تجمع مراجعات مستشفى رويال حياة

[يتيمة جابر العز]

^^ ماعرف عنها بس سمعت أنها شاطره

 

[om.malak]

نوف انا عطتني طبيه مره اسبوع
وعطتني تقرير طبي بعد
التقرير جنه ب ٢٠

 

[سموره 87]

حبيبة اهلها

نداء اهيا جذيه لان ضغط عليها اذا عندج اي اسئله سئليها واهيا تسويلج سونار انا بالنسبه لي الوضع عادي لان صارلي ٦ سنين معاها ومرتاحتلها

 

[حبيبة اهلهاا]

سموره لا مو ضغط اسالها بس ردها سريع و ما تجاوب من كل قلبها

 

[Aloe Vera]

عادي كل دكتور له اسلوبه الخاص
و اهي الدكتورة نداء جذي و في وايد ناس يحبونها عادي

اذا مو مرتاحة غيري الدكتورة

انا اشوفهم كلهم شاطرين بس يعتمد عالاسلوب كلوحدة غير

 

[حبيبة اهلهاا]

الوي

صح كلامج انا مرتاحتلها احسها وايد حبوبه

بس وايد. مستعيله

انا قمت اراجع عندها و عند امل الراشد

 

[Aloe Vera]

انا جربت اراجع عند دكتورة سلوى الرفاعي في بجري كانت تجاوب بالتفصيل الممل و كنت اقعد عندها وقت طوييييل معاي لستة اسئله
بس الحين انا ثالث حمل خلاص عارفه كلشي و ماعندي اسئلة وايد ادش اسوي سونار اتطمن و اطلع مراجعاتي سريعه و ماهمني الدكتورة غير تكون بشوشة و اسلوبها محترم هههه

 

[om.malak]

انا سامعه عن ندى مدح عليها
بس سلوى اول مره اسمع عنها
حاليا اراجع عند د.خالده بس مره وحده سوتلي على عيله بس كان ويها مصوفر فقلت معذوره
بس للامانه دقيقه ومن غير ما اسئلها تعلمني لاني بجريه وماعرف وايد اشياء
الله يسهل علينا ي رب

 

[&&بروق&&]

انا الدكتوره خالده لما تقول لي وزن البيبي تقول وزنه مثلا كيلو و400 ممكن + 100 جرام او - 100 جرام


بس بهالحدودً


وانا دايما عيالي صغار تعطيني البروتينات بالحليب وتقول لي اكلي موز واكلي اش اللي عند النخي والباجلا
حيل مفيد كل الخضار فيه

 

[&&بروق&&]

دكتوره نداء كنت اراجع عندها عقب اجهاضي الاول

تفهم وشاااطره بس صح ماتفسرلج كل حالتج
واهي لها اسلوبها انها تعالجج نفسيا قبل جسديا
يعني تقولج انتي مثاليه وكل شي ممتاز بس استخدمي هالدوا

انا كنت اراجع عندها لما كانت بعلاج كلينك

فما كانت تقول لي شنو حالتي بالضبط او شنو فيني
لا بس تمدح كل شي وتعطيج علاج

بالنسبه لي انا
هالشي غلط لانج راح تهاونين بالعلاج او النظام الغذائي اللي عطتجياه

لو قايلتلي فيج وفيج وفيج ويلزمج هالعلاج جان التزم فيه عدل
واهي علاجها دايما صح وقليله اخطاءها وتكتب بملفج كل شي بس ماتكون قايلتلج

حبيت خالده لانها تعطيج كل شي بوجهج
حتى مرات تقولج ترى اذا ماستخدمتي الشي هذا او ماسويتي اللي قلتلج راح يصير فيج جذي وجذي

وبالنسبه للولاده اعرف واجد والدين عندها وكرروا الولاده عندها لانها زينه

 

[درة التاج]

الله يسهل علا الكل
بس حبيت أقول لكم استخيروا قبل لا تروحون
لأي دكتورة
موفقين

 

[om.malak]

صح كلامج بروق
انا بوزن البيبي تعطيني بحدود رقمين
وهم صح تقولج اذا ماسويتي الي اقولج عليه ممكن يصير هالشي احس احسن تقول وماتجامل
احسن عشان تاخذين كلامها بجد

 

[سيكولوجية]

واي بنات تأزمت

كلما اروح بشوف الغرف كله فل ماقدر اشوف !

زهقت ابي اشوف الغرف واختار شنو اللي يناسبني


جان زين وحده عندها صور الغرف تورينا

 

[درة التاج]

واي بنات تأزمت

كلما اروح بشوف الغرف كله فل ماقدر اشوف !

زهقت ابي اشوف الغرف واختار شنو اللي يناسبني


جان زين وحده عندها صور الغرف تورينا

سلام عليكم
سيكولوجية حبيبتي دشي موقع رويال حياة
Hospitality
Suites
تشوفين الغرف كلها
واذا حصل انك رحتي لمراجعة علا يوم
روحي الدور الثالث قولي ابي أكلم مدام وداد عقل
اذكر مرة كنت ابي اشوف غرف كاميليا وكانو كلهم
فل ورحت لها وخلتني اشوف أكثر من وحدة لأنهم
ألوان
موفقة

 

[درة التاج]

الغرف كانت حزتها فل
وقالت لي الي موجود عندها واقدر أشوفها قاعدين
ينظفونها ويرتبونها قلت عادي انا ابي اشوف المساحة مالتها

 

[درة التاج]

سيكولوجية انتي تراجعين عند اي دكتورة بالمستشفى؟

 

[Aloe Vera]

مثل ماقالت درة التاج

طلبي موعد مع وداد اهي مسئولة الغرف و توريج اياهم قوليلها ابي اشوف كل الانواع
انا علطول اتعامل وياها

 

[سيكولوجية]

يعطيكم العافيه بنات

دقيت على وداد وقالتلي اذا ناويه تين دقي قبلها عشان اقولج اذا تين وله لا
بدال لاتتعنين عالفاضي


دره انا ابي اراجع عند نجلا
بس للحين مارحت عندها
ﻷني اراجع عند دكتوره اهي معالجتني حق الحمل وصارلي سنتين معاها
بس مشكلتها ماتولد موقفه توليد ف قالتلي وقت ماتبين تروحين اعطيج ملفج وتقرير عن حالتج وروحي
ف قلت عالسادس وله السابع اخذ ملفي واروح لها

 

[ارقى عروسه]

انا اليوم راجعت عند دكتوره ايمان

شكلها مصريه

احد سامع فيها من قبل؟

انا صراحه اول مره تمر علي بس قلت ابيها عشان مابي الزحمه

 

[&&بروق&&]

ارقى عروسه

دكتوره ايمان
بأي مستشفى