بروح بعد شوي اودي مواعيني الحلو ,,,, والله خايفه اولد وانا ما خلصت
وباجر باخذ خدامتي واروح بيت اهلي علشان اسنع اغراضي بالكبت واخليها اتشوف بعينها علشان بعدين مو اتلوع جبدي اذا سألتها عن شغله اتقولي ما ادري ,,,,,,,,,,,,

وبعد لازم اطلعلي جم غيار حقي وحق البيبي حق المستشفى ,,,,, الله يعييينا


وانتي بايلوت اشصار على شلغلج؟؟؟ جهزتي؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

ههههه سكتي انا جنه احد رابطني هههههههه
قاعده والعب ,, مره اركب ستراس في ملابس البيبي ومره اسوي قرقيعان و مخلية الاشياء المهمه حتى جنطة الولاده اللي من شهر قايله بزهبها ليلحين ماشفتها شلون صايره

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

^_^

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

توت توت .. الحين منو عند الدكتوره امل ؟؟ برووحها؟
انا مطووفه موعدي ما رحت .. الحين بروح هاليومين بس مو راضيه اقووم الصبح

 

[farah-q8]

رد: تجمع مراجعات الاستشارية د.امل عبدالعزيز الراشد فقط

سؤال دكتوره امل بس تولد برويال ولا بمستشفيات ثانيه؟؟؟؟؟؟؟؟؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

بس برويال حياة

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

بنات وينكم صار صخه .؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

بنات ما تدرون اذا الدكتوره تقعد الويك اند؟؟

 

[Loora]

رد: تجمع مراجعات الاستشارية د.امل عبدالعزيز الراشد فقط

هلالالا بااايلوووت

اي صايره المواعيد اتبط الجبد بس الصبح
من 9 ليما ال2

بس ذاك اليوم على حظي صار زحمه ولا اتقولي رانيا ( السكرتيره ) تعالي على ساعه 10 بليل الدكتوره موجوده

متى موعدج الجاي؟؟؟؟

 

[Loora]

رد: تجمع مراجعات الاستشارية د.امل عبدالعزيز الراشد فقط

وينكم بناااااااااااااااااااات؟؟؟

بايلوت شخبارج؟؟؟؟ ها بدا معاج العوار ولا الوضحع طبيعي؟؟

انا صارلي يومين يجيني عوار آخر الظهر و آخر البطن جنه عوار الدوره

بس مشكلتي ماني عارفة عوار الطلق شلون ؟؟؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

انا لا الامور مستتبه ماكو عوار ولا شي بس بطني يتيبس اللي اهو طلق بس خفيييف كلش

موعدي طايف منزمان من دخلت شهري ما رحت .. لانه صارت مواعيدهم الصبح اانا ما اقدر اقووم .. لاني اقعد لي اذان الفير اصللي وانام .. واعقب اقوم حق الظهر وارد انام لي العصر جريب المغرب .. يعني متى ارووح . موعدي كان 31\8

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

امبي ما بقالي شي يا ويلي

تدرون ليلحين ما اخذت الككاو امي تقوول لا توه الناس خليه ههه مادري شنو توه الناس عبالها على كيفي

لكن اليوم ماراح اسكت ,, بعصب مع اني ادري من قبل لا اتكلم راح تخنقني العبره واسكت ههههه

مادري اشفيني كل ما احد كلمني جد في اي موضوع ابجي ..اي كلام جد ,, احبس البجيه واسكت احاول ما اناقش ولا اتكلم

 

[Loora]

رد: تجمع مراجعات الاستشارية د.امل عبدالعزيز الراشد فقط

وااااي باااايلوت بدعتي

لا انا احسن منج تقريبا خلصت كل شغلي

بس اهم شي جنطه المستشفى ما جهزتها

الحين بروح عند اهلي وأجهز شغلي ,,,,,,,,,, لاني من قبل مودية جنطتي وجنطة البيبي وكل شي مغسول ونظيف ومكوي

بس ضروري اجهزها بديييت اخاااااااااااااااااف

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

اكيد احسن مني يا بعد عمري لا تصيرين مثلي ولا تفكرين ,, جهزي جنطتج وحطيها عند باب بيتج والا عند امج . انا بس جهزت اغراض البيبي بس اغراضي ليلحينهم حايسين ... حتى اندر ويرات ,,ما شريت صراويل طوال , بس بجامات وقمصان كشخه 4 وواحد حق الاستقبال حدده خبة كله ستراس هههههههه .. لما اشووفه اضحك ,, لانه اغراضي المهمه مو شاريتهم بس شاطره راززه القميص..
اغراض جمعيه ما شريت ,, ولاشي

اي صج وانتو بكرامه من وين اخذ شحاطه حلوه ,, ؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

لووورا الله وكيلج كليوم اروح بيت اهلي يعني بجهز الجنطه الاغراض وماكو ,, يا اروح اماكن ما نبيها والا اسوي اشياء خرابيط الف قرقيعان مادري شسوي .. هذي حالتي

 

[farah-q8]

رد: تجمع مراجعات الاستشارية د.امل عبدالعزيز الراشد فقط

انا ودى اراجع عندها
شلونها بالولاده بالها طويل وشلون خياطتها