تجمع مراجعات مستشفى رويال حياة

[سمو النفس]

بنات شلون المواعيد عند الدكتوره خالده يعني فيها نطره شكثر ،،؟؟؟

بغير دكتوري من الزحمه اللي عنده

 

[مناوووي]

الـــســلاآمـ عــلــيــكـمـ ورحـمـة الـلـه وبـركـاتـه?
مــسـآااء الــورد??
شـلـوووونـكـمـ ?
الله يسهل عليكم
مدري كتبت قصتي والا كتبتها بتجمعنا
مدري كتبتها اهني والا لا!

 

[سمو النفس]

مناووي اكتبيلنا قصتج بالتفصيل الممل ههههه ومراجعاتها اطول يعني فيها نطره ساعتين وثلاث ولاعادي

 

[روعة خيال]

مناوووي ما كتبتيها لان انا كنت ناطرتج

 

[يتيمة جابر العز]

مناوي كتبي قصتج هني وموضوع جديد أحسن عشان الناس تستفيد اكثر مع الدكتورة ،،

 

[noufb]

الف مبروك مناوي والحمدالله عالسلامه. نبي رايج بالدكتوره ماعليج امر

 

[الملكة فيكتوريا]

تحاليل الدم واايد غاليه بمختبرهم ناار

حبي عاادي تقدرين تسوينها برا المستشفى
:eh_s(7):

حبايبي رحت حق نداء بوخضوور كلش ماعطتني من وقتها ولا قعدت كلمتها ولا شي حسيتها تجارية وماتهتم


بزباينها يعني تخيلو دخلتني ع السونار طالعت اليهال ورتني ياه ومشت حتي كان عندي وايد اسإله وقتلها


وهي ماشيه دكتورة اذا شعري يطيح شسوي قالت طبيعي وكملت مشيتها والحين غيرت من عندها ورحت


راجعت مرة عند فرجينيا ومرة عند ليلي اشكناني وهذول كنت اراجع عندهم بحمالي الاول

شكثر قالوا هالكلام
يمكن مضغووطه بهاليوم بعد

:eh_s(10):

نداء بو خضور كانت حماتي عندها تقول فرق عن خالده الدكتوره خالده تفصفص الياهل نداء لاا و عادي تعطيج استشاره بدون سونار اذا كان عندها زحمه

ايه فدييت قلبها د . خالدة
تقولج كل شي وقت المراجعه
الرحم / الدم / الوزن /الوضع /حتى ماي البيبي تجيك عليه اذا فيه فيروسات والا شي وتقولج

:eh_s(8):

 

[يتيمة جابر العز]

:eh_s(7):



ايه فدييت قلبها د . خالدة
تقولج كل شي وقت المراجعه
الرحم / الدم / الوزن /الوضع /حتى ماي البيبي تجيك عليه اذا فيه فيروسات والا شي وتقولج

:eh_s(8):

انا اشهد انها تشتغل بضمير

 

[ffanr]

خالده وين صايره ؟ انا ببدي مراجعات للحمل عشان انتظم مع دكتوره وحده بس
حاليا انا بالخامس
خالده ادخل عليها من اول مره عادي ولا لازم اختصاصيه اول ؟
ودي اولد برويال. ان شاء الله

 

[الملكة فيكتوريا]

خالده وين صايره ؟ انا ببدي مراجعات للحمل عشان انتظم مع دكتوره وحده بس
حاليا انا بالخامس
خالده ادخل عليها من اول مره عادي ولا لازم اختصاصيه اول ؟
ودي اولد برويال. ان شاء الله

اول شيء ياقلبي تدقين ع زهره سكرتيره د . خالده

ومنها تحجزين لج موعد

رقم السكرتيرة زهرة:
66321218

وقبل الموعد بيوم يرسلون لج مسج تذكير بالموعد

:eh_s(7):

 

[يتيمة جابر العز]

اب


ناطرة مناوي

 

[مناوووي]

الـــســلاآمـ عــلــيــكـمـ ورحـمـة الـلـه وبـركـاتـه?
¤,¸¸,¤صبــاح¨°¨¨¤¨¨°¨الخـــير¤,¸¸,¤ ?
شـلـوووونـكـمـ ?
مافيه وقت كلش ومن غير خدامه بعد
شخباركم

 

[مناوووي]

نزل علي ماي الساعه٣ فالليل شوي
وقالت لي اختي روحي الطبيب لازم
كنت معاها عالمسجات

رحت لطوارئ رويال
سوولي تخطيط فيه طلوق قالت دكتورة الطواري لازم افحصج افحصتني ٣
أڼــ♡ــٱ كان ٣ كم يوم قبلها
قالو لازم دخوول مانقدر نطلعج
بس لاولدتي مافيه غرف الا القاعات الكبيره
قلنا مومشكله اكيد راح تفضي غرف
بس لازم هم يكبرون الامور
دخلوني غرفة الولاده والقلب يرقع طبعا والماي ينزل
تكرمون اروح الحمام ماي للحين بس موواجد
اذن الفجر صليت ورديت انسدحت
والتخطيط علي طول ماانا بالولاده والدرب
كل ماله ويزيد الطلق
تجي دكتورة الطواري تفحصني كل شوي
للحين ٣
والعوار يزيد والطلوق تذبح
واخذ كمام شوي وريحني
اصحي وارد اناام
الدكتوره جات يوم انفتحت ٨ سانتي
علي طول جات والراس طالع
ماحسيت فيهم واجد بس انام واصحى عالالم

 

[مناوووي]

حمدلله ربي سهل وولدت ٩ ونص الصبح
الي هو يوم الجمعه ٢٨/١٢
احلا يوم بحياتي يوم ربي رزقني بنوتي عسي ربي يحفظها بعد طول انتظار

قعدوني بغرفة الولاده ساعتينً علي ماصحيت
قالو فيه غرفة ليلي فاضيه توكلت علي الله وخذيناها
وصعدوني الغرفه
وشفت بنتي بالغرفه
ًلان بالولاده كنت متخدره من الكمام ماحسيت يوم يوروني اياها
وشفتها ولميتها بحضني وحمدت ربي علي النعمه

وبالنسبه لدكتوره خالده بالمراجعات عسل حيل
اما بالولاده الصراحه ماشفتها حيل
كل ماشلت الكمام عطوني اياه
جات بالولاده وراحت ماشفتها كلش
بس مره صحيت الا هي موجوده هههههه
ًوبعد الولاده للاسف توقعتها هي تجي اتجيك عالخياط وعلي ماشفتها
دكتوره ثانيه تجي وتشوفني وتشوف خياطي حتي يوم طلعت من المستشفي مامرت علي كلش

مدري شنو نظامها

ماشفتها االا بمراجعتي بعد الولاده
مادريت انها مسويتلي تجميلي وتضييق الا بعد ماسالت السكرتيره
ماخلوني ادخل عليها بوقت طلعتي
وتعذبت حيل مع الخياط لان الدكتوره ماتشيله تقول هو يطيح من نفسه

 

[مناوووي]

معاملة السسترات عسل
كل سستر احسن من الثانيه
اكلهم زين تختارين شنو اكلج
ودكاترة الطوارئ ٢ كانو عسل
وسستراا ت الحضانه بعد حيل زينات
حمدلله ربي سهل
حسابي ماني ذاكره بس طلع ٨٠٠ وشي
غرفة ليلي يومين

 

[مناوووي]

وببس
خربطت عليكم واجد ههههه
اسمحولي عالتاخير
ماني فاضيه كلش
من غير خدامه وموملحقه
الله يسهل

 

[يتيمة جابر العز]

حمد الله على سلامتج مناااوي

 

[noufb]

الحمدالله على سلامتج ومبرووك ما يااج

ظاق خلقي من ناحية الدكتوره المفروض اتيي ابجر

 

[أشبـاهـ المطـر]

الحمد الله ع سلامتج مناوي طالعه من الشر

انا كنت ماخذه ابره ظهر ياتني الدكتوره اول ماسويت دخول والمره
الثانيه لما نزل الراس الحوض وطلعت بنتي وخيطتني وبس سلامتج

 

[روعة خيال]

الحمدلله على سلامتج

انا قعدت عندي من ٤ العصر لي ٣ الفير بس كانت تروح ولادات و ترد علي

و خيطتني و باست راسي و باركتلي و راحت

اخاف تغيرت